( يقفل )
محمد : ياترى مبتردش ليه .. يكونش نام ودة نومه نوم حمير .. جايز 🤔
( يعدي يومين ومفيش اي اخبار عن امير ، ف بيت عاصم ، قاعد مع اهله والخوف لسة مالي قلبه ، يرن الفون بتاعه ، ياخده ويقوم )
عاصم : الو
نغم : ازيك ؟
عاصم : الحمدلله .. انتى عاملة ايه ؟
نغم : انا تمام .. كنت عاوزة اشوفك .. وحشتني 🖤
عاصم : وانتى كمان وحشاني .. هعدي عليكي بكرة
نغم : اوك هستناك .. مفيش جديد ؟
عاصم : لا ومتجبيش سيرة الحوار دة تاني كأنه مكانش تمام ؟
نغم : حاضر 😐
( تدق الساعة 4 الفجر ، عاصم نايم ، بيحلم ، امير قاعد وعاصم قاعد قصاده ف مكان شبه ضلمة بس شايفين بعض ، امير بيعيط )
امير : وجعتوني .. وجعتوني اوي 😣💔
عاصم : بس متعيطش .. احنا مكناش قاصدين 😟
( يمسحله دموعه يطلع ف ايده جلد من وش امير وينزف دم )
عاصم : انا اسف 😬
( يمسحله الدم يطلع جلد اكتر وينزف دم اكتر )
امير : كفياك انت بتجرحني ✋💔
عاصم : مش قصدي 😧
( عاصم بيحاول يمسح الدم لكن بيبوظ وشه اكتر ، امير يمسك ايديه )
امير ب صريخ : كفياااااااك 😡
( يقوم عاصم م النوم مفزوع )
عاصم : ااه 🤦
( يشرب بؤ ماية ويرجع يكمل نوم ، تاني يوم ، عاصم عند نغم قاعدين )
عاصم : م انا مش هفضل حاطط الحوار دة ف دماغي انا لا عارف انام ولا اقعد من كتر التفكير والاحساس ب الزنب 😕
نغم : وانا كمان 😟
عاصم : انا مغلطش ولا جيت جنبه انا كنت بدافع عن نفسي وخلصنا كدة الموضوع دة ميتفتحش تاني ✋
نغم : تمام اوك انا متكلمتش 🤷
عاصم : كنت عاوز اكلمك ف موضوع تاني اهم
نغم : قول
عاصم : انا عاوز اتجوزك
( تتخض نغم ب فرحة )
عاصم : يمكن تفتكري مش وقته لكن اظن دة انسب وقت ننسى فيه الي فات ونبدأ م الاول .. وكدة كدة دة الي كان هيحصل سواء امير عايش او ميت .. قولتي ايه .. موافقة ولا لأ ؟؟
نغم ب فرحة : موافقة طبعاً 😃
( يبوسها )
عاصم : مش هنكمل اليوم بقا ولا ايه ؟
نغم : مستعجل ع ايه م احنا هتجوز 🤷
عاصم : مهو عشان احنا هنتجوز 😉
( يقرب عليها ، ف مستشفى ، بيزقوا ترولي عليه امير ، وشه ملفوف وهدومه حتت محروقة بسيط ، عمال يغمض ويفتح ف عينه ، يغمض ، ف بيت امير ، يرن فون بباه )
الاب : الو
مؤمن : ايوة ي بابا الظابط اتصل بيا دلوقتي
الاب : لقوه ؟؟
مؤمن ب عياط : لسة مش متأكدين هو ولا لا 😥
الاب ب استغراب : انت بتعيط .. ابني جراله ايه .. جراله حاجة صح 😦
مؤمن : ادعي ميكونش هو الي لقوه بس 🤦
( ف القسم )
الام ب خضة : ايوة هي نمرة العربية يلهوى ابني ابني 😱
الاب : طب ايه الي حرق العربية وهو كان جواها ولا لأ طمني والنبي ؟؟
الظابط : لسة مش عارفين سبب الحريق .. بس هو كان ف العربية 😐
( يتخضوا )
الظابط : انا ي جماعة مش عاوز اعجل ب اي خبر .. الحاجة الوحيدة الي عرفتها هي نمرة العربية لان محدش يقدر يتعرف ع الشخص كويس .. ف احنا هنستنى نتيجة التحاليل هي الي هتقرر هو دة ابنكم ولا لأ 🤷🏻♂
الام ب عياط : مهي نمرة العربية يعنى هو امير الي جواها 😣
( تقعد تعيط ويهدوا فيها ، يروحوا المستشفى مع الظابط عشان يعرفوا نتيجة التحليل ، امير ف العمليات ، ف الكلية ، واقف محمد مع صاحب امير )
محمد : ي بنى اتصل ب اخوه معييش ام الرقم الله يحرقكم 🤦
بكر : تدفع كام 😊
محمد : الي انت عاوزه بس اخلص ابوس ايدك عاصم مبيردش عليا ولا بييجي الكلية وفي امتحانات مش عارف اروحله البيت
بكر : طيب ماشي
( يتصل بكر ب اخوا امير )
بكر : ايوة ي مؤمن .. انا بكر صاحب امير .. عامل ايه .. مالك .. صوتك متغير في حاجة ولا ايه مالك ؟؟
( يتوتر محمد )
بكر ب خضة : ايييييه .. ي نهار اسود .. مستشفى ايه 😰
محمد ب قلق : في ايه امير جراله حاجة ؟؟؟!!!
