رواية انا وهو
الفصل الثاني2
بقلم ساره محمد
الممرضه ادتها مهدئ ورجعت تاني وخالد مراقبه وما عارف يعمل شنو استمر الحال لمدة أسبوع الدكتور كتب ليها خروج لكن حزر خالد من انها تنفعل او تتوتر وما يضغط عليها انها تتذكر شي طلعو البيت وعبير كانت ساكته واي شي جديد بالنسبه ليها حتي خالد كانت معتبره غريب دخلو الشقه وهي كانت متوتره
خالد: حمدلله علي سلامتك
عبير: ده بيت منو؟؟
خالد: بيتنا انا وانتي مش اتفقنا انو نحن اصحاب
عبير: اي بس انا خايفه
خالد: م تخافي تعالي مسكها من يدها ووداها غرفه وقال ليها دي غرفتك عايزك تاخدي راحتك تمام
عبير: تمام انت قلت لي اسمك منو ؟؟
خالد: انا خالد يلا انا حامشي غرفتي ولو احتجتي لشي وريني خالد طلع وعبير سرحانه ف الحياة الجديده فتحت شنطتها وشالت ليها جلباب بأكمام ودخلت استحمت ورقدت نامت لأنها مرهقه
وخالد مشا غرفتو غير اتصل عليه ابو
ابوخالد؛ كيفك يا خالد وين ليك ١٥ يوم م اتصلت عليه
خالد: والله يا ابوي انا ف مشكله
ابو خالد: مشكلة شنو وبعدين ابو عبير قال بتصل ف تلفونها مغلق وانت م بترد انتو كويسين؟؟
خالد: يا ابوي عبير عملت حادث
ابوخالد: شنو متين واسي هي كيف
خالد: قبل ١٥ يوم ضربتها عربيه ودخلت ف غيبوبه ولمن صحت اتضح انها فاقده الذاكره حتي هي منو ما عارفه
ابوخالد: لا حوله ولا قوة الا بالله واسي انتو ف المستشفي
خالد: لا اليله طلعنا وانا راسي شاطب م عارف اتعامل معاها كيف
ابو خالد: مسكينه البيت وحيده امها متوفيه واخوات م عندها لكن انا بخلي امك تجي تقعد معاكم الفتره دي
خالد: طيب يا ابوي وياريت تفهم ابو عبير الموضوع براحه لاني م حمل اسئله
ابو خالد: طيب يا ولدي خلي بالك من مرتك م عندها زول غيرك
خالد: ان شاء الله يا ابوي مع السلامه
خالد قفل الخط وكان متعصب من الوضع وما عارف يعمل شنو مشا المطبخ جهز الاكل وسوا عصير ومشا دق باب غرفة عبير م ردت فتح الباب براحه ودخل لقاها نايمه بقي سرحان فيها وشكلو ندمان وبلوم ف نفسو انو هو السبب ف الحصل ليها. أثناء م هو سرحان عبير صحت واتخلعت لمن شافتو جرت الملايه غطت نفسها
خالد: اهدي اهدي انا جبت ليك العصير ده قلت بتكوني عطشانه
عبير: شكرا كنت تعبانه ونمت طوالي شالت العصير وبقت تشرب وبتعاين ف الارض خالد لاحظ ليها متوتره
خالد: طيب اخدي راحتك لمن تحسي بنفسك كويسه اطلعي تمام
عبير: تمام
خالد طلع مشا غرفتو وحاول ينوم م قدر فتح الابتوب وبقي يبحث ف حالة عبير. وكيف ممكن يخليها تتذكر لقي انسب حل انو م يبعد عنها ويعاملا بحنيه ويتخلي عن عصبيتو الذايده طلع من غرفتو لقي عبير واقفه ف المطبخ وبتعاين
حالد: عاوزه حاجه
عبير: مصدعه كنت عاوزه اسوي قهوه بس م لقيت الحاجات
خالد: طيب اقعدي ف الكرسي ده وانا بسويها
سوا ليها القهوه وساقها مشو الصاله فتح التلفزيون وبقو يحضرو ف فلم والاتنين ساكتين بعد شويه حست انها نعسانه نامت ف الكنبه شالها دخلها السرير وقبل م يزح منها مسكت يدو بقي راقد جنبها عشان م تصحي وبقي يعاين ليها وسرحان ف جمالها بعد شويه فكت يدو وانقلبت وهو طوالي طلع مشا غرفتو ونام