رواية انا وهو
الفصل الخامس5
بقلم ساره محمد
خالد وعبير ختو الغدا وتغدو وخالد سوا القهوه وبقو يتونسو بس لسه حاسي بعبير متوتره
خالد: رايكم شنو نمرق
امنه: سوق مرتك وامشي انا م قادره
خالد: عبير رايك شنو
عبير: كويس
امنه : خلاص قومو البسو
عبير دخلت استحمت ولبست ليها فستان كوبي وطقمتو بالأبيض وعملت كحل وقلوس وخالد لبس بنطلون اسود وقميص ابيض خالد لمن شاف عبير عجبتو وقال ف سرو يا ربي انا زمان لي م كنت شايفه حلوه
عبير: احم احم نمرق ؟؟
خالد: يلا
مشو كافي وبقو يتونسو وكانو حلوين شديد فجاءة حصل حادث قدام المطعم وعبير من شافت الحادث بقت تكورك وتبكي بطريقه هستيريا واغمي عليها خالد شاللها وداها المستشفي ركبو ليها درب
الدكتور: الحصل شنو استاذ خالد
خالد: احنا كنا ف مطعم وفجاءة حصل حادث وهي من شافت المنظر بقت تبكي لمن اغمي عليها
الدكتور : احتمال اتذكرت الحادث حقها
خالد: يعني تكون زاكرتها رجعت ليها
الدكتور : م متأكد خليها تصحي اول
خالد مشا قعد جنبها ومسك يدها
خالد: عبير حبييتي اي حبيبتي انا حبيتك انا انا كنت معمي ما شايف جمالك وما شايف انك حلوه كيف انا بحبك اصحي يا عبير عندي كلام كتير عايز اقولو ليك
بعد ساعتين عبير صحت ولقت عمر ماسك يدها وببكي
عبير: خالد
خالد: عيوني
عبير: الحصل شنو انا وين
خالد: انتي ف المستشفي اغمي عليك
عبير: انا انا عملت حادث انا انا
خالد: اشششششش روقي
عبير: انت انت قلت بتكرهني صاح
خالد: عبير روقي
عبير: ابعد عني انت حيوان وغشاش ابعد
عبير بقت تبكي وتكورك جا الدكتور
عبير: دكتور قول ليو اطلع هو السبب ف الحادث هو السبب
الدكتور: استاذ خالد ممكن تطلع برا
خالد طلع وكان خايف لأنها اتذكرت وكمان اتذكرت انو السبب ف الحادث
الدكتور: عبير انتي متذكره انتي منو صاح
عبير: كيف انسي يا دكتور
الدكتور : ومتذكره خالد ؟؟
عبير: للأسف هو زوجي قبل شهر اتزوجنا
الدكتور : طيب اقول ليك الحصل انتي حصل ليك حادث ودخلتي ف غيبوبه ١٥ يوم وبعد صحيتي فقدتي الذاكره كليا حتي اسمك م كنتي عارفاه وانتي حاليا هنا لأنك شفتي حادث ف الشارع ورجعت ليك الذاكره
عبير: وانا كنت فاقده الذاكره قدر شنو
الدكتور : شهر
عبير: وكنت وين
الدكتور : كنتي مع زوجك وهو كان متابع معاي بالتلفون انتي اسي حاسه بشنو
عبير: صداع بس
الدكتور: طيب حاديك مسكن وممكن تطلعي البيت عادي
الدكتور مرق وحكي لخالد انو الذاكره رجعت ليها
خالد فرح وف نفس الوقت خاف حس انو حايفقدها دخل ليها الغرفه
خالد: عبير انتي كويسه
عبير: ويهمك كتير
خالد: عبير ممكن تهدي وانا حافهمك
عبير: انا م دايره تفاهم طلقني
خالد: شنو
عبير: طلقني انا م بقدر اعيش مع واحد بكرهني ومجبور علي الزواج
خالد: اسي م وقتو خلينا نمشي البيت
عبير: انا م ماشه
خالد: عبير ممكن طلب انا امي معانا ف البيت وكانت معاك من الحادث وهي م عارفه حاجه عن علاقتنا وكن عرفت ممكن تموت فيها لأنها بتحبك ممكن تكوني معاي طبيعيه لحدي م ترجع السودان وانا حاعمل ليك اي حاجه بعديها
عبير: حاطلقني بعد امك تمشي ؟؟
خالد: اي بس خلينا نرجع البيت
وصلو البيت وأمو كانت مبسوطه انها كويسه
امنه: خمدلله علي سلامتك
عبير: الله يسلمك يا خالتي
امنه: لالا انتي كنتي بتقولي لي امي
عبير: م تزعلي يا أمي وشكرا انك اهتميتي بي وانا عيانه
امنه: انتي بتي الما ولدتها م تقولي كده
خالد: أمي دخلي عبير خليها ترتاح وانا ماشي عندي شغل
خالد مرق وأمنه دخلت عبير غرفتها وعبير من دخلت شايفه حاجات خالد ف الغرفه
امنه: مالك سرحانه وين
عبير : لالا يا أمي ماف حاجه
امنه: غيري ملابسك وتعالي نشرب قهوه
عبير : حاضر يا أمي
عبير دخلت استحمت وغيرت لبست ليها بجامه تلت اربع ولبست توبها وطلعت
