رواية زواج غير مدبر الفصل الحادي والثلاثون31والثاني والثلاثون32 بقلم اسماء سلام


 رواية زواج غير مدبر الفصل الحادي والثلاثون31والثاني والثلاثون32 بقلم اسماء سلام

تانى يوم فى الشغل 
 
حسام هه عرفت مين صاحب الرقم ده اللى بيكلم مراتى بقالوا فترة 
 
احمد للأسف يا حسام معرفتش  
 
حسام يعنى ايه معرفتش ،بقالك كام يوم مش عارف 
 
احمد غصب عنى ، صاحب ولا صاحبة الرقم ده ذكى جدا لانه جايب رقم خاص من الشركة من غير ما يسجل اسمه وكمان منقدرش نعرف المكالمات اللى بيعملها ، يعنى اللى جايب الخط ده جايبة علشان مهمة معينة وعلشان محدش يعرفه  
 
حسام بغضب يعنى ايه مش هنعرف هو مين  
 
احمد معلش فى السؤال هى صاحبة الرقم ده بتكلم مراتك وتقولها ايه  
 
حسام مينفعش اقولك لان دى اسرار بيوت يا احمد ، انت اه اخويا واكتر بس دى مراتى  
 
 
  
احمد تمام مفيش مشكلة يا احمد ، أنا بجد فرحان انك خايف على مراتك كده  
 
حسام سرح وقال رحاب دى تعويض ربنا عن كل ذنب عملتله ، دى الهواء اللى بتنفسه يعنى لو بعدت دقيقتين عنى هموت فيها ، انت مش ممكن تتخيل أنا بحبها قد ايه  
 
احمد ربنا يسعدكم مع بعض ومتخافش أنا هحاول بقدر الامكان اعرف مين الشخص ده  
 
حسام يا ريت وبسرعة كمان يعنى عندك حوالى يومين بالكتير لان الموضوع خطير  
 
احمد مشى وساب حسام  
 
حسام والله لعرف انتى مين وساعتها مش هرحمك  
 
بعد الشغل حسام راح عند رحاب وخدها مطعم علشان يتكلموا شوية بعيدا عن جو البيت  
 
رحاب قوللى يا حسام عملت ايه  
 
حسام متخافيش يا حبيبتى، باذن الله هنعرف هى مين بس متقلقيش  
 
رحاب بدموع أنا خائفة اوى يا حسام ، خايفة تفرقنا أو تأذى بنتنا ، دى قالتلى اخر مرة أنها ممكن تقتلك  
 
 
  
حسام مسح دموعها وقال خلى ثقتك دائما بربنا يا رحاب ، ومدام أنا عارف انها عايزة تفرقنا فمستحيل تعمل كده ، واحسن حاجة عملتيها انك قولتيلى أن فى واحدة بتكلمك وبتهددك  
 
رحاب من بعد ما انت قولتلى على علاقاتك قبل الزواج واتصالحنا وكل واحد وعد التانى أنه ميخابيش عن التانى حاجة فهى لما كلمتنى قولتلك علشان تكون معايا لانك عارف انى بخاف من اى حاجة وبالذات لو الحاجة دى انت يا حسام  
 
حسام يا رحاب أنا معاكى  
 
Flash back 
 
حسام عدى على رحاب علشان يجبها من الشغل  
 
فى العربية  
 
رحاب حسام خدنى على مكان نقعد فيه لوحدنا  
 
حسام ماشى يا رحاب بس فى حاجة ولا ايه 
 
رحاب ودينى وبعدين نتكلم  
 
حسام خد رحاب على كافيه  
 
حسام يلا قوليلى مالك بقى  
 
رحاب الصراحة فى حاجة عايزك تعرفها  
 
حسام ايه هى  
 
رحاب فى واحدة عماله تكلمنى من يومين ومعاها صورنا واحنا مع بعض فى اوضة النوم وهى بتبتزنى بيها 
 
حسام ورينى كده 
 
حسام اول لما شاف الصور والفيديو اللى البنت بعتاه اتصدم جدا  
 
حسام اه يا بنت * ، ها وبعدين عايزة منك ايه   
 
رحاب هى فى الاول قعدت تقولى أنى خدت حاجة مش بتاعتها وانى لازم اسيبها وطبعا أنا مكنتش فاهمة فطنشتها وبعدين عملت بلوك ليها فكلمتنى من رقم تانى بس بعتتلى الصور دى والفيديو ده وكل لما تقرب منى أو تحضنى تبعتلى الصورة وهى مراقبة البيت كله  
 
حسام طب هى جابت الحاجات دى ازاى وكمان ازاى دخلت البيت  
 
رحاب معرفش يا حسام  
 
حسام طب قالتلك ايه تانى  
 
رحاب عايزانى ابعد عنك يا حسام وقالتلى لو مبعدتش عنك هتنشر الصور دى على النت وكل الناس هتشوفها  
 
حسام كمل وقال وطبعا كده سمعتك هتكون فى الارض لأن مش كل العالم عارف اننا متجوزين وحتى لو متجوزين الصور والفيديو ده مينفعش ينزل ابدا ، دى كده هتكون فضيحة لينا وانا ممكن اموت فيها لو حد شاف شعره منك فما بالك بالحاجات دى  
 
