رواية زهرة البنفسج
الفصل الثاني عشر12
بقلم لبني طارق
لا حول ولا قوة إلا بالله العلى العظيم
سبحان الله وبحمده وسبحان الله العظيم
بسم الله الذى لا يضر ما إسمه شئ فى الارض ولا فى السماء وهو السميع العليم
أعوذ بكلمات الله التامه من كل شيطان وهامه ومن كل عين لامه
❤❤❤❤❤❤❤❤❤❤❤❤❤❤
تامر بعد ما كان ها يعدى من على السور وقف مره واحده وفكر فكره مجنونه .. رمى نفسه جااامد وفضل يتوجع بصوووت عالى .. ما أقولكوش على منظر زهره وهى معيطه وكانت يادوب ها تروح فى النوم سمعت الدبه وصريخ تامر الا ورا بعضه جريت فتحت البلكونه لقته واقع فى الارض بيتوجع جااامد
زهره بالهفه وطت عليه ورفعت راسه على ايدها وكل كلمه تضربه على صدره : مالك وايه الا وقعك هنا
تامر حط ايده على صدره : اه يا زهره براحه بطلى غل
زهره : عايز ايه وايه الاوقعك كدا
تامر : ابتسم .. وقعت خلاص والا كان .. كان مش ها تقوليلى الف سلامه وبيغمز لها يا أبو ابنى يا غالى والا أى حاجه انا انقذتك من نوم تلت اربع تيام
زهره ابتسمت : لا مش ها اقول انا اصلا ماكنتش ها انام .. ثم كمان انا مليش ولاد انت قولت خدت ابنى وبتشحت عليه وبعصبيه انا بشحت عليه وزقته راسه اتخبطت فى الارض
تامر مسك راسه : اه يا مجنونه كدا فتحتى دماغى
زهره : انت جاى تتبلى عليا .. قوم بطل تمثيل وأمشى من هنا ياله
تامر : أمشى اروح فين والقمر زعلان منى طيب يرضيكى
زهره ابتسمت : لا ما يرضنيش
تامر : طيب ايه فى ليلتنا الا كلها خبط ورزع دى ماكنتش كلمه قولتها وبيرفع ايده وربنا ما اقدر طيب و الهى وسا ها يدعى حطت ايديها على بوئه
زهره : اوعى تدعى على نفسك فاهم
تامر باس ايديها : انا ماكنتش ها ادعى على نفسى كنت ها ادعى عليكى انتى 😂😂😂
زهره ضربته فى صدره : تصدق انا غلطانه انى قاعده بسمعك أصلا
تامر ضحك جااامد وحضنها وهو قاعد على الارض وهى جمبه : ماتزعليش يا زهوره انتى حبيبتى وزياد ابنك وماقدرش اقول غير كدا ثم كمان هو فى اب ما بيقولش دا ابنى وانا حر فيه والست ترد تقوله وابنى كمان وانا حره .. خليكى على الخط ماتبقيش حساسه مش دا اتفقنا وكمان موضوع الشحاته دا بعترف انى مدب بس كمان ما بحبش حد يصرف على ابنى غيرى انا وانتى وستوه
زهره : يعنى انت مش قصدك الا انا فهمته
تامر : توء مش قصدى وبيغمز لها احنا ها نفضل فى البلكونه كدا كتيررر .. افردى حد بيصورنا ودول ما بيصدقو يعنى ها تلاقينى على كل المواقع جااار يقتحم شقة جارته وبيضحك العسل .. السكر زياده
زهره بدلع ومبتسمه : وعمل ايه الجار دا
تامر : عمله منيله بستين نيله لو فضل كدا مرمى فى الارض 😂😂😂
زهره : صحيح صدقت سوسو الا قالت عليك مدب وقايمه و سايبه
تامر : يابت خدى انا لسا ما خلصتش كلام
زهره رجعت تانى بسرعه وقعدت جمبه : ايه ها تقول ايه
