رواية زواج قاصره
الفصل الرابع والعشرون24والاخير
بقلم نوسه حمد
حاولت اهرب منهم بس الراجل اللاقيتو اول مره وحاول اعتدي علي لقيتو ف وشي قال لي وين ي حلوه ماشه انتي بقيتي حقتي لا سالم لا غيرو م بقدرو يبعدوك مني والعملتي لي ماف بت عملتو لي كسرتي تلفوني وغشيتي علي انا الماف راجل بقدر اغش علي تجي انتي شافعه م قومتي من الواطه تعملي لي فيلم هندي وتجري وكمان لميضه وفصيحه و خلاص انتي بقيتي حقتي موش انتي انكسرتي وجيتي تختاري الراجل براك انا الحا تختاريني وح اشتريك بقروشي واشتري ليك شقه وح اسوقك معاي برا لمن اكون عندي شغل وح اخليك تزوري كل دول السودان واتزوجك عرفي اها رايك شنو يا حلوه وختا يدو في كتفي قلت ليهو شوف انا جيت هنا وكانت عندي قوه لا يعلم بيها الا ربنا بس دخلت محلكم النجس دا قوتي كلها انتهت بس انا الان عندي قوه ممكن لو طبلتوني هنا وكلكم حاولتو تعتدو علي م تقدرو وكنت ماسكه يدو شديد بقا لاوي لي يدي قال لي انتي م بتتهدي وراسك قوي وجيتي هنا عشان شنو موش عشان القروش قلت ليهو لا م عشان القروش ودي تمثيليه وانا جيت انتقم منك ومن خالده والعملتو لي لمن اموت م انساهو قالت لي تنتقمي مننا كيف يا غبيه وتمثيليه شنو
محمد والظابط جو داخلين وقالو ليهو ثاااابت اي تصرف منك ح ادينك ومحمد جا مسكني منو واول مره احس نفسي ضعيفه ومنكسره وبقيت ابكي بكا هستيري محمد ضماني عليهو قال لي عوده م عاش ولا كان البنزل منك دمعه وانتي عملتي حاجه ماف زول قدر اعملها انتي وقعتي عصابه وح يتحاسبو علي اي عمل والمكالمه كانت مسجله حتي وانتي بتسالي في البنات وبحكن ليك ودي قضيه جاهزه وح تبقا قضيه راي عام وحمد لله على السلامه حبيبتي اخدتي حقك وحق بنات كتار انظلمو وبعد كده القانون ح ياخد مجراهو وبقيت مبسوطه اني قدرت اشيل حقي ومحمد بقا ماسكني وماشين من المكان المشبوه دا وقبضو عليهم كلهم وسالم جا جاري قال لي ميعاد انتي كويسه ومحمد ماسكني من يدي فكيتو قلت ليهو انا كويسه بس انت جيت هنا كيف فتح لي دردشه خالده مرسلا صورتي وانا راقده وقالت ليهو اخيرا كسبت الرهان وميعاد انضمت للقائمه بتاعت البنات قال لي انا الله خلاني كنت ف الخرطوم ولمن جيت فهموني انك انتي اشتغلتي معاهم وكنت عاوز اسوقك قالو لي الا تدينا البوكسي بتاعك ومشيت عشان ادي ليهم بي اوراقو بس جينا لقيناك ماف والشرطه قبضت عليهم قلت ليهو انا كنت سامعه اي كلمه انت قلتها ي سالم وبجد انت طلعت بتخاف علي ولازم كان تخاف لاني عرضك وربنا يخلي ليك مرتك واولادك وم تشوف فيهم مكروه قال لي ويخليك ي بت عمي ويخلي ليك محمد ويعوضك عن اي عذاب ضوقتيهو وعن اي هم عشتيهو وانا حياتي معاك والحصل لي وليك اتعلمت حاجات كتيره والحمد لله انا استقريت ف السودان وبقيت احب مرتي لانها بتستاهل اني احبها وتاني مستحيل اغترب واخليها وراي لاي سبب من الاسباب وزي م قلتي لي قبل م اطلقك رزقك الجاك ف السعوديه لو كنت ف السودان ح تلقاهو وفعلا كلامك عين العقل وتجربتي معاك علمتني يعني شنو احترام الزوجه وانا الحمد لله حياتي ماشه حلوه وجبتا ميعاد وان شاء الله تجي تشبهك قلت ليهو م شاء الله حمد لله على السلامه تربا في عزك ان شاء الله وربنا يحفظها ليك محمد قال ليهو م شاء الله حمد لله على السلامه ودي ح تكون عندها معزه خاصه عندنا وربنا يسعدكم قال ليهو ويسعدك انت مع ميعاد وقبل م امش بشكرك علي العملتي مع ريم اختي كنتي ليها سند وقفتي جنبها وم شاء الله ريم الان حامل ومستقره مع زوجها واتصلت عليك عشان تفرحك تلفونك قالت مغلق ويلا انا ماشي البلد لو انتي ماشه محمد قال لي احسن نمش البلد بعد م نمشي الشرطه ويشيلو اقوالك والدليل العندنا ونرجع مع سالم عشان انتي تعبانه وانا قدمت ليك ف الجامعه
مشينا الشرطه وشالو اقوالي وطلعنا مشينا الحله وامي انبسطت اني رجعت ليها بالسلامة ومحمد خطبني وحقق الخطوبه وكنت مبسوطه شديد وربنا عوضني والحمد لله
