رواية زواج غير مدبر الفصل الثالث والعشرون23والرابع والعشرون24 بقلم اسماء سلام
الدكتور بص لاحمد وبعدين قال
الدكتور مفيش يا مدام اهدى دى التهاب حاد فى المعدة ولازم يروح المستشفى حالا
رحاب بس ده بيكح دم ، قوللى يا دكتور لو فى حاجة متخبيش عليا انا مراته مش حد غريب
الدكتور مفيش حاجة يا مدام اهدى كده وسيبيها على الله
طلبوا الاسعاف لحسام وجت خدته
احمد ممكن تستنى انتى هنا يا مدام رحاب
رحاب بزعيق انت بتقول ايه ، عايزنى اسيب زوجى فى الوقت ده لوحده ، متزعلش منى بس انا اللى المفروض اروح عنك فلو سمحت خلينى اروح
رحاب واحمد راحوا مع حسام المستشفى
الدكتور علق محاليل لحسام وخد حقنه وبعد فترة حسام فاق
حسام أنا فين
رحاب انت هنا فى المستشفى يا حبيبى ، انت تعبت فجأة فجبتك انا و أحمد هنا
حسام طب نادى على احمد
رحاب قوللى عايز ايه وانا اعملهولك
حسام أنا عايز احمد بس ، ممكن تندهى عليه
رحاب حاضر يا حسام
رحاب طلعت بره وندهت على احمد وراحوا لحسام
حسام معلش يا رحاب أنا عايز احمد لوحده
رحاب حاضر وسابتهم وطلعت
احمد عامل ايه دلوقتي
حسام الحمد لله بس تعبان جدا
احمد فعلا الدكتور قالى كده
حسام صحيح رحاب عرفت حاجة
احمد لأ معرفتش بس انت مشوفتش هى كانت قلقانه عليك ازاى وزعقتلى لما قولتلها متجيش معاك المستشفى وقالت إنها مراتك وهى اللى لازم اروح
حسام بجد
احمد اه والله ، أنا شايف أنك تقوللها الحقيقة وهى اكيد هتقف جنبك
حسام منا عارف ده وعلشان كده مش هقولها علشان هى اكيد هتقف جنبى من باب الجدعنة وهتضحى بحياتها علشانى وانا مش عايز كده
احمد امال عايز ايه ، رافض العلاج ومش راضي تقول لأى حد لا لاهلك ولا لرحاب، انت عايزهم يعرفوا فى جنازتك
حسام لأ مش كده
احمد امال ايه، انت متعرفش الدكتور قال ايه عن حالتك
حسام بلا مبالاة قال ايه
احمد يا اخى اهتم بنفسك شوية ، شوف شكلك عامل ازاى انت وشك دبل خالص والدكتور قال إن حالتك تعبت اكتر وانك فى المرحلة التانية فاهم يعنى ايه المرحلة التانية فيا ريت تعمل العملية
حسام يا احمد افهمني انت عايزنى اقول لأهلى علشان يتعبوا انت نسيت أن ماما عندها الضغط والسكر وبابا مريض قلب يعنى ممكن يروحوا فيها
احمد يعنى تموت وبعدين يعرفوا
حسام كده احسن بحيث الكل هيعيش مرتاح من بعد موتى ، رحاب هتكون مع عمر واهلى شوية وهينسوا
احمد يا حسام فكر فى نفسك شوية وبلاش الناس، انت محتاج حد جنبك يديك الدواء ويهتم بيك ورحاب موجودة اهى ولو مش عايز رحاب قول لاهلك على الأقل تخف لكن كده انت بتموت نفسك بالبطىء وكده حرام لانك مش بتاخد بأسباب ربنا وهو العلاج يعنى كده غلط
حسام افكر فى نفسى شوية هههه منا طول عمرى مش بفكر إلا فى نفسى وشفت بقى اللى حصلى بقى عندى سرطان فخلينى أكفر عن سيئاتى قبل ما موت
احمد يا حسام كفاية كده
حسام يا احمد افهمني أنا مش قادر اتكلم اكتر من كده وزى ما وعدتنى متقولش لحد ولما اموت ابقى قول موته عادية وخلاص
احمد انت اتجننت رسمى يا حسام ليه بتقول على نفسك كده ، ريحنى وقول لرحاب على الأقل وانا متأكد انها هتقف جنبك علشان بتحبك مش علشان واجب ولا شفقة
حسام مردش عليه
احمد رد عليا وقولى اعمل ايه بس حسام مش بيرد
حسام طلع بسرعة وقال يا دكتور الحقنى حسام مش بيرد
الدكتور دخل وشافه وقال كلكم اطلعوا بره
رحاب ونطلع ليه انا مراته
