رواية زواج قاصره
الفصل السابع عشر17
بقلم نوسه حمد
ريم بقت مبسوطه وطايره من الفرحه قالت لي ماشه اكلم امي قلت ليها لا لا انتي نسيتي سالم فات زهجان خليهو يقعد يومين ويراجع نفسو عشان م اقوم اضربك ولا اعمل حاجه ووضعك الان م بستحمل زوجك مرسل ليك انا بمش لي اهلك وبكلمهم وان شاء الله ربنا يهونا مشيت قلت لي امي ريم دي قاعده معانا وراجلها مرسل ليها وامورها ظبطت قالت لي الله افرح قلبك زي م فرحتي قلبها قلت ليها امين ي رب ومشيت ناس ريم وقلت لي امها ريم معاي سالم لقاها ماشه ف الشارع مع خالده وضربها وخالده بت سمعتها كعبه وهسي ريم قاعده معاي خليتا تتصل علي راجلها وتقنعو انو اسفرها واقتنع بي كده وقال شهر بالكتير وبرسل ليها هي كانت جايه تفرحك بس انا خوفتا عليها من سالم ام ريم فرحت شديد قالت والله ي بتي للبسمعَو ف الحله اخير الستره وريم احسن ليها تكون جنب راجلها وخالده دي انا زاتي م عاجباني بتجيها بليل وبتقول ليها ارح قدميني وانا لو م بخاف من المشاكل وشيله الحال كان طردتها بس خلاص ربنا بعدها من بتي بي قلبي قلت ليها انتي م جايبه خبر الطيبه الجواكم دي هي زاتا الضيعت بناتكم
سوقتها ومشيت امها فرحانه فرح وريم لمن تبكي قلت ليها م تبكي تحمدي ربك انو انتي بعدتي من الناس وشرهم وح تكوني مع راجلك ان شاء الله
بليل راقده كده اقرا جاتني ريم جاريه قالت لي سالم جنب الباب وانا شفتو جيت راجعه وانا خايفه منو قلت ليها تخافي لي انتي في بيت عمك وم عندنا ولد زاتو عشان يخاف منو كدي ادخلي واقفلي الباب النمش عليهو مشيت غرفه امي لقيتا ماف واخواني نايمين وابوي بليل بمش على حبوبتي اتونس معاها وبصلي العشاء وبجي راجع ماشه كده سالم لقيتو ف وشي قلت ليهو عليكم السلام م بقدر اقول ليك اتفضل لانو راجل البيت ماف واظن انت عارف الاصول ولا الدنيا نستك الاصول ي سالم قعد اضحك وعيونو شرار انا لمن خوفت منو وكنت شايله تلفوني ف يدي اتصلت علي محمد وبقيت اعلي صوتي ف الكلام مع سالم عشان محمد يجي قلت ليهو سالم ابوي ماف ممكن تطلع قال لي ميعاد انا بحبك انتي ولو خليتيني اكتر من كده بضيع قلت ليهو سالم من سابع المستحيلات انو انا وانت نكون لي بعض وانت الحمد لله بي مرتك ومرتك علي وش ولاده البتعمل فيهو دا م بفيدك وكل دقيقه اعاين للخط القاهو فاتح عرفت محمد فهمني قلت ليهو انا لو معاي راجل ف البيت بفضلك ليهو بس انت عارف الوضع ونحنا مطلقين شينه في حقي تدخل البيت وانا سمعتي بتهمني اكتر من صله القرابه البتربطني بيك سالم قال لي م تفهميني غلط خالده دي شيطان وانا والله م لمستها م بكذب عليك دردشت معاها قلت ليهو والصور المرسلنهن انت هسي م بتخجل من البتعمل فيهو دا راجل كبير عندك اختك ومرتك انت قدوتهن تقوم تبقا فاشل اكيد ح يفشلن زيك خليك راجل ي سالم فاهمني يعني شنو راجل م الرجوله الف راسك خليك شهم وبتخاف علي عرضك وبتخاف من ربك اولا والطريق الداير تمش فيهو انت وخالده دا م عندو اول ولا اخر وح تندم قعد اضحك قال لي تتزكري زمان لمن انا الكنت بوعي فيك للدنيا وانتي كنتي بريئه بتفهمي كلامي بكل سهل وبتطيعيني وتطبقيهو اقوم اجي يوم وانتي تديني نصايح انا خجلان من نفسي عشان كده سكرت لازم اكون واقف قدامك م واعي عقلك كبر وكبرتي ي ميعاد وبقيتي حلوه وحاول اقرب مني طوالي محمد مسكو من يدو انا لامن خوفتا محمد قال ليهو لو راجل المسها شنو مشيت سكرت َ وجاي تتندم وتتحسر سالم قال ليهو فك يدي عشان م اكتلك هسي هنا قلت ليهو سالم ياخ عليك الله ابعد مننا خليني اعيش حياتي انا وانت م ينفع نعيش مع بعض والدنيا بعدتنا لو لينا نصيب كان انت سمعت لي وم كان طلقتني بس الحمد لله دي قسمتي وانت شوفت حياتك خلاص ي سالم شيلني من راسك محمد قال لي ميعاد ادخلي خليني بتصرف معاهو انا
سالم مسكني من يدي قال لي انا م خلصت كلامي وانت ما من حقك تخليها تمش محمد قال ليهو انت م واعي وانا م بقدر اعمل ليك اي حاجه بس بقول ليك ابعد من طريق ميعاد ي سالم وتاني لو شفتك اتعديت عليها ولا جيتهم سكران الحله دي م بتشيلنا وانا حزرتك قال لي انت منو عشان تحزرني ميعاد طليقتي ممكن ارجع ليها في اي وقت قال ليهو ترجع ليها في حاله انو هي تكون عاوزه كده بس هي م عاوزاك م ح تغصبها وزي م غصبتوها ف الزواج م ح تغصبها انك ترجع ليها والمره دي انا الحا اقيف ليك في وشك وح اتزوج ميعاد انا انخلعت من كلام محمد بقيت م فاهمه شي سالم قال ليهو هي م عاوزاك ي محمد وميعاد بتحبني انا وانا اول راجل حبتو ودخل حياتها والحب الاول م بتنسي ولا شنو ي ميعاد قلت ليهو لا بتنسي ي سالم لانك ظلمتني وقطعت قلبي ونسيتك من عرفتك مباري خالده وفارغتها قال لي دي غلطه كنت حاسي بي فجوه كبيره في حياتي كنت مستعد اعمل اي شي كعب عشان انا بقت الدنيا دي م فارقه معاي قلت ليهو عشان شنو عشاني انا قال لي اي قلت ليهو انا طلفتني انت م طلبت الطلاق انا ولحدي م افترقنا م سمعتك كلمه شينه الحمد لله بس لي قسمت بت خالك والطفل الفي بطنها وربنا يسعدكم وخلي بالك من نفسك اولا ومنها انا م بنفعك سالم قال لي ميعاد عاوزاني انا ولا عاوزه محمد؟؟