رواية زهرة البنفسج
الفصل الرابع عشر14والاخير
بقلم لبني طارق
أعوذ بكلمات الله التامات من شر ما خلق
لا حول ولا قوة إلا بالله العلى العظيم
سبحان الله وبحمده وسبحان الله العظيم
أعوذ بكلمات الله التامه من كل شيطان وهامه ومن كل عين لامه
💗💗💗💗💗💙💙💙💙💙💚💚💚💚
مر 7 سنوات معاناه حقيقه فى تربية الاولاد الا كانت مسهراهم وبتزعج نومهم جميعا حتى زهره وتامر وسعاد الا اتقلبو لمربيات من الدرجه الاولى حتى اهل خالد وامه وابوه الا مش مصدقين نفسهم من الفرحه وسميحه ياعينى خست النص هى وخالد الا طالع عينه .. وبرغم كل دا الفتره دى خالد لسا بيتواصل مع ماكس وجورج واوقات بيسافر معاهم للقبيله عيلته التانيه ووعدهم انه لازم يجيب زهره وا واولاده بس لما الظروف تسمح ... نرجع للاولاد ونعرفكم عليهم ربنا رزق سميحه وخالد ب3 اولاد وهما فارس الكبير و اسامه و سامر .. والبنات زهره ويارا وريتال ..
***************
زهره قاعده مكموشه فى الكرسى واول ما تامر دخل عليها
تامر : مالك يا زهره
زهره : اعااااااا .. وبصوت عالى الواد دا بيضروبنى
تامر كشر وضم حواجبه على بعض : بيضروبنى ازاى يعنى
زهره : اعااااااا .. بيضروبنى يا تامر اعمل اى منظر يا جدع وبيبص الناحيه التانيه لقى فارس واقف مكشر وفارد ايده
تامر ابتسم : هو انت .. عم المنطه منور وربنا
فارس بعصبيه : انا قولت محدش ياخد اختى انتو ما بتسمعوش الكلام ليه
تامر رفع حاجبه ومط شافيفه لقدام : مش عارف انا افهمها ازاى انها تبعد عن زهره اختك طول ما أنت موجود اقنعها بإيه لازم كل يوم اطلع الاقيها واخده علقه ومكموشه على الكرسى كدا عيب وربنا دا يرضيك يعنى
فارس ماشى وماسك زهره فى ايده : قولها هى وخليها تبعد زياد عن زهره ورايح على شقتهم ودخل على جوا وبيزعق فى زهره : ادخلى ومش كل شويه اجيبك من هناك وبيبص لسميحه فين بقيتهم
سميحه : جوا يا باشا اتفضل ولا تزعل سعتك .. وبتقرب عليه بخوف هو انت ها تعمل فيهم حاجه
فارس : ادخلى على جوا ولو لقيتك برا البيت تانى مش ها يحصلك كويس
زهره االصغيره بتزمر وعياط : يا ماما عايزا اقعد مع طنط زهره .. وابنك زعق لطنط وواقف بيضرب فيها بالكاراتيه بتاعه
سميحه : اه يا قليل الادب .. انا كام مره قولتلك احترم نفسك .. هو احنا بنلعبك رياضه عشان تقل ادبك وكمان على الاكبر منك .. دى ماما زهره الا ربيتكم وتعبت معايا عشانكم
فارس : ابويا قالى انا راجل البيت يعنى انا مش عيل وقالى حافظ على اخواتك يعنى محدش يخرج من هنا وبيبص لزهره سمعتى وملكيش دعوه بزياد تانى
زهره بتتنطط : مليش دعوه بقى والله لاقول لبابا وسابتهم ودخلت الاوضه
سميحه : انا لازم اخلى بابا يتصرف معاك لانى تعبت من افعالك انت غير اخواتك ليه .. اخواتك مؤدبين انت طالع لمين .. هما نسمه جوا البيت مفيش لهم صوت انت إعصار البيت ليه .. وداخله على اوضتهم الا قاعدين فيها . وشهقت وبرقت جااامد وبعصبيه .. اه يا انا يا أما .. انتى عملتى ايه فى دنيتك يا سميحه
سامر على سريره فوق الا معمول 3 ادور .. ونزل نص جسمه من السرير وبيضحك وبيبص لسميحه .. ايه رايك يا ماما فى الفن الا احنا عملناه دا خلينا الاوضه تحفه
اسامه : بصى يا ماما انا الا رسمت الراجل دا
يارا : وانا يا ماما رسمت بنت جميله قوووى ومسكاها من ايدها تعالى شوفى كدا .. سميحه بتبص على الحيطه وبتعيط عياط مصطنع .. احنا لسا مبيضنها حرام عليكو وبتقرب على رسمه يارا .. دى عفريته يا يارا وحوله
ريتال : وانا ياماما .. رسمت قلبين كبااار قوووى .. قلب فيه انا واخواتى .. وقلب ليكى انتى وبابا
اسامه : هو انتى زعلانه ليه يا ماما مش انتى الا قولتنا اى هوايه لازم نطلعها ونجسدها
سميحه بتشاور على الحيطه يمين وشمال : المواهب تطلع على الحيطه ليه وراحت جابت كراريس الرسم .. احنا جايبين دول ليه مش عشان الرسم . حرام عليكو بقى وخارجه برا وبتفتح بابا الشقه لقت خالد فى وشها .