بكر : ماشي ي مؤمن سلام
محمد : في ايه بقا ؟!!
بكر : امير 😟
محمد : ماله ؟؟؟؟
بكر : العربية ولعت بيه
محمد ب خضة : اييييه 😧
( نغم ف بيتها بتتكلم ف الفون )
نغم : اكيد هنتمسك 🤦🏻♀
عاصم : بطلي ام هبل مافيش حاجة تثبت ولا شهود ولا اي حاجة
نغم : انا مش مطمنة دة لقوه حي اكيد هيقول علينا وهنتفضح 😟
عاصم : متقلقيش دة متدمر يعني كلها كام ساعة ويودع وحتى لو جت رجلينا انا هعرف اتصرف ليا معارف وساعتها هجيب رجل ناس تانية ف هيطروا يفضوا الموضوع ف مصلحتهم 🤷🏻♂
نغم ب انفعال وخوف : وانا لسة هستنى لما تيجي رجلينا 😧
عاصم : طب اومال اعملك ايه يعني م انا زيي زيك اهو 🤷🏻♂
نغم : ربنا يستر بقا 🤦🏻♀
عاصم : يارب
( ف المستشفى ، ام امير وابوه واخوه موجودين ، يقرب عليهم الظابط )
الظابط : التحليل اثبت ان الشخص دة ابنكوا
( تعيط الام والكل ينهاروا )
الظابط : انا اسف .. واحمدوا ربنا ان بحالته دي لسة عايش .. وادعوله 😐
مؤمن : هنعمل ايه دلوقتي 😟
الظابط : دلوقتى احنا لقينا ان العربية اتحرقت ب فعل فاعل يعني حد كب عليها بنزين وولعها
الام ب عياط : ومين هيعمل كدة ف ابني بس 😥
الظابط : دة الي لسة منعرفوش .. بس هو محروق م الاول
الاب : ازاي يعني !!!
الظابط : الطبيب الشرعي قال انه حد كب ع وشه زيت مغلي يعني وشه ورقبته وجزء من ضهره وجزء من صدره متحرقوش عشان الزيت .. ف النار معرفتش تمسك ف الاماكن دى
الام : طب يعنى وشه كويس انا عاوزة اشوفه 😥
الظابط : لا اطلاقاً انا مقلتش وشه كويس انا قلت في زيت اتقلب ع وشه يعنى وشه مشوه .. بلاش تشوفيه احسن 😐
( يذيد عياط الام ، ياخدها مؤمن ف حضنه ويقعد الاب منهار ، يعدي الوقت ، يوصل محمد يسلم ع اهل امير ويقف معاهم ، بعد ٤ ساعات ف اوضة العمليات ، يخرج امير ويدخل ع العناية المركزة ، يعدي الوقت ، الكل قاعدين قدام العناية ، محمد واقف عند الازاز شايف امير ، بعض اجزاء من جسمه ملفوفة ووشه كله ملفوف وحطينله اجهزة كتير ، تنزل دموع محمد )
محمد ف سره : مين الي عمل فيك كدة ي صاحبي .. مين بس 😥
( تعدي الايام ومازال امير ف العناية ، يتجوز عاصم ونغم وعايشين حياتهم زي الفل ولا كأنهم عملوا حاجة ، ف العناية ، يفتح امير عينه ، يعدي الوقت ، اهله واقفين برة والدكاترة جوة بيكشفوا عليه ، يخرجوا )
الاب : ايه ي دكتور هو كويس ؟؟
الدكتور : الحمدلله عدى مرحلة الخطر
الام ب فرحة : الحمدلله يارب الحمدلله 🤲🏻
