رواية ابني ولكن
الفصل العشرون20 والاخير
بقلم نوسه حمد
وعد بقت تبكي علي حاله معمر قالت ليهو اعفي لينا نحنا السبب انت م عندك ذنب نحنا النستاهل ربنا يعاقبنا نحنا المفترض نتشل ونرقد في السرير وانت تقوم لانك م تستاهل ونهال دمرت حياتك وحياتنا كلنا وانا م عندي ذنب ي بابا
معمر بقا مبتسم ودموعو زي المطر قال ليها ولا انا عندي ذنب ي بتي انحرم من كلمه ابوي انا ربنا قسم لي انو م الد ولا يتقال لي ابوي والقدر وقعكم في طريقي ولي حكمه ي وعد انا محتاج ليكم ايامي الباقيه دي والعمر م معروف انا لو بعدتي مني بموت ولو م ماشه معاي انا سجلت هنا بقعد معاك وتراعيني بالمره مع كبار السن الف المركز بس الفرق اني ح اسمع كلمه ابوي من جووه لانو انا ابوك ي وعد وانتي وعد معمر ♥️
وعد بقت تبكي بكا وبتقول ليهو بابا عليك الله امشي من هنا وانت ابوي انا نفسي م بتسمح لي الناس اقولو ديل اولادو قاصرين ولا نظره الناس ليك ح تكون شفقه عشان اهلك رموك في مركز بسبب الدنيا الفارغه دي وموش انت ي بابا عاوزني اكون مرتاحه انا مرتاحه هنا والله وحاسه اني اتخلقت عشان اكون في المكان دا وحاسه اني غلطه عشان اصحح حياه ناس وبقيت لي اي واحد هنا بت م مشرفه بتاخد قروش لا يا بابا كل واحد فيهم بحسو ابوي وانا تعبت ف الشارع وتعبت من اشكال الناس وتعبت من الفتيش لي ابوي الحقيقي الهو سبب في الاحنا فيهو دا انا لو طلعت من هنا ح اموت ي بابا انا الفتره العديتا في الشارع شحاده كل راجل بشوفو بقول دا ابوي وبجري عليهو ووصفوني بالجنون ف الشارع وفعلا انا كنت مجنونه عشان بفتش لابوي 😭😭😭😭وبقت تبكي باعلي صوت نهال هي السبب في الاحنا فيهو دا انا مرضت نفسيا من جواي
بابا انت م عارف انا وصلت لياتو مرحله انا نفسي اعمل تحليل Dna واي راجل بشك فيهو ابوي بطلب منو يمش معاي اكتر من كده ح اجن 😭😭وماف زول بتقبل كده كل الغلطت معاهم نهال ح يكونو نسوها وح يكونو مباشرين حياتهم وانا وشهد وإياد معزبين بسببهم ح يمشو من ربنا وين 😢😢وين عقلهم كان لمن فكرو يعملو الغلط 😭يبسطو نفسهم في لحظه والدونا نحنا نعاني العمر كلوووو انا بكره الرجال وبكره النسوان وبكره الدنيا💔💔 وانتو اسرتي الانا بحبكم انت قدوتي وم عاوزاكم تتعذبو معاي لانو انا بقيت م طبيعيه والمكان البكون فيهو طبيعيه هنا ي بابا ولو طلعت منو ح اموت وانت لو عاوز راحتي خليني هنا وبوعدك كل يومين اجيك حدي عندك وم اقصر منك بس انا م مكاني مع اسره انا مكاني الشارع وانا جيت هنا عشان يحتوني كل ام واب ف الدار م احتويهم انا وف الحقيقه انا المحتاجه ليهم م هم وبعمل ليهم بإخلاص وعوضتهم عن اولادهم العايقين وعوضوني عن حنان الاب والام وانت ابوي الانا بفتخر بيك
معمر بقا يبكي ويحنس فيها قال ليها كده انتي ح تقصري عمري وح اتشل دماغيا اكتر مما متشل هسي ي بتي ردي لي روحي وارجعي معاي واي شي بتحلا نحنا كلنا عاوزنك م تحرمينا منك وانتي م عاوزاني انا اعيش مبسوط باقي عمري ارجعي معاي انا لو موتا ح اموت بي شوقي ليك وواحد مشلول زيي كده ايامو م كتيره ولو عايزه الشغل عشان م تفكري كتير تعالي اشتغلي الصباح الضهر تعالي راجعه البيت