عبير سوت القهوه وبقت تتونس مع ام خالد
خالد جا من الشغل سلم عليهم وعبير طبعا قالبه وشها
امنه: مالك اتاخرت ؟؟
خالد: كان عندي اجتماع ععشان كده
امنه : اقوم اجهز الغداء
خالد: لالا يا أمي بنجهزو انا. وعبير زي م اتعودنا
عبير: اقعدي يا أمي بسوي براي
امنه: انتي لسه تعبانه خلي يساعدك الليامات الفاتت كنتو بتسو سوا
عبير دخلت المطبخ ودخل وراها خالد
عبير : ممكن اعرف من بتين بتخش معاي المطبخ ومن بتيين بتاكل معاي
خالد: ايام عيانه كما بنتساعد سوا
عبيير: ممممم شكلك عملت حاجات كتيره غصبا عنك
خالد: طيب ممكن ننتهي من الغدا
جهزو الغدا واتغدو وخالد سوا القهوه وبقو يتونسو وعبير بقت مستغربه خالد لي بقي كده فجاءة أمكن عشان امو قاعده داير يبين ليها انو كويس معاي
خالد: انا ماشي لاصحابي م حاتاخر
امنه: ياولد مرتك لسه تعبانه اصحاب شنو
عبير: يا أمي خلي م مشكله
امنه: انا قلت طلعه ماف
خالد: طيب عشان خاطر عيون أمي ومرتي م طالع
فتحو فلم وبقو يجضرو للساعه ٩
خالد: انا نعست ماشي انوم
امنه : انا زاتي نعسته تصبحو علي حير
ام خالد مشت غرفتها وخالد دخل غرفه عبير.
عبير رتبت المطبخ ومشت غرفتها لقت خالد راقد
عبير: انت شنو الجابك هنا
خالد: دي غرفتنا
عبير.: انت غلطان غرفتك هناك
خالد: م غلطان انتي مرتي والمفروض انوم مكان مرتي بتنوم
عبير: ومن متين
خالد: من الحادث
عبير: شنو استغليت مرضي
خالد: يا بت انتي هبله استغلال شنو م تخافي اانا هبشتك انا بس هنا عشان امي أصرت
عبير : ممممم طيب
دخلت استحمت ولبست ليها فستان مع الركبه وفكت شعرها واتعطرت وحات رقدت جنبو ادتو ضهرها
خالد: احم احم عبير
عبير: ممممم
خالد: انا اسف
عبير: علي شنو
خالد: علي الكلام القلتو ليك قبل الحادث وعن معاملتي معاك
عبير: والاتغير شنو
خالد: حبيتك
عبير: ده م حب ده استعطاف لأنك كنت حاسي بالذنب م اكتر
خالد: يعني شنو
عبير: الفهمتو وانا نعسانه تصبح علي خير
عبير نامت وخالد بقي يفكر كيف يخليها تحبو ولازم امو م ترجع السودان لأنها كن رجعت عبير حاتكون مصره علي الطلاق
الصباح؛؛؛؛؛
عبير صحت استحمت وصلت وطلعت سوت الشاي وأم خالد صحت شربت معاها
امنه: اليله خالد مالو م قام امشي صحي عشان م يتأخر
عبير مشت تصحي لقتو راقد علي بطنو وبأي انو تعبان
عبير: خالد خالد
خالد: ممممممممم
عبير: قوم مواعيد شغلك جات
خالد: م قادر اقوم مصدع
عبير: طيب قوم استحم وابلع مسكن
خالد رقد علي ضهرو قال ليها عبير ممكن تعملي لي مساج امكن يخف
عبير: معليش م فاضيه
خالد: طيب انا حامشي لأمي ولو سألتني لي انتي م عملتي لي مساج حاقول ليها أبت
عبير: بتهددني يعني
خالد: افهميها زي م تفهميها اها حاتسوي لي ولا امشي
عبير : خلاص بسوي ليك
عبير قعدت ف السرير وبقت تسوي ل خالد ف مساج وهو يعاين ليها
خالد: ااااااه اي اي اااااااه يا راسي
عبير: طيب ممكن م تكورك امك حاتقول شنو
خالد: تقول راحل ومرتو اااااااه م توقفي
عبير: خالد جنيت
خالد: امممم جنيت بيك
عبير : امممم شكلو الصداع مأثر يلا قوم استحم وابلع مسكن
خالد: طيب ممكن كباية قهوه
عبير: طيب
خالد دخل استحم ونسي غيارو برا طلع بالمنشفه ووقف ف المرايه يتسرح
عبير جابت القهوه ومن شافت خالد بالمنشفه
غمضت عيونها
عبير: م ممكن ياخ البس هدومك
خالد : نسيتها وبعدين ف زول بخجل من راجلو
عبير : امممم انا ويلا امشي ألبس
خالد قرب منها وبقي واقف قدام وشها وهي لسه مغمضه عيونها باسها من خدها وشال القهوه من يدها فتحت عيونها وهي مخلوعه خالد غمز ليها ومشا علي الدولاب ولا كانو حصل شي وهي واقفه ف محلها
خالد: ههههههههههه عاوزه حاجه
عبير: انت مستفز
وطلعت برع وخالد بقا يضحك