الدكتور : هننقله اوضة عادية بس هيقعد بردوا معانا فترة تحت الملاحظة عشان نطمن عليه
الاب ب فرحة : مفيش مشكلة المهم انه قام بالسلامه 😃
الدكتور : ربنا يطمنكوا عليه 😊
الاب : الله يخليك
( يمشي الدكتور ، ينقله امير اوضة عادية ف المستشفى ، محمد قاعد معاه )
محمد وهو بيقوم ب انفعال : ابن الكلب وربي ل اموته 😡
امير ب صعوبة : محمد .. بالله عليك .. اقعد
محمد : اقعد ايه بعد الي قلته دااا 😧
امير : متجبش سيرة لحد
محمد ب استغراب : ازاي يعني 😕
اميرة : ابوس ايدك .. انا موجوع .. موجوع اوي .. انا ........... 💔
( تنزل دموع امير وينهار م العياط ، يقوم محمد يمسك ايده ويعيط هو كمان )
محمد ب عياط : اهدى بالله عليك .. احمد ربنا انك لسة عايش بس 😟
امير : عشان خاطري .. اسمع كلامي .. والنبي 😔
محمد : حاضر .. حاضر بس لو بلغنا هيطلعوا منها عاصم معارفه كتير ف الداخلية وحقك هيضيع 😕
امير : عارف .. وانا مش هبلغ
محمد : صحيح هو انت جيت المستشفى ازاي دول كانوا قالبين عليك الدنيا !!!!
*( فلاش بااااااك 👉 )*
( بعد اما نغم وعاصم مشيوا يتلموا الناس بسرعة وبيحاولوا يطفوا الحريقة ويطلبوا المطافي ويطلعوا امير م العربية يلاقوه حي ويطلبوا الاسعاف )
*( بااااااك 👉 )*
محمد ب استغراب : بس انت مجتش المستشفى ف الوقت دة !!!!
الحلقة الثامنة { ٨ } 🌘
امير ب تعب : الاسعاف مجتش .. خدوني مركز .. قريب م المكان .. بت فيه .. لحد م الاسعاف وصلت 😑
محمد : الحمدلله انك بخير .. انت هتعمل ايه بما انك مش عاوزني اتصرف 🤷🏻♂
( يخبط الباب ويدخل الظابط ، محمد يبص ل امير )
الظابط : حمدلله ع السلامة
امير : الله يسلمك
( يجيب كرسي ويقعد قريب منهم )
الظابط : بقيت احسن ؟
امير : الحمدلله
الظابط : تقدر تحكيلي الي حصل ؟
( محمد وامير يبصوا لبعض )
امير : مش فاكر 😐
الظابط ب استغراب : مش فاكر الي حصلك ؟!!!!!
امير : لأ
الظابط : انت كدة بتصعب عليا الموضوع اوي .. انا مش هعرف مين الا ب مساعدتك ازاي مش فاكر كل دة !!!!!
امير : مش فاكر صدقني .. كل الي فاكره .. اني كنت مخنوق .. ف نزلت بالعربية شوية .. في واحد شاورلي ف وقفت .. مش فاكر ايه الي حصلي بعدها 😒
الظابط : مهي لو سرقة كان زمانك اتسرق منك العربية او موبايلك او فلوسك لكن دي جريمة قتل .. انت اتكب ع وشك زيت مغلي وبعدها اتولع بيك العربية .. عاوزني ازاي اصدق ان واحد ميعرفكش عمل فيك كدة .. ولو كلامك صح جاب منين زيت مغلي يكبه عليك وانتوا ف الشارع وف صحرا !!!!!!