رحاب بعد الشر عليك يا حسام ، متقولش كده تانى  
 
حسام مسك ايديها وقال متخافيش أنا معاكى  
 
رحاب طب انا اعمل ايه دلوقتي مينفعش ابعد عنك ولا ينفع الصور دى تتنشر على النت 
 
حسام قعد يفكر شوية وبعدين قال  
 
حسام بصى يا رحاب احنا لازم نعمل عليها خطة وهى أننا نوهمها انك خايفة وانك هتبعدى عنى وانى متضايق منك جدا وأننا بقينا بعاد عن بعض وبكده هى هتفكر أنها انتصرت ومش هتنزل الصور وكمان هيكون عندنا فترة نعرف هى مين عن طريق نعرف صاحب الرقم والمكالمات اللى بتعملها لكن لو انتى رفضتى اللى هى طلبته منك فهى ممكن تنزل الصور وكده نكون خسرنا ومتخافيش أنا معاكى  
 
رحاب ماشى يا حسام بس هنعمل كده ازاى  
 
حسام سهلة اوى ، متخلينيش اقرب منك يعنى كل لما احاول اقربلك أو احضنك أو كده ترفضى بأى حجة انك تعبان أو ملكيش مزاج وده اولا علشان متاخدش صور لينا تانى وكمان علشان هى تفكر أنك بتنفزى الخطة  
 
رحاب طب ليه مندورش على الكاميرات اللى فى الشقة ونشيلها  
 
حسام لأ مينفعش  
 
رحاب ليه مينفعش مع ان كده هى مش هتعرف تتجسس علينا  
 
حسام هقولك ليه مينفعش ، اولا احنا مش عارفين هى دخلت الكاميرات دى ازاى فممكن معاها مفتاح للشقة وكمان لو شيلناها فممكن تنزل الصور وانا مش عايز كده خالص وكمان ممكن تحط كاميرات تانى فالافضل أننا نخليها واثقة أنها هى اللى كسبانا لحد ما نعرف هى مين وعايزة ايه  
 
رحاب حاضر بس خليك معايا يا حسام 
 
حسام يا
رحاب أنا بحبك وعمرى ما اسيبك ابدا بس انا عايزك تبقى قوية كده ومتبقيش ضعيفة وساذجة كده لان اللى زيك مش هيعرفوا يعيشوا فى الزمن ده  
 
رحاب غصب عنى يا حسام بس تعبت من كلام الناس ليا علشان كده بقيت ضعيفة  
 
 
  
حسام ده كان ماضى وراح لكن دلوقتي أنا زوجك حبيبك وانتى حامل ببنتنا يعنى دلوقتى حياتك احسن فلازم تجمدى كده  
 
رحاب حاضر يا حسام هحاول  
 
حسام وانا معاك يا حبيبتى بس الاول نخلص من الست اللى بتكلمك دى وكمان يا ريت لو عايزة تقوليلى حاجة متقوليش فى الموبايل لانها ممكن تكون مراقباه وكمان ممكن حاطه حاجة فى العربية فلو عايزة تقوليلى حاجة قوليلى تعالى نخرج أو نروح اى مكان وبكده نتكلم عادى  
 
رحاب حاضر يا حسام  
 
حسام يلا يا روحى  
 
End 
 
رحاب يعنى لسه معرفتش هى مين  
 
حسام هى باين انها ذكية فاصبرى شوية و اوعدك هعرف هى مين وكمان متنسيش لما نبقى مع بعض تقفلى موبايلك وانا أقفلت موبايلى 
 
رحاب حاضر يا حسام ، أنا عملت كده بس انا عايزة أسألك سؤال  
 
حسام ايه هو  
 
رحاب انت قولتلى انى أمثل انى مش عايزاك تقرب منى علشان هى تعرف أننا ماشيين زى ماهى عايزة بس ليه امبارح قربت منى  
 
حسام الصراحة كنتى وحشتينى اوى وساعتها مفكرتش فى اى حاجة غير انى عايزك وخلاص 
 
رحاب ماشى يا حبيبى ممكن نروح بقى 
 
حسام لأ تعالى نتمشى على البحر شوية  
 
حسام قعد يتمشى مع رحاب على البحر ويرش عليها شوية مية وهى ترش عليه وقعدوا يلعبوا ويجروا ورى بعض علشان يخلى رحاب تضحك وتنسى المشاكل لأنها حامل والزعل غلط عليها وعلى الجنين  
 
على المغرب حسام ورحاب روحوا البيت 
 
منة اول لما شافتهم وشافت أنهم مبسوطين  
 
منة كنتم فين كل ده  
 
حسام مفيش كنت بفسحها شوية علشان نفسيتها تتحسن زى ما الدكتور قال علشان البنت تجى مبسوطة وتبقى قمر زى امها مش كده يا رحاب  
 
رحاب بخجل اه يا حسام ، أنا هدخل اغير بقى  
 
رحاب دخلت تغير وسابت حسام مع منة  
 
حسام قرب من منة وقال أنا مش مطمنلك ابدا وبعدين دخل يغير هدومه  
 
منة ماشى يا حسام أما خليتك ترجعلى مبقاش اسمى منة  
 
عند رحاب وحسام  
 
حسام قرب منها وقال ايه رأيك فى الخروجة بس ليه كنتى متضايقة كده 
 
رحاب بعدت عنه وقالت دى كانت خروجة زفت ، أنا تعبت منك يا حسام ، الدكتور بيقولك ترتاح وانت تصر نتمشى، انت ايه يا اخى مش بتحس ولا ايه  
 
 
  
حسام بزعيق فى ايه يا رحاب ، شكلك مش عاجبني ليه،انا لاحظت انك متضايقة فقولت نخرج شوية ونتمشى ونتكلم بس حضرتك كنتى ضاربة بوز ومش راضية تقولى حاجة ، أنا عايزة اعرف انتى ليه بتعملى كده معايا ، فين رحاب اللى كانت بتحبنى 
 
