صدفه حبنا
#البارت_الاول
بقلم منار مجدى
اهلا انا أسمى مايان كنت بحب ابن خالتى من صغرنا ودائما كان بيرفضنى بس انا زى اى بنت مهزقه معندهاش كرامه كنت دائما بلف وراه لحد ما فى يوم صحيت بفتح الواتس لقيت رسائل كتير مبعوتالى من رقم غريب فضولى جابنى وخلانى فتحتها لقيت.
...: ابعدى عنه بقا انتى ايه مبتحسيش
..:ده بتاعى انا وبس انا وهو بنحب بعض
...:انتى سبب مشاكلنا كلها
...:يا شيخه منك لله
..:يعمل ايه معاكى تانى عشان تبطلى تلزقيله فى كل حته.
...:هو بيكرهك انا كمان بكرهك اصلا محدش بيحبك حتى مامتك بتكرهك عشان كده سابتك ومشيت.
عيطت بجد عيطت جامد ماما فعلا أطلقت وانا صغيره وسابتنى لبابا عشان تعرف تتجوز تانى براحتها بعدت عنى اكتر من عشر سنين بس رجعت رجعت وكانت ندمانه وانا سامحتها بس ده مش معناه انى نسيت حتى التفاصيل ديه حكاهالها هو انا ليه محدش بيحبنى كل الناس بتبعد عنى.
دخل بابا على صوت عياطى.
بابا (خالد):مالك يا مايان يا بنتى ايه حصلك.
مقدرتش اتكلم الكلام مش طالع زى ما اكون انا إلى بعت نفسى لحد ما يستهلش اترميت فى حضن بابا ابكى على حالى بجد انا محدش بيحبى وله حد فى يوم هيحبنى انا وحشه فعلا انا وحشه شعرى كرلى بس ده موضه حتى وفيها ايه عيونى مش ملونه وشعرى قصير وانا قصيره وتخينه حبتين فيها ايه يعنى ليه الناس بتحب تجرحنى هو انا عملت ايه وحش فى حياتى.
كان بابا بس بياخدنى فى حضنه وبيواسينى ويطبطب عليا حتى لو مش عارف انا بعيط ليه بس ضحكت لما سمعته بيقول
خالد:خلاص يا حبيبتى ده كابوس والكوتبيس مش بتتحقق
ضحكت جامد بصراحه
خالد مسك وشى ومسح دموعى بابتسامه:ياخلاثى ايه الضحكه القمر ديه بس يختى مخلف سكره.
بجد بابا إلى محلى حياتى معرفش من غيره كنت هعيش ازاى.
فجأة الباب خبط جامد.
خالد بخيبه أمل:اكيد صاحبتك هند إلى قرفانا ميت مره افهمها الخبط على الباب ازاى بس هى مصممه تقطعلى الخلف.
الباب بيخبط جامد والجرس.
خالد قام:ده لو البيت بيقع مش هتعمل كده خلاص يختى جاى جاى.
فتحلها
هند بابتسامه بلهاء:عمو خلوده عامل ايه يا راجل واحوالك عامله ايه
خالد بضحك:كويس ياختى ادخلى صاحبتك جوه.
هند بزعر:بتهزر ديه عندها مقابله بعد ساعه.
خالد:يختى وانا اش عرفنى ادخلى
دخلت هند.
مايان:هند بصى هلبس بسرعه لحظه
هند بزعيق:انتى اكيد بتهزرى وانا إلى حابه جرى عشان الحقد قبل ما تنزلى وانتى نايمه فى البطاطا.
مايان:هى فين.
هند:هى مين.
مايان بضحك وهى داخله الحمام:البطاطا
هند مسكت المخده وحدفتها بس كابتن قفلت الباب بسرعه
عدى عشر دقايق خرجت مايان وهى لابسه بنطلون جينز واسع وبلوزه طويله برقبه .
هند:جهزتى.
مايان:ايوه بس حاسه ان الطقم ده مبين تخنى اوى.
هند:ياستى يالا بعدين ننزل تجيبلك هدوم يالا بقا هنتأخر.
مايان:انا نازله يا بابا.
خالد:متتأخريش هعملك مكرونه بشاميل.
مايان:بقولك ايه يا هند ما بلاها مقابله وخلينا ناكل.
هند مسكتها من قفاها:يالا بت هتتعبينا معاكى.