تامر : وربنا يا زهره لو قفلتى على نفسك تانى فى اى حته لكسرك .. زى ما انا كلى اتكسر عشان خاطر سعتك منا مش ها الاحق عليكى كل ما ازعلك اترمى الرميه السودا دى
زهره بتجز على سنانها : يعنى اعمل فيك ايه انا .. قولى الواحده تتصرف مع واحد زيك ازاى انا مش فاهمه
تامر : بحبك يا مجنونه
زهره ابتسمت وبتفرك فى ايدها : وانا كمان بحبك وكمان يعنى وحشتنى
تامر سند بايده على الارض ونام نص نومه : قولى وربنا
زهره : وربنا اصلك مش عارف
تامر : ايه عرفينى
زهره : انى مش ها اقدر اعيش من غيرك خلاص برغم انك رخم يعنى كدا ودمك يا ساتر سم ومحدش يطيقك ومتهور
تامر : اه وايه كمان حابه تضيفى حاجه تانيه قبل ما اطلع روحك فى ايدى وقام جرى وراها
زهره بتجرى وبتضحك وحطت ايديها على صدره وبتزقه : خلاص .. خلاص
تامر : شدها عليه جااامد بطلى طولة اللسان فاهمه
زهره وهى بتضحك : فاهمه حقك عليا
تامر : ايوا كدا اتعدلى وشالها بين ايديه وخلاها فى مستواه ودفس راسه فى رقبتها .. وبيحضنها بقوته .. حقك عليا اوعى تزعلى منى فى اى حاجه يا زهرة عمرى كله
زهره وهى مبسوطه احساس مختلف عمر حسام ما خاف على زعلها كدا ولا كان بيطيب خاطرها كدا ابدا برغم حبهم او الا افتكرته حب ... حب ايه ان واحده تتحمل مسئولية نفسها وتفضل تدى وتساعد وتحاول تعيش اكتر من مره .. حب ايه ان الراجل يبقى جاف فى مشاعره انسان بخيل مش ماديا بس لا معنويا كمان فين الامان فين الحضن الا بيطمنها وفين الروح الا دايما بطيب خاطرها .. الست مخلوق ضعيف جدا مهما كانت .. الاحتواء بالنسبه لها نص الجواز .. والنص التانى بيت واولاد او حتى مفيش اولاد فى امور تانيه ممكن تعوضه ... كل دا بتفكر فيه وهو تامر بيضمها بحب حقيقى .. احتوى قلبها وكيانها وحياتها وامتلكهم
تامر رفع راسه : اتصالحنا والا لسا
زهره حضنته اكتر وهو مبتسمه : لا لسا شويه انت مش على طول رمانسى كدا ايه رايك نتخانق كل يوم وتصالحنى
تامر : 😂😂😂😂 اهووو الواحد بيخاف من كدا الطمع وحش طب خليها يومين فى الاسبوع انما كل يوم
زهره : تموره ايه رايك افتح شقتى على شقتك
تامر : كدا بقى ناقص شقة خالد وسميحه ويبقى فتحنا الدور كله على بعض
سميحه : انا بتكلم بجد
تامر : ليه فهمينى وجهة نظرك
سميحه : شقتك اوضتين وانا كمان لما نفتحهم على بعض ها تبقى كبيره وواسعه جدا وزياد ها يلعب براحته بكل الحاجات الا انا جيبهاله تعالى انت مافكرتش تدخل عندى وتشوف الشقه ودخلتو الاوضه الا عملاها لزياد كلها لعب كتيررر وكمان هدوم اتفاجئ بيها بص لزهره وكانه لسا بيكتشف فيها اكتر واكتر ها يتمنى ايه من الدنيا غير ان ربنا عوضه فعلا بأم حقيقيه لابنه مش بتتصنع
تامر حضنها وكل كلمه بيطبع بوسه على شافيفها : الا تشوفيه والا انتى عايزاه ها اعمله كله ها اخلى شقتك وشقتى جنه وها نفرشهم احسن فرش وها ادفعالك بقية قسط الشقه وها تفضل بأسمك انتى وملكك زى ما هى ..