رحاب الصراحة انا مبقتش طايقاك ، أنا بفكر اسيبك وامشى واروح اى مكان بعيد عنك لمدة كام يوم كده  
 
حسام ليه هو انا عملتلك حاجة ، دنا قايدلك صوابعى العشرة شمع بس انتى مش شايفة حاجة  
 
رحاب شايفة ولا مش شايفة مش مهم ، أنا مبقتش طايقاك خالص  
 
حسام احترمى نفسك يا رحاب ، متنسيش أنك بتكلمى زوجك  
 
رحاب هههههههههههه جوزى ،فين جوزى ده  
 
حسام أنا هطلع بره لأنى لو قعدت كمان شوية ممكن ارتكب جريمة  
 
حسام طلع بره البيت وراح قابل شخص  
 
حسام ازيك  
 
ممدوح الحمد لله مين حضرتك  
 
حسام أنا الضابط حسام محمد الشعراوي، ضابط فى الجيش المصرى  
 
ممدوح تشرفت يا فندم ، ازاى اساعدك  
 
حسام خد النمرة دى وعايزك تعرف مين صاحبها والمكان اللى النمرة دى موجودة فيه دلوقتى بالضبط ، معاك 24 ساعة تعرفلى كل المعلومات  
 
ممدوح بس يوم واحد مش كافى 
 
حسام طلع فلوس وادهاله وقاله أنا سألت عنك وفى ناس كتير قالولى انك خبير الاتصالات يعنى المهمة دى سهلة عليك وكمان الموضوع ده فى حياة أو موت يعنى أنا عايزه يخلص بسرعة  
 
ممدوح حاضر يا فندم بكرة زى دلوقتي هقابلك فى نفس المكان واقولك كل المعلومات اللى عايزها 
 
 
  
حسام ماشى بس الرقم ده رقم خاص يعنى الشركة مش مديه اى معلومات عنه  
 
ممدوح متخافش يا بيه، أنا هجيبلك كل حاجة  
 
حسام تمام يا ممدوح وبكرة تاخد باقى الفلوس  
 
عند رحاب  
 
رحاب قعدت تعيط فى الاوضة وقالت سامحنى يا حسام بس مضطرة اعمل كده وبعد شوية دخلت عليها منة  
 
منة بشماته مالك يا رحاب فيكى ايه وليه بتعملى كده مع حسام وتزعقى فيه كده 
 
رحاب بس انتى عرفتى منين واصلا الصوت مش بيطلع من الاوضة اوى  
 
منة ارتبكت وقالت اصل اص...ل ... اصل حسام نازل متضايق فقولك اكيد اتخانق معاكى  
 
رحاب مفيش بس مشاكل بتحصل بينا اى زوجين  
 
منة ماشى  
 
بعد شوية حسام جه وطبعا رحاب قاعدة فى غرفتها وبتعيط 
 
منة مالك يا حسام فيك ايه 
 
حسام ملكيش دعوة بيا  
 
منة انت ليه بتعاملنى كده  
 
حسام امال اعاملك ازاى ، شايفك عماله تدخلى فى اللى ملكيش فيه  
 
منة ليه كده مش طايقنى  
 
حسام بصى أنا مفيش حيل للكلام معاكى 
 
منة علشان اتخانقت مع رحاب صح  
 
حسام وانتى عرفتى منين  
 
منة رحاب قالتلى ، انت متخيل أنها هتخبى عن اختها حاج
ة ولو مش مصدقنى روح اسألها 
 
حسام ولا أسأل ولا مسألش مش فارقة معايا ، اصلا ساعات بحس ان رحاب مش الشخص المناسب ليا 
 
منة أنا بردو حاسه كده وبعدين قربت منه وحطت أيدها على أيديه ولا ايه رأيك  
 
حسام بعد ايده عنها وقال بزعيق  
 
حسام اول واخر مرة تلمسينى تانى ومتنسيش انك فى بيتى يعنى ممكن اطردك بس عامل حساب لأختك  
 
منة بس انت مش بتحب رحاب فليه متطلقاش 
 
حسام انتى مالك ، يلا ادخلى جوه بدل ما اطردك دلوقتي بره  
 
منة قامت دخلت الاوضة وهى متعصبة  
 
حسام نام على الكنبة بره لانه متخانق مع رحاب  
 
تانى يوم حسام راح الشغل من غير لما يكلم رحاب لانه متخانق معاه  
 
باليل حسام راح يقابل ممدوح  
 
حسام عرفت مين صاحب الرقم  
 
حسام رجع البيت  
 
رحاب كنت فين يا حسام ، قلقتنى عليك  
 
حسام مش مهم ،معلش يا رحاب يا عايزة تروحى تقعدى عند اهلك شوية لانى مش قادر اكلمك ولو استمر الوضع كده ممكن للأسف نتط 
 
رحاب حطت أيدها على بقه وقالت متقولهاش علشان خاطرى  
 
حسام طب روحى عند اهلك كام يوم وبعدين تعالى بحيث نكون صفينا من بعض  
 
منة طب انا اعمل ايه واروح فين  
 
حسام انتى هتخليكى هنا لانك مش هينفعى تروحى عند اهلك دلوقتي علشان مش هيتقبلوكى  
 
طب وانت هتروح فين  
 
حسام هروح عند اهلى الفترة دى وبكده تكونى قاعدة فى البيت لوحدك  
 
منة طب متقعد هنا وخلاص مفيش مشكلة  
 
حسام مينفعش اقعد معاكى لوحدنا ، يلا يا رحاب لمى هدومك علشان اوديكى عند اهلك  
 
رحاب ماشى يا حسام ودخلت لمت هدومها  
 
عند بيت اهل رحاب  
 
حسام ورحاب نزلوا من العربية علشان رحاب تدخل عند اهلها  
 
رحاب حضنته جامد وقالت مش قادرة ابعد عنك يا حسام  
 
حسام بادلها الحضن بشدة وقال وهو بيعيط غصب عنى بس لازم ابعدك فترة عن المشاكل علشان تكونى كويسه وعلشان بنتنا  
 
