رافت : كنتوا فين يا ولاد
احمد : كنا ...
كنا .....
شمس : بنجيب فطار يا عمو اتفضل
واعطته الطعام ودخلت للمنزل
ابتسم احمد لعمها ونظر رافت لاحمد نظرة ثاقبه ثم دخل الى منزله واغلق الباب
نظر احمد الى الفراغ وقال
: طب مش هفطر معاكم طيب
ثم انفتح الباب فتفاجئ احمد بخروج رافت ثانيه وقال
جول لابوك نفطر سوا كلياتنا واغلق الباب ثانيه
...........
ذهبت شمس مع احمد الى امتلاك اقرب محل لبيت نجمه وكانت اسعار المحلات منخفضه لان البيوت الارضى اصحابها يقلبون اوضه الى محل ليسترزقوا منها
فوجدت شمس محل وجهزته بالبضاعه لتستطيع نجمه واختها العمل به
وكانت تلك كصدقه ومشروع للاطفال الايتام ليسترزقوا منها
....................
اقترب ميعاد الفرح
وكانت شمس مشغوله بجهازها
كانت تخرج من الصباح لجامعتها ثم ياخذها عمها واحمد الى معارض الاثاث لاختيار الاثاث
وكان زوقها انيق
رافت عمها كان يريد الاثاث الكلاسيك ثو النقوش المدهبه
وشمس كانت تريد الاثاث المودرن
رافت : يابتى الصالون ده جميل جوى
شمس: بس يا عمو انا نفسى اعمل الشقه كلها مودرن
رافت : يعنى ايه ده
شمس: العفش يكون حديث زى دول مش مدهب
رافت : بس الصالون ده جميل وهيبه اكديه ما تجول حاجه يا احمد
ونظر اليه نظرة ثاقبه
نظرت شمس لاحمد
وكذلك رافت
مما اخاف احمد ان يتفوه بكلمه فالبنت وعمها عليه
احمد : من رايى الصالون فعلا حلو
احنا نجيبه وباقى الشقه مودرن
شمس: ماشى
قال لها احمد هامسا : يا حبيبى والله الصالون شيك وعادى لما نختار حاجه كلاسيك وباقى الشقه مودرن
ونجيب كمان اكسسورارت مع الصالون يبقى تحفه
فكان اغلب الرأى لشمس
وكان احمد فى قمه سعادته وهم يختارون الاثاث معا
شمس : احمد ايه رايك فى الاوضه دى
احمد : لا دى احلى
شمس : طب بص دى
احمد : واااو حلوة اوى
وكانوا سعداء جدا باختياراتهم
اما عند بدر
فقد كان يعمل بكل جهده ليحقق حلمه ويتزوج من حبيبته
فكان يعمل لمده ١٦ساعه فى اليوم
من عمله فى مزرعه رافت ثم عمله فى مكتب المحاماه وطبعا يحضر محاضراته وكانت مى خير سند ومعين له
فكانت تخرج من الجامعه وتذهب لاخوه بدر لتهتم بهم
وكانوا يحبونها جدا
اسامه : مى ممكن تساعدينى فى حل المساله دى
مى : عنيا
اسماء: مى ممكن تساعدينى فى الاكل
مى : حاضر
وقامت مى بطبخ الغداء
وظلت معهم الى ان ياتى بدر
بدر بتعب : شكرا يا حبيبتى مش عارف من غيرك هعيش ازاى
مى : متقولش كده انا معاك دايما ومش هسيبك
بدر : سامحينى يا مى بشيلك همى
مى : اخص عليك ده احلى وقت بقضيه مع اسماء واسامه
بدر : ربنا يخليكى ليا
مى : ويخليك ليا انا همشى بقة
بدر: استنى هوصلك
وخرجت مى مع بدر الى منزلها
واستقبلهم والدها ووالدتها
والده مى: ادخل يابنى
بدر: مرة تانيه يا حماتى معلش اصل راجع تعبان
والد مى : ربنا يعينك يابنى
............
