رواية شمس لا تغيب الجزء الثاني2الفصل الثالث3بقلم ساره سعد
كريم_مريم
*التقطت مريم بعض الصور الفوتوغرافية لكريم و عبد الله بحوض السباحه وهما يلعبان الكوره في الماء وعبدالله سعيد يصرخ ويسبح خلف الكوره وكريم يساعده....تجمدت الابتسامه على وجه مريم و غلف الحزن قلبها وهي تشعر بأنها سبب حرمان كريم من الأطفال ولكنه دائما بحبه وعشقه لها يمحي عن رأسها تلك الفكره انتبهت مريم على عبد الله الصغير وهو يهتف{مااااامي العب كولاه¥العب كوره¥}اقتربت مريم من حوض السباحه تجهز روب السباحه الخاص بعبد الله{يلا بيدو حبيب ماما كفايه عوم لحد كده}خرج عبد الله الصغير النسخه التانيه من والده يوسف يعانق مريم يقبلها
خرج كريم يجفف جسده ويطبع قبله فوق جبين مريم وهو يقل بحماس{الميه تجنن يا مريومه ياريتك نزلتي}ابتسمت مريم برقه وهي تمسك بعبدالله{كفايه انت وبيدو استمتعوا} هتف كريم بقوه وهو يحمل عبدالله فوق اكتافه ويركض بمرح{استمتعنا جدا صح يا بيدو} صفق الصغير فرحا يصرخ بضحكات عاليه{ثح باببببي}...........
حممت مريم الصغير وجهزته وهي تقل له{هتشوف ماما شموسه النهاردة وبابا يوسف}هز الصغير راسه يغمغم{بابا بيبي¥حبيبي¥ماما ثموثه لوكه ماكووو
¥ملك ومالك¥} ثم صمت قليلا يقل بتهجم{مايو بيطه¥مايا عبيطه¥} ضحكت مريم تدغدغه تهتف فيه{عيب مايا حلوه تحب بيدو}رفعت مريم رأسها لتلاحظ شرود كريم وهو يقف ويتطلع لهم عبر المرأه... وضعت مريم عبدالله أمام العابه واقتربت من كريم تقف أمامه تغلق ازار قميصه وتساله بدلال{حضره وكيل النائب العام سرحان في ايه} لوي كريم شفتيه مبتسم بحزن{في عبدالله خايف من اليوم الي يطلب فيه يروح لشمس ويوسف مش عارف وقتها ممكن يحصلي ايه}التمعت عين مريم بالحيره تغمغم{مش ممكن انت شايف عبدالله متعلق بينا ازاي وكمان استحاله شمس ويوسف يطلبوا كده} هتف كريم بخفوت وهو يحاوط وجه مريم الشاحب{انا عارف كل الكلام ده يا مريم ومتاكد منه شمس من يوم ما ولدت عبد الله من ثلاثه سنين وتعبت فيه وانتي اخدتيه منها وهي عمرها ما طلبته بالعكس بتيجى هي ويوسف تشوفه اكنها مش أمه} ابتسمت مريم بقلق من نبره كريم الحزينه تقل في محاوله لتلطيف الأجواء{اه والله عندك حق ساعات بحس انهم مش أمه وابوه وأنهم العكس}تطلع كريم على عبد الله المشغول بالعابه{بس الولد لما يكبر اكيد هيطلب ابوه وأمه يا مريم وساعتها مش هنقدر نعترض}سألته مريم بسخرية ممزوجه بألم{كريم في ايه ممكن تتكلم من غير لف و دوران وتقولي عايز ايه}عبس كريم وتجمع وجهه اليوم والتعمت عيناه بنيران{لف ودوران ايه يا مريم انا بتاع كده ايه الكلام الفارغ ده}جذبته مريم من ذراعه بغضب تخرج به من الغرفه وهي تقل لعبد الله{بيدو خليك