خالد : مالك يا سميحه صوتك جايب اخر الشارع و جايه هجم ليه كدا
سميحه : انا تعبت يا خالد اتصرف مع عيالك دول
خالد قفل الباب برجله : وحضنها ولسا ها يبوسها
فارس : انت ها تعمل ايه .. انا ما بحبش كدا وقولتلكم كتير مش كل شويه احضان وبوووس
سميحه راحت عليه ومسكته من قفاه وبتوديه يمين وشمال .. انت تحب ليه .. انت مالك انا بحب انت مالك انت ايه يالا
خالد بيضحك وشدها : خلاص يا سميحه
سميحه : انت لازم تفهمه ان مش كل حاجه يتدخل فيها يا خالد وكل شويه يقل ادبه على زهره عيب
خالد اهدى طيب انا لسا داخل من الباب ملحقتش اقعد ثم كمان هو مفيش غير الباشا الا عامل مشاكل
سميحه شدته من ايده : تعالى وفتحت باب الا وضه بتاعتهم . اتفرج
خالد وقف وقعد يضحك جااامد وولاده وقفو جمبه وبيضحكو
الولاد كلهم : كنا عارفين انا بابا ها يتبسط مننا وماما بتتعصب
سميحه : يا خالد بطل ضحك ما تعصبنيش بقى
خالد : اصل الروسومات كلها عاهات .. وبيبص لهم بس حلوووه جدا .. ايه رايك بلاش الحيطه تانى .. وانا ها اجيب لوح كبيره وتقعدو فى الارض تطلعو فيها المواهب الجامده دى وانا كمان معاكو
كلهم فرحو ..وقالوله .. موافقين
وسميحه واقفه متتحه مكانها وبتفرد ايدها : بالبساطه دى كل شئ اتحل
خالد : ايوا بالبساطه دى .. تعالى انت يا باشا عشان لينا كلام مع بعض كتير وقعد مع فارس على ما سميحه تحط الغدا .. وقبل الغدا خده وراح خبط على تامر
تامر فتح الباب : اهلا يا كابتن اتفضل .. وخالد داخل وفارس وراه مسكه .. رايح فين يا كابتن احنا عندنا حريم ما بتتكشفش على رجاله
فارس بصله بشر : سيبنى ادخل
تامر سابه : اتفضل سعتك احنا فى خدمتك
فارس : والستات
تامر : ستات ايه احنا اخواتك الصغيرين ما تقولش كدا 😂😂😂
خالد : سلم على سعاد وزياد وزهره .. وبيكلم زهره .. ما تزعليش يا زهره انا فهمت فارس غلطه .. معلش بقى عايش دور الكبير علينا كلنا
زهره : انت بتهزر يا خالد .. انا بترعب منه ما تقولش كدا .. انا نفسى اخد حقى منه مره يا جدع
خالد : 😂😂😂😂 .. لا خلاص مش ها تخافى تانى .. قرب على طنط واعتذر زى ما اتفقنا
فارس قرب عليها : ما تزعلش انا أسف
زهره بتضحك بتوتر وبتحط ايديها على وشه .. مش زعلانه يا حبيبى انا بحبك قوووى
فارس : بينزل ايدها وبيضحك برخامه ما بحبش كدا
زهره : اه عارفه انا قولت يمكن فكيت والا حاجه
خالد : فارس وبعدين معاك
فااارس : انا اسف .. بس ما بحبش كدا بعد اذنكم وخرج على برا
تامر : ايه الواد يا خالد ..نفسى اعرف طالع لمين
خالد وهو بيضحك : انا كنت نسخه من رخامته دى وانا صغير بس ها يتغير ما تقلقوش
زهره : بقى خالد الحب كله دا يبقى نسخه منك دى هوزليت بقى
تامر بص لها واتنحنح
زهره بتلف صوابعها : ايه عملت ايه
سعاد : يا حبيبى ربنا يباركلك فيهم كلهم .. ولا يهمك يا خالد دول ولادنا يا حبيبى
خالد : ربنا يخليكى يا طنط بعد اذنكم لانى جعان جدا واقولت لازم اجى نصالح زهره الاول