رحاب طلعت من حضنه وقالت بس انا مش مطمنة يا حسام ، حاسه انك مخبى عليا حاجة  
 
حسام قرب منها وحط أيدها على وشها وسند رأسه على رأسها وقال أنا بعمل كده علشانك واعرفى انى بحبك يلا بقى ادخلى  
 
رحاب دخلت عند اهلها وهى بتعيط  
 
حسام لام رحاب خلى بالك منها يا مرات عمى ويومين وهرجع اخدها 
 
ام رحاب هو فى ايه يا بنى ، ورحاب بتعيط عليه ، أنا كنت عندكم مش شهر وكنتم كويسين ، ايه اللى حصل بقى 
 
حسام مفيش يا مرات عمى شوية مشاكل عادية وهتروح لحالها وكمان أنا مشغول اليومين دول علشان كده جبتها هنا علشان تهتمى بيها  
 
ام رحاب ماشى يا حسام بس ادخل على الأقل  
 
حسام معلش مرة تانية علشان مستعجل  
 
حسام مشى وراح عند البحر  وافتكر كلام ممدوح  
 
Flash back 
 
حسام عملت ايه يا ممدوح 
 
ممدوح كله تمام يا بيه، دى كل المعلومات عن الرقم واول مكالمة كانت لمين وامتى اشتغل ودلوقتي الرقم ده موجود فين  
 
حسام بس انت واثق من المعلومات دى وعرفت ازاى والرقم ده رقم خاص 
 
ممدوح يا باشا مش اول مرة اعمل كده وكمان أنا عملت اصعب من كده بكتير وكل المعلومات صح  
 
حسام اتفضل خد فلوسك اهى  
 
ممدوح تسلم يا باشا ولو احتجت اى حاجة تانية أنا رقبتى سدادة  
 
حسام تشكر يا ممدوح  
 
End 
 
 حسام بعياط ليه كده ، اعمل ايه دلوقتي، أنا عارف انى كدبت عليكى يا رحاب بس ده افضل ليكى ، ازاى اقولك أن اختك اللى بتحبيها هى اللى بتهددك وهى اللى عايزه تفضحك وعايزاكى تبعدى عن زوجك وانتى اللى دخلتيها بيتك ، ازاااااى وكمان بتهددك وهى قاعدة معاكى  
 
أنا خائف اقولك تتعبى وخصوصا أن آخر المرة الدكتور قالى ابعد عن اى توتر علشان صحة الجنين فقولت اوديكى عند اهلك ،و اوعدك يا رحاب لدفع منة التمن غالى على اللى عملته وكل اللى اشتركوا فى الجريمة دى 

