رواية طفلتي الفصل التاسع9والاخيربقلم روريتا
جات الدكتوره طالعه قلت ليها ح تطلعو رؤى على غرفتها متين عاينت في الارض وقالت البركه فيكم
ما استوعبت الكلام القالتو قلت ليها كيف يعني رؤى ماتت لا لا انتي غلطانه رؤى قالت ما بتخليني ما اثبت ليها لسا انو الحب من اول نظره حقيقه لا لا في حاجه غلط اكيد صاااح؟!!
الدكتوره قالت انها نزفت شديد وما قدرنا نسيطر على النزيف.
عمو مدثر بقى يهدي فيني وهو عيونو مليانه دموع اما امي و ام رؤى و عبير ديل صوت بكاهم بقى عالي شديد قلت ليهم لا اسكتو رؤى ما ماتت الدكتوره غلطانه.
كنت بنكر وبقنع نفسي انها حيه لحدي ما وقفت عشان اصلي عليها صلاه لافيها ركوع لا سجود.
وانا بدفن فيها يدي كانت بترجف لا يدي شنو جسمي كلو برجف حسيت اني بدفن في نفسي دفنت روحي وطفلتي اي دفنت طفلتي بي يدي دموعي نزلت كاني شافع صغير امو مشت مكان وخلتو بس الفرق انو ده امو ح تجي راجعه بس انا لا
هي ما كانت مرتي وبس... هي كانت مرتي ونصي التاني وامي واختي وصحبتي وحبيبتي وبتي ديل كلهم في شخص واحد فقدتها خلاص وللأبد.
بعد خلصنا دفن رجعنا البيت كنت حاسي بخطواتي تقال ولساني اتقل قعدت في عزاء روحي...... ماقدرت ادخل بيتي انا وهي نهاي الا بعد 3 يوم ذكراها كانت ماليه المكان صوتها وضحكتها وهبالتها وكلو،،،،،،، بقيت اعاين شويه في ملابسها وشويه في ماسكاتها البتعملهم وتخلعني بيهم و غوايشها الجبتها ليها وما لبستهم ودفترها البتكتب فيهو رواياتها وبعدها بتنشرهم في النت ،،،،، فتحت دفترها وبقيت اقرى روايه روايه لحدي ما وصلت صفحه مكتوب فيها " هادي لو بتقرى في الكلام ده معنتى انا مت بس انا متأكده اني حيه في قلبك عايزه اقول ليك اني معتنعه بي انو الحب من اول نظره حقيقه اي حقيقه وانا البقول كده عارف من اول مره شفت فيها مهند ومؤيد بالموجات الصوتيه حبيتهم من اول مره حسيت بدقات قلبهم حبيتهم اول مره حسيت بي حركتهم في بطني حبيتهم وانا متأكده انك برضو اول ما تشوفهم ح تحبهم قوي نفسك عشانهم عشان يبقو زيك لأنك رجل عظيم ❤️"
بعد قريت الكلام الكاتباهو لي ده اخدت نفس عميق وطلعتو،،،، وطلعت معاهو كل الألم الفي قلبي كل الدموع طلعت دفعه وحده منو القال الراجل ما ببكي؟ ببكي الرسول صلى الله عليه وسلم بكى. اتصلت على عبير قلت ليها جيبي لي مؤيد ومنهد قالت لي انت قاعد وين؟ قلت ليها قاعد في بيتي قالت لي تمام جايه.
جات جابتهم لي وكانت معاها بت عمي قلت ليهم خلوهم لي هنا وامشو عبير كانت دايره تتكلم قاطعتها وقلت ليها خليني،،،، طلعت وقفلت الباب معاها عاينت لي اولادي ودي كانت تاني مره اشوفهم سرحت فيهو واتأملتهم كانو نايمين،،، نايمين وما عندهم اي هم غير انهم ينومو ويشربو البزه حقتهم نمت جمبهم وانا مطمن كان لي 3 يوم ما نايم. وعدت نفسي اني أفضي نفسي عشانهم وبس وما احسسهم بي غياب امهم نهائياً.
