رواية زهرة البنفسج
الفصل الثامن8
بقلم لبني طارق
لا إله إلا أنت سبحانك انى كنت من الظالمين
لا حول ولا قوة إلا بالله العلى العظيم
سبحان الله وبحمده وسبحان الله العظيم
💗💗💗💗💙💙💙💙💙💚💚💚💚💚
خالد حضن زياااد جااامد وتبت عليه فى حضنه ... وقاعد بيأكله كانه طفله هو او اتمنى وبيدعى ربنا يرزقه بعد ما مر بيه العمر دا كله
سميحه : كمل يا خالد مشتاقين ايه هى بقية الحكايه وبتبص له بنص عين
خالد فهمها وضحك : طيب نخلص اكل وتعملو حاجه لنا نشربها ونكمل مفيش مشكله ..وفعلا خلصو وقعدو كلهم حوالين بعض متشوقين
خالد سرح بخياله
فلاااااش باااك
************
بعد ما نرمين فاقت .. خالد انسحب بعيد تماما عن عياط وعويل كل الناس الا حواليه .. وبيفكر يا ترى ها يطلعو من المكان دا هما بردو اتحركو مسافه كبيره ومخفيه عن الانظار تماما .. منطقه مش مكشوفه بس مفيش فيها اى وسائل تئهل انك ممكن تعيش اكلهم شربهم حياتهم ازاى ها يقدرو يصمدو لو قعدو وقت كبيررر هنا الموضوع صعب جدا دا اذا ماكنش مستحيل أصلا حس بايد على كتفه لف راسه وبيبص لقى روفيدا
روفيدا بعياط ؛ نرمين يا كابتن بتنزف جااامد ومش عارفه اعمل لها ايه ومفيش حتى حاجه ممكن نسعفها بيها
خالد اتحرك من غير ولا كلمه قلع الجاكت الا كان لابسه .. وبعدين قلع القميص وفضل بالفنله الداخليه قطع القميص بتاعه لشرايح كبيره وقرب على دراع نرمين ونادى كابتن محمد ..محمد
محمد : ايوا يا كابتن
خالد : امسك دراع نرمين وضم الجرح على قد ما تقدر على بعضه كانه متخيط
محمد بدء يعمل كدا ونرمين بتتالم لدرجه انها بقت تصرخ ..وخالد بيلف على ايدها القماش بإحكام بحيس ان النزيف يقف
محمد : بس دا لازم نكويه يا كابتن خالد ادام مش ها ينفع نخيطه .. الجرح كبير جدا
خالد : ها تكويه ازاى هنا وغير كدا انت ها تشوه دراعها كدا ان شاء الله النزيف يقف احنا قفلنا الجرح كويس جدا ونخرج من هنا ونلحقها فى مستشفى
محمد : الا تشوفه يا كابتن
نرومين بتعيط : شكرا يا كابتن خالد عمرك ما اتخليت عن حد ابدا وخصوصا الطاقم بتاعك
خالد بأبتسامه : ملوش لزوم الشكر دلوقتى احنا كلنا فى محنه كبيره يا عالم طالعين منها والا لاء ... كلهم بدئو ينامو من التعب الشديد الا هما فيه على الارض ..