حاولت انسى أو اتناسى إلى اتبعت الصبح بس للأسف مقدرتش ركبنا المقروباص انا وهند وكالعادة قعدت جمب الشباك بحجه أن معدتى مقلوبه وهرجع كنت ببص من الشباك وسرحانه مأخظتش بالى انى بعيط غير لما لقيت عربيه بتزمر جامد جمبنا بصيت على إلى بيسوق كان شب وسيم جدا
بيبتسم ليا وعمل بإيديه على وشه بمعنى انى ابتسم بحركه لا إرديه ابتسمت وانا مستغربه فضحك ومشى قدام هو معاه حق مفيش حاجه تستاهل أنى ابكى أو اعيط عليها هو ميستهالنيش هو يطول أساسا فوقت على ايد هند وهى بتقولى
هند:يالا وصلنا.
مسحت دموعى وسط استغرابها انى بعيط ونزلنا.
هند:مايان انتى بتعيطى ليه.
مايان:متقلقيش عادى توتر يعنى.
هند:لا مش عايزاكى تتوترى خالص بصى برضو مش عايزاكى تتوترى يا شيخه كله شغل بيروح ويجى كله يهون الا صحتك ياما ياللهوى الوقت بيسرقنى يالا يختى.
مشينا انا من النوع الى بشارك افراحه بس احزانى بخليها لنفسى وده ساعات بيتعبنى بس اعمل ايه مش بحب اقول لحد حاجه تضايقه أو تخليه يشفق عليا .
طلعنا الشركه زحمه اوى بس تقريبا عشان مقابلات الشغل انا طلعت من هنا أسمى اتندى من هنا.
هند:ايوه ايوه الحمدلله لحقنا.
دخلت وانا رجل بتقدم ورجل بتأخر مش عارفه ليه حاسه انى هترفض .
لف الاتش ار بالكرسى ليا:مايان خالد مش كده.
هزيت راسى بتوتر :ا ا ايوه انا.
لحظه مش ده نفس الشخص إلى شاورلى وانا فى المقروباص.
هو:ايه ده انتى بس طلع اسمك جميل اوى.
ابتسمت: متشكره
هو:طيب اتفضلى شكلك متوتره.
مايان بابتسامه محرجه:شويه.
بص فى السى ڤى بتاعى بتمعن
هو:امممم بس ايه سر اللغات ديه كلها.
مايان:ها.
هو:يعنى تركى وهندى وصينى وكورى وانجلش كل ده ليه.
مايان:بصراحه عشان انا بحب اتفرج على مسلسلات هندى وتركى وكورى وصينى.
هو بضحك:وطبعا اجنبى
مايان:لا ده عشان الشغل.
ضحك جامد عليا فضحكت وانا بعض على شفايفى بإحراج.
هو:طيب احنا كده تمام قوليلى بقا عندك خبره اشتغالتى قبل كده
مايان:بصراحه لا معنديش خبره خالص بس عشان انا لسه متخرجه جديد وكده بس انا بتعلم بسرعه هقدر اتعود على الشغل بسرعه واهو اكتسب خبره.
هو:امممم.
مايان بصوت واطى:انا عارفه من الاول انى هترفض.
هو:لا مش هيحصل.
مايان:افندم.
هو:مش هتترفضى أن شاء الله هنتصل بيكى من يوم ليومين كده بس انتى سيبيلنا رقمك ويكون شغال بس ابشرك يعنى.
مايان:اسيبه فين يعنى.
هو:اممم بصى سيبيه هنا بس جهزى نفسك عشان تشتغلى بقا.
مايان بابتسامه:متشكره لحضرتك.
هو:طيب مش هتقوليلى كنتى بتعيطى ليه.
مايان:ها.
هو:شكلك مش عايزه تحكى دلوقتى مش مهم هنشوف بعض كتير بعد كده.
مايان بابتسامه:أن شاء الله عن أذنك.
خرجت وانا مصدومه يا حلاوه يا ولاد شكلها هتلعب معايا وهشتغل وخبقا سوبر اندبنت ومن لا لا بلاش التفائل الزياده .
هند:ها يا مايان عملتى ايه.
بصيت لها وانا لسه بصدمتى.
هند بزعل:متضايقيش يا حبيبتى أن شاء الله ربنا هيكرمك بشغل تانى المهم انتى متضايقيش.
