رواية ليست ذنبي الفصل العشرون20والاخيربقلم عائشة الكيلاني

نور قامت بفزع:ـ انتي بتقولي اي... عملتوا اي يخرب عقلك 

ريان قام بفزع على صوتها:ـ اي الى حصل حد مات 

نور و هى بتقوم:ـ فرح و نغم في القسم 

ريان مسح على وشه بغيظ:ـ وقتكم دا يلا علشان نلحق نطلعهم 

بعد وقت في القسم 

نور و هى بتضرب على المكتب:ـ دا ظلم و غلط كبير في حق المرأة هى مغلطتش و بعدين دى خناقة هبلة 

الظابط:ـ اكيد محاميه معاكي الكارنيه أو اثبات 

نور:ـ نسيته بس معايا اسكرينات له و اسكرينات تثبت براءه صحابي اظن دا دليل كفي 

الظابط ببرود:ـ طب انتوا التلاته مش خارجين من هنا 

نور:ـ انت متعرفش انا ابقا مرات مين انا مرات ريان الشاذلي 

الظابط:ـ اهلا وسهلا  هتتحبسو يعني هتتحبسو كفى كدا 

نور:ـ لا دا انت مجنون بقاا 

برا ريان سمع صوت الظابط بيزعق و بيضرب على المكتب ف قرر يدخلهم 

الظابط ببرود:ـ اهلا اهلا ريان باشا نورتنا انت مستحمل البلاوى دى ازاي دى مصيبة دى تجنن بلاد مستحملها ازاي دا انت ليك الجنة 

نور:ـ الزم حدودك انت الى عملك ظابط ظلمك انت اخرك سكيورتي دا اخرك و متعصب ليه مش فاهمه أنا 

فرح لنغم بصوت واطي:ـ انا الى حيوانية انى افتكرتها عقلت اديها هتحبسنا 

نور كانت هتكمل ريان بصلها بصة ارعبتها ريان حاول يحل الموضوع و طالعهم بعد ما ندم على اعتماده على نور 

بعد وقت في القصر في اوضة ريان 

نور بصتله بصدمة:ـ انت بتقول اي انت عايزني انضفف كل دا لوحدي يا ريان انا مش بعرف اعمل كوبية شاي تقولي نضفي ملكش حق 

ريان تقدم منها و قال ببرود:ـ نصيبك انكي متجوزة واحد مفتري حظك بقا يلا يا ماما اروح الجنينة ارجع القي الاوضة بتلمع و لو لقيت تربيه واحدة صدقيني هزعل امك و ابنك عليكى يلا يا ماما 

نور:ـ واحد ممل 

ريان بصلها نفس البصة 

نور:ـ احم بقول على ابني عندك مانع رحيم بارد و ممل 

ريان خرج نور قعدت تبرتم و بقت تنضف الاوضة و هى بتبرتم ريان كان بيبص عليها بحب و ابتسامة 

ريان و المج في ايده:ـ ستات مش بتجي الا بالعين الحمراء 

تانى يوم 

نرمين ببرود:ـ اي يا ماما وقفتي ليه يلا دا لسه في غسل سجاد مستنيكم 

فرح و هى واقفة على السلم:ـ مش قادرة و بعدين يا طنط هو مش في شغالين هنا المفروض يعملوا دا مش شغلي 

نرمين بتشرب القهوة ببرود :ـ نور المكان دا مش نضيف عيدى عليه من الاول انتي بتلعبي ليه لا الشغل دا مش عجبني يلا عيدي تانى و مالك خايفه تقربي من البوتجاز ليه 

نور شهقت بصدمة:ـ نهار اسود انتي عايزني اقف على البوتجاز عايزني اموت 

نرمين ببرود:ـ جتكم خيبة دا انا و انا في سنكم كنت بقوم بكل القصر دا 

نغم:ـ في رمضان في رمضان 

نرمين برقت ليها:ـ قصدك اي انى كدابة و بعدين رمضان لسه مجاش فاضل له يومين و يلا انجزو المطبخ علشان تنضفو الحمامات و السجاد و البدروم 

بعد ساعات نور و فرح و نغم كانوا خلصوا كل حاجة و كل واحدة رمت نفسها على الارض بتعب فجأة نرمين دلقت عليهم جردل ماية ساقعة 

نرمين:ـ علشان تبقو تقلو ادابكم مرة تانية و انتي يا عاقلة يا الى المفروض ام تمسكي في خناق الظابط اهو يارب تكونو اتربيتو روحو غيرو بدل ريحة الكلور دى 

 فرح:ـ ندعي عليكى باي ربنا يسامحك يا نور يا بنت ام نور اشوف فيكي يوم على المرمطة دى 

نور:ـ اه يا ناقصة المفروض ان اقول الكلام دا ليكم الصاحب تدعم مش تجبلي مصيبة 

نغم:ـ ما خلاص بقا ما قولت سوري انتوا هتذلوني ولا اي دا اي الارف دا 

بالليل 

نور:ـ لا يا ريان خليها هنا احسن 

ريان اتنهد بهدوء ما قبل العاصفة:ـ يارب نخلص قبل ما اعمل حاجة كلنا نندم عليها اخلصي 

نور ببرود حطت ايديها في وسطها:ـ زى ما نضقت القصر لوحدي انت كمان هتعلق كل الانوار دى و تجاربهم كمان لوحدك 

نرمين خرجت و هى شايلة رحيم بصتله بصدمة:ـ بتعمل اي يا ريان انتي بتعملى في الواد اي عايزة تموتيلي الواد يا بنت المجنونة 

نور:ـ انتي كدا بتشتمي نفسك لانكي قولتي يا بت المجنونة مش المجنونة و بعدين انا نضفت و هو يعلق النور مفيش فيها حاجة دى ولا اي يا حبيبي 

ريان:ـ حبيبك بيقولك اخرسي قبل ما اديكي بى الجزمة ما دا حصل بسببك تتخنقي مع الظابط 

نور بملل:ـ ما قولت سوري مش حكاية هى و شوف شغلك و اخلص بقا 

بعد وقت ريان خلص تعليق الانوار و نورهم في الصالون و الجنينة نزل من على السلم نور جريت عليه حضنته بفرح و ابتسامة ريان بعده عنه راح فتح الباب نور راحت وراه لمحت فانوس كبير و شكله حلو جدا 

ريان بصلها بحب و عطها بوكس كان في شوكولاتات و فانوس صغير:ـ كل رمضان و انتي طيبة يا حبيبتي 

نور بابتسامة حب:ـ و انت طيب و معايا يا حبيبي.  بس العيدة بتبقا في العيد مش في رمضان و نهار اسود 

ريان:ـ مالك 

نور بصدمة:ـ دول تلات تلاف جنية اكيد جوم بالغلط 

ريان:ـ حرام عليكى وقعتي قلبي لا دول مش جايين بالغلط دول مع البوكس 

نور نزلت وشها بضحك و خجل:ـ بس دا كتير اوى يا ريان غرامت نفسك 

ريان رفع راسها بايده و قال بهمس و هو بيبص في عينيها:ـ اوعي تعملي كدا تانى و بعدين مفيش حاجه تغلي عليكي حتي عمري ادفعه بس تكوني بخير و مبسوطة 

نور بصتله بدموع فرح:ـ انا مهما قولت مستحيل اوصف احساسي انت اجمل حاجة حصلت في حياتي بحبك اوى 

ريان قبل جبينها:ـ و انا بموت فيكي يا نور حياتي 

                          تمت