زهره : بس انا مش عايزا
تامر : مش ها تفكرى تعوزى خلاص انا كل الا عندى ملكك وملك لابنى ولأمى انتو التلاته ها اخلع عنيا واديهالكم .. ياله بقى نروح لزيزو وسوسو الا قاعده على اعصابها
زهره : ياله يا حبيبى وراحو لسعاد الا فرحت جدا اول ما شافتهم رايقين مع بعض وقامت بخرتهم كمان وفضلت تقول لهم انتو محسودين وتامر مجاريها ويقول عين العيال بتوع الورشه عشان الهانم تيجى وتتمختر قوى قدامهم وطول القاعده بينكش فيها
**************
مر يوم اخر على الجميع وهدئت الامور كثيرا وتغلبت الشباب على البنات كاعادتهم
**************
خالد قام بدرى بياخد شاور وسايب سميحه نايمه مكانها .. وبيفكر ازاى قدر يستحمل كل السنين دى بعيد عن بيته واهله ازاى .. طيب لو ربنا رزقهم بالاطفال وهما الاتنين كبرو اكتر يا ترى ها يقدرو يربوهم والا لاء .. مش ها يقدر يتحمل فكرة انه حتى مايبقاش عنده طفل واحد طب انا غلطان انى رفضت اى علاقات نسائيه لحد ما ارجع لسميحه خسرت انى اشوف عيل بيكبر قدامى هو العمر ها يبقى فيه اد الا راح والا حتى الشركه ممكن ترجعه شغله كل شئ مره واحده بقى قدام عيونه صعب ومستحيل يتحقق وبيلوم نفسه انه كان يقدر يرجع من سنه فاتت ومرجعش طول الوقت بيعمل على مصلحة الا حواليه وناسى نفسه
فلااااش بااااك
************
خالد وكاتو وعبدالله وشيخ القبيله ومحى الا اتغير تماما وبيعمل زيهم رغم كبر سنه الا انه رجع شباب او طول الوقت حاسس انه شباب وبيمارس اى نشاط معاهم وكمان بقى عنده ولد وبنت أشقيه قوووى وطالعين سمر لأمهم .. وكاتو كمان ربنا مارزقهوش انه يخلف من البنت الا كان متجوزها من القبيله بس خلف من نرمين تلت اولاد ولد طالع شكله ووالدين طالعين شكل نرمين أما روفيدا اتجوزت محمد كابتن الطياره التانى الا كان مع خالد وجابت منه بنوته قمر وولد قمرين اما عبدالله فا دا متجوز اتنين ومش سالم من لسان خالد الا طهقه فى عشته تريقه بس بيحبه جدا وعنده 3 اولاد وبنتين .. كل واحد بقى له حياته والقبيله المره دى اتعلمت بجد واختلطت وحبت الناس دى قوووى لدرجه لا تتخيلوها مسئلة رجوعهم صعب قوى عليهم ومؤلمه جدا ... وفى وسط قعدتم اتفاجئو بهليكوبتر نازله على ارضهم نازل منها اتنين واضح جدا انهم اجانب وبيبحثو عن شئ .. لقو تقريبا كدا كل الا موجود محاوطهم اطفال وكبار
الحوار انجليزى مترجم
الراجلين بخوف : احنا مش جاين نأذيكم .. هل احد يتكلم الانجليزيه هل تفهو ماذا نقول لكم
