قصة : { غفلة }
الحلقة الاولى { ١ } 🍃 والثانية
بقلم سهيلة سعيد
( جوة عربية احسن موديل ، قاعدين 4 شباب مشغلين
مهرجانات وبيغنوا معاها ، يقفوا عند بوابة جامعة خاصة ويزمروا )
رامي : افتح
*( نوقف لحظة .. رامي شاب وسيم ، عنده 22 سنة ، بشرته بيضة دقن مظبوطة شعر اسود عيون عسلي ، طويل جسمه رياضي ، ظروفه المادية كويسة جدا ، والده متوفي وعنده اخت اصغر منه عندها 19 سنة .. نرجع تاني )*
( تتفتح البوابة ويدخلوا ، يركنوا وينزلوا م العربية )
احمد : بقولك ايه ي رامي سهرانين بالليل هتيجي ؟
رامي : السؤال دة لو اتكرر تاني هاتف ف وشك 👊
الشباب : ههههههه ماشي 😂
رامي : هخلع انا ✋
فادي : رايح فين ؟؟
رامي : هشوف المزة بتاعتي
محمد : الله يسهلك ي عم 😏
رامي : ار ي ابن الارارة 😑
الكل : ههههههه 😂
( يمشي رامي ، ف مكان ف الكلية بعيد عن عيون الناس ، واقفين 5 بنات ومن ضمنهم بنت محجبة )
مريم : لا ي بنتي دة هييجي ف الامتحان ان شاء الله انا متأكدة
*( نوقف لحظة .. مريم بنت جميلة ورقيقة عندها 21 سنة ، بشرتها بيضة ، عيونها عسلي ، قصيرة حبتين وجسمها بسيط ، محجبة وبتلبس واسع وطويل ، تشوف ف وشها رضا ربنا عليها وشها دايما منور ، اهلها ناس طيبين جدا وظروفها المادية كويسة .. نرجع تاني )*
حبيبة : ايوة ي بنات اسمعوا كلام مريم هي ادرى دي دحيحة الدفعة 😄
البنات : ههههههه
مريم : طول عمرك شربات ي بيبتي 😒
حبيبة : هههههه حبيبي 😘
( ييجي رامي من ورا مريم يشاور للبنات ب يسكتوا ويقرب جنبها يبوسها من خدها ، تتخض وتزقه )
مريم : ايه دة 😳
رامي : يخربيت ام عنفك 😐
مريم ب انفعال : قلتلك ميت مرة مبحبش كدة !!!
رامى : اهدي ي قلبي دي بوسة عادي يعني في ايه 😕
مريم : وتبوسني ليه مينفعش اصلا حرام كدة 😠
رامى : يادي النيلة عليا هتفضلي طول عمرك انسانة معقدة 😒
مريم : هو المحترم معقد ف نظرك ؟
رامى : اه معقدة .. ولا انتوا شايفين ايه 😉
( يغمز للبنات )
البنات : ههههههههه ☺
مريم : والله طب خليك بقا معاهم 😡
( تمشي يمسك دراعها )
رامي : اهدي بس كدة شوية 😒
( يرجعها قدامه تانى ، تشيل ايدها منه )
رامي : مالك ع الصبح مش طيقاني ليه .. في ايه ؟!!
مريم : في ان متلمسنيش تاني ي رامي .. وقلتلك مبحبش كدة كذة مرة وبردوا مافيش فايدة
شروق : خلاص ي ميمو متكبريهاش بقا 😄
رامي : انتى مراتي ي بت اعمل الي انا عاوزه
مريم : ي سيدي لما ابقا فعلاً مراتك ابقا اعمل الي انت عاوزه اما انا دلوقتى مش مراتك تمام ولا حتى خطيبتك .. ع الاقل خاف ع منظري قدام الناس .. ف ياريت دة ميتكررش تاني لو عاوزنا نكمل مع بعض والا معرفش رد فعلي ساعتها هايبقا ايه ي رامي 😐
رامي : هيبقا ايه 🤔
( يقرب عليها )
مريم : طب بطل طب ✋
رامي ب عصبية : عاوز اعرف بس مش انتى مستحلية صوتك ع الصبح قوليلي هتعملي ايه 😠
حبيبة : خلاص ي جماعة اهدوا مش كدة 😯
رامي : انتى عارفة اني مبيهمنيش ام حد لو قدام الجامعة كلها وعاوز اعمل معاكي حاجة هعملها ي مريم 😡
مريم : انا بقا يهمني نفسي ومش هسمحلك تهيني قدام اي حد .. احنا ف جامعة مش كباريه 😠
رامي : لا ع فكرة انتى بتجيبي اخرك معايا وبقيتي مستفزة وكلامك يعصب وحاجة خرا 😠
مريم : كل الي انت بتعمله دة وانا الي مستفزة وخرة ؟!!!