الفصل الثاني والثلاثون32
حسام والله لوريكى يا منة انتى وكل اللى معاكى بس الاول افكر هعمل معاكى ايه
حسام قعد يفكر شوية ازاى هياخد الفيديوهات من عند منة وكمان يعرف مين اللى مشترك معاها وازاى اعرف رحاب حقيقة منة ، بجد منة دى مينفعش يتقال عليها اخت دى شيطانه والعياذ بالله
حسام رجع البيت ولقى منة قاعدة ومبسوطة
منة اتخضت انه جه
منة حسام !!! انت جيت ليه ، اقصد مش قلت هتقعد عند امك
حسام بلا مبالاة عادى بيتى واجى وقت منا عايز
منة طبعا براحتك وبعدين اتكلمت بدلع وقالت اعملك حاجة تشربها أو تاكلها
حسام معلش يا منة مليش نفس
منة قربت منه وقالت مالك يا حسام
حسام مفيش ممكن تسيبينى لوحدى وسابها ودخل جوه
حسام دخل الاوضة وبعد يفكر شوية وبعدين نده على منى تجيلة
منة ايوه يا حسام كنت عايز ايه
حسام قام حضنها وقال وحشتينى اوى
منة اتصدمت من تصرفاته وقالت يا حسام أنا منة مش رحاب
حسام منا عارف بس انا لسه بحبك وعايزك وكمان أنا وديت رحاب عند اهلها وقلت انى هقعد عند امى علشان متشكش فى حاجة بس دلوقتي مدام لوحدنا مش قادر اخبى حبى ليك
منة قربت منه وقالت بجد يا حسام انت لسه بتحبنى
حسام واكتر من الاول ، انتى مش متخيلة أنا عندى كمية مشاعر رهيبة تجاهك
منة قامت حضنته وقالت حبيبى يا حسام كان قلبى حاسس انك بتحبنى بس ليه كنت بتعاملنى بأسلوب وحش
حسام طلعها من حضنه وقال كان لازم اعمل كده علشان رحاب موجودة
منة ماشى يا حبيبى ،طب هنعمل ايه دلوقتي
حسام عايزك تلبسيلى القميص اللى كنتى لابساه لما جيتى تشوفينى أنا ورحاب نايمين
منة مصدومة من كلام حسام
حسام أنا فاهمك يا حبيبتى وعارف انك عملتى كده علشان بتحبينى بس انا بقالى فترة مش بقرب لرحاب فعايزك النهاردة تكونى ليا ، ايه رأيك
منة أنا مش متخيلة اللى بيحصل ، انت عارف انت بتقول ايه يا حسام
حسام خلاص لو مش عايزة براحتك ،يلا اطلعى وخدى الباب معاكى
منة علطول قفوش كده ، استنى الكلام اخد وعطى
حسام خلاص روحى غيرى والبسى القميص عقبال لما اجيب حاجة نشربها
منة حاضر يا روحى
منة قعدت تجهز نفسها وكأنها عروسة ومش متخيلة اللحظة وقعدت تحط برفان وميكب ولبست القميص وبقت شبه العروسة
فى نفس الوقت حسام كان فى المطبخ وعمال يعمل عصير علشان يستعد لليلة المهمة دى
حسام دخل الاوضة وشاف منة وهى متجهزة ليه
حسام صفر وقال واو بجد ، انتى جميلة اوى
منة طبعا شوفت بقى الفرق بينى وبين رحاب
حسام فعلا لاحظت الفرق وكمان الفرق كبير جدا مينفعش تتحطى فى مقارنة اصلا
منة حبيبى يا حسام
حسام تعالى نقعد ونشرب العصير
حسام خدى اشربى العصير ده
منة خايفة ليكون حاطط حاجة ليها فى العصير
حسام فهم هى بتفكر فى ايه وقال
حسام متخافيش مش حاطط حاجة فى العصير وشرب شوية من كل كوباية وقال شوفتى مفيش حاجة
منة مش قصدى حاجة بس انك تتغير كده وتقولى عايزك دى مفاجأة ليا
حسام مش مهم الكلام ده دلوقتي ، يلا اشربى
حسام ومنة شربوا العصير
حسام بدأ يقرب منها وقال
حسام انتى بنت ولا لأ
منة اتكسفت وقالت بس يا حسام
حسام عادى يا منة مجرد سؤال يعنى الشخص اللى اتعرفى عليه ده اتجوزك ولا لأ وهل حصل بينكم حاجة ولا لأ ولا القصة دى فبركة من عندك
منة الصراحة القصة دى من دماغى وانا اللى ألفتها ، الحقيقة أنا هربت بس مع شخص عرفته وكان غنى وكان فى علاقة بينا من غير زواج بس خسر كل فلوسه فرجعت ليك بس انا مكنتش بحبه ، أنا كنت بحبك انت مش بحب غيرك
حسام ماشى يا روحى وبعدين قرب منها جدا وقال
حسام انتى بتحبينى يا منة
منة اه وجدا كمان يا حسام
حسام طب ايه يثبتلى ده وكمان اعمل ايه في رحاب دى بردو مراتى ، انا ماشيتها علشان نكون لوحدنا وبعدين خلع الجاكيت بتاعه
منة بصراحة أنا بكلم رحاب وبهددها أنها لو مسابتكش هنشر صور ليكم خاصة
حسام وانتى جبتى الصور دى منين
منة منا مركبة كاميرات مراقبة فى البيت كله وشاوريت على مكان الكاميرا وقالت اهى هناك
حسام وانتى ركبتيها ازاى
منة لقيت فى ناس صنايعية بيدهنوا البيت فدخلت وركبت الكاميرا
حسام طب اللى هيحصل دلوقتى ده هيصور بردو ولا ايه
منة قعدت تلعب فى زراير القميص وقالت
منة متخافش انا مش عايزة التانيين يشوفوا حاجة
حسام التانيين مين
منة زياد زميل رحاب فى الشغل
حسام تمام يلا بقى
منة وقفت الكاميرا وقالت يلا يا حبيبى
حسام طب مش متضايقة أن رحاب متستاهلش كل ده