خالد : ايوا فاهمين كويس وانتو ما تقلقوش محدش بيأذى هنا .. وشاور بايده اتفضلو تعالو معانا وراح على مكان القاعد المفضل عندهم .. وقعدو .. والناس رحبت بيهم زى ما خالد أمر لان كلمته مسموعه جدا هناك بمشروب جوووز الهند المعمول بطريقه جديده ومختلفه .. الاتنين بيبصو لبعض ورافعين حواجبهم تعبير عن اعجابهم بالمشروب وبالمكان جدا .. وعرفو نفسهم واحد اسمه جورج والتانى اسمه ماكس وخالد عرف نفسه وكاتو وعبدالله وشيخ القبيله ومحى
جورج : لقد جئنا هنا لاننا نبحث عن ثمرة جوز الهند ولكن لم نتخيل ابدا ان هناك اشخاص يعيشون على هذه المنطقه مطلقا
ماكس : ولفت نظرى انكم ليست شبه واحد فا هناك ابيض وهناك اسود
محى : خلينا فى ثمرة جوز الهند وبعدين تعرفو حكايتنا .. وايه الا جابكو تدور هنا
ماكس : نحن شركة زيوت كبيره جدا والاساسى هو زيت جوز الهند الشريكات المصدره لنا رفعت ثمنه كثيرا جدا وغير ذلك قالو لنا ان الكميات قليله جدا منه وهذا ما جعلنا نبحث عنه توفيرا لممطالات هذه الشريكات معانا وبعد ان عرفنا انه يتوفر فى هذه المنطقه بكثره اتينا الى هنا لاننا نحتاجه كثيرا
خالد : واحنا ماعندناش مانع اننا نسمح لكم بتحميل كل الكميه المطلوبه بس بشرط
جورج : ما هو شرطك
خالد : ها يتم نوع من انواع المقايضه زى ما كنا ما بنعمل مع الا قبلك لاننا احنا رافضنا ندى الشريكات دى حاجه بعد ما رفضو اتفقنا
ماكس ؛ تريد سعله مكان سعله ام ماذا
خالد : الله ينور عليك شوف احنا هنا معندناش اى مانع انك توفر لنا سلع غذائيه حتى لو طيور مش ها نقول لك لاء
ماكس وجورج بصو لبعض وضحكو
ماكس : نحن بقدرتنا نوفر لكم اى شئ ولكن ماذا سا نستفيد
خالد : قولتلك الكميه الا انت عايزها ها تحملها مهما كانت وانت دوئت بنفسك طعم جوز الهند هنا مختلف ونوعه مميز وغالى جدا ونادر تخيل بقى لو متوفر عندك انت لوحدك ووفرت عليك نص الفلوس الا انت بتدفعها
جورج : عرض مغرى بالطبع
عبدالله او ممكن تأوى زراعيه تصلح لزرعتها هنا فى المنطقه .. ولو حابين احنا ممكن نزيد هذا الاتفاق بأشياء تانيه جيده جدا مثل العسل النحل الطبيعى متوفر جدا وكميات كبيره والتونه بنعملها بطريقه جديده ومختلفه جدا لو عايزين تجربو
جورج : حقا هذا الكلام
خالد : ايوا وانواع اسماك جيده جدا بخلاف التونه وها نعلمك طرق كثيره لحفظها اطول فتره ممكنه واكلها مباشرا
ماكس انه لعرض مزهل .. يعنى انتم تاخذو منا ما تريدون وتعطونا ما نريد
خالد : بشرط ان الانواع اى ان كان ايه هى الا انت ها تقايضنا بيها من انضفها واحسنها على الاطلاق عندنا كتير بيفهمو فى كل الامور دى وعرف اننا مستغنين فى اى وقت ومش ها يفرق معانا لو عملت اى شئ يدايقنا