مايان:شكلى كده اتحسدت يا هند وهشتغل.
هند:متضايقيش لحظه ايه.
مايان بابتسامه:هشتغل بقولك هشتغل
هند حضنتها بفرحه كبيره:يا حلاوه يا ولاد.
مايان:انا لازم اروح عايزه افرح بابا .
هند:ايوه طبعا وهنجيب جاتو عشان نحتفل.
مايان:بس لسه هستنى تليفون يقولى هنزل امتى.
هند:المهم اشتغلتى تعالى بس
مشيو ورجعو البيت
دخلت مايان وهى مضايقه وهند وراها مضايقه.
خالد:مالكم يا ولاد .....شكلك متقبلتيش صح بصى يا حبيبتى مضايقيش نفسك هما إلى خسرانين ...... ما هى وراثه اصلا الواكسه وراثه فى عيلتنا انا كمان حرقت المكرونه بي عملت ايه حبه كفته وفراخ مشويه انما ايه.
مايان بابتسامه:انت إلى عملتها برضو.
خالد:بقا مش مصدقه ابوكى والله بجد بإيديا ديه مسكت التليفون واتصلت على بهيه وطلبت فرخه كامله ونص كفته
ضحكت مايان وحضنته
هند:على العموم يا عمى مايان كسرت القاعده واتقبلت فى الشغل.
خالد بفرحه:ده بجد.
مايان هزيت راسها:ايوه يا بابا بعد خمستاشر مقابله فاشله اخيرا اتقبلت.
خالد:وزعلانه يا موكوسه
مايان:فرحانه اوى يا بابا.
خالد:يا حبيبتى ربنا يفرحك كمان وكمان
هند:هنقضيها أحضان يعنى وله هناكل
مايان:طفسه
هند:بتقولى حاجه يا مايان
مايان:بشكر فيكى يالا ناكل.
تانى يوم صحيت على التليفون فتحته
مامتها نوال:ألو يا حبيبتى عامله ايه
مايان: الحمدلله يا ماما كويسه
نوال:انا صحيتك وله ايه
مايان:اه
نوال:فى انسه شطوره تنام لحد دلوقتي الساعه واحده وازاى ابوكى سايبك كده عديم المسئوليه
مايان بضيق:انتى عايزه ايه دلوقتي
نوال بزعل:بتزعقي لامك عشان ابوكى يا مايان وفى غلط
مايان نفخت بضيق وقامت:يا ماما مش بزعق بابا سابنى انام انهارده براحتى عشان خارجه بليل
نوال:ايه ده ليه.
مايان:عادى نازله اجيب هدوم انا وهند عشان الشغل.
نوال:شغل انتى اشتغلتى
مايان:لا لسه لما يكلمونى هعرف عن ا امتى فبحضر نفسى.
نوال:طيب ديه كانت خالتك عازمنا على الغدا الساعه تلاته هتعرف تيجى على الأقل ساعه وتمشى.
مايان:اوكى بس هند هتيجى معايا
نوال:هاتيها ديه خالتك بتحبها اوى.
مايان:تمام سلام
نوال:سلام
قفلت التليفون وانا مضايقه مكنتش عايزه اشوفه وله اتكلم معاه انا زهقت زهقت من جرى وراه ومحاولاتى اللانهائيه عشان أكلمه واخليه يحبنى فعلا صدقت المقوله إلى بتقول الحب مش بالعافيه قومت لبست كالعاده وجبت شعرى على جمب ولاول مره حطيت روج اه اول مره بجد وفيها ايه لما اهتم بنفسى شويه انا عايزه اتغير بس للأسف مفيش حد مشجعنى بابا وهند بيقولو انى مش محتاجه اتغير وانى انا كده كويسه جدا بس نفسى لما ابص فى المرايا اشوف نفسى حلوه احب نفسى اكتر من كده انا هحاول اتغير تانى بس المره ديه مش عشان حد عشان نفسى
نزلت بعد ما ودعت بابا وقابلت هند ورحما عند خالتى كانت ماما مستنيانا هناك.
خالتى نوسه:اهلا اهلا حبيبت قلبى من جوه عامله ايه واخبارك واخبار بابا يا رب تكونو بخير.
مايان بابتسامه:بخير الحمدلله.