منة لأ تستاهل لأنها خدتك منى بس فى الاخر رجعتلى أنا لانك بتحبنى وبعدين كلمت زياد وقالتله يوقف الكاميرا وفعلا زياد عمل كده و كل كاميرات البيت وقفت
حسام قلع القميص وقرب منها وقال اللعبة خلصت يا قطة وقام بعد عنها
منة لعبة ايه
حسام التمثيلية دى كلها ، هو انتى مفكرة انى بحبك أو هقرب منك ، بجد كنت مفكرك ذكية بس للاسف طلعتى غبية جدا واعترفتيلى بكل حاجة من غير تعب خالص ، دنا كنت بقول انك هتتعبينى اوى عقبال لما تعترفى بس الموضوع طلع سهل جدا
منة ايه اللى بتقوله ده يا حسام وكمان متنساش انى معايا صور وفيديوهات ليكم ولو اتنشرت على النت هتبقى فضيحة كبيرة ليكم
حسام مسكها مش شعرها وقال ابقى اعمليها كده وانا هوريكى النجوم فى عز الظهر وصحيح أنا نسيت اقولك أن كل الكلام ده مصور صوت وصورة
منة ازاى يعنى وانا مشفتش انك بتحط كاميرا ولا حاجة
حسام قرب وجاب قلم حديث وقال اقدملك الكاميرا الحديثة دى يعنى كل حاجة دلوقتي معايا ولو فى حاجة انتشرت هنشرها على النت وكمان هقول للناس أن رحاب مراتى وكمان عندى ليكى مفاجأة
منة ايه هى
حسام رن على حد وبعدين فتحوا الباب وجم
حسام اقدملك ضابط اداب يعنى كلامك وان تصورى راجل ومراته وهما على السرير مع بعض وبتبتذى بيها الناس فده جريمة فيها كام سنة سجن وكمان أنا دلوقتي ممكن البسك قضية زنا يعنى اخلى اى عسكرى من دول يقلعك هدومك ونصوركم مع بعض والضابط موجود وهتبقى فضيحة على الملأ
منة بس انت مش هتعمل كده
حسام ضربها بالقلم جامد على وشها وقال لو نشرتى حاجة فأنا هعمل اكتر وساعتها هخليكى تقضى حياتك كلها فى السجن و هوصى الناس عليكى
منة بخوف حاضر ، المهم عايز منى ايه
حسام ضربها تانى بالقلم وقال أول حاجة تمسحى كل الفيديوهات اللى عندك من الموبايل وتكلمى اللى معاكى يمسحوهم كمان ودلوقتي حالا ولو عرفت أن معاكم نسخة تانية والله ساعتها لدخلك السجن بقضية مش هتخرجى منها ابدا حتى لو وكلتى مليون محامى
منة مسحت كل الفيديوهات وقالت لزياد كذلك
زياد بس ليه امسحهم ، هو فى حد بيبتذك
منة بصت لحسام وبعدين قالت لأ مفيش بس دلوقتي حسام طلع بيحبنى يعنى الفيديوهات ملهاش لازمة وميبقاش معاك ولا نسخة
زياد ماشى وفعلا مسحهم وقالها أنا مسحتهم
منة ماشى يا زياد يلا سلام
حسام ايوه كده زى الشاطرة وبعدين ضربها قلم كمان وقال ده علشان خوفتى مراتى وعيشتيها فى رعب وضربها قلم كمان وقال وده علشان حاولتى تقربنى منى واخر قلم علشان تفتكرينى وتبعدى عنى وعن مراتى وانا بحذرك اهو
لوسحمت يا حضرتك الضابط اقبض عليها ومعاك كل الأدلة تسجيل صوت وصورة باعترافها وبعدين وجه كلامه لمنة وقال
حسام يلا يا ماما اطلعى من حياتنا
منة بس انت قولتلى احذف كل حاجة ومش هدخل السجن
حسام أنا مقلتش كده وكمان أنا مضمنكيش فالافضل انك تدخلى السجن علشان ارتاح أنا ورحاب منك ومن مصايبك وكمان هنجيب زياد معاكى
العساكر قبضوا على منة
حسام شكرا يا حضرت الضابط بجد مش عارف اشكرك ازاي
الضابط لا شكر على واجب يلا سلام
الضابط والعساكر مشيوا ومعاهم منة
حسام قعد على الأرض وعمال يعيط لانه حاول يقرب من منة مع أن غرضه شريف بس كده خان رحاب فقام وخد دش علشان يشيل لمسات منة من عليه
حسام قام خد شاور
تانى يوم فى الشغل
حسام حكى لاحمد على كل حاجة
احمد بجد برافوا عليك يا صاحبى انك عملت كده بس ليه متضايق
حسام علشان منة لمستنى
احمد أنا عارف ان اللى عملته حرام وانك حاولت تقرب من منة بس كان غرضك شريف وكمان محصلش حاجة بينكم فتوب لربنا و انسى الموضوع وشيله من دماغك خالص وبعد الشغل رجع مراتك
حسام مش قادر أبص فى وشها، حاسس انى خاين
احمد متخليش الشيطان يا حسام يضحك عليك ويبعدك عن مراتك ، خلاص الموضوع انتهى ارجع بقى لرحاب وعيش حياتك بسعادة معاها وربوا بنتكم
حسام يا ريت الموضوع سهل كده ، أنا مش قادر أبص فى المرايا وأشوف شكلى
احمد تعالى نخرج نشم شوية هوا علشان تطلع من المود ده وبعدين نرجع تانى
احمد خد حسام وراحوا قافيه على البحر
احمد يلا بقى انسى الموضوع وروح هات رحاب
حسام مش قادر والله ابص فى وشها ، وكمان بعد اللى عملته مع اختها ، ممكن تكرهنى
احمد مستحيل رحاب تعمل كده لأنها بتحبك وانت عارف كده كويس بس ده خوف مش اكتر
حسام مش عارف اعمل ايه
احمد أنا هروح اطلب لينا حاجة نشربها وبعدين ارجع لك نكمل كلامنا
حسام ماشى
احمد طلب عصير ليه وقهوة لحسام