جورج طبعا .. طبعا .. هل يمكنكم استتضافتنا يومين هنا حتى نتعرف على كل ما هو متوفر لديكم ونقيمه قبل الاتفاق
خالد : طبعا .. وبدئو يعرضو عليهم كل شئ ولكن بطريقه فيها حذر وعجبهم جدا فكره الاسماك الا كانو ها يتجننو ويعرفو بتتعمل ازاى والا التونه الا فعلا تونه شكلا وموضوعا .. كل شئ له نكهه خاصه وطبيعى 100% بس ما قدروش يطلعو بمعلومه واحده لان خالد حذرهم يفضلو محافظين على سرهم فى الطريقه لان دا ها يفتح لهم باب تانى على العالم دا ها يجبرهم انهم يختلطو بيهم ويوفرو لهم كل الا ممكن يحتاجوه هنا فى مقابل شئ مكان شئ
جورج : اننى استمتع بهذا المكان كثيرا .. بس لماذا ارى هنا جامع وبجواره مباشرا كنيسه .. وناس من عرق مختلف كيف تعيشون مع بعض بهذا الشكل
خالد : بنعيش بالانسانيه احنا هنا ما عندناش لا طائفيه ولا عنصريه بنعيش مع بعض بمحبه وسلام وجمعيهم هنا متعلمين
ماكس هز راسه : جيد جدا الذى اره حقا عالم هادئ وجميل وارى محبه بينكم حقيقيه
خالد : وها تقضى يومين من اجمل ايام حياتك
جورج : انت ذكى جدا وتعرف جدا ماذا تفعل
خالد : من بعض ما عندكم .. انتم ماتقلوش ذكاء عنى .. ها .. تحبو السباحه
ماكس : كثيرا ولكن المكان هنا ليس أمن على ما اعتقد
خالد : لا متقلقش قمه فى الامان .. وها اوريك بنفسك واستدعى كل اطفال القبيله .. كبير وصغير فيهم بمراحل عمريه مختلفه ووقفهم جمب .. بعض وعمل اشاره بايده معناها يستعدو لنزول الميه والاشاره التانيه الاطفال انطلقت للميه بطريقه مزهله خطفت عيونهم ومستواهم فوق الممتاز لو دخلو اى
مسابقه دوليه للسباحه ياخدو فيها المراكز الاولى ..
جورج زى الاطفال بيتنطط وبيقلع هدومه لا اريد انا انتظر اكثر من ذلك
ماكس بنفس حركات جورج وبيقلع هدومه : وانا ايضا ودخلو يجرو ورا بعض جوا الميه والكل بيضحك عليهم
خالد بيبص لكاتو وبيقوله : لا اريد ان انتظر اكتر من ذلك بطريقه مضحكه جدا وكاتو وقع على الارض وبيضحك باعلى صوت وخالد ضربه قوم ها تفضحنا وماسكه هو عبدالله الا استعدو لنزول الميه معاهم . استمتعو بوقتهم جدا .. وبعد وقت كبير جدا من المرح الا اتملك المكان .. جورج وماكس قاعدين بيسمعو حكايتهم
جورج : من يريد منكم العوده سا نوفر له ذلك فى المره المقبله
خالد بإعتراض وخوف انهم يستغلو اهل القبيله وما ينفذوش اتفاقهم : لا احد يريد العوده شكرا جورج فى اللحظه دى شيخ القبيله خد نفسه وعيونه كانت ها تخونه وتنزل دموعها ماكنش ها يتحمل قرار عودة خالد والا معاه خلاص مش ها يقدرو يعيشو من غيرهم .. قضو جورج وماكس اليومين وبعدين سافرو ...
