رواية زهرة البنفسج
الفصل الثاني2
بقلم لبني طارق
سبحان الله وبحمده وسبحان الله العظيم
لا حول ولا قوة إلا بالله العلى العظيم
أعوذ بالله من شر ما خلق
💭💭💭💭💭💭💭💭💭💭💭💭💭💭
تامر : ماما .. يا ماما
سعاد : ايه يا تامر متسربع على ايه يابنى كدا
تامر : مين البنى ادمه الا قاعده جمبنا دى
سعاد : دى بقالها شهرين جاى تسئل دلوقتى مين
تامر : انا اول مره اشوف الخلقه الا تعصب دى بنى ادمه قليلة الذوق
سعاد ؛ زهره دا محترمه و فى حالها
تامر : دى زهره دى ... دى عباره عن الشوك الا حوالين الزهور الا بيعكنن علينا كل ما نمسكه
سعاد : 😂😂😂 انا اول مره اشوفك شايط كدا اهدى وفهمنى فى ايه
تامر : مفيش استرخمتها اول ما شوفتها بس .. حضرتى الفطار .. وبيبص على الارض
سعاد : ايوا يا حبيبى جاهز اتفضل اقعد وانا ها اطلع الاكل حالا وبطل تدور بعينك لسا ما صحيش البيه ما نيمنيش طول الليل
تامر بحزن : معلش يا امى تعبتك معايا
سعاد : ما تقولش كدا يا حبيبى .. انتو الاتنين فى عنيا ودخلت المطبخ وتامر قاعد شايط ومش قادر يمسك نفسه عايز يقوم يقطع كل الورد ويرميه فى الشارع المهم يعمل اى حاجه تدايقها .. خلص أكل مع مامته ولبس ونزل وبيرفع ايده صباح الخير ياعم اسماعيل
اسماعيل : صباح النور يابنى اتاخرت ليه انهارده
تامر : معلش يا راجل يا طيب على مافطرت ونزلت عربيه البشمهندس خلصت
اسماعيل : لا عايزك تمم عليها بنفسك الشباب بقت بتعمل شغل اى كلام يا بشمهندس
تامر : عنيه يا راجل يا طيب
اسماعيل : تسلم عينك وتسلم تربيتك
تامر : فتح العربيه وبيتمم عليها بنفسه وبعدين نزل تحتها اتاكد ان الدنيا تمام وركبها ولف بيها نص ساعه على الطريق ورجع .. العربيه زى الفل والمهندسين تسلم ايديهم ليه قلقان منهم
اسماعيل : بيتلكعو فى الشغل ومش مهتمين زى الاول
تامر : براحه عليهم انت عارف انى جايبهم كلهم مهندسين بس لسا بيقولو يا هادى .. انا عايز نتباهى بورشتنا الا بأمر الله العربيه تدخل فيها خرده تخرج كانها موديل السنه من جمالها ونضافه الشغل الا يخليها ترمح على الطريق وكمان بيدربو العيال الصنيعيه عشان شغلهم يبقى نضيف
اسماعيل : ربنا يوسع عليك ويرزقكم يابنى كلكم شباب زى الورد عندكم افكار تعملو من الفسيخ شربات
تامر : بيرفع ايده ها نعمل يا راجل يا طيب وها نهز الدنيا من ام الدنيا
اسماعيل بنفس الحماس : وتحيا مصر والا مش عاجبه
تامر : ينكش حواجبه 😂😂😂
اسماعيل : 😂😂😂
******************
زهره قاعده وقدامها كمية ورد كبيره جدا صناعى مش طبيعى .. وجايبه اسلاك رفيعه بس ماسكه نفسها وبتتشكل .. وبدات تدخل الورد جوا السلك بشكل متناسق جدا وتخلص السلك الا عملاه على شكل قلب وتعمل غيره ورجعت تانى للفات وبذكرياتها المؤلمه
فلاش بااااك
**********
زهره : واقفه على الباب ومنظرها يخض هزيله ووشها وارم وشعرها منكوش وبتبص بعيونها بتحاول تجمع .. وبلا مبلاه انت عايز ايه
حسام زقها ودخل وهى قفلت الباب ودخلت