هنا حبيبي} عقدت مريم ذراعيها أمام صدرها تقل لكريم بحنق والدموع تترقرق بعيناها الزرقاء{ممكن افهم ايه مشكلتك معايا وايه كلامك ده تقصد تقول اني مش بجيب ولاد واني السبب}زفر كريم أنفاسه بقوه يمرر أصابعه بين خصلات شعره المبلله{انتي بتقولي ايه كلامك بقا غريب ومش عجيبني انا قولت حاجه زي كده ولا حتى فكرت في كده ليه يا مريم بتصممي تنهي النقاش بينا بطريقه ديه كل إلي بقوله اننا نجرب تاني}صرخت مريم بقوه وهي تبكي{ قصدك نجرب سابع أو تامن مره والموضوع يفشل ونرجع لنفس المكان انت تزعل وانا اعصابي تتعب 15 سنه واحنا بنعمل عمليات حقن وتلقيح واطفال أنابيب ومفيش فايده فاهم مفيش فايده}
*شعر كريم بصدره يضيق وغصه من الألم توقفت بحلقه لينظر لها باوداج منتفخه{نجرب عاشر ومليون مره تاني بلاش اليائس لازم نعمل الي علينا الدكاتره كلهم قالوا إن في امل وفي ناس كتير عملت العلميات ديه ومنجحتش من اول مره يامريم ياقلبي نفسي اخلف منك نفسي في ولد يكون اسمه على اسمي}انهمرت دموع مريم كشلال وحبست أنفاسها تقل بصوت متقطع{ااااه قول كده عايز طفل من صلبك بسيطه روح اتجوز وحده تانيه تجيبلك ولي العهد المنتظر انا قولتلك قبل كده اتجوز يا كريم اتجوز واحده تقدر تجبلك ولد من صلبك}ضرب كريم فوق الحائط بقوه وغضب بث الزعر في قلب مريم وجعلها ترتد إلى الخلف من خوفها...اقترب منها كريم وهو يحدق فيها بعينان جاحظه يقل من بين أسنانه المصتكين{اوف افهمي لو كنت عايز اتجوز واحده غيرك واخلف منها مكنتش استنيتك تقوليلي}ضغط فوق فكها بقوه يتطلع بعيناها الغارقه بدموع{انا عايزه منك منك انتي وبس فاهمه ولا لاء انا بحبك يا مريم بحبك ونفسي يكون ابني منك انتي مش من وحده تانيه}انتزعت نفسها منه وهتفت به مذعوره بتصميم {لا لا لا مش هعمل عمليه تاني فاهم لا ولو عايز عيال اتفضل اتجوز وانا هسبلك البيت}أجاب كريم وهو يخبط جوانب ساقيه{مفيش فايده ماشي يا مريم اعملي الي يريحك}... ووسط تلك المناقشه الحاده كانت ملك تدخل من باب الفيلا وتستمع إلى آخر جمله من شجار بين عمتها وزوجها لتهتف بصوت رقيق ممزوج تحاول تغير ذلك الجو المشحون بالغضب بينهم{مساء الخير} التفتت مريم تمسح دموعها وابتسم كريم بتحفظ {مساء النور يا ملوكه تعالى حبيبتي} اقتربت ملك مذهوله من عمتها تقبل كريم كما تعودت من وجنتاه ثم عانقت عمتها التي انهارت فوق صدرها بالبكاء لتسال كريم بقلق{في حاجه يا اونكل مالها مريومه}ضغط كريم على أسنانه يقل لها{اساليها انتي واعرفي انا غلطان ولا لاء يا ملك انا هدخل عند عبدالله}ترك كريم مريم منهاره فوق صدر ابنه أخيها الشابه الجميله وذهب إلى عبد الصغير الذي ذعر من صراخ كريم ومريم وبدأ في البكاء......