خالد حس بحركه غريبه وصوت أغرب .. بيفتح عيونه واتفاجئ برجاله كتيررر جدا حواليهم ومعاهم عصيان شكلها غريب ومعموله بطريه كانها حاده جدا زى السكاكين وسكاكين بردو شكلها اغرب وقف قدام خالد واحد وبيتكلم انجليزى كويس .. وبيساله اذا كان بيتحدث الانجليزيه والا لاء
وخالد رد عليه وقاله ايوا وبدء يسمع له خالد فهم انهم كلهم يمشو معاهم بدون مقاومه لان الناس هنا مش بتتفاهم والا بيجى على ارضهم مش بيرحموه .. خالد فهمه ان الطياره وقعت بيهم فى المكان دا وهما فى انتظار فرق المساعده والانقاظ الجوى عشان تيجى تطلعهم من هنا ومش طمعانين فى ارض ولا حاجه .. الراجل رفض الكلام دا وقاله انت مش فاهم حاجه وهدده وفعلا عشان سلامة الناس الا معاه .. اتحركو كلهم معاهم مشيو مسافه كبيره جدا فى اتجاه التيار .. وصلو لمكان كله بدائى مفيش امكانيات حديثه ابدا لغه غريبه بيسمعها والتعامل صعب جدا وعيونه مع الراجل الا اتكلم معاه .. قرب منه قاله اسمك ايه والراجل رد عليه وقاله ان اسمه كاتو وسال خالد على اسمه وقاله خالد
الحوار مترجم
خالد : فهمهم يا كاتو انهم لازم يبقو متعاونين معانا احنا معانا اطفال وناس لازم تروح لاهلها
كاتو : صعب جدا خالد مفيش حد وقع فى المكان دا وقدر يهرب منهم واولهم انا انا افريقى مش من هنا خالص والطياره وقعت فى نفس مكانكو دا من 5 سنين او ابعد شويه ومفيش ناجى واحد رجع بلده او قدر على الناس دى خالص احنا بقينا منهم لان الا حاول الهرب قبلنا قتلوه فعلا
خالد : وليه بيعملو كدا
كاتو : معتقدين انهم كدا ها يبقو شعب كبيررر .. وكل الناس الا بتقع هنا وهما بيأثروهم بيساعدوهم يعيشو ويطورو من نفسهم .. او الاصح بيستغلوهم فى اى عمل شاق جدا هنا يساعدهم على المعيشه بعد ما كذا منظمه خذلتهم
خالد بيضحك بعدم تصدقيق : انت بتهزر وبيشاور على المكان ايه المتاح هنا عشان نطور لهم فى المكان او يقدرو يعيشو زينا
كاتو : دا دورنا احنا .. خالد هما بياخدو حقهم من مجتمعات كتيررر جدا بتقتل وجودهم ومعتبرنهم مش موجدين على كوكب الارض دول فى عالم لوحده واحنا كا بشر عايشه فى عالم لوحدنا
خالد : انت منحاز لهم كدا ليه
ناتو : عشان ان واحد من الا بيلفو على كل البلاد الغنيه وبتاعت حقوق الانسان وحقوق الحيوان للمجاعات الا عندنا فى افريقيا الا بيجو لها المشاهير عشان كام فديو وصوره .. و المصورين والمغامرين عشان يحصلو على احسن لقطه للعام
خالد بتفهم : ولما انت عارف ان دا غرضهم بتتعب نفسك ليه وتطلب دعم
ناتو : يمكن عشان انت ما شوفتش الوضع بعينك فا مش قادر تتصور المنظر او طبيعه الوضع .. حتى لو فى سبيل صوره ها تسد جوع بطن واحده من الا موجوده هناك انا موافق يمكن الصوره تجيب غيرهم كتير عايز يتشهر ويتصور
خالد : تفكير غلط وانت ما وصلتش رسالتك صح عشان كدا انتهى بيك الامر هنا .. رسالتك الا انت نفسك بتدفع عليها فلوس كان ممكن تعمل بيها بذره وسط المجاعات دى .. انتهت من 5 سنين وما زالو الجوعا فى كل مكان فى العالم زى ما هما لانك مش بتعلمهم ازاى يأكلو انت بتعلمهم يسدو جوعهم لايه ها قولى يوم .. اسبوع .. حتى شهر .. خلاص الاكل ها ينتهى ويخلص وهما ها يفضلو جعانين