حسام : انتى ما بترديش على حد ليه وابوكى زهق خبط ورزع على الباب ودواشنى عشان خاطرك ولا إلا خاطفك كنتى فين
زهره : ها اكون فين كنت نايمه
حسام : بقالك 3 تيام نايمه .. بتكلمى مغفل
زهره اتصدمت بس ما بينتش حاجه هى فعلا بقالها 3 تيام نايمه لا دى كانت ميته : عايز ايه يا حضرت المغفل
حسام : احترمى نفسك بدال ما اقوم اكسرك
زهره : بتهز راسها وبتضحك بأستفزاز قادر وتعملها ايه الا جابك
حسام : عايز الشقه
زهره ضحكت بصوت عالى جدا وحطت رجل على رجل .. انت ناسى انها بتاعتى وعلى اسمى والا سمر لحست عقلك
حسام : انتى عارفه انى دافع النص وانتى النص والا هى اخرة الثقه ولسا ما كملش
زهره بعصبيه : انت اخر راجل تتكلم عن الثقه .. لو ناسى عملتك فيا انت والزباله التانيه اجبلك كلب من الشارع يفكرك .. الشقه مش لازمانى تجيب حد يفصلها وتدينى النص ومؤخرى وعفشى .. ساعتها اتنازلك عنها وبيتهيئلى انك كدا كسبان
حسام بمدايقه فيها أكتر : ايوا كسبان شقه ومراتى الا بتحبنى وها تجبلى العيل الا بتمناه من الدنيا والاهم من دا كله ها اريحها وبدال ماهى قاعده فى شقه تحت السلم ها تقعد فى شقه فخمه فوق عشان دا مقامها عندى
زهره : بتسقف برافووو ... استمر على فكره انت زوج مثالى وهى ها تتهنى جااامد بتمنالك من قلبى وبتشاور على قلبها كل السعاده والحب ... بتمنالك كل الخير الا فى يوم من الايام اتمنيته ليك واتحقق وكبرت وبقيت حاجه تفضل زى ما انت فى خير وسعاده .. وبقهر بتمنى لصحبتى وجوزى السعاده والعيال الكتير وابقى خلى بالك عليها عشان البيبى بيدايق عليك منى ومن وجودى .. وقامت اتفضل يا حسام الله يسهلك جهز حقى وخد حقك وكل واحد فينا منه لله
حسام قام بإحراج المره دى عرفت توصل له الرساله صح .. ومشى من قدامها ماعرفش يرفع عينه فى عينها بعد الحب الا كان بينهم والحياه الجميله هى تستاهل منه كدا حتى لو مش بتخلف وهى قعدت او اترمت على الكنبه بتعيط بألم كبير ... الم بيقطع كل الحلو الا فيها وبيكسر ثقتها فى اى راجل .. ألم بيدوقها طعم المرار والخيانه والذول ... الم بيدوس بقوته مش بيرحم من غدر الناس وغدر الصحاب الا فى يوم من الايام كانو جمبنا ودلوقتى بيخونو وبيضربو فى ضهرنا .. صحيح دنيا غريبه
باااااك
زهره بتكلم نفسها : اه يا زهره اه ... سنتين مطلقه ولسا منستيش وعايشه فى الماضى .. سنتين بهدله من شقه لشقه وبهدله مع اهلك وخناقات . سنتين يا حسام بقى عندك اميره ومحمد وابتسمت الولاد زى القمر مش طالعين ليهم ويارب ما يطلعو ليهم ويكونو غدارين ... كملت شغلها وغلفته ونزلت للعملا بتوعها الا بيتعاملو معاها فى كل مناسبتهم وبعد وقت كبير رجعت وخبطت على سميحه
سميحه فتحت وبأبتسامه : تعالى يا زهوره ادخلى
زهره : ها اعطلك
سميحه : ادخلى ياختى شايفه ورايا المدريه انا بطولى زيك
زهره : بأبتسامه احلى حاجه انك زيى عشان اعرف اتلايم عليكى والاقى حد يسلينى فى وحدتى