رامى : اه واسلوبك مبقاش يعجبني كمان
مريم : خلاص خليلي انا اسلوبي وخليك انت بعيد وملكش دعوة بيا تاني .. تمام كدة 🤷
رامي : والله !! لا مش تمام ي مريم .. احسنلك مبقاش بعيد عشان لو بعدت والوضع بينا كدة صدقيني هتكرهيني
مريم : اكرهك وانت بعيد احسن م اكرهك وانت قريب وانا معتش هستحمل وضعك دة .. يبقا البعد احسن 😒
رامي : امممم .. انتى شايفة كدة ؟
مريم : اه
( يسكت رامي باصصلها والكل ساكتين )
حبيبة : مريم متكبريش الموضوع بقا خلاص 😕
( متردش )
رامي : كل دة عشان بوسة ي مريم ولا انتى بتتلككيلي ؟!!
مريم : لا عشان مش اول مرة ومنظري بيبقا زبالة قدام الناس وكذة مرة اقولك 😟
رامي ب زعيق : قلتلك انا ميهمنيش ام الناااس م يتحرقوا ب جاز و*خ 😡
مريم : استغفر الله العظيم ي رب 😑
( يقرب عليها )
رامي : بقيتي انسانة نكدية ومقرفة دة ايه القرف دة 😠
مريم : شكرا ي سيدي 💔
رامي : وباردة كمان يخربيت برودك 😡
مريم : ماشي .. سيبني و شوفلك النعنوشة السخنة الي تدلعك عشان انا معقدة
رامي : اه وربنا معقدة ومش مستني اسيبك عشان اشوفها موجودة متقلقيش
( تتخض مريم وعينها تدمع )
مريم : انت حيوان 😥
رامي : طب لمي لسانك بقا ي حلوة بدل وربي اقطعهولك 😡
شروق : ي جماعة والنبي مينفعش كدة الناس بدئت تتلم ع صوتكم اهدوا 😨
مريم : متقدرش تلمسني ولا تقربلي ☝️
رامي : لا اقدر تحبي تشوفي ؟؟
( يقرب عليها وهي تبعد عارفة انه مجنون ويقدر يعمل اي حاجة )
مريم : بجد والله حيوان 😠
( تمشي يحط ايده ع بطنها يزقها قدامه تتخض من لمسته وتضربه بالقلم ، يتخض رامي والكل ، تعيط مريم )
مريم ب عياط : قلتلك متلمسنيش و لا تقربلي ومن بعد انهاردة مش عاوزة اعرفك ولا اشوفك 😣💔
( تمشي مريم ، رامي واقف مازال مصدوم م القلم قدام ناس كانت واقفة وقدام البنات ، يروحوا وراها البنات ، رامي يمسك دراع حبيبة )
رامي ب غيظ : قولي ل صاحبتك القلم دة هردهولها 10 😡
( يمشي رامي ع اخره ، يشوفوه صحابه يروحوله )
محمد : ولا هي مريم ضربتك ب القلم ؟؟
رامي : هو الخبر لحق ينتشر 😑
احمد : تقريبا الجامعة كلها عرفت يخربيتكوا 😂
رامي : ورحمة ابويا م هسيبها
فادي : طب ايه الي حصل اصلاً خلاها تعمل كدة ؟؟
محمد : اكيد انت عملتلها مصيبة
رامي : هبقا احكيلكوا بعدين .. انا عاوز امشي مش طالبة دراسة انهاردة 😒
محمد : ولا احنا يلا بينا
( يمشوا م الكلية ، مريم قاعدة ف الكفتريا مع حبيبة )
حبيبة : ﻷ انتي اتسرعتي ي بنتي
مريم ب عياط : متسرعتش ي حبيبة .. خلينا صريحين انتى اهو ولا ملتزمة ولا نيلة انتى مش محجبة ولا بتصلي بس بزمتك ترضيها ان عبدلله يعاملك ب الطريقة دي كأنك مراته مع انك مش كدة وف نفس الوقت مبقاش هاموا نظرة الناس ليكي و لا ل سمعتك .. بقت الناس بتبصلي ع ان حجابي غطا مش اكتر من عمايله معايا وكذة مرة اصده واتكلم معاه ويقولي ماشي وحاضر و مافيش فايدة .. ترضيها ع نفسك ؟؟
حبيبة : بصراحة ﻷ .. بس هو بيحبك اوى وانتي عارفة
مريم : وانا بحبه اكتر بكتير وعشان بحبه مش هعرف اكمل معاه اكتر من كدة .. صدقيني هكرهوا وانا مش عاوزة اكرهوا .. مش عاوزة كدة 😔💔
حبيبة : مش عارفة اقولك ايه صراحة .. ايه الي جرالوا اصلاً رامي مكانش كدة !!!