زهره ابتسمت : طول عمرك جنتل وبتفهم فى الذوق يا كابتن ..وعلى فكره بقى فارس خلاص بقى حبيبى من انهارده
خالد ابتسم : تسلمى يا زهره وقام وراح شقته
تامر بتريقه : طول عمرك جنتل وبتفهم فى الذوق ومسكها من قفاها انتى مش ها تتلمى .. اتلمى
زهره بخوف : وربنا ما اقصد حاجه انت ليه نيتك سوده
تامر : دا ليلتك الا سوده .. وماسكها من وشها اقص لسانك دا ازاى .. المه ازاى
زياد : هو انت كل شويه تزعق لماما
زهره بتشاور على تامر : قوله نفسى اسمع كلمه حلوه وتبل الريق يا زيزو بس هو عنيف
تامر : وحيات امك
زهره : احممم .. ارجوك بلاش
تامر : بلاش ايه انا مابتسمعيش منى كلمه حلوه
زهره : 😂😂😂 لا
تامر شدها : طب قدامى وبيشدها يدخلها على شقته
زياد : انا جاى معاكو عشان ما تضربهاش
زهره بمكر وبتبص لزياد : ما هو انت لو جيت ها يضربنى بجد ووقعة امك زهره ها تبقى بنفسج
سعاد : 😂😂😂 تعالى هنا يا حبيبى .. بابا ها يتفاهم مع ماما مش ها يضربها
زياد استسلم وقعد وتامر خد زهره وراح شقته
تامر : تعالى بقى انتى الا جبتيه لنفسك
زهره بتقرب عليه بدلع : خلاص يا تموره
تامر : لا ماعنتش باكل من الكلام دا
زهره : طيب انت زعلان ليه هو انا كل شويه اصالحك يا جدع .. انا تعبت
تامر : يا شيخه قولى كلام غير دا انتى كمان الا بتصالحينى وشدها عليها قعدها على رجله وحضانها .. كنت عايز اخد رايك فى موضوع
زهره شهقت جااامد : يالهوووى عايز تتجوز عليا يا مصيبتك يا زهره 😂😂😂
تامر تنح : ما تبطلى جنان حد جاب سيرة الجواز
زهره : ما انتو مش بتسحلبو ولا تتدحلبو كدا غير لما تبقو ناوين تعملو مصيبه .. اوعى تكون عايز تحقونى
تامر تنح أكتر : ايه تحقونى دى
زهره : بتعمل بايدها شكل الحقنه تحقونى حقن مجهرى واجيب ست عيال زى سميحه .. وانا بطنى تضرب للسقف مابقاش شايفه مين الا واقف قدامى من عمود النور الا فى بطنى
تامر شدها ونيمها على السرير وبيضرب فيها : بطلى بقى افصلى يخربيت التخلف
زهره : 😂😂😂😂 خلاص .. خلاص .. عايز ايه
تامر : انتى تجننى أمى وبعدين تقولى عايز ايه اتعدلى .. وعدلها وبيتكلم معاها .. انا ناويت ان شاء الله افتح فرع للورشه فى اسكندريه ايه رايك
زهره كشرت وشها : وتفضل تسافر كل شويه
تامر : الحمدلله الشغل بيكبر يا زهره وبدال ما حد تانى يطور الفكره ويشتغل على سمعتنا احنا هنا .. نفتح فرح تانى ونكبر الشغل اكتر واكتر
زهره ؛ الا تشوفه يا حبيبى بس بقولك ايه رجلى على رجلك .. ها تكون هنا احنا مع بعض هناك انا على قلبك .. وبتلف ايديها اه لتروح هكا والا هكا
تامر : بزمتك ها اروح هكا والا هكا ازاى وانتى راكبه على كتفى
زهره بدلع وابتسامه : ان كان عجبك
تامر شدها عليه وضمها : عاجبنى وبموت فيكى وزعق فيها قووومى ياختى امى دلوقتى تقول علينا ايه وسابها وخارج على برا عند سوسو
زهره : خد يا راجل انت .. انت ايه يا بنى ادم
😂😂😂
*****************
خالد بعد الغدا خطف سميحه ومريحين الاتنين مع بعض على السرير وحاضنها جااامد وبيتكلم معاها