سميحه : اتغديتى
زهره : لا لسا ايه رايك نطلب اكل
سميحه : لا يا ماما لا انا داخله على تقشف فا نعتمد على نفسنا وقدامى زى الشاطره على المطبخ وايه رايك تلبسى بجامه من عندى
زهره : لا ها اروح اغير واجيلك دا الباب فى الباب و راحت لبست بجامه وخارجه بسرعه ولسا ها تدخل لقت تامر فى وشها ومتبهدل جدا عنيهم اتقابلت للحاظات .. وزهره اتحركت دخلت عند سميحه على طول وقفلت الباب .. وهو فضل واقف على بابه بيبص ما طرح ما دخلت بالبجامه وبعدين دخل شقته على الحمام على طول ياخد شاور ويغير هدومه ودخل لامه فى شقتها عن طريق باب صغير من جوا فاتح الشقتين على بعض .. زيزو ايه يا سعة الباشا النوم دا كله
زياد ابنه : بابه .. بابه
تامر شاله وباسه وحشتنى فين تيتا
سعاد : انا قولت الغاغا الا عاملها زياد دى أكيد ليك
تامر : امال يا ست الكل بقولك يا اما
سعاد : قول يا حبيب أمك
تامر : هى سميحه فاتحه شقتها اوتيل اليومين دول للأسمها زهره دى
سعاد : يوووه يا تامر الست فى شقتها وهى حره
تامر : لا اصل الهانم لابسه بجامه بنفسج وداخله عندها مش عيب تطلع ببجامة البيت وكمان تروح عند جيرانها والا دى ها تعرف العيب منين
سعاد : لا يابنى مالكش حق .. اتقى ربنا فى الكلمه الا تقولها على وليه .. الاتنين أئدب من بعض وزهره وسميحه بيحبو يقعدو مع بعض وبيبقو براحتهم لا لابسه لبس خليع ولا حاجه وانا لما بخلص الا ورايا بروح لهم وبجلبية البيت فيها ايه ما احنا فى دور واحد والحمد لله الدور كله ستات وانت راجل الدور كله
تامر : خلاص يا حجه كل دا ماكنش سؤال .. انا مش عارف الا عمل العماره دى زمان حكمته ايه انه يعمل الدور اربع شقق
سعاد : الناس زمان كانت بتحب بعض ومؤمنين بالجيره واللمه عشان كدا البيوت كانت كبيره وتساعى من الحبايب الف ... ثم كمان انت مش طايق زهره ليه كدا
تامر : بيشاور على صدره وبيطلع ايده وينزلها : اصلها بنفسجى من برا ومن جوا
سعاد : هههههههه والله يابنى لو عرفتها ها تحبها ويمكن تغير رايك وتتجوز وتربى ابنك بين أم واب
تامر : مفيش أم بعد أمه الله يرحمها .. بعد الجواز كلهم بيتحولو ما بتسمعيش عن المصايب الا بيعملوها فى العيال الغلابه
سعاد : يابنى صوابعك من زى بعضها
تامر بيضم ابنه ؛ مش عايزه يتأزى ولا يطلع يكرهنى خليه فى حضنى وربنا يخليكى لينا
سعاد : ربنا يهديك يا بنى ها اجهزلك الغدا عشان عارفه لازم تنزل الورشه تانى ربنا يعينك
تامر : يارب
************
سميحه : يابت مش ها تخرجى برا اللون دا مفيش الوان غيره
زهره بأبتسامه : دا ملك الالوان عندى فيش غيره يا سوسو
سميحه : لا بقولك ايه انا بعشق اسمى انا كمان دا ملك الاسامى عندى عشان كدا الكل بينادينى بيه من غير القاب ولا دلع
زهره : حد يلاقى الدلع وميدلعش انتى الخسرانه ..بقولك ايه احكيلى بقى بقية الحكايه بتاعتك انتى وخالد
سميحه ضحكت بصوت عالى اتاريكى جايه ملهوفه