بعد ان سافرت شمس
كان بدر يشعر بالوحده ولكن كانت مى معجبه ببدر ولكن لم تبح له بذلك ولا قالت لشمس ايضا
ولكن حكت لوالدتها عنه
فلاش باك
مى : ماما ممكن اجولك حاجه
والده مى : خير يا بتى
مى : انا بحب واحد لكن ....
وظلت مى تحكى لوالدتها مشاعرها وظروف بدر
والده مى : بس يا بتى استحى واهتمى بمستجبلك اهم
ولو نصيبك هيصيبك
مى : حاضر
وبالفعل اهتمت مى بدراستها فكانت فى كليه الاداب
ولكن كانت تذهب لبدر وتهتم باخوته وتصنع لهم الطعام
فلاش باك
اسماء كانت تشترى الخضار وكانت مى هناك ايضا
مى : اسماء ازيك
اسماء : تمام
تعرفينى
مى : انا صاحبه شمس
اسماء: مى صح
وتواعدت الفتاتان وكانت مى تعلم اسماء الطبخ فى وقت فراغها
لم تكن اسماء كبيرة بالحد المسموح ان تطبخ اكلات صعبه وكانت مى تطبخ اغلب الاكل بدون علم بدر
وفى يوم جاء بدر قبل موعده
ووجد مى فى المنزل فسلم عليها وانحرجت مى وذهبت
بدر: هى صاحبه شمس كانت بتعمل ايه هنا
اسماء : مى علطول جمبنا وكانت بتعلمنى الطبخ
اسامه : ما تتجوزها يا بدر دى جميله اوى
بدر : جواز ايه بس يا اسامه
...............
كان بدر يتودد من مى فى الجامعه ليشكرها على ما تفعله معه ولكن كانت مى دائما ما تدعى الله به
فهى تحبه وحياؤها يمنعها من البوح بذلك الحب
الى ان قذف الله الحب فى قلبه
وذهب لخطبتها
وكان شرط والدها ان يكمل بدر دراسته اولا
اقترب موعد زفاف شمس
فبعد الامتحانات وبعد ان فرح احمد بتخرجه جاء وقت تجهيز الشقه
وجاءت صديقات شمس من البلد
ملك ومى وكنزى
وكذلك اهل شمس وبعض الصديقات من الجامعه
كانوا جميعا يشاركون شمس فى فرش مملكتها
وكان احمد منشغلا بعمله وايضا بفرش الشقه والاثاث
فقد كانت بعض حاجات ناقصه عليه وكان يشترى الناقص
كان تائها فتكوين البيت صعب جدا حياه باكملها ستبنى
جاء الى المنزل وكانت شمس مع كنزى ومى بداخل غرفه النوم يضعون الملابس بداخل الدولاب
احمد : احم
شمس : احمد انت جيت
تعالى معلش عشان ترفع الستاير دى على الشباك
احمد : حاضر
ثم اقترب منها من الخلف وباسها من الخد وغمز لها
وكانت شمس فى قمه الكسوف وخصوصا لوجود صديقاتها والائى كن مشغولات فى وضع الملابس ولكن شعرت شمس انهن ينظرن اليها فنظرت اليهن وجدتهن يضعن الملابس
وكان احمد يضحك عليها
وبعد ان اكمل مهمته
طلبت منه شمس مهمه اخرى
الى ان اكتمل ترتيب الدولاب تفاجئ احمد ان لم يبقى اليه سوى دلفه واحده
احمد : ايه ده بقى
فين مكان هدومى
شمس : اهو
احمد : يا سلام مليش دعوة انا عاوز زيك يعنى انتى كل ده وانا حاجتى الدلفه دى بس
شمس بضحك : معلش انا هاخد الدلفه دى كمان لان ناقصنى شويه حاجات اصلا وانت خد دولاب الاطفال لوحدك
احمد : يا سلام ياختى
والله انا مخاصمك
ضحكت شمس وكذلك الفتيات ثم قال وهو خارج
: مفتريه اخدت كل الدولاب
فقال له رافت : احمد ربنا يابنى انا فى البيت الكبير ده مليش دولاب اصلا هما المسمارين ورا الباب بعلج عليهم الجلاليب