احمد بص يا حسام ، اللى انت عملته ده المفروض اى راجل يعمله لمراته علشان هى شرفه ومدام عملت كده خايف ليه وكمان رحاب بتحبك ومستحيل تفكر غلط بالعكس هتكون مبسوطة اوى بيك
حسام بس هى حامل والزعل غلط عليها يعنى ممكن لو عرفت أن اختها اتسجنت بسببى ممكن تتعب
احمد دى شغلتك بقى ، انك تكلمها بهدوء ومتخليهاش تتعصب وتتضايق
حسام شكلك خبير مع مراتك
احمد ربنا يخليها ليا بجد من ساعة لما دخلت حياتى وانا مبسوط
حسام ربنا يسعدك علطول يا احمد ، انت بجد طيب وصاحب صاحبك وتستاهل كل خير
احمد حبيبى ربنا يخليك المهم تروح وترجع مراتك وتخليك جنبها وخصوصا أن الحمل اكيد بيتعبها يعنى مش هيكون تعب جسدى ونفسى كمان
حسام فعلا معاك حق ، أنا لازم اروح
احمد ايوه كده يا صاحبى
حسام واحمد رجعوا الشغل
عدى اربع ايام وحسام مرحش يجيب رحاب ، كل يوم يقول هيروح بس مش بيروح بس بعدين قرر يروح يجبها خلاص واللى يحصل يحصل
بعد الشغل حسام روح نام شوية لانه تعبان جدا ومعرفش ينام بقاله كام يوم من ساعة اللى حصل وبعد المغرب حسام راح عند بيت رحاب علشان يجبها
حسام خبط على بيت مرات عمه
ام رحاب ازيك يا حسام يا بنى اتفضل
حسام دخل مع مرات عمه
حسام ازيك يا مرات عمى عاملة ايه
ام رحاب الحمد لله بخير يا بنى
حسام عمال يبص بعينه فى كل مكان علشان يشوف رحاب فين وام رحاب لاحظت كده
ام رحاب مش هنا
حسام هى مين
ام رحاب يا ولا عليا الكلام ده ، رحاب مش هنا هى جو ، يا عينى من ساعت لما جت وهى مش راضية تاكل ولو كلت بتاكل على بنتها وكمان حاجة بسيطة بجد انا خايفة عليها اوى
حسام بخوف على رحاب وليه مقولتليش يا مرات عمى أو رنيتى عليا
ام رحاب والله غصب عنى يا ابنى علشان رحاب قالتلى ما قولكش
حسام ماشى يا مرات عمى أنا هدخل ليها ممكن تسيبينى معاها براحتنا
ام رحاب حاضر يا حبيبى ربنا يسعدكم مع بعض
حسام راح عند غرفة رحاب وفكر يخبط بس قال لأ علشان تبقى مفاجأة ليها
حسام دخل الاوضة ولقى رحاب ممددة على السرير بس صاحية وباين عليها الزعل واول لما سمعت الباب فتح بصت علشان تشوف مين لأنها قائلة لأمها أن محدش يدخل ليها وكمان الشخص ده دخل من غير لما يخبط
رحاب اول ما بصت وشافت حسام قامت بسرعة من على السرير وجريت عليه حضنته جامد وهى بتعيط على اخرها وبتقول حسام حبيبى انت جيت
حسام بادلها الحضن بقوة وقعد يمشى ايديه على شعرها وقال ايوه انا جيت يا حبيبتى
حسام ورحاب قعدوا فترة حاضنين بعض ورحاب عمالة تعيط ومش راضية تسكت
حسام طلعها من حضنه وقعد يمسح دموعها ومسك وشها بايديه وقال
حسام بتعيطى ليه دلوقتي
رحاب بعياط كنت خائفة متجيش ليا تانى
حسام ضربها على دماغها ضربة خفيفة وقال بطلى هبل يا حبيبتى وبعدين قعدوا على السرير
حسام وحشتييييينى اوى يا روحى
رحاب وانت كمان يا حبيبى بس هونت عليك تسيبنى هنا ومتجيش تاخدنى
حسام كان فى شوية ظروف هقولهالك بعدين
رحاب ماشى يا حبيبى
حسام ليه مش بتكلى ، شوفتى شكلك عامل ازاى
رحاب مكنش ليا نفس وانت بعيد عنى بس كنت بغصب على نفسى علشان بنتى
حسام ضمها ليه وقال خلاص يا حبيبتى أنا جانبك اهو ومش هبعد عنك تانى ابدا
رحاب وعد
حسام مسك ايديها باسها وقال وعد يا روح قلبى
رحاب أنا بحبك اوى يا حسام أنا متخيلتش انى بحبك اوى كده
حسام طب ودى حاجة تفرح ولا تزعل
رحاب طبعا تفرح، انى بحب زوجى حبيبى وابو بنتى ، بتحبنى يا حسام ؟
حسام حاسس انها متوترة وقلقانه علشان بعد عنها فهى بتفكر انه حب غيره
حسام أنا بعشقك يا روحى، انتى الهواء اللى بتنفسه، مستحيل ابص لأى واحدة غيرك يا رحاب وبعدين معقول حد يكون معاه القمر ده ويبص بره
رحاب بس انا تخنت اوى علشان حامل
حسام بس ده مخليكى جميلة اكتر بس انتى خسيتى شوية
رحاب علشان كنت زعلانه ومش باكل
حسام وانا جيت خلاص فلازم تاكلى، أنا هروح اجيب اكل من المطبخ علشان تكلى
حسام راح المطبخ وجاب اكل ورجع لرحاب
رحاب ايه كل الاكل ده يا حسام ، مستحيل اكل كل ده
حسام لأ هتكليه علشانى يا حوبا
حسام بدأ يأكل رحاب بايده
رحاب أنا هعرف اكل لوحدى يا حسام
حسام سيبينى اعبرلك عن حبى واعوض ايام بعدى عنك
رحاب ماشى بس كل معايا
حسام مش جعان
رحاب لأ هتاكل معايا ، انت شاكلك خاسس بردو
حسام الصراحة مكنش ليا نفس اكل وانتى مش معايا
رحاب صحيح يا حسام متعرفش منة اخبارها ايه ، عماله ارن عليها مش بترد