مسحت ملك دموع عمتها القريبه من قلبها وتعتبرها صديقتها الكبيره تهمس بحنان{تاني يا عمتو اكيد موضوع العمليه انتي ليه بس رفضه تعمليها}مسحت مريم دموعها تهمس بتعب{عشان تعبت وخايفه يا ملك خايفه تفشل زي الي قبلها خايفه اخسره وساعتها ممكن اموت}شهقت ملك بخفوت تغمغم{بعد الشر يا عمتو متقوليش كده اونكل كريم بيحبك وبيموت فيكي ولو كان عايز يتجوز كان اتجوز من زمان انتي بس الي بتحبيه قوي وبتغيري عليه بجد يا عمتو بحب قصتكم جدا وكمان اونكل كريم مفيش زيه أبدا}شعرت مريم بالراحه من كلمات ابنه أخيها الشابه الفاطنه صاحبه العشرين عاما لتبتسم مريم وهي تقرص خدودها الحمراء تقل بفخر{كبرتي امتى يا برتقانه وبقيتي تعرفي الحب ده انتي كنتي لسه قرده صغنونه بتعملي مقالب في فرحي} ضحكت بخجل تحضن عمتها{انتي لسه فاكره يا مريومه كبرت خلاص وكلها كام شهر وأتم 21 سنه اما بالنسبه للحب انا اتعلمته منكم من بابا وماما وانتي وكيمو وزيزو وانكل عدنان} ضحكت مريم ترفع خصلات شعرها الناعمه بدلال{فعلا كلنا عشنا قصص حب حتى المجانين مراد ولجين ومني وهشام وطارق ونغم بس انا متأكده ان اجمل قصه هتكون قصه البرتقاله وفالس}تجهم وجه ملك بغيظ تغمغم بحنق{فارس ده هيقضي عليا يا عمتو مش عارفه كل يوم بحال}
سالتها مريم بقلق ينبش بجوانب صدرها{ليه حصل حاجه}شدت ملك يد حقيبتها الجلدية بغيظ تغمغم {لسه متخانقين مع بعض في التليفون تخيلي يا عمتو مش عايزني اسافر الجوله بتاعت أوروبا وهو عارف ان نفسي ارقص هناك بيقولي لا يعني لاء ومصمم}ملست مريم فوق خصلات ملك النحاسيه تهمس لها برقه{فارس طول عمره بيخاف ويغير عليكي من وأنتم صغيرين لسه اي راجل مكانه هيغير خصوصا إذا كانت البنت الي بيحبها جميله ورقيقه زيك}تملمت ملك خجل ورقه ووجنتاها تشتعل احمرار {انا كمان بحبه جدا يا عمتو وهو عارف لكن انا برقص باليه مش رقص شرقي وكمان خوفه عليا غير طبيعي ده بابا مش بيخاف بشكل ده}قالت مريم وهي ترسم ابتسامه على وجهها المتوتر{هو بيحبك وكلنا اخدين بالنا منكم وطول عمره بيحميكي مش عيب ان الشاب يحمي حبيبته}هزت ملك رأسها تبتسم ثم همست لمريم بمكر{ومش عيب ان الراجل يكون نفسه في بيبي من حبيبته عشان خاطري يا عمتو جربي المره ديه وانا حاسه أنها هتكون خير بس انتي جربي ومتزعليش كيمو هو كمان بيحبك اوي}لتومئ مريم رأسها بقتناع{حاضر يا برتقانه هجرب} عانقتها ملك بسعاده تقف{انا هشوف بيدو واقعد معاه في الجنينه لحد ما نروح مع بعض الفيلا بابا مجهز النهارده استاد في البيت}هتفت مريم بمرح وهي تدخل غرفه عبدالله مع ملك{ياعيني يا شمس زمانها هتجنن} رفع عبد الله راسه ليتفاجي بملك أمامه ليركض عليها بفرح يرتمي فوق صدرها وهو ينهرها بقبلات{لووووكه بيبتي¥حبيبتي¥}عانقته ملك تقبله بلهفه وحب {حبيبي يابيدو وااااااو انت كبرت وبقيت راجل} داعبت شعرها الغزير بيدها تحمله{حبيبي بيدو لوكه اشترتلو شكولا كثير}صفق عبد الله يضع راسه فوق صدرها وهو يهمهم{لوكه بيبتي} غمزت ملك لعمتها تهمس لها{انا هستني بره مع عبد الله} وضع كريم يداه بداخل جيوب سرواله الجينز يقف أمام النافذة الزجاجيه ويتطلع على ملك وهي تركض خلف عبد الله مثل الأطفال... وقفت مريم خلفه تحاوط خصره قائله بصوت شجي بجانب شحمه أذنه{ملوكه كبرت وبقت عاقله وجميله ياترى لو ربنا رزقنا ببنت هتكون حلوه زيها كده} كلماتها البسيطه ايقظت الأمل بقلبه الموجوع انها رقيقه جميله توقظ به دائما شعور الرغبه بحمايتها من نفسها ومن تفكيرها فيه بشكل موجع لمشاعره تنحنح يجلي صوته يقل{يارب تكون شبهك انتي عشان تفضل مريم قدامي في كل مكان بس مريم الي بتحب كريم مش مريم الي بتتخلي عنه وتقوله روح اتجوز}لثمت عنقه بقبلات خفيفه تغمغم باسف{انا اسفه حبيبي سامحني والله انا بحبك}استدار بجسده لها يضمها لصدره وهو يطلق تنهيده حاره{اااه لو تعرفي انتي انا بحبك قد ايه}