احمد : ده ظلم والله
وضحكن معا
وبعد ذلك جاء احمد بالاكل اليهم وكانوا مستمتعين بالاكل جدا فكانت والدته فاطمه ماهرة فى الطبخ
وعندما عادت شمس فى المساء رسمت تصميم اخر لفستان الزفاف
فقد رسمت من قبل اربعه تصاميم
ونزلت لتسال احمد اى منهم تختار
شمس: مودى اختار انهو فستان
احمد : يالهوى يا شمس فرحنا بعد ٣اسابيع ولسه مجهزتيش الفستان
شمس : اعمل ايه بس كل يوم انزل انقى فستان لكن مش بيعجبنى فصممت دول
احمد : وهتلحقى تخيطيه
شمس : قول باذن الله
يلا بس نختار
واختار احمد لها فستان
ولكن لم يعجبها ايضا
احمد : يوووه ايه اعملك استفتاء على الانستا
شمس: والله فكرة
وصورت الفساتين وقامت بعمل استفتاء
احدى صديقاتها بضحك كتبت لها : والله فكرة حلوة الاستفتاء ده انا هنشره عشان الكل يختار
وانتى اعمليه للعام
وكان من بين من رؤا ذلك الاستفتاء
........ / ماشاء الله دى موهبه جبارة
ايه رايك يا حاتم
حاتم : فعلا
مين من المصممين عملهم
_/دى واحده فرحها قرب وبتقول انها رسمتهم لفرحها
حاتم : مش معقول
الفصل الثامن عشر
احمد : اختاروا ايه فى الاستفتاء بتاعك يا مجنونه
شمس: اول واحد
احمد : ما كان من الاول
اللى قولتلك عليه صح
شمس : اه
احمد : مالك فيكى ايه
شمس : جاتلى رساله من واحد اسمه حاتم بيقول انه وكيل اعمال الفنانه .... وعاوز لها فستان فرح من تصميمى
احمد : ها
شمس: شوفت انت كمان مش مصدق
احمد : وهما شافوا فين
شمس: من الاستفتاء
كانت نظرات شمس واحمد مندهشه
فلم يصدق احمد ما سمعه من شمس وتواصل مع حاتم بنفسه
وجرت المكالمه
احمد : سلام عليكم حضرتك كلمت شمس مراتى عن تصميم فستان وكده ممكن افهم
حاتم : يا فندم انا وكيل اعمال الفنانه .... وشوفت التصميم زوجه حضرتك واتواصلت معاها
احمد : ايه اثبات صدق كلامك
حاتم : يا فندم الفنانه معاك اهو ومش بس صوت هنكلمكم مكالمه فيديو كمان
احمد كان مندهش فالموضوع بجد كان فرحان جدا هو وشمس ومستغرب ومندهش ايعقل مجرد استفتاء وضعته المجنونه خاصته يحدث كل تلك الضجه
اتفقت معهم الفنانه .... انها تريد التصميم الثالث لزفافها بل وتكلمت مع احدث دور الازياء ليقوموا بصنع الفستان بس وفستان شمس ايضا
_/ ممكن تتواصلوا مع الاستاذ عمر الالفى مدير دار الازياء عشان الفساتين
شمس : انا مش عارفه اشكر حضرتك ازاى والف مبروك
_/الله يبارك فيكى مبروك عليكى انتى كمان
وانتهت المكالمه
وكانت شمس فى قمه سعادتها
شمس: ايها الناس المكنه طلعت قماااش
يا سمر يا عمو يا خالو يا ناااس تصاميمى وصلت العالميه
هيييييه
رافت : مالك يا شمس حوصل ايه
قصت شمس عليهم ما حدث
رامى : شمس ياريت تغتنمى الفرصه انك تتمرنى عندهم دى هتكون فرصه عظيمه انك تشتغلى فى دار الازياء دى وكمان مصمم زى عمر الالفى والفنانه ... هتكون دعايا جبارة لتصاميمك بعد كده
احمد : فعلا بابا عنده حق
شمس : ربنا يوفقنى للخير دايما يارب
.................