سميحه بتضحك : يعنى زهره خلاص مش زعلانه
خالد : زهره طيبه وغلابنه .. بس فارس يخف شويه احنا جيالنا عزومه لمكانى المفضل لمدة اسبوعين واجيب الا انا عايزه
سميحه لفت له بفرحه : بجد يعنى ها تاخدنى للقبيله واشوفهم واشوف المكان الا انت عشت فيه
خالد : وبفكر اخد تامر وزهره وطنط ايه رايك ويدوب اعرفهم عشان يجهزو نفسهم واجهز لهم الاوراق المطلوبه
سميحه : يا ريت يا خالد نفسى من زمان وكمان زهره ها تفرح قوى بس تامر مش عارفه
خالد : انا ها اقنعه يروحو يغيرو جووو وفى الحر دا ها ينسو نفسهم
سميحه : طيب مستنى ايه .. ياله نقوم نقولهم عشان فرحتنا تكمل ياله بقى ياله وراحو وخدو الاولاد الا بيعشقو يقعدو عند زهره بس فارس مابيحبش يروح عند حد وفعلا خالد اقنع تامر وزهره شبطت فيهم وسعاد اعترضت بس زهره ما ادتهاش فرصه . .. وبدئو يرتبو امورهم وظروفهم كلها عشان ينطلقو هما كلهم .. عدى اسوعين وحان معاد سفارهم بعد تجهيز كل شئ .. نزلو كل الهدوم وكل حاجه محتاجنها معاهم .. ونازلين
خالد : ايه دا كله يا زهره كل دى شنط
زهره : اه عشان لو وقعنا فى البحر نلاقى حاجه نلبسها
خالد ضحك وبيضرب كف على كف .بقلم : لبنى طارق... وسميحه مكمله ضحك
تامر : بيبنه وبين نفسه وربنا مجنونه .. وركبو وانطلقو وتوكلو على الله .. وصلو المطار .. ودخلو بعد ما خلصو كل الايجراءات .. وخالد طبعا له وضعه .. ركبو الطياره واول ما ركبو وخالد بالذى الرسمى بتاعه
سميحه بفرحه : نفسى ابقى معاك وانت بتسوق الطياره دخلنى جوا
خالد : مش ها ينفع .. محدش من الركاب بيدخل الكبينه .. بصى خليكى ولما نتحرك والدنيا تمام .ها ابعتلك حد يجيبك عندى خلاص
سميحه بخوف نوعا ما : ماشى .. خلى بالك الله يسترك واطلع واحده واحده
خالد مش مبطل ضحك من عمايلهم كلهم .. طيب حاضر .. واخلى بالى من الطريق الجوى والطيارات الا ماشيه جمبى حاجه تانى
سميحه : بتتريق يا خالد .. ياله روح لا إله إلا الله . وراحت قعدت جمب زهره
زهره ماسكه فى الكرسى جااامد ومغمضه عنيها اول ما الطياره بدأت تتحرك .. وعماله تقول يا رب والنبى يارب استرها يارب .. وسميحه نفس حالها هى وسعاد وبعد فتره الامور بقت تمام .. وصلو بلد ونزلو ريحو فى فندق يوم وتانى يوم ركبو طياره تانيه خاصه ودى بقى تبع جورح وماكس .. خالد عرفهم على بعض .. وبعد وقت كبير وصلو .. ونازلين عند الميه الا شكلها يجنن واللمعه بتبرق فى عيونهم كلهم .. جميع القبيله رحبت بيهم جدا بقلم : لبنى طارق .. وفرحو اول ما شافو سميحه واولادها وطايرين بيهم من على الارض
زهره لابسه بنطلون جينس وبلوزه وطرحتها وطالعه تجرى وتامر بيجرى وراها
تامر بصوت عالى : بقولك اقفى يا زهره .. ها تغرقى يا مجنونه ويجيلها يمين تجرى شمال .. يجى شمال تجرى على اليمين 😂😂😂
زهره : مليش دعوه الميه بتنادى عليا .. بتقولى انزلى وخلى عندك دم 😂😂😂
تامر وهو لسا بيجرى وبيحلق عليها : خلى عندك دم واقفى .. انت تعبت من كتر الجرى وراكى