كاااتو : انت لو مكانى كنت ها تعمل ايه
خالد : تعرف انى بستغرب قوووى من المشاهير الا بتتكلم عليهم دول ازاى جاى لهم قلب يتصور مع اجساد عريانه وهزيله ومحدش فكر يكسيهم او يدارى عوريهم دا .. ازاى فكرو ينقلو كام شوال رز او دقيق ويعملو لهم حلل كبيره معجنه تحت اسم منظمات بتلم فلوووس على فلوووس ولسا الناس دى بتاكل حتة عجينه ملهاش اى معنى رغم انك بالفلوس الا بتنهبها دى تقدر تنقل معدات و تفحر وتعمل ابيار كبيره ترويهم .. تقدرو تجيب حبوب وتزرع لهم وتنبت الحياه من تانى الا ضاعت منهم وبقو يستنو الدقايق الا ممكن تعدى وروحهم تطلع والقصه تنتهى بتاعت الطفل المنكسر وراسه تلامس حبات من تراب جعلها الله احن من قلوووب بشرررر كتير بتاجر بيهم وبقضيتهم
كاتو بتوهان : قضيتهم
خالد : ايوا قضيتهم .. قضية البقاء كانسان .. او خلاصه وانتهائه
كاتو عيونه دمعت : مفيش فرصه واحده ممكن قضيتهم تنجح .. بيبص على الناس الا حواليه .. بص كدا على دول فيهم شبه كبيرر جدا منهم ومن حياتهم بس دول عندهم اصرار على البقاء حتى لو على حساب غيرهم
خالد ضحك ضحكه موجوعه : مفيش خيار تانى .. احنا اتحولنا لعالم كله وحوووش وفعلا قااانون الغابه بقى قانونا احنا .. وهو البقاء للاقوى مفيش مكان للضعيف
كاتو : ها تعمل ايه معاهم .. انتو مش ها تقدرو تطلعو من هنا
خالد : العمل عمل ربنا .. اما نشوف الا جاااى ها يكون فيه ايه وبيبص لجميع ركاب الطياره الا معاه وبيكلمهم .. كل الا طالبه منكم انكم تهدو وماتحاولوش تعمل اى حاجه ممكن كلنا نندم عليها .. احنا غصب عننا ها نفضل هنا وفى المكان دا .. والا الناس دى ها تخلص علينا واحد .. واحد .. حافظو على حياتكو بقدر الإمكان
احد الركاب : انت عايزنا نقعد وسط الغجر دول .. انت مش عارف انا مين انا ممكن اقلب الدنيا
خالد : هنا الروس اتساوت لو شايف نفسك حاجه انت هنا ما تسواش اى حاجه ومش ها تقدر تعمل اى حاجه لان الا بتقول عليهم غجر دول ممكن ينهو حياتك فى ثانيه زى ما كانت ها تنتهى من شويه بس احنا طبعنا اننا ببنسى بسرعه يا وبتريقه باشا على ما تفرج
هو بتكبر : انت ازاى تتكلم مع محى باشا كدا اتكلم عدل
خالد بتاكيد : هنا مفيش باشا ولا بيه انت لسا عايش فى وهم انت والا زيك .. انسى عشان لو صوتك علي تانى ها ياخدوك ومش ها نشوفك تانى
بنوته بتعيط : ارجوك احنا مش ها نروح بيتنا تانى
خالد قعد على روكبه قدامها وبيطمنها : احنا مش عارفين ها نرجع والا لاء بس ها نحاول معاهم .. عايزك وبيبص لهم .. عايزكم كلكم اقوووى من كدا .. دا اختبار من ربنا لنا عيشو معاهم كانكو منهم
احد الركاب بعصبيه : ازاى .. قولى .. احنا مش ها نعرف نعيش كدا دول مش لابسين حاجه وكمان ها نعيش ازاى قولى
خالد : انا قولت ها احاول معاهم .. ولو ماقدرتش اعمل حاجه لازم نعيش معاهم او نحاول عل الاقل لحد ما نلاقى مخرج من هنا
************
بااااك
خالد قام وباس زياد وعطاه لزهره .. انا ها اقوم دلوقت ونقعد نكمل وقت تانى