الدكتور يا مدام ممكن تخرجى الوقت مش مناسب للكلام
رحاب طلعت وعماله تعيط على اخرها وتقول أنا قلبى مش مطمن وبصت لاحمد
رحاب يا احمد قوللى هو حسام ماله ، أنا حاسه انه فيه حاجة بس انتم مخبيين عنى
احمد لأ مفيش وهنخبى ايه وليه
رحاب بس انا حاسه كده وانا هعرف
احمد فى نفسه يا ريت اقدر اقولك بس ده وعد مش اى كلام
الدكتور بعد شوية طلع وقال لازم يدخل العمليات دلوقتي حالا
رحاب بزعيق ليه يا دكتور رد عليا هو فى ايه
الدكتور مردش عليها وخد حسام للعمليات
الدكاترة عملوا عملية خفيفة لحسام علشان يبقى كويس بس طبعا المرض موجود واول لما اتنقل لغرفة تانية رحاب دخلت له
رحاب بعياط اصحى بقى حرام عليك كده، كفاية كده انا قلبى وجعنى عليك ، يعنى لما بتكون كويس متعب ومريض متعب ، ليه كده يا حسام ، أنا حاسه انك مخبى عنى حاجة
الدكتور دخل وقال كده غلط يا مدام اتفضلى استنيه بره
حسام قعد يوم كامل فى المستشفى وبعد يوم طلع لانه مش عايز يقعد اكتر من كده
الدكتور بس كده غلط على صحتك
حسام يا دكتور أنا مش بحب ريحة المستشفيات
الدكتور براحتك يا استاذ حسام بس لازم راحة وتاخد العلاج بانتظام
احمد ورحاب خدوا حسام البيت وبعدين احمد مشى
رحاب اول لما احمد مشى رحاب حضنت حسام جامد وقعدت تعيط و قالت متسبنيش يا حسام
حسام اتصدم من فعلها بس لقى نفسها بيضمها جامد وقال فى نفسه غصب عنى وبعدين بعد عنها وقال
حسام خلاص مفيش حد هنا علشان تمثلى
رحاب باستغراب امثل ليه
حسام اصلك بتعيطى وبتقولى متسبنيش وده كله علشان الناس تعرف أننا زوجين طبيعين وبنحب بعض وانك خايفة عليا
رحاب وليه متفسرش ده بحاجة تانية
حسام ايه هى
رحاب انى بعمل كده علشان ..... علشان فعلا خايفة عليك ومهتمية بأمرك
حسام صفق وقال لا والله شوفوا مين بيتكلم ، الانسة لأ اقصد المدام رحاب اللى مصدقت أنها هترجع لحبيبها الاولانى وبقت عايزة تخرج معاه وكمان جبتيه البيت ، انتى كنتى بتفكرى فيه وانتى مراتى فأكيد مش هتوقع منك حاجة حلوة
رحاب ليه بتكلمنى كده ،انا عملتلك ايه
حسام لأ معملتيش بس انا مش طايقك و الصراحة بقى أنا بكرهك يا رحاب ويلا ادخلى اوضتك وسيبينى لحالى
رحاب بس انت تعبان يا حسام
حسام ملكيش دعوة بيا
رحاب دخلت الاوضة وقعدت تعيط وبعدين قامت ولمت هدومها علشان تمشى بس قالت لأ مينفعش تمشى وتسيب حسام لوحده ، هى تستحمل لحد لما يخف وبعدين تمشى
رحاب راحت علشان تشوفه فكان بياخد العلاج واتخض
رحاب فى ايه اتخضيت ليه
حسام مفيش ، انتى جاية ليه
رحاب قربت منه وبدأت تديله العلاج
حسام ملكيش دعوة ابعدى عنى
رحاب مش بترد عليه
حسام ردى عليا وسيبينى فى حالى
رحاب مش بترد برده وعماله تغيرله هدومه
حسام رحاب ردى عليا انا بكلمك
رحاب مش بترد
حسام مسكها جامد من دراعتها وقال ردى عليا ليه بتعملى كده
رحاب كانت خلصت فسابته ومشيت
عدى حوالى شهر وحسام تعب جدا بس مش قايل لرحاب فقال لرحاب أنه رايح عند والدته
رحاب رجعت من الشغل
قعدت تتغدى فجأة الجرس رن فراحت تفتح
....حضرتك مدام رحاب احمد الشعراوى
رحاب اه أنا رحاب فى حاجة
.... فى جواب علشانك وعايزك تمضى انك استلمتيه
رحاب علشانى أنا !؟ ومن مين
....من الاستاذ حسام محمد الشعراوي
رحاب مضت وخدت الجواب ودخلت علشان تقرأه
رحاب قرأت الرسالة
الرسالة انتى طالق يا رحاب
رحاب...