بدر: السلام عليكم
مى ممكن تاخديلى ميعاد من ابوكى
مى: ليه حوصل ايه
بدر: هتجوزك يا بت
مى بصدمه وقعت الفون من يدها : هتتجوزنى ياما بدر عاوز يكلم ابويا
بدر: ههههه مجنونه
.....................
فلاش باك
بدر: سلام عليكم رافت بيه
رافت : عليكم السلام ورحمه الله
بدر: كنت عاوز اكلم حضرتك فى موضوع كده
رافت : خير يا ولدى
بدر : انا كبرت وعاوز اكمل نص دينى حضرتك عارف ان بشتغل عند حضرتك بمرتب محترم ده غير شغلى فى المحاماه والحمد لله اخواتى كبروا الوقتى واسامه بدا يشيل عنى شويه
وكنت عاوزك تجى معايا تشرفنى انت وخالى عند اهل العروسه
رافت : ومين العروسه حد نعرفه
بدر: ايوة دى مى صاحبه شمس
رافت : يازين ما اختارت يا بدر
عنيا ليك يا ولدى اتفج معهم وانا مسافه الطريج واجيب شمس واحمد كمان
بدر: ربنا يخليك ليا يارب
.................
عمر : حضرتك شمس
شمس : ايوة انا شمس
عمر : كنت فاكرك اكبر من كده لكن صغيورة
شمس: انا فى اخر سنه فى الكليه وهتجوز بعد اسبوعين مش صغيرة
عمر: اهلا بيكى يا شمس
انا اعجبت بتصاميمك جدا وخصوصا لما كلمتنى ... الفنانه عليكى انتى متخيله ان فنانه هتلبس من تصميمك انتى
شمس: الحمد لله
عمر: انا اتكلمت معاها انى هفصل التصاميم كلها منهم واحد ليكى وواحد ليها
ده غير كمان ان عاوزك تكونى من التيم بتاعى للمصممين
شمس: دى شهاده اعتز بيها ان اكون من فريق حضرتك
انا موافقه
عمر: تمام
اهلا بيكى فى فريقى
شمس: اهلا بحضرتك بس كنت عاوزه اقول لحضرتك ان فرحى قرب يعنى و
عمر: فاهم طبعا شغلك بعد الفرح وشهر العسل
اول ما ترجعى بتصميم جديد باذن الله
شمس: انا متشكرة جدا لحضرتك
...........
خرجت شمس مع احمد لقاعه الافراح لتقوم برؤيه التصاميم واختيار الاغانى
وكان احمد يشاركها
فاختاروا قاعه على البحر والبيسين يكون كله ورود والتربيزات مزينه بالورود واختاروا زهرة عباد الشمس خصيصا تزين كوشه العروسين
......
قبل الفرح باسبوع
ذهبت شمس مع احمد ورافت لطلب يد مى لبدر
رافت : بص يا حاج النهارده جايين نطلب يد بتك مى لابنى بدر
ايه رايك
والد مى: وفيه راى بعد كلامك يا حج رافت
على بركه الله
رافت : نقرا الفاتحه
واتفضل يا بدر يا بنى دى هديتى ليكم
فتح بدر العلبه ليجد شبكه مكونه من خاتم ذهب وسلسال واسوارة فى غايه الجمال
فلم يكن بدر معه سوى خاتم والدبله فقط
البست بثينه مى شبكتها وقامت ام العروس بزغروده
وباركت شمس لصديقتها
شمس: مبروك يا مى
مى : الله يبارك فيكى متجلجيش هجيلك انا وبدر الفرح
شمس: تنوروا
مبروك يا بدر
بدر: الله يبارك فيكى يا شمس
...