ملس فوق بطنها برقه{ونفسي اشوف ابني أو بنتى بيكبروا جوه بطنك نفس قبل ما موت اشوف ابن منك} شهقت ترفع رأسها له بخوف وهي تضع يدها فوق فمه قائله بلهفه{لا يا كريم لا متقولش كده تاني عشان خاطري لو عايز من بكرا اعمل العمليه انا موافقه بس بلاش تقول كده تاني ممكن}اضطربت ملامحه من خوفها عليه ولكنه اخذ نفسا عميقا وابتسم وهو يومي راسه بالإيجاب{اسف ياقلبي مش هقول كده تاني بس انتي بتكلمي جد موافقه تعملي العمليه}وضعت رأسها فوق صدره الذي ينبض بحبها{موافقه حبيبي وان شاء الله املى في ربنا المرادي كبير ان شاء الله ربنا يرزقنا بطفل الي بنحلم بيه} قبل رأسها يضمها بقوه وهو يردد بدعاء{أن شاء الله خير ان شاء الله}
إلى اللقاء مع يوميه جديده و أبطال #شمس_لا_تغيب
#شمس_لا_تغيب
#يوميات _ الأبطال
#طارق_نغم
*وقف فارس ومحمد ترافقهم ليلي فى صاله استقبال العائدين بمطار القاهرة تململت ليلي في وقفتها تقل {بابا اتاخر ليه كده المفروض الطياره وصلت من نص ساعه}ضمها فارس لصدره وهو يبتسم{لولي حبيبتي أنتي سفرتي كتير وعارفه الإجراءات بتاعت الجوازات متقلقيش}تاففت ليلي بنفاذ صبر{بابا حبيبي وحشني جدا 20 يوم بعيد عني}هتف محمد بتهجم يقل باعتراض{في ايه يا بت انتي اصبري شويه مش المهم اطمنتي أن الطيارة وصلت بسلامه}لوت ليلي شفتيها بنزق{وانت مالك هو باباك ولا بابايا} رمق فارس محمد بسخريه يسأله{انت ايه إلي جابك معانا اساسا}حرك محمد حاجبيه ليلي باغاظه{أصل عمي وحشني جدا ولازم اشوفه}دق هاتف فارس باسمها.............. ❤MayAngel❤{ملاكي} لتظهر صورتها بخلفية الهاتف تبتسم برقه تمس قلبه ابتعد قليلا عن ليلي ومحمد ونقرهم بالحديث ليجيب بصوت اجش ولكنه يحمل بعض الخشونه{افندم ياملك هانم}أخذت نفسا عميق تقل بتذمر{على فكره انا اتصلت بس عشان اطمن على خالو مش عشانك}هز رأسه يبتسم بجاذبيه وهو يحك ذقنه{واضح واااضح ولما انتي عايزه تطمني على عمو طارق ليه متصلتيش على تليفون ليلي}همهمت بتلعثم تقل{مغلق خارج الخدمه}اتسعت ابتسامته بفرحه وهو يعلم جيدا بأن اتصالها لأجله هو بعد أن غضب كل منهم على الآخر..أجاب بهدوء قتلها وآثار حنقها{اطمني طيارته وصلت بسلامه أي اسئله تانيه ملك هانم}زفرت بغضب تقل بصوت غاضب {اااوف أوف}همس بصوته العذب{ملك بلاش افافه تمام انتي فين}رفعت اكتافها والابتسامه المشرقه تداعب ثغرها الرقيق{عند مريومه ومعايا بيدو وشوية ورايحين ع البيت عندنا}هتف بمرح{بيدو حبيبي وحشني جدا تمام اشوفك في الماتش بس خدي بالك يا ملك بردو مش هرجع فى كلامي}تهجم وجهها تغمغم بدلال{بيبي عشان خاطري وافق ديه فرصة كبيرة}تحرك بؤبؤ عيناه السوداء بلمعان يقل بصوت هادي{هوافق بشرط}قضمت شفتيها تهمس بغنج محبب إلى قلبه{ايه هو}غمغم باغواء ينضح من صوته{أسافر معاكي وننزل انا وانتي في فندق واحد وياريت جناح واحد كمان والله بقا لو سرير واحد}ارتبكت ملامح ملك ونظرت حولها لتجد عبدالله يلهو من حولها زحفت الدماء القانيه إلى وجنتها الصافيه تشهق{انت قليل الادب بجد}ابتسم بقوه لتظهر اسنانه البيضاء المرتبة وهو يفعل حركاته المعتادة حك ذقنه يهمهم لها بحب{وانتي روح قلبي وملاكي الحلوه وهسافر معاكي يعني هسافر}انتفض فارس على صراخ ليلي وهي تقفز على والدها وتعانقه بلهفه {بابا حبيبي
وحشتني موووت موووت يا قلبي}هتف فارس بنبرة جديه{اوك ملاكي هقفل دلوقتي عمو طارق وصل}همهمت ملك بفرحه{سلميلي عليه كتير لا اله الا الله}أجاب وهو يتقدم من طارق الذي يعانق محمد بقوه {محمد رسول الله}..............