مريم : من ساعة م اتصاحب ع محمد والشلة الي تودي ف داهية دي .. دة حتى قلبوه ع مصطفى صاحب عمره .. دول شياطين بجد 🤦🏻♀
( رامي وصحابه ف العربية )
فادي : ي عم قلنالك م الاول فكك م البت دي معقدة ونكدية
رامي : اممممم 😒
احمد : بس مزة 😉
محمد : بصراحة اه تستاهل انك تستنى عليها كل الفترة دي
فادي : بس ولا اي اندهاش كنت مستحملها ازاي كل دة 🤷🏻♂
احمد : والله لو واحد غيرك كان زمانه خاينها 30 مرة ع الاقل
( رامي سايق ع اخره )
محمد : ادينا خارجين بالليل ي عم وهتلاقي مزز بالهبل انت اصلاً بنات الجامعة هيتهبلوا عليك ومهيصدقوا انك فركشت
احمد : اشطا وانا اظبط معاها بقا 😄✋
الكل : هههههههه 😄
رامي ب زعيق : الي هيقرب منها هاطلع روح امه .. فاهمييين 😡
( يتخضوا )
فادي : خلاص اهدى بس احنا بنهزر ي ابني 😳
محمد : قفلوا طيب اجماعة 😒
( يسكتوا ، ييجي الليل ، يروحوا الشباب night club يسهروا فيه مع بنات ، رامي بيرقص مع بنت )
احمد : هو هب فيا ليه اما قلتله هظبط مع مريم هو مش سابها خلاص !!!
محمد : انت غبي يلا مبقالوش ساعة سايبها وتقوله كدة !!
احمد : ي عم انا كنت بهزر وربنا 😕
الحلقة الثانية { ٢ } 🍃
فادي : خلوا بالكوا عشان هو لسة بيحبها يعني ملحقش ف اتجنبوا اي حاجة تخصها قدامه احسن
احمد : ي عم مش هتكلم معاه تاني ف الحوار دة ✋
محمد : احسن كدة
احمد : البت بس مزة صعبانة عليا تبقا سنجل 😕
فادي : هههههه عندك حق وربنا 😂
محمد : مافيش فايدة ف امكوا 😑
( عند رامي وهو بيرقص )
نغم ب فرحة : بجد فركشت 😃
رامي : اه 😒
نغم : احسن دي حتى كان دمها يلطش ورخمة اوي كنت بشوفها ف جامعتك 😏
رامي : نغم ي قلبي متتحشريش ف الي ملكيش فيه ولا تجيبي سيرة مريم ع لسانك تاني .. اشطا 🙂
نغم ب توتر : اشطا اوك .. انا مش قصدي 😕
رامي : طب يلا عشان بدأت اتخنق 😑
نغم : اوك يلا
( يقرب رامي ونغم ع صحابه )
رامي : انا هخلع هاا 😉
فادي : ماشي ي معلم 😉
محمد : اي ي نوجى احنا لحقنا 🤷🏻♂
نغم : ههههههه انت عارفني مقدرش اقاوم رامي 😅
محمد : لا عارف عارف 😂
الكل : ههههههه
رامي : لك كتير بقا واضربلي الليلة 😏
محمد : روح ي عم روح
( ياخد نغم ويمشي ، يروح معاها شقتها ، يطلع الصبح ، يقوم رامي ع رنة الفون بتاعة )
رامي : الو
الام : انت فين ؟؟
رامي : ااااا .. عن واحد صاحبي 😒
الام : من امبارح !!