اتفق الاثنان ان بدر سيقوم بالزواج مع اخواته نظرا لصغر سنهم ايضا فهم مازالوا فى المدرسه ولكن سيجدد المنزل والاثاث وكل شيئ
................
قبل الفرح باسبوع
اصر رافت ان يقوما بفرحين
فرح فى القاهرة وفرح فى الصعيد على ان يتكفل هو بكلا الفرحين
وكان سعيد جدا بشمس
وتكلم مع احمد ايضا
رافت : احمد يابنى كلها سبوع وتتجوز شمس
احمد : اه الحمد لله فيه حاجه يا عمى
رافت : الايام الجايه دى مش عايزك تتحدتت معها
احمد : ليه بس
رافت : هو اكده
كل يوم والتانى تاخدها وتمشوا على اساس التجهيزات الوجتى خلاص التجهيزات وكل شيئ تمام
احمد : حاضر يا عمى
حاضر
ونظر باحباط ونزل الى بيته
فهو يعرف طبع عمها
...................
طوال الاسبوع كان احمد يعد الايام ليلتقى بحبيبته شمس فلم يكن يعلم انه سيشتاق اليها الى هذا الحد
وفى المساء تكلم معها
احمد : شموسه وحشتينى
شمس: احم احمد
احمد : هو عمى جمبك
شمس: اه
احمد : وحشتينى والله يا شمس اوى
هو لازم عادتكم دى ان لازم قبل الفرح مشوفكيش
شمس: ......
احمد : شمس روحتى فين
شمس تقليدا لعمها: كيفك يا ولدى
احمد : عمى رافت
وانفجرت شمس فى الضحك
احمد : كده يا شمس انا قلبى وقع فى رجلى
شمس: ههههههه عمو جمبى بيسلم عليك لكن قالى اكلمك عادى مرفضش
احمد : يعيش عمو رافت يعيش
شمس: ههههههههه
.........
قبل الفرح بيوم
جاءت سيده تقوم بعمل الحناء للعروس واحتفلت زوجات عمها ونور ابنه خالها وزوجته فاطمه وصديقات شمس
وكانت نور فى غايه السعاده فهى اول مرة تقوم نقش الحناء على يدها
وكان احمد مع بدر فى سهرة خاصه بالشباب
مع بعض الاصدقاء فى مكان لالعاب البلايستيشن
بدر: ده احتفالكم بقى لعب
احمد : هههه اعمل ايه بس انا هموت واحضر مع شمس لكن ممنوع
بدر: خلاص بكرة هتكون معاك العمر كله
..............
فى يوم فرح شمس
استيقظت مبكرا كعادتها وصلت فرضها ودعت الله ان يوفقها فى حياتها القادمه
ثم فطرت مع زوجات عمها وعمها
رافت : مبروك يا بتى الف مبروك
بثينه ومجيده وحمديه وسمر قاموا لاخدها فى حضنهم وكانت دموع الفرح تسبق كلامهم
بثينه : انتى بنتنا يا شمس هتوحشينا يا حبيبتى
مجيده : ربنا يتمم بخير يا بتى
حمديه : جواز مبارك عليكى يا حته منى
سمر: هتوحشينى يا شمس
كنتى منورة حياتنا
اهتمى بجوزك يا بنتى وزورينا علطول
رافت : هما هيخلصوا العرس هنا وهيسافروا البلد
سمر: ليه يا حج ما نسيبهم النهارده وبكرة نسافر كلنا
رافت : باذن الله
خرجت شمس مع نور الى الكوافير
واخذت الفستان معها
فقد كانت نور رفيقتها فى الكوافير
تجهزت الفتاتان فقد قامت الميك اب ارتست بعمل المكياج لشمس وكذلك لنور
وجاء الوقت المنتظر
حيث خرج احمد لتجهيز سيارة عمها بالزينه وجاؤا لياخذوها من الكوافير
خرجت نور