انا بقيت احنس فيها ومحمد كمان واحمد بكا ليها عديل والمدير سمعنا نتناقش معاها سالنا قال لينا بتعرفوها طوالي انا قاطعتهم عشان وعد م تتحسس قلت ليهو معمر دا ابو وعد وانشلا وام وعد طلبت الطلاق منو واطلقت واتزوجت راجل تاني ووعد دخلت في حاله نفسيه بسبب عمايل امها وطلعت من البيت ونحنا بقينا نفتش ليها وم صدقنا لقيناها معمر طلب مننا نجيبها بس هي رفضت وهو قال الا نسجلو هنا ف الدار منها تراعيهو واكون جنبها ومطمئن عليهو المدير قال لا حول ولا قوة الا بالله العلي العظيم وعد ليه الكلام دا انتي شايفه معاناه كبار السن الاولادهم جدعوهم وانتي القلنا واعيه عاوزه تعملي زيهم معقوله ي وعد
انا بضرب بيك المثل ي وعد في كل مؤتمر بس م كنت عارف حقيقتك وي وعد انتي مثال للبنات المطيعات والمحترمات واحترامك ظاهر في تعاملك للناس الفي المركز وانتي بت فاهمه شديد وانا بفتخر بيك بس م تغلطي غلطه الجدعو والديهم بسبب الدنيا ووقف جنب معمر قال ليهو والله عرفت تربي بتك ادب واحترم مافي زيها ولو تسمح لي اطلب يدها منك لاني كل م فاتحتها في الموضوع دا بترفض وانا استخرت كتير وما شايف كل الخير مع وعد بتك معمربقا مبتسم قال ليهو انا لو علي هسي بعقد ليك عليها بس هي التوافق وبقا اقول ليها وعد رايك شنو انتي مديرك قال عاوزك وعد بقت تبكي وتعاين لي جات اترمت في حضني قالت لي يا خالتو منه قلتي ليهو انو دا ابوي ليه م وريتي الحقيقه قلت ليها معليش حبيبتي انا م حبيت اخرب منظرك ف الشغل هنا
قالت ليهو حسام انت م عارف حقيقتي كلها وانا بحكي ليك الحقيقه المخبياها قدامهم💔 انا بت حرام💔 حسام بقا مخلوع قالت ليهو م تستغرب واي فعلا الراجل الطيب دا ابوي معمر الانا مسجلني بي اسمو في الشهاده الاستاذه نهال كانت متزوجه معمر دا وكانت بتزني وهي للأسف في عصمه راجل وولدت اولاد وهي في عصمه راجل ونسبتهم ليهو وهو مصدقها ليه لانو م شكا فيها لانها كانت حريفه وانا بعرفها وشفتها ومن انا صغيره اخوي اغتصبني وحملت منو وكنت دايما بسال نفسي وبقول كيف اخ يغتصب اختو وكنت من صغيره بقول م ح اتزوج نهاااي ولغايه م ابوي دا اتزوج وعرف انو م بلد وجا سال نهال وكانت مواصله ع الكذب بس ربنا كشف حقيقتها انت بترضا تتزوج واحده بت زنا وامها خانت ابوها المافيهو عيب عشان تفضل راجل عليهو بتقبل اكيد لا 😭وانا قلت ليك الكلام دا عشان م تتغشا وتصدق انو ديل اسرتي اي نعم هو اسرتي العوضني ليهم ربنا بس انا حقيقتي ماف راجل ود ناس بتقبلها وانت الف بتت تتمناك وناجح في حياتك ولو انت شايفني مثاليه في شغلي انا كمان شايفاك مثالي في كل شي وربنا اديك بت الحلال تسعدك وتسعدا قال لي لا لا بت الحلال انا م عاوزها عاوزك انتي وانا كمان وضعي زيك بس الفرق انتي عشتي مع اسره ومعروف امك بس انا مجهول الابوين وربتني مره كبيره ف السن كانت م بتلد وهي دي امي الطلعت بيها من الدنيا وعشت في وسط وكل الناس كانت بتشير علي اني ابن حرام وكنت م بزعل لانها دي حقيقتي وكنت م بزعل لانو كانت امي الله يرحمها سند لي وم قصرت معاي لغايه م كبرت وقريت الجامعه ولقيت تنمر من كل المجتمع بس الحمد لله كل م اكون مضايق برجع لي امي وانا الحمد لله وصلت للحاجه دي بي عزيمتي وقوتي وكان عندي نقص وبعد اتخرجت واشتغلت فتحت الدار دا وغيرو وغيرو والحمد لله حياتي ماشه للاحسن ورفضت اتزوج بت خوفا من السؤال وين اهلك وين وين وما عندي قدره احطم نفسي بنفسي اتجنبت البنات بس كنت بحسك انتي مظلومه زيي والحمد لله الوالد جا حدي عندنا واخر حاجه كنت اتوقعها انك تكوني زيي وبتمني توافقي علي ووعد اكون ليك سند ونلد أطفال نعوضهم عن اي شي ومن غير ما زول يعرف حقيقيتنا عشان المجتمع م يعقدهم وانحنا م عندنا ذنب ف الحصل لينا ولا لينا يد في انو نكون اولاد حرام بس قسمتنا كده وربنا جابك لي عشان نكمل بعض وبديك فرصه تفكري