زهره : جدا جدا احنا قاعدين بنعمل محشى احكيلى بقى شكلنا ها نتغدى متاخر ودا الحاجه الوحيده الا ها اصبر جوعى بيها
سمحيه ماااشى يا ستى . وقفت انا لحد فين
زهره : لحد ما قعد جمبك وخد الدبله وقالك احنا مش متجوزين ودخلتى اوضة النوم
سميحه فلاااااش بااااك
******************
سميحه جوا الاوضه مرعوبه ومش عارفه البنى ادم دا بيفكر فى ايه وليه كان رد فعله بالشكل دا غيرت الفستان وانكمشت فى سريرها ومن كتر التفكير راحت فى النوم .. قامت الصبح بتدور فى الشقه عليه مش لاقياه ولا له اى اثر أختفى .. دخلت المطبخ بسرعه جعانه لقت صنية الاكل وفى ورقه فى النص .. مكتوب فيها صباح الخيررر على اجمل عيون شوفتها فى حياتى ااتمنى الاكل يعجبك عامله بايديا والابتسامه ظهرت على وشها فى اللحظه دى .. وبدئت تاكل كأنها ما كلتش بقالها سنه خلصت أكل وشالت الباقى فى التلاجه دخلت الاوضه تانى ورتبت حاجتها كلها وبتدور على اى حاجه له او صور او أى شئ مفيش حاجه .. وبصوت عالى شويه .. ايه الراجل المبهم الا انا ها اعيش معاه دا ياربى
خالد فتح باب الشقه ودخل ومعاه علبه كبيره حطاها على الترابيزه وبينادى على سميحه
خالد : سميحه .. سميحه
سمحيه خرجت بسرعه من الاوضه : اخيرا رجعت
خالد بهزار وابتسامه : اعترفى وحشتك صح
سميحه بإحراج : لا مش كدا اصلى قاعده لوحدى ومش فاهمه حاجه ولا انت ها تعمل ايه
خالد قرب عليها ومسك ايديها الاتنين باسهم تحت نظراتها واحراجها .. حالا ها تعرفى قرارى وحاوط وسطها بايده وراح عند الترابيزه الا عليها الكارتونه .. وبيبص لها هو صحيح لبسك دا مش مناسب بس مش مشكله
سميحه بتعجب : مش مناسب لايه بقى
خالد : لدا وفك الفوينكه الا على العلبه واتفردت العلبه حوالين التورته الا جايبها دورين وشكلها تحفه
سميحه حطت ايدها على بوئها بفرحه : الله دى جميله قوووى
خالد بنفس الفرحه : لا والاجمل الا فيها وبيحاول يطلع حاجه منها مش لاقيها ساب الشوكه وبدء يشوف بايده
سميحه بتبص عليها من فوووق .. فيها ايه انت ناقص تغتص جواها
خالد : الغبى قولتله يحطها على الوش بس يخفيها .. شكله سواها مع الكيك والا ايه
سميحه : فهمنى هى ايه
خالد ابتسم وبيطلع حاجه بيقول اهه وبعدين كشرر لا مش هى وكل الا طلع فى ايده والله حلوه الله ينتقم منك التورته اتشوهت والليله باظت .. وبيبص لسميحه تاخدى حته
سميحه : اه هات دى
خالد : بيشاور على مكان دى
سميحه : لا يا خالد دى .. دى الا عليها الكرز
خالد : اهااااا .. طيب خدى وبيشيل وياكلها بايده .. وفضلو ينقو فى الوش الاتنين وياكلو مع بعض وهما بيضحكووو على الا بيعملوه كانهم أطفال .. شبعتى والا تاكلى تانى عشان انا كدا خدت مقلب
سميحه بتضحك جاااامد : لا خلاص شبعت
خالد : طيب خدى دى اخر حته وبياكلها تانى
سميحه : اه ايه دا
خالد : 😂😂😂 أكيد هى طلعيها
سميحه طلعت الدبله من بوئها : 😂😂😂 هى دى الا دمرت الدنيا بسببها