زهره داخله على الميه وبتتنطط جااامد وبتغرق فى تااامر وهى بتضحك .. وبتدخل لجوا
تامر بخوف عليها زهره قربى هنا البحر هنا غووويط جدا
زهره : ما تخافش عليا انا قرده جوا الميه طول عمرى
جورج وماكس واقفين يتفرجو على تامر وزهره
خالد : ها تفضلو واقفين كدا كتير
جورج بعد ما اتعلم عربى : شكله خلو كتير خالد
خالد : مين سعتك
جورج : زهره شكله خلو كتير
خالد : عيب يا جورج كدا نزعل ما بعض ما تبصش على حريمنا بدال ما القبيله تتوايك هنا
جورج بخوف رجع لورا وشد ماكس : مش اققصد خالد نحن نعبر عن اعجبنا فقد .. وراحو قعدو مع القبيله
سميحه : عايزا انزل الميه يا خالد زى زهره
خالد : طبعا ها تنزلى ... بس وانتى فى حضنى وبعيد عن هنا .. تعالى .. تعالو يا ولاد والولاد راحت معاهم لانهم مهوسين وغاوين زى ابوهم سباحه .. حتى زياد خالد علمه مع اولاده .. وراح لمكانه المفضل .. والاولاد نزلت مع بعض وخالد حدد المنطقه بتاعتهم .. وفضل جمبهم هو وسميحه الا مبسوطه جدا ومش مصدقه الجمال والراحه النفسيه الا هى عايشها دلوقتى ومتشعلقه فى رقبته خالد
خالد : مبسوطه يا حبيبتى
سميحه : جدا يا خالد كلمه مبسوطه دى قليله قوووى .. اتاريك روحت وقولت عدولى .. معقول يا خالد دا جنه ماشاء الله
خالد : اه لو احنا فى موسم هجرة الدلافن والسمك والحيتان .. المنظر خرافه وهما بينطو لمسافات عاليه جدا فى الهوا والطيور بتتلم على السمك تخطف الا تخطفه .. كنتو ها تشوفو العجب
سميحه بفرحه : كفايه انى معاك وهنا .. وبيبصو لقو زهره جاااى تجرى وتامر وراها .. وبتنادى عليهم وبتقول انا جايه اغطس معاكو
تامر وهو بيجرى وراها : الهى يقطع نفسك يا بعيده .. البت هيبرت واتجننت اكتر ما هى مجنونه 😂😂😂
ودخلو الميه ورا بعض ...بقلم : لبنى طارق .. جمب الاولاد الا مبسوطه جدا وطلعو يلعبو على الرمله .. وسميحه وخالد بيضحكو على جنان زهره
تامر حضنها فى الميه : اتهدى بقى واركزى
زهره : شوفت الجمال .. دا الكابتن طلع عنده حق
تامر : انسى الكابتن وخليكى معايا انتى قطعتى نفسى
زهره حضنته جاااامد وبصوووت عالى جدا حمس خالد وسميحه .. اصل الحب عدوى 😂😂😋
زهره : بحبك .. .. بحبك .. بحبك
تامر : بيضحك وبيضمها بشوووق وبيقول لخالد خلينا هنا على طول
خالد : خليك محدش ها يقولك لاء ولف لسميحه مش ها تقوليها وتتجننى زيها كدا
سميحه بصوت اعلى : بحبك يا خااالد بحبك
😍😍😍😍😍
قضو ايامهم الا خلوها شهر مش اسبوعين وهما فى قمة سعادتهم شحنو طاقه كبيره تكفيهم بس يفتكرو الايام دى . وماكنوش بيبطلو لف فى المنطقه .. وكانو زعلانين جدا وهما راجعين وخالد وعدهم يجبهم كل سنه حتى سعاد .. واستمرت حياتهم الكبيعى بتاعنا كلنا شويه جد وشويه هزار وشويه متاعب كله كله ..
ارجو من الله ان يرزقنا السعاده والحياه الجميله جميعا ويبارك لنا فيما أعطى ويجعل قلوبنا وصدرونا دائما فى حالة رضا ومحبتنا جميعا .. احبكم فى الله 😍😍😍😍
تمت