رامي : ايوة بايت عنده
( تقرب نغم )
نغم : حبيبي حضرتلك الفطار ☺
( يشاورلها رامي انها تسكت ☝ )
الام : واضح انك عند صاحبك .. روح البيت ي رامي روح الله يهديك روح
( تقفل ف وشه )
نغم : في حاجة ولا ايه .. دي مين ؟
رامي : واحدة 😑
( يقوم رامي يدخل التواليت ، ييجي الليل ، يروح رامي البيت ، يدخل ، امه قاعدة )
رامي : سلامو عليكم ✋
الام : عليكم السلام .. متصلة بيك م الساعة 12 الصبح راجلي 2 الفجر !!
رامي : كان ورايا مشوار .. تصبحي ع خير
( لسة هايمشي ......... )
الام ب انفعال : تعالى هنا 😠
( يقف رامي ، تقرب عليه امه )
الام : انت ايه معندكش دم ولا احساس 🤷
رامي : في ايه ع المسا 🙄
الام : انت فاكرها فندق تدخل البيت ع النوم .. فينك انت ف البيت .. فين راجل البيت .. سهران مع البنات الصيع وصحابك ولاد الكلاب دول 😡
رامي : وبعدين يعنى انتى عاوزة ايه .. كل يوم ع ام الاسطوانة دي ؟
الام : عوزاك تسترجل .. تسترجل انت مكنتش كدة معرفش ايه الي جرالك .. ايه الي جرالك ي بني 😟
رامي : خلصتي ؟
( تزعق الام ب صوت مبحوح )
الام : ي برودك ي اخي ي برودك .. كل يوم تقعدني ع اعصابي للفجر خايفة ظابط يمسكك وانت راجعلي سكران .. ي خسارة تربيتي فيك ي خسارة 😟
رامي : تربية و**ة عارف 😒
( تضربه ب القلم ، يتخض )
الام : ربيتك احسن تربية .. لو كنت راجل بجد كنت قدرتها .. بس انت راجل معاهم برة اي حد من صحابك ب رنة تنزله ولو الفجر .. لاي حد غريب تجري .. لكن تيجي عند القريب وتتحجج .. يعني انت هنا ملكش اي تلاتين لزمة 😠
رامي ب زعيق : انا مش راجل ماشي مش راااااجل ارتحتييييي 😡
الام : متزعقليييش !!!
( تضربه بالقلم تانى وتزقه ف صدره كذة مرة يزقها كانت هتقع تسند ع ترابيزة )
الام : اااه 😨
( تبصله ب زهول وصدمة وهو كمان يتصدم م الي عمله ، تعيط الام )
الام : حسبي الله ونعمة الوكيل فيك ي ابن بطني .. حسبي الله ونعمة الوكيل فيك 😣💔
( تسيبه وتدخل اوضتها ، يخرج رامي م البيت ، يركب عربيته ويفضل يلف بيها ، يمسك الفون ، ف بيت مريم ، مريم قاعدة بتذاكر ، يرن الفون بتاعها من رامي ، تكنسل وتقفل الفون ، يقفل رامي ب عصبية ويكمل مشي وبعدها يروح يقعد مع صحابه )
احمد : ي بني هو انت عيل صغير 🤷🏻♂
فادي : اه مالها بتعاملك زي الاطفال كدة ليه ؟!!
رامي : حاجة تخنق 😑
محمد : هاودها وفكك انت راجل وفاهم انت بتعمل ايه 💁🏻♂
فادي : دة المفروض يعنى هي لسة معتبراه عيل ولا ايه 😕
( يقوم رامي )
محمد : رايح فين ؟
رامي : عند نغم
( يمشي رامي يروح ل نغم ، تدق الساعة 6 الصبح ، يقوم رامي م النوم ع صوت الفون يلاقي مكتوب ريهام اخته )
رامي : ايه ي ريهام عاوزة أيه م الي خلفوني 😑
ريهام ب عياط : ماما ماتت ي رامي 😣
( يقوم رامي من ع السرير مفزوع )
رامي : نعم .. انتي بتقولي أيه انتي بتخرفي اتهبلتي .. ماما مش تعبانة عشان تموت 😨
ريهام : صحيتها وانا قايمة للكلية مردتش عليا .. والجيران جابولها الاسعاف رايحين مستشفى بس بيقولوا مافيش نفس 😣
رامي : انهي مستشفى قولي ؟؟
ريهام : مستشفى *****
رامي : طب انا جاي جاي 😧
( يقوم رامي وهو بيعيط ميعرفش لبس هدومه ازاي )
نغم : في ايه ؟!!!