تامر : ها استناك وبيبتسم او ها تلاقينى جايلك
خالد : تنور يا تموره بعد اذكم
كلهم اتفضل .. وخالد مسك ايد سميحه وراح على شقته .. رمى نفسه على الكنبه وشدها وقعها فى حضنه .. متملكها كلها بين ايديه ونايمه جمبه .. قرب من وشها وبيبوسها .. وحشتنى يا قلبى
سميحه بتبداله مشاعره وانت أكتر .. كلمة وحشتنى دى قوليله قووى .. وضمته .. لو اقولك على احساسى بيك وخوفى ان يكون دا حلم وخايفه اصحى منه خلاص ها استسلم واموت عشان الحياه ملهاش اى معنى من غيرك
خالد ضمها أكتر : بعد الشر يا حبيبتى انا حقيقه ومش ها اسيبك تانى ان شاء الله
سميحه بفرحه : خلاص مش ها تسافر تااانى
خالد كشر وشه : لا فمتينى غلط انا لحد الساعه دى بعشق الطيران بيجرى فى دمى ومش ها اقدر ابدا ابعد عنه
سميحه : يعنى انت ها ترجع عادى
خالد : ها ارجع بس بعد اختبارات وحاجات كدا يتاكدو انى تمام والموضوع دا مأثرش على تفكيرى او ميولى او حتى نفسيتى
سمحيه بتهز راسها بحزن : مش ها اتحمل تانى يا خالد انا عايزاك جمبى ومعايا كفايه كدا بقى
خالد : بتطلبى منى طلب صعب .. دى مهنتى يا سميحه لو قولتلك سيبى الطب ولو شوفتى مريض اوعى تعالجيه او تساعديه ها تقدرى
سميحه بنفى : لا مش ها اقدر ابدا .. بس دا حاجه ودا حاجه
خالد : هى .. هى .. مهنتك الا انتى بتحبيها ودرستيها وتعبتى عشان توصلى لها لو مع اول محنه بعدتى عنها يبقى عمرك ما حبتيها وكنتى بتمثلى او بتريحى الا حواليكى وبترضى رغبتهم هما
سميحه شدته وبرقت وبتهز راسها : انا ها اغلب معاااك مش ها اقدر عليك .. طب ايه رايك . وجابت الخوذه بتاعت خالد الا بيلبسها لما بيركب المتوسكل بتاعه .. ولبستها وواقفه قدامه
خالد بيبص لها بعدم فهم : ايه راحه فين يا حجه اوعى تتهورى
سميحه : ها اروح معاك واسوق بدالك الطياره
خالد ضحك بصوووت عالى جدا : طيب ها تسوقى الطياره وفهمتها انما الخوذه دى ليه
سميحه : عشان المطبات يا حبيبى وما اتخبطش فى راسى ..بص انا ها امسك الدركسيون كدا
خالد مط شفايفه لقدام وعمل العلامه دى 👌 وبيهز راسه كملى
سميحه : بتتحرك يمين وشمال هووووو ... هوووووو ..
خالد بصوت عالى حاسبى يا سميحه حاسبى
سميحه اتسمرت مكانها : ايه فى ايه
خالد : كنتى ها تخبطى طياره جمبك على الطريق الجوووى .. انتى متهوره ماتنفعيش
سميحه وخالد ضحكووو من قلبهم .. وقعدت جمبه
خالد : خايفه عليا قوووى كدا .. لدرجه انك تخاطرى بنفسك وبينا
سميحه ضحكت أكتر : متهوره انا صح
خالد قلعها الخوذه وبهمس : جدا .. انتى خطيرره وشكلك وانتى بتسوقى مغريه .. كدا بقى ها نحب فى بعض وها ننسى الطياره والركاب
سميحه حاوطت رقبته : انا اصلا خايفه عليك من الركاب يا حبيبى ازاى يقدرو يقاومو عيونك قولى
خالد بيبربش : كدا ها اغميهم
سميحه ابتسمت : طيب كلامك
خالد بيشاور على بوئه كانه ها يقفله وبيهز راسه
سميحه هزت راسها هى كمان : بجد ... طيب كلك على بعضك
خالد : لا يا سميحه لا كدا كتيرر توم كروز انا يا حبيبتى مش كدا يا ماما
سميحه : اسمع منى .. وربنا احلى توم ايه وجيرى ايه بس