*عانق فارس عمه طارق الصديق قبل العم بسعاده يربت على ظهره{حبيبي يا عمو حمد لله ع السلامه مصر نورت}غمغم محمد بمزحه يضحك وهى يقود عربه الحقائب{واستراليا ضلمت ايه أخبار الغزلان هناك يا عمو مزز هااا}هتفت ليلي بضجر وهى تحتضن خصر والدها {بابايا مش بتاع كده يا منحرف انت}التفت طارق حوله يسأل ليلي بلهفه{فين ماما وحشانى جدا}عضت ليلي على شفتيها السفلية تقل بحيره{ماما عندها ميتنج مهم فى الشركه بس هي هتخلص وترجع البيت على طول}همس طارق لابنته ببتسامه خافته {اااه ميتنج مهم}..............
*قبل طارق رأس والده الحبيب ويده يقل بشوق و حنين{وحشتني يا حاج الحمد لله اني شوفتك بخير }ابتسم جلال لابنه عزيز قلبه{الحمد لله انك رجعت بسلامه لبيتك ومراتك وبنتك ياحبيبي}ربت هشام على كتف أخيه الصغير بفخر{الله ينور عليك يابو ليلي عملت شغل جامد فى أستراليا فرع المجموعه هناك بيحلف بيك وحقق أرباح هايله}غمغم طارق بحزن يظهر على ملامحه يحاول أن يخفيه ببتسامه باهته{الحمد لله يا بشمهندس بنفسك انت والحاج والشباب}نظر هشام بتجاه فارس ومحمد يقل بحنق {الشباب دول حسابهم معايا بعدين}جلس كل من محمد وفارس بيسار ويمين والدهم وكل منهم يداعبه بطريقته الخاصة ليتنهد جلال براحه وهو يري أحفاده الشباب يمزحون بحب مع والدهم.....وضعت مني طعام الغداء فوق طاوله السفرة الكبيره بمساعدة الخدم وهى تهتف{يلا يا بشمهندس عملتلك كل الأكل الي بتحبه مش وقت كلام فى الشغل يا هشام سيب طارق يرتاح}غمغمت ليلي بحزن وهى ترمق والدها{ماما بتعتذر عن الغداء يابابا بس هي جايه حالا}قال طارق بالامبالاه احزنت والده{براحتها المهم اني هتغدى مع عصفورتي الجميله} ابتسمت مني بهدوء وهى تساعد جلال على النهوض{زمانها جايه أن شاء الله والله ديه وقفت طول الليل تعمل الأكل إلي بتحبه يا طارق}أدار طارق رأسه إلى مني التي تحاول تجميل الموقف بكل لباقه وهو يكور قبضتيه بشده{تسلم أيدها وايدك يا مني}....
*بشركة الأزياء الخاصة بها وقفت نغم على رأس طاوله الاجتماعات تهتف فى المصممين بغضب{الشغل كله مش مظبوط ياحضرات انتم عارفين موسم العيد قرب ومفيش وقت لازم شويه اهتمام اكتر من كده من فضلكم}اومأ المصممين رأسهم وكل منهم يعتذر لنغم عن التقصير....خرج كل منهم إلى عمله لتجلس نغم تمسد رقبتها بتعب لتقل سكرتيرتها الخاصه{مدام نغم انسه ليلي اتصلت اكتر من مره وبلغتها أن حضرتك فى اجتماع علشان تليفونك كان مقفول}نظرت نغم بلهفه إلى الوقت لتقف منتفضه مذعوره{ايه ده مش ممكن الوقت سرقني الساعه 8 وطارق وصل من 5 ساعات ينهار ابيض}حملت حقيبتها تركض وهى تردد بندم {طارق حبيبي }..............