خالد : فاشل انا صح .. المصيبه الرومانسيه عندى بتقلب لحاجات عجيبه
سميحه : الصراحه اه انت كلك عجيب
خالد : طيب يا ستى وماسك الدبله ها تقبليننى زوجا لكى
سميحه : 😂😂😂😂 كدا وبالمنظر دا لاء والف لاء
خالد : ثانيه واحده اروح اغسل الدبله واجى اطلب ايدك تانى وراح غسل ايده والدبله ورجع تانى وبابتسامته الجميله .. حلوو كدا
سميحه : جميل
خالد قرب عليها وضمها بحب ظاهر فى عيونه وباس راسها .. انا بتقدم من اول وجديد وبقولك عايز اتجوزك وتبقى مراتى على طول جمبى حياه جديده باتمنى اعيشها بس معاكى انتى وبس .. تقبلى
سميحه وشها إحمر جدا : احممم .. هو ممكن ناجل جوازنا شويه انا عارفه انك ملكش ذنب تاخد واحده كانت رافضه الجواز ومجبوره عليه
خالد : خدى الوقت الا انتى عايزاه انا حبيتك وكنت بستنى ارجع من سفرى فى اى وقت واروح لعمى عشان بس أخطف نظرات ليكى من بعيد لبعيد .. وخوفى انك تتجوزى هو الا خلانى اتقدمت ليكى وصممت على الجواز .. انا تقريبا عايش فى الجو من بلد لبلد .. ومفيش واحده لفتت نظرى زيك ولا اتحكمت فى قلبى زى ما انتى ما بتتحكمى فيه
سميحه ابتسمت وبتبص له بصات مش مفهومه
خالد : ما تقلقيش منى . انا قولتلك انا معاكى مش ها اسيبك بس مش ها اتحمل مجرد كلمه رافضه الجواز منى .. عايز اطمن انك معايا انا وليا مش مجرد ورقه كتبها المأذون من غير روح ولا حياه
سميحه هزت راسها بالموافقه ومدت ايديها يلبسها الدبله
خالد بفرحه بيلبسها الدبله وكانهم بيعيشو اجواء الفرح من اول جديد .. بيعيشو لحظه مش ها تتنسى من حياتهم ... وبيتكلم بضحك . ها تزغرطى والا ازغرط انا يا عروسه 😂
سميحه : 😂😂😂 ولا انا ولا انت كفايه كدا عليا .. هى حاجتك فين الاوضه فاضيه مفهاش اى حاجه تخصك
خالد : انا اسف دا غلطى لان ماقولتلكيش ان الشقه لسا مستلمها وما لحقتش ارص حاجتى ولا اى حاجه تخصنى هنا وكلهم فى الاوضه التانيه لسا فى الشنط .. وبصراحه قولت لما انتى تيجى اكيد ها تساعدينى كان كفايه عليا عفش البيت انا والعمال الا جم فرشو معايا وخدها ودخل اوضة الاطفال .. وبيتكلم معاها كانه يعرفها من سنين بيتكلم براحته وبدون تكلف او تزويق فى الكلام ... الاكل عجبك وقولى الحقيقه
سميحه : الحقيقه نص نص
خالد : بيهز راسه وبابتسامه واضح كدا مش ها اعمل اكل تانى .. بصى بقى يا سميحه ايه رايك نرص حاجتى فى اوضه الاطفال انا وانتى ونخلص كل الا ورانا وبعدين نقعد نتكلم
سميه هزت راسها بالموافقه وبدأو الاتنين يتشاركو مع بعض لحظات بتجمعهم وكمان بتعرفهم على بعض . خلصو كل حاجه وسميحه ماسكه الصور بتاعته .. بتتفرج عليها
خالد : اشمعنا الصوره دى الا وقفتى عندها
سميحه : اصلك رفيع قوووى فيها ودلوقتى حاجه تانيه الصراحه شكلك وحش
خالد : ورينى كدا .. وربنا حلوو وبيهز راسه وبيشاور على الصوره ركزى بس
سميحه : والله وحشه ازاى انت شايفها حلوه
خالد بنفى لا حلو بس انتى بتبالغى وبيبص لها بصات احرجتها جدا احممم ..