خالد : استعنا على الشقى بالله .. وشال سميحه بين ايديه .. ودخلو اوضتهم وعاشو حياتهم بكل شوق وحب متبادل
**************
مر اسبوع بعد معرفه اهل خالد والكل برجوعه بالسلامه وعاشووو اجواء جميله جدا روحهم ردت فيهم من جديد ... وخالد خطف سميحه و بعد بيها عن الكل بيعيشو حياتهم من جديد احلى واجمل عرسان ... حتى تامر غرقان فى العسل مع مشاكسات زهره وجنانها الا بقى بيعشقه .. وبيعشق قربها منه وحبها الا محسوووش قبل كدا بالطريقه دى وابنه الا شايفه طول الوقت مبسوووط ومتمسك بزهره جدا وماسك فيها اكتر من سعاد وهو نفسه
زهره بتلبس تااامر وبتشده من اللياقه : انت وديت عربيتى فين وقولتلى عملك مفاجاه ومشوفتش منك حاجه
تامر بيلف بعيونه وبيصفر وساكت
زهره شهقت : يا نهااارى انت بعتها بعت عربيتى يا تااامر .. اه يا زهره .. اه يا زهره ايه .. اه يازوبه يا حبيبتى ياقلبى يارجلى الا بمشى بيها واروح شغلى
تاامر : خلاص يا زهره .. ايه ها تندبى ثم كمان ها ابيع عربيتك دى ازاى قوليلى
زهره : قطعتها زى الجزارين يا متوحش .. الكتف فى ناحيه والورك فى ناحيه
تامر : 😂😂😂 انتى كنتى راكبه جمل مش عربيه .. يابت وبيقرب منها
زهره بفرحه وبتقرب وبالهفه : نعم .. نعم
تامر : يخربيتك اتقلى .. وابتسم وضمها انا نازل عشان صحابى تحت وبصوت عالى وانتى بتعطلينى وبعد عنها .. وبيبعت لها بوسه فى الهوا
زهره بعياط مصطنع : خد يا راحل انت .. بتضحك عليا وربنا لاوريكى يا منطقه ولقت زياد داخل لها الاوضه .. وبيقول مامه ... قربت عليه وشالته قلب مامه .. شوفت ابوك النصاب .. وبعدين جزت على شافيفها لا عيب يا زيزو .. بابا مش نصاب هو نص نصاب خد عربيتى يا زيزو وانا عايزا اشوف شغلى مش عارفه وبتتريق عليه قال خدى عربيتى اه عشان يعايرنى ما هما كدا يرمو الطعم ويسحبونا زى الهوبل
سعاد : يوووه يا بنتى انتى بتكلمى نفسك بقالى ساعه بنادى عليكى لما تامر قالى ادخلى الحقى زهره مالك يا بنتى
زهره : هو قالك كدا
سعاد بتاكيد : اه
زهره : ولا فى حاجه يا ماما تعالى خلينا نعمل الاكل
سعاد : يعنى انتى ما بتشتكيش من حاجه ولا فى حاجه واجعاكى
زهره : ابنك يا سوسو ابنك هو الا تعابنى ها يجننى خلاص
سعاد : الشهاده لله يا بنتى انتو الاتنين اجن من بعض .. قدامى
***************
سميحه عامله ثوره كبيره فى اوضة الفندق وبصوت عااالى .. مش نازله .. مش نازله
خالد : طيب ليه دا كله
سميحه : كملى الحكايه انت بقالك اسبوع مش عايز تحكيلى حاجه اكيد غلطت مع روفيدا الزفته دى عشان كدا مش عايز تكمل
خالد : 😂😂😂 حرام عليكى
سميحه : طب ايه بقى قولى ولو فيها حاجه كدا والا كدا مش ها اقول
خالد ضربها على راسها : انت دماغك على طول شمال ليه ..صفى نيتك وهاتيها فى اليمين
سميحه : مش قبل ما تقولى وتعترف بكل الا انت عملته
خالد بأستسلام : قووومى غيرى وانا كمان هى مفهاش نزول ها اطلب الغدا هنا
سميحه قامت بفرحه ونطت على خالد بطفوليه وباسته ها تكمل
خالد هز راسه ايوووا ياله يقى بدال ما ارجع فى كلامى
سميحه ترجع ايه هوووا وجيالك