*جلس طارق بغرفه والده يتحدث معه بعد أن ذهب الجميع إلى بيت يوسف وشمس لمشاهده المباراه وقد تحدث طارق مع شمس ويوسف يعتذر عن الحضور نظرا لتعبه الشديد بعد رحله الطيران التي استغرقت ثمانية ساعات.....رمق جلال إلى ابنه المتوتر وهو ينظر إلى ساعته بحنق شديد{طارق حبيبي متزعلش من مراتك أن شاء الله توصل بسلامه اكيد عندها شغل}لوي طارق شفتيه بنزق{شغلها أهم من جوزها يا حاج مش مشكله المهم انك بخير}فتحت نغم باب غرفه جلال بلهفه وهى تلتقط انفاسها{طارق حبيبي حمد لله ع السلامه اسفه ياحبيبي اسفه بجد الوقت خدني}تعلقت برقبته تقبله من وجنته ووجه الوسيم وهو يحتضن خصرها برفق دون لهفته التى تعودت عليها بالمرات السابقه ابتعدت نغم عن طارق تقبل رأس جلال{خالو حبيبي عامل ايه وحشتني}استاذن طارق من والده بهدوء{عن اذنك يابابا هروح ارتاح شويه}راقبت نغم طارق وهو يخرج من الغرفه لتسال جلال بحزن{هو زعلان مني صح يا خالو}تنهد جلال بضيق يسبح علي سبحته الكرستاليه{انتي شايفه ايه يانغم متعودتيش منك على كده يابنت اختي ياغاليه يلا روحي بسرعه راضي جوزك}اومأت نغم رأسها تهمهم باسف شديد {حاضر يا خالو بس متزعلش مني انت كمان}هز جلال رأسه بحب لنغم {انا عمرى ما زعل منك ابدا انتي الغاليه بنت الغاليه يلا بسرعه على جوزك}ركضت نغم سريعا تلحق بطارق الغاضب...ليفتح جلال احدي ادراج الكمود بجانبه ويخرج صوره زوجته اميره والدت شمس والتي تشبهها إلى حد كبير يهمس بشوق {كبرو الأولاد وكبرت الأحفاد يا اميره القلب اااه لو تشوفي شمس وولادها الحلوين البت مايا العفريته شبهك تمام ونفس عيونك الحلوه وحشانى جدا يا اميره قلبي هانت كلها شويه واجيلك اتونس بيكي}قبل جلال صوره زوجته وحبه الوحيد يضعها فوق صدره وعيناه تغفو ببطء في سبات عميق....................
*تسللت نغم بهدوء تقف خلف طارق الواقف أمام النافذه يدخن بشراهه احتضنت خصره تقبل عنقه وهي تسحب السيجارة من بين اصابعه قائله بعتاب {رجعت لتدخين تاني ليه ياقلبي}همس طارق من بين اسنانه بهدوء{انا حر فى مانع عند حضرتك}تحركت تقف أمامه وهى تداعب وجه باناملها الناعمه تغمغم امام شفتيه باسف{اسفه حبيبي والله الشغل خدني والدنيا كلها متلغبطه فوق راسي}نظر طارق في عيناها بنظرات خاوية لا تحمل أي أحاسيس يبعد يدها عن وجهه{الشغل أهم من جوزك إلي غايب عنك بقالة عشرين يوم أهم من بنتك إلي فى مرحله مراهقة ومحتاجه امها جنبها مش مرات عمها وعمتها انتي اهملتي بيتك يا مدام}رغم اعتذرها الشديد له إلا أن كلماته أشعلت فى نفسها نارا ملتهبه لتقل بستغراب{فى ايه يا طارق لكل ده عشان مجتيش اخدتك من المطار واتاخرت شويه الدنيا متهدتيش}قوس حاجبيه بوجه متهجم يغمغم بسخريه{لا ابدا الدنيا جميله مرات اخويا تستقبلني بكل سعاده وفرحة وبنتك إلي عندها 17 سنه تبقي مكانك فى كل حاجه لا طبعا الدنيا حلوه لما الهانم تتصل بجوزها فى العشرين يوم أربع أو خمس مرات لما تسيب بنتها يوم عند عمتها إلي بردو بتشتغل وعندها شركه كبيره وأربع أولاد بس مهتمة بجوزها وبولادها وبنت أخوها كمان يا هانم تعرفي