" بعد مرور 6 سنه "
ام هادي : طالع وين يا ولدي وسايق معاك الأولاد
_ ماشين مشوار ما بنتأخر
ام هادي : طيب اقعد اول دايره اتكلم معاك
_ اتفضلي يا حجه
ام هادي : أمس سلمى جات لشنو؟ وكانت واقفه معاك بتقول ليك في شنو؟
_ ما قالت حاجه جات تعتذر وتعزيني
ام هادي: تعزيك بعد سته سنه؟؟؟
_ اي جات تعزيني بس
ام هادي : طيب موضوع انك ترجع ليها وترتبط بيها تاني
_ ده موضوع محسوم عندي من زمان لا ح ارتبط بيها هي لا غيرها
ام هادي : والسبب شنو؟!!
_ بختصار يا نبعو انا ما داير أظلم وحده معاي مرتي لسا عايشه في قلبي ولحدي ما اموت وياريت ما تفتحو معاي الموضوع ده تاني عن اذنك.
طلعت سقت معاي الاولاد مشينا نزور امهم زي ما وعدتهم
_ طفلتي اشتقت ليك، اشتقت ليك زاتها ما بتعبر عن الجواي اولادنا كبرو ودايرين يدخلو المدرسه ح يريحو امي شويه من ازعاجهم كان شفتي مؤيد بشبهك كيف نفس كل شي فيك اما مهند مجنون زيك حركاتو زي حركاتك مجنني عديل كانت عاجباهو وحده في الروضه اي زول بسلم عليها كان بدقو والعجب يوم قال لي ترجعها معانا البيت وتبيت معانا تاني ما اقتنع لي نهاي الا قلت ليهو نسوقها لمن تنتهي من الروضه حتى خلاها والحمد لله نسى الموضوع ،،،،، اما مؤيد هادي شديد بقعد في التلفزيون اكتر من يلعب،،،،،، رواياتك الكتبتيها طبعتها ونشرتها عشان اسمك يكون مذكور في اي مكان،،، وسعت شغلي من تاجر اسبيرات بقيت تاجر عربات عديل وفتحت معرض كبير الحمد لله وعملت منو فرعين ،،،،، وعبير صحبتك الوحيده عرست وجابت بت حلاتها سمتها عليك،،،، وياسر برضو عرس واغترب بره ومحمد برضو اما ميسره دخل الجامعه وقرى طب واتخرج وهسا بجهز نفسو للشغل،،،، الليله جبت ليك معاي مفاجأة، يا اولاد سلمو على امكم
مهند ومؤيد : ماما كان شفتي بابا طوالي بحكي لينا عنك ورانا صورك دايماً بقول لينا امكم كانت كده و امكم كانت كده
هو زعلان عشان انتي مافي مرات بنشوفو بعاين لي صورك وببكي ولمن يشوفنا بمسح دموعو وبقول لينا ده غبار،،،، وهسا قال لينا ح ينزلنا مدرسه الاسبوع الجاي وجاب لينا الشنط وحاجات كتيره حلوه.
_ يلا ودعو امك عشان نمشي
مهند ومؤيد : مع السلامه وح نجيكي تاني بابا قال لينا اي وقت تكونو دايرين تجو بجيبكم.
_مع السلامه يا طفلتي.
_________________________________-
__ الخلاصه يا جماعه انو ما مهم متين تتزوجو المهم منو البتتزوجو
ممكن تتأخرو سنه سنتين خمسه او حتى عشره سنين
عادي اتأخرو بس ما تعيشو باقي عمركم تعيسين وندمانين اتزوجو لمن تلاقو الشخص الصاح وبس وركزو على كلمه الصاح.
في خمسه أسباب للغاية من الزواج
أن تأنسَ ويُؤنس بك؛ وتأمنَ ويُؤمن بك
أن يُباع كلُّ شيءٍ ويُشترى خاطِرك
أن يُكتفى بوجودِك؛ فـ يهون كلُّ شيءٍ ولا تهونُ أنتَ
أن تُبارككَ علاقةً؛ وتزيدُك امتنانًا لخالقِك
أن تتكيءَ للمرَّةِ الأولى وأنتَ لا تخشىٰ السقوط،أن تُحِبَّ نفسكَ مجددًا وتراها أهلاً للمحبةِ.
+ عايزه اقول للناس البقولو ما بقدرو ينسو الحب الاول
الكاتب محمود درويش قال الحب الاول لايموت بل يأتي الحب الحقيقي ليدفنهو حياً.
+ الراجل او المره البموت شريك حياتهم ما تدخلو ليهم فكره العرس بغرض ينسى او عشان يربي الأطفال هو عاقل كفايه عشان يعرف يعمل شنو اكتفو بي انو تقيفو جمبهم وبس.
تمت