الفصل الرابع والعشرون24
الرسالة انتى طالق يا رحاب
رحاب مقدرتش تقف على رجليها فوقعت على الأرض
رحاب قعدت تعيط جامد وتقول لأ مستحيل ده يحصل ، لأ اكيد ده مش حسام ، حسام مستحيل يعمل كده وفجأة أغمى عليها
رحاب خليتها مغمى عليها لحد باليل وبعدين فاقت لوحدها
رحاب اه الحمد لله ده كان حلم بس كان وحش اوى بس عينيها جت على الرسالة فمسكتها وقعدت تعيط وقالت لأ ده مش حلم ده كابوس وكابوس وحش كمان وبعدين راحت على غرفة حسام
رحاب دخلت الغرفة وشافت السرير والدولاب وشافت صورته فراحت مسكتها وقالت معقول مش هشوفك تانى ، معقول كده نهاية علاقتنا اللى انتهت قبل ما تبدأ ، ليه كده يا حسام دنا بحبك وبعدين استجمعت قوتها ومسحت دموعها وقالت بس انت اللى خسران علشان خسرت حبى وانا هكمل حياتى من غيرك عادى وهخليك تشوف انى من غيرك افضل بكتير وهنجح ومش ههخليك تشوفه
رحاب نامت مكانها من غير اكل لأن صحيح من هيكون ليه نفس ياكل بعد الخبر ده
رحاب راحت الشغل تانى يوم
اسراء ايه يا بنتى مالك داخلك كده من غير اى كلام ولا سلام ، فى ايه اتخانقتى مع حسام ولا ايه
رحاب متجبيش سيرته قدامى تانى
اسراء يبقى اكيد اتخانقتوا ، ليه كده ، اكيد سوء تفاهم وحسام كويس وأكيد مش هيزعلك
رحاب قعدت تعيط وقالت ده كان زمان لكن دلوقتي لأ
اسراء قوليلى فى ايه وباذن الله نلاقى حل
رحاب حل ايه ، خلاص مفيش حل ، حسام طلقنى
اسراء بصدمة ايه، امتى وازاى يعمل كده
رحاب لقيته بعتلى رسالة بريد مكتوب فيها انتى طالق ، تخيلى طلقنى كده من غير لما يقوللى ولا كإنى كلبة مش معبرها وكمان مختفى من اول امبارح
اسراء أنا كنت مفكرة انه قالك كده وبعدين هيرجع فى كلامه لانى لما جيتلك وشوفته حسيت انه بيحبك فقولت اكيد بيقولك كده علشان يعرف بتحبيه ولا لأ لكن انه ينفذ كلامه ده غريب وكمان مختفى ، مش ممكن يكون حد تانى اللى بعتها
رحاب انتى بتقولى ايه يا اسراء ، حد تانى وليه ، ده طلاق مش لعبة
اسراء اه صح بس على الاقل لازم تقابليه وتقوليله انك بتحبيه وممكن يكون بيحبك
رحاب بزعيق بس بقى يا اسراء ، أنا اللى علطول بتنازل وبقل من كرامتى وبحاول أقرب منه وانسى إهانته ليا وعدم اعترافه بيا لكن بعد اللى عمله أنا خلاص مش هحاول ارجعله تانى علشان أنا بنى ادمه وليا مشاعر وكرامة ومش بعد لما يطلقنى اروح اقوله أنا بحبك وعايزه نعيش مع بعض ، مستحيل
اسراء أنا عارفه أن الموقف صعب عليكى بس متنسيش أنك دلوقتي مش لوحدك ولازم هو يعرف
رحاب لأ مش هيعرف لانه بطلاقه ليا فقد الحق فيه
اسراء بس لازم يعرف وبعدين اعملى اللى تعمليه
رحاب هقوله بس مش هرجعله
اسراء تمام اللى يريحك وانا معاكى
---------------
عند حسام
احمد ايه اللى انت عملته ده ، طلقتها
حسام بضعف اه طلقتها
احمد ليه كده يا حسام ، معقول قلبك طوعك تعملها، ازاى دى رحاب حبيبتك
حسام بدموع غصب عنى والله بس مقدرتش اشوفها عماله تتعلق بيا اكتر من كده واسكت
احمد فقولت تجرحها
حسام أنا مجرحتهاش ، أنا عملت كده لمصلحتها، انت مش شايف شكلى عمل ازاى ، خلاص هموت
احمد بعد الشر عليك بس انت كده كسرتها اوى ولو كان فى اى ذرة حب فى قلبها ليك فبعد اللى عملته ده هتكون انتهت وعمرها ما هترجعلك تانى