سميحه : حلوه حلوه وسيباه وقايمه
خالد مسك ايدها : اقعدى احنا لسا بنتفرج وقعدها تانى جمبه .. وبيقلب فى الصور وبيعرفها على اهله وحياته .. بس يا ستى وطبعا انتى شوفتى أمى وابويا واخواتى
سميحه : هو انت بتسوق الطياره ازاى ومش بتخاف
خالد : عااادى زيها زى اى حاجه الفرق ان دى فوق فى السما .. ومسئلة الخوف دى بترجع ليكى مره فى مره بتتجرئى انا مش بقيت طيار بين يوم وليله لا تدريبات وشغلانه كدا كبيره لحد ما حققت الا لنا عايزه وانتى كمان عشان تبقى دكتوره ها تتعبى وها تمرى بكتير بس اول ما تكشفى على المرضى بتوعك عمرك ما تحسى بالخوف والقلق الا كنتى فيه ايام الكليه كله مع الوقت بيتلاشى وبيبقى عادى
سميحه : قول يارب
خالد : يارب .. ايه رايك تلبسى ونخرج
سميحه : اوكى نخرج وها تعزمنى على الغدا أنا عروسه
خالد : كدب وبيقرب عليها وبهزار وبيناغشها .. بس ممكن نخليه حقيقه
سميحه : توء طبعا
خالد : توء طبعا انتى الخسرانه بكرا تقولى كنتى سبيه يمسكها يا فوزيه
سميحه : 😂😂😂 لا مش ها اقول .. ياله بقى عشان ما نتاخرش
************
باااااك
زهره : كملى يا سميحه بقى
سميحه : مش قادره يا زهره مش انهارده يوم تانى . تعالى المحشى استوى
زهره : فتحت الحله وبتضحك .. اهو انا متخيلاكى تورته دورين دلوقتى وعايزا انكشك
سميحه : 😂😂😂 نفس التخيلات الا عندى ... اه يا زهره وحشنى قوووى وبدعى ربنا اشوفه تانى حتى لو فى المنام
زهره ضمت سميحه : يا حبيبتى ربنا يعوض عليكى .. بس بقولك ايه بطلى بكش وتكملى الحكايه على طول
سميحه : ها تصدقينى لو قولتلك مش قادره بتعب وبفضل طول الليل اعيط .. حتى وانا فى العياده بتاعتى وبفتكر كلامه بتعب محاوطنى فى كل مكان طول الوقت
زهره : هو جراله ايه
سميحه : مش دلوقتى يا زهره بلاش تقلبى عليا المواجع .. ياله ناكل انا جعانه .. وبدئو يكلو مع بعض وخلصو قعدتهم وأكلهم .. وخرجت زهره راحت شقتها . الجرس رن وفتحت
زهره : اتفضلى يا طنط سعاد
سعاد : ربنا يخليكى يا زهره .. ممكن تخلى زياد معاكى على ما ارجع ها اتاقل عليكى
زهره مدت ايديها : خدت زياد اتعبينى انتى كل يوم وهاتيه روحى يا طنط براحتك
سعاد : تعيشى يا حبيبتى .. ومشيت
زهره : زيزو حبيبى بقالك كام يوم مختفى ليه .. وحشتنى يا جميل .. وقاعده بتلعب معاه فى ارض البلكونه وهى طايره فى السما .. ومره تبوس ايده ومره تبوس رجله الصغنتته ..اوعى تنسانى لما تكبر وعلى طول قولهم انا عند طنط زهره لا ماما زهره فاهم يا جميل قول ماما نفسى أسمعها
زياد ؛ مامه .. مامه
زهره بفرحه كبيره حضنته قلب ماما وعقلها
وسابته ودخلت تجيب اللعب الا جبتهالو من اوضة نومها وهى بتجيب اللعب لقت البوم الصور بتاعها هى وحسام اتجمدت فى مكانها وبتقلب فيه وبتفتكر اللحظات الا كانت بينهم وبتفكر لو كان زياد دا ابنها وحياتها فضلت مستقره وهاديه .. بعد وقت فاقت مش شرودها وراحت لزياد ملقتوهوش فى مكانه بقت تدور فى الشقه هى عارفه انه بيسحف .. وتدور وتدور مش لاقياه فص ملح وداب