رامز:اهلا يا مايان عامله ايه
ليه عين يكلمنى الأستاذ انا ببتسم ليه يخربيت الحب على إلى عايزين يحبو
مايان:كويسه الحمدلله.
نوال:انتو هتفضلو على الباب كده.
هند:انا بقول كده برضو
دخلو بعد السلام والمجاملات كان كل شويه رامز يبصلى بإستغراب وانا كنت بتحاشى ابصله واقعد معاه فضلت فى المطبخ وكل لما يدخل اخرج اشوف اى حاجه اعملها لحد ما حضرنا السفره وقعدنا كلنا.
نوسه:أمك قالتلى أنك هتشتغلى صحيح
مايان:ايوه روح امبارح المقابله واتقابلت كمان.
نوسه:حبيبتى الشاطره.
رامز:مجتيش ليا يعنى قبل ما تروحى المقابله زى كل مره.
رديت بعد اهتمام:عادى مجتش فى بالى وبعدين هيجيلك ليه يعنى. ضحكت لقيته رفع حاجب وهو مبتسم مش عارفه حاسه الابتسامه ديه مش من قلبه حطيت المعلقه فى بقى وبعدت نظرى.
هند:ياعم شكلك اصلا انت إلى جبالها الفقر اهو المقابله الوحيده إلى متشوفكش فيها اتقبلت الحمدلله ده انت نحس يا راجل
كانت هند بتضحك واخدتها بهزار الكل ضحك معادا هو
رامز:انتى شايفه أنه مضحك.
هند:جدا وبعدين ياعم بهزر مالك قلبت وشك ليه.
قام وهو متنرفز من على الاكل :انا شبعت.
مايان:بس انت لسه مأكلتش
ايه خلانى انطق طول عمرى انطوائيه وفى حالى جايه دلوقتى اتدخل ده ايه ده بس يا ربى.
رامز:مش جعان عن أذنكم.
أضايقت شويه بس بعدين قولت وانا مالى مايضايق وله يتفلق خلى السنيوره تخفف عنه المهم خلصنا اكل وسلمت عليهم كلهم معادا هو لانه كان فى الاوضه مرضتش ادخله زى كل مره وقولت لخالتى تبقا تسلملى عليه كمجامله كفايه رخص بقا راميه نفسى عليه وله كأنه توم كروز نزلنا انا وهند واتمشينا لحد ما وصلنا المول عشان نشترى منه الهدوم.
هند:مايان هو رامز ضايقك.
مايان:لا ليه بتقولى كده.
هند:عشان انتى متغيره هما ميلاحظوش بس انا البيست بتاعتك لازم افهمك يا حبيبتى.
مايان ابتسمت:لا مضايقنيش بس انا خلاص تعبت تعبت من انى أفضل راميه نفسى عليه تعبت انى ملزقه مش عايزه ابقى كده عارفه نفسى فى ايه يا هند نفسى حد يحبنى بجد وهو إلى يجرى ورايا ويقدرنى يحاول يسعدنى باى طريقه لأن وبكل بساطه بس ابتسامتى هتكون مصدر سعادته.
هند:عايزه حد يحبك زى ما انتى بتحبى رامز
مايان:كنت بحبه لكن دلوقتي لا يا هند كفايه لحد كده.
هند حطيت إيديها على كتف مايان:عين العقل يا صاحبتى تعال فى هدوم حلوه.
بعد لف دام خمس ساعات قعدنا من التعب ومسكنا رجلنا
مايان:مش قادره كفايه تعبت
هند قلعت الكوتش:رجلى ورمت يا مايان يالا نروح كفايه.
مايان:يالا.
لبست هند تانى وقومنا عشان نوقف تاكسى وقفت عربيه قدامنا.
هند:ايه ده هنتخطف.
مايان:حساكى مبسوطه
هند:بصراحه انا طول عمرى نفسى اتخطف.
مايان:انا مش عايزه اتخطفى لوحدك.
فجأة الازاز نزل كان بيضحك جامد
هو:متقلقوش مش هخطفكم
هند:الله مين العسل.
هو:انا الاتش ار بتاع مايان أسمى كريم.
هند وكزت مايان:اشطا عليكى
مايان بإحراج:حضرتك بتعمل ايه هنا.
كريم:كنت بلف ونروح بس بالصدفه شوفتك.
هند:احنا كمان مروحين.