ايه عن بنتك هاا اتكلمي}وقفت نغم أمام المرآه تنزع اقراطها وتحل شعرها من ربطته وهى تقل بنزق{مالها ليلي يا طارق الحمد لله مترييه احسن تربيه وجميله ومتفوقه انا أهملت فى ايه}أسند طارق ذراعيه فوق طاوله الزينه يهتف بصوت غاضب{حقك متعرفيش حاجه ماانتي مشغوله بموديلاتك وديفليهاتك وناسيه ان عندك بنت فى سن خطر محتاجه رعاية{ايه رايك يا مدام نغم اني اكتشفت بصدفه قبل ماسافر وانا فى اوضه بنتك دفتر اشاعر حب وغرام كله عن ابن عمتها مالك}ألتفتت نغم له بفزع تهمهم {مالك مش ممكن ليلي ومالك}ابتسم طارق بسخريه يومي برأسه{ايوه ليلي بس مالك الله أعلم من الواضح أنها بتحبه وهو مش عارف أو عارف بس بيحاول يحافظ عليها وانتي ولا هنا انا استنيت انك تكتشفي الموضوع بنفسك يانغم بس لا حياه لمن تنادي انتي حتي مش بتدخلي اوضتها وتتكلمي معاها زي الأمهات}ضربت نغم ساقيها بقوه تهتف بعصبيه{طيب يا ليلي حسابك معايا وانت ازاي تسبها تروح هناك وأنت عارف كده افرض افرض}صرخ طارق بغضب اجفلها وجعلها تنتفض فى مكانها بفزع{إياك فاهمه إياك تقربي منها البنت عملت ايه غلط الحب مش عيب وأظن احنا عشناه وانتي فى سنها وأصغر العيب فيكي انتي انك مش عارفه بنتك بتعمل ايه ولا حاسه باايه الأم وظيفتها تتكلم وتراقب وتصاحب بنتها مش تجري ورا شغلها وبعدين هى راحت عند عمتها وسط أخواتها وانا متأكد من أخلاق مالك وتربيه بنتي}جلست نغم شارده والدموع بدات تتجمع بعيناها من كلمات طارق القاسيه وهى تلوم نفسها فى تقصيرها فى حق زوجها وطفلتها....أشار إليها بسبابته فى بتحذير{مش عايز اقولك مفيش شركه ولا شغل تاني يانغم عشان مش عايز اخسرك واخسر حبنا وعشرة السنين بس بقولك اهتمي بينا شويه بنتك وبيا قبل فوات الأوان}خرج من الغرفه يغلق الباب خلفه بقوه نفضتها لتضع وجهها بين كفيها وتبكي بحرقه..............
*خرج طارق الي حديقه الفيلا بعد أن طلب من احدي الخدم قدح من القهوه ليجلس أمام المسبح يدخن وهو يتذكر نغم الجميله الرقيقه التى كانت تكرس حياتها للجميع وتهتم بهم وعشقهم الأسطوري لينتبه على هاتفه يدق باسم السكرتيره التنفيذية للمجموعة أمينه فتح الخط يجيب بصوت مرهق{أهلا ياأمينه اخبارك ايه}أجابت بصوت انثوي مثير ودلال لاحدود له تهمس {حمد لله ع السلامه يابشمهندس وحشتني اااقصد وحشتنا كلنا}تنحنح طارق بتوتر أصابه من صوتها الشجي الناعم الذي ياثير الرغبات{شكرا يا أمينه على ذوقك خير في حاجه}همست بنعومه وهى تستلقي فوق الاريكه بثوب نوم شفاف{حبيت بس اسمع صوتك يابشمهندس علشان بجد صوتك وحشني}أحمر طارق بخجل يقل بتلعثم {شكرا يا أمينه اشوفك بكرا فى الشركه}اغلق هاتفه وهو يشعر بتصلب جسده من صوتها الرقيق ويتذكر دلالها وغنجها عليه قبل سفره ليرد بخفوت وهو يلقي بقدح القهوه فى المسبح في المسبح{استغفر الله العظيم من كل ذنب عظيم}...... حين كانت أمينه تبتسم بمكر انثوي وهى تعبث بهاتفها قائله {أتقل براحتك يابشمهندس مسيرك تقع وتجي لعندي}..................
إلى اللقاء مع الجزء الأول من يوميه الثنائي المميز والمحبب إلى قلوب الجميع #يوسف_شمس