رامى : حبيبه بابا زى القمر
احمد : حبيبتى فين شمس
نور : خارجه ورايا اهو
خرجت شمس
وقف احمد معجبا بجمالها ولم يستطع النطق
رافت : زى الجمر يا بتى
رامى : ماشاء الله تبارك الرحمن
قمر يا حبيبتى
وقدمت زوجات عمها بالمباركات
وكان احمد على وضعه لم ينطق
غمزه رامى ان ياخذ عروسته
واخيرا نطق احمد
: هى القمر دى بتاعتى انا
ضحك رامى على ابنه وقال : ايوة خلاص بقت بتاعتك
اللهم صل على النبى
تبارك الرحمن
مد احمد يده لشمس وباسها وفتح باب السيارة لها ثم انطلق بها الى القاعه
فى الطريق
احمد : شموسه مينفعش اخدك البيت علطول
شمس: ههههه لا انا عاوزه احضر الفرح الاول
احمد : ههههه حاضر
شمس: اومال عاوزنى اسيب الجاتوه للمعازيم وانا لا
احمد : ههههههههه لا ازاى عندك حق
........
كان حفل الزفاف بسيط وجميل وكان الاهل فرحين بزفاف احمد وشمس
قام احمد باخذ الميكروفون وقام بالغناء والرقص مع شمس
لمستك نسيت الحياه
وانت اللى بحلم اعيش يوم معاه
والليله هى البدايه وخليك معايا
ده عمرى الليلادى ابتدا
وقام بدر بالرقص مع مى ايضا ورقصت نور مع احد المعازيم فى مثل عمرها
ولازم نعيش يلا قرب كمان
تعالى حبيبى لابعد مكان
ننسى اللى ضاع من ايدينا
نعيش بس لينا
خلاص اللى جوانا بااان
انتهى حفل الزفاف السعيد وقام احمد باخذ شمس لعش الزوجيه السعيد
احمد : اتفضلى يا حبيبتى
دخلت شمس لغرفه النوم ولكن كانت مضطربه وخائفه ومكسوفه
احمد : شموسه ممكن تجهزى عشان نصلى سوا
شمس: حاضر
صلى احمد بشمس ركعتين لله تعالى
ثم اجلسها وقال
احمد : اخيرا نورتى حياتى يا شموسه
بحبك اوى من اول ما شوفتك بيبى
من اول ما حطوكى فى حضنى وقالولى دى بنت عمتك
بحبك
كنت هموت يوم ما سافرتى
شمس انا محستش انى عايش غير لما بقيتى معايا
قام وحضنها وكانت شمس تبكى وتقول له
بحبك اوى يا احمد
بحبك
احمد : وانا كمان بحبك اوى اوى يا شمس
...............................
فى الصباح الباكر
كان لاحمد وشمس فرح اخر فى البلد
جاء احمد لشمس محملا على الحصان وبالملابس الصعيدى من جلباب وعبايه
وكانت شمس مع السيدات بملابس العرس
وكان يومهم الثانى فى حياتهم الزوجيه فى غايه السعاده
وكانت البنات تغنى بالدفوف مع العروس مع الفرقه النسائيه
واد يا اسمرانى اللون ليه بيكرهونى فيك
وانا كل ما يكرهونى يزيد غرامى ليك
وكان الشباب يغنون مع اهل البلد فى الحديقه
وكان احمد مع رافت على الاحصنه
بارك لهم اهل البلد جميعا
وكان رافت فخور بابنته وعوض ربنا عليه ان رزقه بشمس الى ان زوجها بيده
دخلت شمس لغرفه والدها ومسكت صورته مع والدتها وقالت لهم
انا بقيت عروسه يا ماما
بقيت عروسه يا بابا
وجاء احمد من ورائها وقال : وانا عريسها يا عمتو هفضل احميها واخلى بالى منها طول العمر زى ما كنتوا دايما توصونى