نحنا بقينا مبسوطين وقلنا ليهو موافقين وح نسوقا معانا عشان تنحبس للعرس وعد بقت مبتسمه ابوها قال ليها السكوت علامه الرضا ولا شنو
وسوقنا وعد اخيرا معانا وعملن كرامه واحتفلنا بيها وعزمنا المدير بتاعها وجا وابوها عقد ليها وحددو العرس بعد اسبوعين وسوقتها معاي حبستها وجات لحظه المناسبه وانا عزمت امها وجات من بدري البيت والناس كلها فاهمين انهم هم مطلقين وما عارفين الحقيقه غيرنا نحنا
وجات لحظه الحفله ومشينا الصاله وسبحان الله نهال اتغيرت شديد اديتا توب مني عشان م كان عندها نفس لي انها تلبس بس قلت ليها انتي في وش الناس امها ولبسنا ومشينا الصاله وكنت خايفه من رده فعل وعد بس كنت عارفه انها عاقله م ح تتصرف اي تصرف كعب وفعلا نهال مشت باركت ليها وبكن بكا الناس كلها بكت معاهم وكانت اجمل لحظات وانا كنت مبسوطه انو وعد ربنا اداها علي حسب نيتها الجواها وم شاء الله حسام ولد ممتاز واهل المره الكانت مربياهو جو وشكلهم بحترموهو شديد وعمت فرحتنا ♥️♥️♥️ودي كانت نهايه روايتنا ودي الحلقه الاخيره ان شاء الله تكون عجبتكم
اهداف الروايه
1/ابن زنا م عندو ذنب لي انو يجي الحياه 💔ولا هو الاختار قدرو بي ايدو 💔 الغلطه غلطه الجابوهو والاغلط الاكبر انو يتنسب لي اب م ابوهو ع اساس انو هي في عصمتو والراجل بكون في غفله وم جايب خبر وصعب تتكشف الحاجه دي لانو زي م كانت حريصه انها تحمل في عصمه راجل ح تكون حريصه في انها تقدر تنسبو ليهو زي نهال رغم انو زوجها كان برا جابتو بحجج فارغه ودا كلو عشان تنسب ليهو الولد وفعلا نسبتو ليهو وعواقب الحاجه دي كانت زنا المحارم 💔 ودي كانت تسأؤلات وعد لمن اخوها اغتصبها انو كيف اخ نفسو تنفتح لي اختو وشهوتو تتحرك ليها ورغم انو هو اخوها في نظرها وفي نظرو وفي نظره المجتمع بس الحقيقه كانت بتعرفها الام لانها الوحيده العارفه نفسها والغلط الغلطتو 💔💔😭😭
٢/النسب والمشاكل الاسريه في الحياه الزوجيه ودي كانت بتمثلها منه ومنه كانت زوجه مثاليه ميه ف الميه سكتت علي اي شي خوفا علي النسب والمشاكل الحا تكون بسببها وحافظت علي بيتها وراجلها واولادهاونسيبتها واستحملت الكتير من مغارز اخت زوجها ونهال مرت اخوهو ودا بدل علي احترامها للنسب ❤️🌹الرسول صلى الله عليه وسلم كان بحترم النسب ♥️ وصفوها بي ابشع الصفات وانها مجنونه واستحملت عشان هي مظلومه ورفعو فيها قضيه عشان تستر البت سكتت وما قالت انا مظلومه واستحملت الكتير حتي زوجها مرات بخاف عليها وبشاكلها وببعد منها وهي كانت صابره حتي لمن أهلها ادخلو في حياتها وانها م تكون كده ردها كان انو انا طيبه وحنينه ودي حاجه اتربيت عليها صعب اخليها ورغم انو زوجها وأهلها حاولو يغيروها بس الاتربيت عليهو من طيبه وحنيه وادب وزوق صعب اتغير ♥️ودي منه كانت كده❤️🌹🌹🌹♥️
٣/الشيوخ ودجلهم ي جماعه والله البمش ورا الدجال واقاويلو دي اول نقطه بتدمر حياتك وبتهلك نفسيا وجسديا وماديا