حسام وده اللى عايزة أنها تكرهنى علشان تقدر تعيش مع عمر بسعادة ، افضل ما تعيش معايا فترة وفى الاخر تتألم لما اموت
احمد وليه متقوليهاش حقيقة مرضك وانك عندك سرطان فى المرحلة التانية وهى هتقف جنبك وتخف وبعدين تعيش سوا
حسام الكلام اسهل من الفعل ، انت مش مقدر انى خلاص مفيش فيا نفس ولا حيل ولا اى حاجة اقدمهوملها لكن عمر هيقدم لها الكتير
احمد بس انت عندك الحب وده اكتر حاجة اى واحدة بتحتاجة من زوجها
حسام بس هموت
احمد مش هتموت لانك هتعمل العملية وهتخف
حسام بس انت عارف ان نسبة النجاح والفشل 50٪ يعنى ممكن مرجعش
احمد وممكن ترجع وعلشان كده هتعملها
حسام ماشى هعملها وانا كده كده هموت لانى خلاص معنديش حاجة فى الدنيا اتمسك بيها
احمد بلاش اليأس ده يا حسام ، طبعا رحاب مكلمتكش خالص
حسام لأ هى اكيد زعلانه بس شوية وهتروق وهتكمل حياتها
احمد طب افرض شافتك هتقولها ايه
حسام مش هتشوفنى اصلا
احمد ازاى يعنى
حسام أنا هسافر المانيا بعد بكرة وهموت هناك بحيث محدش يعرف سبب الوفاة وكلهم يفكروا انى مت موته طبيعية وكده اكون ارتحت
احمد يا حسام حرام عليك كده ، طب أنا مفكرتش فيا وازاى هعيش حياتي من غيرك ، انت اخويا الوحيد اللى طلعت بيه فى الدنيا
حسام شوية وهتنسانى لما تتجوز خطيبتك وكمان هكون دائما فى دماغك وليا ذكرى حلوة
احمد بس يا حسام أنا طاوعتك فى كل حاجة إلا أنك تسافر فأنا هروح واقول لاهلك ورحاب عن مرضك
حسام يبقى خلفت الوعد وهتخسرنى للابد وبرده مش هقعد فى البلد
احمد بلاش يا حسام علشان خاطرى
حسام علشان خاطرى أنا سيبنى على راحتى
احمد ماشى يا حسام
فجأة جت مكالمة لحسام
حسام شوف مين يا احمد
احمد دى رحاب
حسام غريبة يعنى ازاى تتصل
احمد ممكن عايزة تعرف ليه عملت كده
حسام اقفل ومتردش عليها
احمد طب رد وشوفها عايزة ايه
حسام اكيد هتلومنى وانا مش قادر اسمع حاجة
احمد قفل السكة
عند رحاب
اسراء مش بيرد برضوا
رحاب قصدك قفل فى وشى
اسراء لأ حسام ميعملش كده
رحاب لأ يعمل ونص ، اكيد مش راضى يرد علشان مش عايزنى، أنا كده عدانى العيب ، أنا مش هكلمه
اسراء يا رحاب اصبرى شوية كمان
رحاب حاضر
عند حسام
احمد شوفت مرنتش تانى
حسام ده افضل
احمد والله لتندم يا حسام
حسام عادى ، بص أنا عايزك تراقبلى رحاب من غير لما تشوفك وتعرف هى بتعمل ايه لحد لما اسافر
احمد ماشى
عدى اليوم واليوم اللى بعده ورحاب عماله ترن على حسام بس مش بيرد علشان رمى الخط واشترى خط جديد
فى الصباح
احمد يعنى خلاص مسافر
حسام ده افضل وخلاص أنا حجزت التذكرة يلا سلام خلى بالك من نفسك
احمد حضنه جامد وقاله انت هتوحشنى اوى
حسام بادله الحضن وقال وانت كمان وسابه وراح للمطار
اسراء حودت على رحاب علشان يروحوا الشغل سوا لأنها تعتبر لوحدها وهى مش عايزة تسيبها لوحدها علشان متعملش فى نفسها حاجة
اسراء رد ولا لأ
رحاب لأ مردش ، خلاص مش هرن عليه تانى ، أنا كمان بعتله رساله وبرده مردش شكل الموضوع مش مهم عنده علشان كده مش هقوله وهخليه يندم
اسراء لأ يا رحاب ، حسام لازم يعرف انك حامل علشان ده حقه
.......انتى حامل
رحاب واسراء؟؟؟؟!!!