( ميردش وياخد الفون والمفاتيح ودموعه عمالة تنزل ، ياخد السلم جري لحد تحت ويتزحلق من ع السلم ويقوم يكمل ويطلع يركب عربيته ويروح المستشفى ، يوصل هناك ، يلاقي اخته وتقريبا كل قرايبهم واقفين بيعيطوا ، يفضل واقف مكانه مخضوض ، فعلا ماتت ، امه ماتت وغضبانة عليه كمان ، تقرب اخته تترمي ف حضنه )
ريهام ب عياط : اااه عاوزة ماما ي رامي 😖
رامي : ماتت وهي مش راضية عني .. ماتت قبل ما اشوفها واطلب منها تسامحني 😥
( يفضلوا يعيطوا ، يطلع رامي م المستشفى منهار م العياط ، يركب عربيته ويمشي ، يعدي الوقت ، تدفن الام ويتعمل العزا ورامي ميحضرش ، رامي عند محمد قاعد معاه )
محمد : روق كدة .. الله يرحمها
رامي : ماتت غضبانة عليا 😒💔
محمد : لا ي بني دي امك تلاقيها زعلت شوية وبعدين سامحتك اكيد
( يقوم رامي يقف ويتنهد )
رامي : ففففففف .. انا مخنوق اوي .. عاوز امشي 😑
محمد : تعالى نتمشى طيب
( ينزلوا يفضلوا يتمشوا ب العربية ، يعدي اليوم ويروح رامي البيت )
ريهام : كنت فين ؟
رامي : عند محمد 😒
ريهام : محمد اه .. محضرتش دفنة ماما ولا حتى العزا وسايبني لوحدي .. محدش كان واقف ياخد عزاها عند الرجالة
( تنزل دموع ريهام )
ريهام : سيبتني لوحدي ليه .. ليه كدة .. انت ليه بتعمل فينا كدة 😥
رامي : كنت مخنوق ي ريهام 😑
ريهام : وخنقتي انا .. واقفة اخد عزا امي وسط ناس غريبة واخويا الوحيد والي ليا ف الدنيا مش موجود .. قاعد عند صاحبه .. يرضي مين دة ياربي .. يرضي مين 😧
رامي : خلاص بقا وحياة امك انا ع اخري 🤦
ريهام : قصدك ورحمة امي .. الله يرحمها .. كانت هي الي بتصبرني عليك .. اهي ماتت .. وانا مكانش ليا غيرها .. انت بالنسبالي وجودك زي عدمه مبقاش ليك اي لزمة ف حياتي
رامي : احترمي نفسك بقاااا 😡👋
( يضربها ب القلم ، تحط ايدها ع خدها وتنزل دموعها ، تدخل اوضتها ، يمشي رامي م البيت ، تعدي الايام ، رامي ف الكلية واقف مع صحابه ، تقرب عليه مريم )
مريم : البقاء لله 😐
( يبصلها من فوق ل تحت ويبتسم ابتسامة مستفزة )
رامي : جاية تشمتي 😏
مريم : لا شماتة ف الموت
رامي : لسة فاكرة اصلاً .. كلك واجب
( تبصله مريم ب حسرة وتمشي )
رامي : عاوز اظبط امها 😐
فادي : نظبطهالك ي معلم 😉
احمد : معرفتش انها اتخطبت ؟
( يتخض رامي )
رامي : مين دي 😳
احمد : مريم
رامي : بتهزر ؟؟!!!!
احمد : والله بجد
رامي : مين قالك ؟!!
احمد : سمعت من حبيبة ان اتقرى فتحتها والعريس مستعجل كمان هيكتب الكتاب الشهر الجاي وهياخدها ويسافروا السعودية عشان هو سعودي اصلاً
رامي : بنت الللل 😡
فادي : دة انتوا ملحقتوش كام شهر ورايحة تتجوز 😏
احمد : مبيهماش يابا دي شكل الي هاممها تتجوز وخلاص 🤷🏻♂
محمد : هتعمل ايه انت ؟
( رامي ساكت وكل ملامحه متحولة ل عصبية وباصص ع مريم واقفة مع صحابها )
محمد : ي بني .. رامي
رامي : ايييييه 😠