نفسيا بي انو ح يوهمك بي كلام انت ح تصدقو قول لي ليه لانهم هم دجالين م شيوخ وعندهم قرين وقرينهم بخاطب قرينك وبعرف الحاصل ليك والجواك لكن البحصل ليك فيما بعد ما بعلمو الا ربنا لانو ربنا وحدو علام الغيوب ❤️❤️ح تتوهم انك مريض وح يمسكك وهم المرض الاكعب من المرض نفسو وح تحس انو علاجك علاج شيوخ وح تجري وراهم وفي كتار جنو بسبب الشيوخ الدجالين للاسف وديل هم البطلبو مبالغ ماليه وبطلبو حاجات م مفهومه
وعشان م اظلم الشيوخ انا شخصيا جدي شيخ بس بقرا قران وم بشيل قرش من زول بس برقي للناس من غير مقابل ومعروف ف حلتنا ♥️♥️وبرضو معروفين الدجالين البطلبو القروش ومتخفيين ورا الدين 💔💔
طالما ربنا اداك عيون الدين دا واضح حاسي انو مرضك بحتاج رقيه ادخل النت جيب الرقيه الشرعيه واقرا لي نفسك برراك او نزلها صوت واسمها افضل من الجري ورا الشيوخ الما بعرف نواياهم غير ربنا وربنا يشفينا ويشفيكم ان شاء الله
والعين في والحسد في والسحر في بس لمن شيخ اقول ليك سحرك او حسدك او كتبك فلان انت ح تكره فلان وح تختو عدوك الاول في الحياه وياما كتير ناس بريئين انظلمو بسبب دجل شيوخ 😢🙏العلاج الاول القران ولمن تقراهو بنفسك بعالجك اكتر ونصيحتي ليكم م تجرو ورا الدجالين العاملين فيها شيوخ زي م حصل لي منه هي كويسه بس كانت خايفه من مصيبه نهال وحملها والشيخ قال ليهم عندها جن عاشق وم بخليها سعيده وبقت في نظر الناس مجنونه بسبب شيخ وكذبو بس هي كانت واعيه شديد وبعدت من الوضع الاتخت فيهو سريع ويا. ريت لو كل الناس زي منه الفي روايتي دي❤️❤️
٤/القدر نحنا م بنختارو بختارو ليناربنا واي قدر ليك اي كان سمح او كعب بكون لي حكمه م يلعم بيها الا ربنا زي الحصل لي وعد قدرها انها تكون بت حرام وزي معمر قدرو انو يكون م يلد بس ربنا وقعو في نهال ولدت اولاد حرام وظلمتو بس وعد بتو كانت ليهو سند وردت روحو وحسستو بالامان والحنيه وهي م بتو حقيقه بقت ليهو بت ♥️والقدر يخلي وعد تطلع وتشتغل في دار المسنين والقدر خلا حسام زوجها يعجب بيها ويطلب يدها وبرضو هو كان مجهول الابوين ودي حاجه م كانت بي يدو والقدر وقعو في وعد وكملو بعض واتزوجو دايما الاقدار بتكون حلوه وبتجبر بخاطرك ❤️❤️❤️❤️
٥/واخر شي ح اتكلم عنو نهال استغفلت راجل برئ م عندو ذنب في غلطتها وخانتو وهو م يستاهل منها الخيانه بس الشيطان غشاها وكانت عاصيه لي ربها قبل زوجها وغلطت مره ونسبت غلطها لي زول م عندو ذنب وم اكتفت بي كده غلطت تاني وتالت وفي التاني والتالت م كانت مفتكراهم اولاد حرام كانت مفتكراهم اولاد معمر لغايه ما معمر اتزوج وعمل فحوصات ولقا انو م بلد وهي زاتا كانت ليها مفاجأه انو بناتا م من معمر وم استغربت ليه لانها كانت بتلعب وهي مع راجلها واكيد لو حملت الحمل بكون م مضمون تبع منو ودا الزمن العلينا دا كترت فيهو العلاقات بالذات النسوان المتزوجات وح يجي زمن ولسه يختلط الانساب وح يجي زمن ويكتر فيهو زنا المحارم بسبب انو في واحد ف البيت ابن زنا و للاسف العلاقات الزي دي بقت في كل قريه وفي كل محل والناس جاهله ولسه الدنيا غاراهم حافظ ع نفسك تحافظ علي بيتك ومرتك وبتك م معقول انت تكون متزوج وعندك علاقه وتضمن مرتك وبتك والزمن دا صعب واغلبيتهم اتغيرو وقليلين المحافظين علي المبدا الاتربو عليهو وربنا يهدينا ويهدي الجميع ان شاء الله
تمت