حسام هقولك كل حاجة بعدين بس دلوقتي خلينى احس بقربك ليا
رحاب ماشى يا حبيبى
حسام ورحاب بدئوا يأكلوا بعض وكلوا كل الاكل لأنهم كانوا جعانين جدا
حسام خد رحاب وغسل أيديهم وبعدين خدها وطلع على السطح وقعدوا مع بعض
رحاب الجو جميل هنا اووى يا حسام
حسام فعلا يا حبيبتى علشان كده جبتك هنا
حسام حط أيده على ظهرها وقربها منه وخلاها نايمة على حضنه وقال
حسام بجد حياتى من غيرك ملهاش قيمة خالص
رحاب ابتسمت و بصتله بحب يعنى يكمل كلامه
حسام متتخيليش الكام يوم دول عدوا عليا ازاى ، مكنتش بعمل اى حاجة إلا وبفتكرك ، بجد انا بحبك اوى يا رحاب وبتمنى الزمن يتعاد مليون مرة علشان احبك تانى وثالث وعاشر ومليون
رحاب وانا كمان بحبك يا حسام ، كنت خائفة تبعد عنى وبقيت بحلم بكوابيس انك رحت لغيرى بس عماله اقول لأ حسام بيحبنى ومع انى عارفه انك بتحبنى بس كنت خائفة اوى ، انت دلوقتي بقيت كل دنيتي يا حسام، أنا اديتك قلبى اللى هو اغلى حاجة عندى علشان واثقة فيك ، أنا نفسى اعيش معاك طول العمر واجيب منك عشر عيال ونعيش سوا بسعادة بس اوعى تبعد عنى يا حسام
حسام مستحيل ابعد عنك لانى بحبك وانا كمان نفسى اجيب منك عيال كتير
بعد فترة حسام نزل هو ورحاب من على السطح ودخلوا الاوضة
حسام قعد رحاب على السرير وبعدين شغل اغنية رومانسية ومد أيده ليها علشان ترقص معاه
رحاب مش بعرف ارقص
حسام أنا هعلمك كل حاجة
رحاب مدت ايديها لحسام علشان يرقصوا
حسام حط ايد رحاب فى أيده والايد التانية على كتفه وهو حط أيده على وسط رحاب وبعدين بدئوا يرقصوا على الأغنية وكلمتها بتعبر عن مشاعرهم
"لما تشوفك عينى أنا بنسى حياتى وبنسى سنينى
لما بكون وياك بلاقينى مطمناااااه
حبك ده مدوبنى وان زعلتلك مرة حاسبني
بس اوعى فى ثانية تغيب وتسيبنى "
حسام ورحاب عمالين يرقصوا على الاغانى ونسيين الدنيا كلها ورحاب حطت راسها على صدر حسام
وبعد شوية حسام ورحاب قعدوا على السرير
حسام ماسك ايدين رحاب وعمال يبص فى عينيها
حسام أنا بعشقك يا روحى
رحاب وانا بموت فيك يا حبيبى
رحاب قفلت الاغاني وقربت منه اوى وبقى وشها قدام وشه وقالت انت وحشتنى
حسام وانتى كمان وحشتينى اوووى وبعدين قرب منها جامد وقام واخد شفتيها فى شفتيه برقة وبعدين بدأ يتعمق ورحاب بادلته وعماله تقربه ليها اكتر وبعدين ايديها بدأت تفك ازرار القميص لحد ما فكت كل الزراير
حسام فصل القبلة وبص فى عينيها ولقى الرغبة بيه فلم يتمالك نفسه اكتر من كده فنزلها على السرير وهو فوقها وبدأ يشيل عنها كل هدومها ورحاب مستجيبة ليه وبعدين بدأ يبوس وشها ونزل لرقبتها ولسائر جسدها ..........🙈
وهنا تسكت شهرزاد عن الكلام الغير مباح 🤭
كانت ليلة لا تنسى لكل منهما
فى الصباح
رحاب استيقظت و وجدت نفسها فى حضن حسام فقعدت تبص فى وشه وقالت فى نفسها
رحاب يااااه ، معقول انت حسام اللى من كام شهر مكنتش طايقاه ولا عايزة اشوفه ولا حتى عايزاك تلمس ايدى لكن دلوقتي مقدرش ابعد عنك ثانية وكمان نايمة فى حضنه وبنمارس ما حلله الله لنا فعلا سبحان الله مغير القلوب وبعدين قربت منها وباسته على شفتيه وقامت علشان تقوم بس حسام مسك ايديها وشدها ليه وقال
حسام كنتى بتفكرى فى ايه وانتى بتبصيلى
رحاب كنت بقول أننا من كام شهر مكناش طايقين بعض لكن دلوقتي مع بعض فى حلال ربنا
حسام مشى ايده على ظهرها وقال فعلا محدش كان يتوقع ده بس اهم حاجة أننا بنحب بعض ومع بعض
رحاب فعلا يا حبيبى وكانت هتقوم
حسام مسكها ونيمها على السرير وبقى هو فوقها وقال راحة فين
رحاب راحة اخد دش
حسام كملى اللى كنتى بتعمليه من شوية
رحاب كنت بعمل ايه
حسام شاور على شفتيه وقال كنتى بتبوسينى
رحاب يلا بقى يا حسام علشان نروح الشغل
حسام لأ لازم اخد بوسه الاول وبعدين التهم شفتيها بشفتيه بقبلة عميقة ورحاب بادلته ولفت ايديها حوالين رقبته ......🙈🤭
وهنا تسكت شهرزاد عن الكلام الغير مباح 🤭
(احنا نقتل شهرزاد احسن علشان حوارتها كترت 😂)
بعد فترة حسام بعد عن رحاب وبعدين شالها ودخل الحمام علشان ياخدوا دش
حسام ورحاب طلعوا من الحمام وغيروا هدومهم
رحاب يلا يا حسام علشان نروح علشان منة وحشتنى الصراحة
حسام أنا عايز اقولك على حاجة يا رحاب
رحاب حاجة ايه
حسام الحاجة دى بخصوص منة اختك
رحاب مالها منة
حسام أنا دخلت منة السجن
رحاب....

         الفصل الثالث والثلاثون من هنا

لقراءة باقي الفصول من هنا 


تعليقات