كاتو : ليه قولتلهم ان الشريكات كانت بتتعامل معانا
خالد : عشان يعرفو ان فى غيرهم بيجرى ورانا ويبقى عندهم جديه .. الناس دى تعزز نفسك عليهم يشتروك بأعلى تمن ..تبين انك محتاج لهم وفارق قوى وجودهم فى حياتك يبيعو ويشترو فيك عشان كدا قبلت الاستضافه وعرفتهم اننا عايشين احسن منهم
شيخ القبيله انهار قدام خالد وجميع الحضور ودا جعل حاله من الحزن تخيم عليهم كلهم : ارجوكم لا تتركونا مش ها نقدر على العيش من غيركم وبيبص لهم وبيتوسل اليهم كلهم لانه عارف ومتاكد انهم ممكن يمشو فى اى وقت لو الناس دى رجعت تانى .. انتم بقيتو جزء مننا مانقدرش على فراقه برغم كل ما تعلمناه فا فراقكم صعب وبدائو جميع القبيله فى العياط حتى الاطفال خلاص لغتهم بقت واحده حبهم تفكيرهم انسانيتهم ودا الاهم بقت واحده
خالد دموعه غلبته وماقدرش يتكلم وانسحب بهدوء .. كان عايز يأمنهم ويمشى يطير لحبيبته وعيلته ما بين نارين فعلا ما دول هما كمان عيلته . فضل وقت كبير منعزل لحد ما راح لهم وطمنهم انه ها يفضل والباقى عمل زيه .. وكانت اول مره شيخ القبيله يحضن حد كان هو خالد والا معاه . فضلو على الوضع دا سنه كمان لاحد ما اتوفر عندهم كل حاجه باصرار خالد وذكاء الباقين وجورج وماكس فرق وجودهم كتير فى المكان دا المكسب إضعاف عندهم وكمان عملو فروع كتير لعسل النحل الطبيعى والمميز من هذه المنطقه والاسماك ايضا ونجحت معاهم وسمعت .. واهل القبيله فهمو ازاى يتعاملو وزى ما خالد فهمهم بالظبط . لحد ما قررر الرجوع هو ومجموعه كبيره جدا معاه وخدو زوجاتهم واولادهم ووعودهم يرجعو تانى لهم عن طريق جورج وماكس او اى طريقه وكل واحد فيهم عىف التانى مكانه وازاى ممكن يتجمعو ويتقابلو فى يوم من الايام
***************
بااااك
خالد شهق جااامد وحس بنزول الميه الا غرق المكان
وسميحه الا صوتها عالى وبتنادى عليه ودخلت عليه الحمام
سميحه : ايه يا خالد الا انت عملته دا الاوضه غرقت برا
خالد بإرتباك : مش قصدى . ساعدينى بسرعه وفضلو يعملو فى الاوضه لحد ما حيلهم اتهد
سميحه : انت كنت بتعمل ايه لما الميه دى كلها خرجت برا كدا
خالد بتعب وزعل ظاهر عليه : مفيش يا سميحه سرحت شويه
سميحه : بتشاور بايدها كل دا سرحان وقربت منه مالك يا خالد فيك ايه
خالد نام على السرير وانكمش فى بعضه وحشونى قوى يا سميحه اه لو شوفتى نظرة عيونهم والقهر الا كانو فيه وهما بيودعونا
سميحه : بتمسد عليه ما تزعلش ياحبيبى ان شاء الله ها نروح لهم مش انت وعدتنى
خالد هز راسه : اه لازم نروح لهم ان شاء تعالى وخدها فى حضنه وبيكلمها تانى تفتكرى ها نخلف يا سميحه
سميحه قلبها اتقبض : مش عارفه الله اعلم
خالد : انتى حابه تخلفى ويبقى عندك اطفال
سميحه : جدا يا خالد نفسى يارب ما تحرمنا
خالد : ها نقدر نربيهم والا العمر سرقنا
سميحه لفت له وحطت ايديها على وشه : لسا ان شاء الله فى العمر بقيه وها نخلف ونفرح بيهم
خالد ابتسم واتقلب لطفل : خلاص انا عايز عيال كتير يا سميحه قوووى يعنى كل مره بخمسه سته مع بعض
سميحه بصوت عالى : ماتنسى يا خالد انا مش ارنبه يا بابا .. خمسه سته انت طماع كدا ليه
خالد : ونجيب تانى يجى عشرين عيل
سميحه بصوت اعلى : اه والجيران والشارع يربوهم . نام يا خالد الله يهديك والا اقولك قوم خلينا نفطر ونجهز نفسنا عشان نازلين اخر النهار