كريم بيبص بنايات:بجد
مش عارفه ليه وقتها خدودى احمرت وابتسمت لدرجه غمزتى إلى فى خدى الشمال بانت
مايان:ايوه
كريم:يبقا اوصلكم بقا.
مايان:لا لا مش عايزين نتعب حضرتك
كريم بإصرار:مفيش تعب خالص ده انا إلى حصل الشرف اركبو اصلا مش هتلاقي تاكسى دلوقتى.
هند مسكت دراع مايان:يالا بقا الراحل مصر مش كده
كريم بابتسامه وهو بيفتح الباب الى قدام:جدا
هند زقيت مايان قعدتها قدام جمب كريم إلى كان مبتسم وقفلت وركبت هى ورا.
كريم شغل العربيه ولسه هيتحرك وقف رامز قدام العربيه وكان وشه كله علامات غضب
مايان بصدمه:رامز.
هند:ايه جابه ده.
نزلت مايان بسرعه مسكت أيديها وبقيت تشوفه:انت كويس فى حد عاقل يقف قدام العربيه كده انت مجنون يابنى
رامز:مين إلى انتى راكبه معاه ده يا هانم.
نزل كريم لما حس أن رامز ممكن يتهور عليها مسك أيد مايان ترجعها وراه:براحه يا كابتن فى ايه.
رامز بصوت عالى:انت متدخلش انا وبنت خالتى احرار.
كريم بابتسامه:اخوات يعنى
رامز:برضو ميخصكش.
مايان بإنفعال:رامز لو سمحت ده الانس ار بتاعى.
كريم ابتسم لما سمع كلمه بتاعى.
رامز بغضب:بتاعك
مايان:قصدى بتاع الشركه إلى تشتغل فيها أن شاء الله.
هند'فى ايه يا رامز مالك انهارده عامل زى التور الهائج كده ومش طايق حد.
ندى:وهو يطيقكم ليه اصلا هو انتو كل شويه ورانا.
حضنت دراع رامز:ايه يا بيبى سيبك منهم بقا انت وعدتنى.
رامز:بس يا ندى.
ندى:انت وعدتنى.
هند:ايوه ايوه روح معاها بقا وسيبنا فى حالنا ياخى.
كانت مايان بتبص على ايديها إلى ماسكه دراع رامز.
رامز بصيلها نقلت مايان نظرها ليه ودمعت كانت نظرتها كلها خذلان فابتسم رامز
رامز:اوكى خلاص تعالى مش عايزين يومنا يضرب بسببهم
كريم بعد ما مشى:ده مريض نفسى.
لف لقا مايان بتعيط بصمت
كريم:انتى كويسه.
هند بضيق:معلش يا استاذ ممكن بس توصلنا البيت.
كريم:ايوه اتفضلو طبعا
مسكت هند مايان وركبتها تانى واتحركو مشيو.
كريم:بيقولك مره واحد ميكانيكى قعد على القهوه طلب واحد كاوتشينو.
مايان مسحت دموعها وبصياله بإستغراب.
هند بضحك: اه كاب كاوتش فهمتها حلوه.
مايان ابتسمت
كريم اقولك واحده تانيه
مايان هزيت راسها
كريم:مره واحد غبى عرف أن الشيطان شاطر راح يزاكر معاه.
ضحكت مايان جامد.
هند:لا ديه مش حلوه الاول احلى.
كريم بص لمايان:بس شكل التانيه احلى .
اتكسفت مايان .
وصلنا الحمد لله كانت توصيله ممتعه بصراحه استاذ كريم بيضحكنى اوى هو انسان طيب اوى بيحب حد يكون مضايق بيحاول يفرح كل الناس .
مايان: شكرا جدا يا استاذ كريم على التوصيله انبسطت اوى.
كريم:المهم تكونى انبسطتى اه صح أنا كنت هتصل عليكى بكره بس بما أنى شوفتك انتى بكره هتبدأى شغل الساعه تسعه أن شاء الله متتأخريش ماشى انزلى بدرى عشان المواصلات.
مايان:ماشى متشكره جدا.
كريم:تصبحى على خير.
مايان:طيب مش هتطلع تشرب حاجه.
كريم:لا معلش وقت تانى مايان
مايان قبل ما تمشى:ها
كريم:مش هتقوليلى كنتى بتعيطى ليه.
مايان بابتسامه: تصبح على خير.
طلعت مايان وكريم ضحك ومشى.