مرت الايام وانا دخلت اولي طب ف جامعه محمد ومحمد ساعدني شديد وم قصر مني
ومرت الشهور ومحمد اتخرج بي امتياز ودي من الحاجات الخلتني مبسوطه شديد
وخالده اتسجنت هي والمعاها وخلصت حقي منهم وقدرنا اتخلصنا من شبكه كبيره دمرت بنات حلتنا ونص بنات العاصمه وبقت قضيه راي عام وبنات كتار اتعظو منهم
مرت الايام والسنين واتزوجنا انا ومحمد وكانت اجمل فرحه فرحتها من سنين وعملت كل طقوس زواجي وكاني اول مره اتزوج وفعلا اول مره احس بفرحت الزواج ومع الانسان البحبو وريم جات حضرت زواجي وريم بقا عندها ولد حلات الدنيا عليهو م شاء الله
ودخلت الحياه الزوجيه وكل يوم بمر علي احلي من اليوم البعدو وكل يوم بحب محمد فيهو اكتر
ومرت الايام والسنين وجبتا احلي بنوته اسمها ايه وفعلا كانت ايه من الجمال شايله مني ومن محمد وزادت حبنا ودي كانت نهايه روايه #زواج قاصره
اهداف الروايه :
١/عدم التعليم مشكله في العالم لانو التعليم بوضح لينا كل جوانب الحياه والجهل مصيبه بعانو منها كتير
٢/زواج القاصرات ودي مشكله اغلبيه قري السودان وهمهم البت تتزوج بس من غير فهم زي م حصل لي ميعاد اتزوجت في عمر صغير وكانت قاصره م بالغه وم فهمت الحياه بس وقعت في ودعمها قدر فهمها الحياه واتعلمت علي يدو وبقت قويه لانو قوتها الظروف
3/اغتراب الازواج بالذات البتزوجو بنات صغار افوتو اخلوهن للمجتمع وفي كتار بقو ضحيه اولاد وفي البقو ضحيه قودات زي خالده وامثالها وانعدم الحياء زمان كان العاوز اقل ادبو بقلو براهو من غير الناس م تعرف وبخجلو من الرزيله بس هسي في زمنا دا الرزيله بقت حاجه عاديه جدااااااا وبقو مجاهرين بيها م عارفه ماتت قلوب الناس ولا التربيه من الاول غلط ولا السوشيل ميديا خربت الناس وسهلت ليهم الحاجه دي ونسال الله السلامه وسترت الحال
4/مهما الدنيا ختتك في موقف صعب وخيروك بين الحرام والحلال وانتي عندك يقين انو الحرام دا حرام حتي لو انجبرتي عليهو زي م حصل لميعاد م توافقي عليهو اتوكلي علي الله من توكل على الله فهو حسبه ومن توكل على الله جعل له مخرجا زي م حصل لميعاد رغم انها كانت في عمر صغير بس كانت عارفه الصاح من الغلط اتوكلت علي ربها وكانت علي طهاره طلعت مع خالده وم عارفه نيتها شنو بس ربنا سهل ليها وقدرت تتفاداهم بي شرهم و الحصل ليها م كسرها ولا كسر عينها بالعكس زادها قوه
5/الساكت عن الحق شيطان ميعاد انظلمت وبعدت عن العاوزين ادمرو حياتها بس م اكتفت انها بعدت عنهم كان كل همها تنقذ باقي البنات البقو ضحايا وبدت بي بت عمها وقدرت تنقذها وانقذت غيرها من شر خالده والمعاها
6/انا فصلت كل الدار بين خالده والمعاها زي الاوراق المضروبه لبت وانها بتقرا ف الجامعه وبتصاد البنات والفيزه المضروبه والبت تسافر م تلقا شغل وتبيع نفسها وزي البت البتسوق معاها البنات وتغريهم بالقروش ...... الخ دا كلوووو خيال ي جماعه بس دا الداير في مجتمعنا وفي بنات كتيره دخلت لي خاص انو فعلا حصل ليهم كده وشجعوني اني اواصل كتابه لانهم انظلمو وم عاوزين الغيرهم يحصل ليهم كده مهما كان م تثقي في بت ولا ولد م بتعرفيهو عدم الثقه بنجيك من حاجات كتيره عشان الثقه الزايده دمرت بنات كتيره نسال الله السلامه
7/رحمه ربنا واسعه تسع الجميع والطلاق م عيب بس عيب انك تباري الحرام عشان م تخربي بيتك وفي النهايه الطلاق قسمه زي م حصل لميعاد رغم انها كانت تحت التهديد وم انكسرت ليهم لانو كانو بهددوها انو يفتنو بينها وبين زوجها واختارت الفتنه ولا تقع ف الغلط
8/م كل البقرب منك داير ليك الخير الحذر ثم الحذر من الناس لانو النفس اماره بالسؤ
9/ اخر شي وبقول ليكم طريق ربنا الببعد منو ح يتعب والبمش فيهو ح يحظا دنيا واخره وح يكون ليهو نجاه في صعوبات الحياه
وشكرا ليكم ولي كل واحده شجعتني ف الخاص وف العام وان شاء الله نتلاقي في روايه تتكلم عن الحياه وم يدور فيها سمح وكعب واستودعكم الله الزي لا تضيع ودائعه واتمني تكونو استفدتو
كسره
تمت بحمد الله