امير : ممكن خادني مكان .. م انا قلت ل حضرتك مش فاكر معرفش 😑
الظابط : انت عاوز تخبي ايه بالظبط ؟
( يتخضوا )
امير : حضرتك انا تعبان .. والكلام دة بيتعبني اكتر .. ف لو سمحت كفاية كدة .. انا مش عارف اتكلم .. وشي بيوجعني 💔
الظابط : ماشي .. ماشي ي امير .. هجيلك وقت تاني كلامنا مخلصش 😐
( يقوم الظابط )
الظابط : حمدلله ع سلامتك مرة تانية
امير : شكراً
( يمشي الظابط )
محمد : شكل الظابط دة مش مصدقك ف مش هيسكت
امير : براحته 😒
( تعدي الايام ويخرج امير م المستشفى ويرجع البيت ، امير ف اوضته ، يخبط الباب وتدخل مرات اخوه وابنها )
رؤية : حمدلله ع السلامة 😊
امير ب ابتسامة مش باين غير نصها من تحت الشاش : الله يسلمك 🙂
( تقعد قصاده )
رؤية : عامل ايه انهاردة ؟
امير : الحمدلله
( يقرب عليه الولد عاوزه يشيله ، ياخدوا امير ف حضنه )
رؤية : قول ل امير سلامتك
امير الصغير : سلامتك اميير
امير : حبيبي الله يسلمك يارب 😄💜
رؤية : يلا انزل خلي ريم تأكلك
( تنزله ف الارض يطلع برة ، امير ياخد نفس طويل ب تنهيدة 😑 )
رؤية : ب أذن الله هتكون كويس وزي الاول واحسن كمان .. مرحلة وهتعدي 😊
امير ب هدوء : زي الاول .. زي الاول ازاي ي رؤية .. انا بقيت مشوه .. من برة ومن جوة كمان .. انا محدش شايف قلبي عامل ازاي .. بس شايفة وشي ي رؤية .. دة ممكن يرجع زي الاول .. دة ممكن يكون مرحلة وهتعدي ؟؟؟؟
رؤية : ي حبيبي الدكتور قال ان في عملية هتتعمل بس انت الي مش راضي ومش عاوز تشيل الشاش دة مع انه قال يتشال خلاص !!!!
امير : مش هعمل عمليات .. انا استاهل اتعاقب .. استاهل ابص ف المراية واشوف الي باقي من ملامحي .. انا استاهل العقاب 🙂💔
رؤية : ي امير الي حصل حصل انت ولا اول ولا اخر واحد يحصله كدة ي حبيبي 😕
امير : بس دة كان كتير اوي عليا 💔
( تنزل دموعه )
امير : يعني خانتني وماشي بتحصل .. بعد م وقفت قصادكم كلكم وحاربت عشانها خانتني .. ومع صاحبي كمان .. لا وخيانة بتفاصيلها مش مجرد كلام ولا حب .. خيانة بجد ي رؤية والله اعلم كان الكام ف حياتها ولا كانت المرة الكام معاه .. وماشي عادي بتحصل .. بس كمان يشوهوني .. يعني مستكفوش بالي عملوه جوايا كمان دمروني من برة 😧💔
رؤية : كل دة هيتصلح صدقني والله هيتصلح 😟
( يفك امير الشاش ، تتخض رؤية لما تشوفه ، تلاقي نص وشه اليمين كله سايح وملغبط )
رؤية : اهو فكيت الشاش .. متأكدة ان دة هيتصلح ؟؟
( تنزل دموعها )
امير ب انفعال وعياط : م تردي 😠😥
( تحضنه ، يعيط اكتر )
امير ب عياط : انا مفيش حاجة فيا ينفع تتصلح ي رؤية .. انا لو اهلي عرفوا الي حصل هيشمتوا فيا مش هيواسوني .. انا من جوة ومن برة خراب ي رؤية .. خراب 😣💔
*{ أتراني ؟! صرت مشوه القلب ، لقد عاد دون نبض ، عاد دون حبيب ، وكأنه عانى سنين ، وكأنك لم تكن يوماً قريب ، اما بين ضلوعي قلب ؟! اليس انا انسان لي بحب ؟! لقد نسيت انني ف يوم احببت .. 💔 }*
( ف قرية ف الساحل ، عاصم ونغم ف الماية بيهزروا ومبسوطين جداً ، يطلعوا يقعدوا برة )
نغم : اااه الماية توووحفااا 😑
عاصم : مبسوطة ي قلبي ؟
نغم : جداً ي روحي .. الحمدلله كل حاجة عدت ع خير
عاصم : م انا قلتلك مصدقتنيش 😎
نغم : لا خلاص أمنت ب اي حاجة معاك ✋
عاصم : هههههه 😄
نغم : هنرجع بكرة ؟
عاصم : اهااا
نغم : طب م تخلينا يومين كمان والنبي 😍
عاصم : لا حلو كدة عشان الكلية
نغم وهي بتحضنه : ي بيبي بلييييييز 🥺💛
عاصم : تولع الكلية 😐❤️
( تعدي الايام والظابط بييجي ل امير بس امير بيتهرب منه ، امير ف اوضته عمال يتألم م الوجع )
امير : ااااه يارب مش قادر .. ااااه 😣
( يمسك الفون )
امير : الو
شافعي : حبيبي عامل ايه ؟
امير : كويس بقولك ايه
شافعي : قول ي شبح
امير : عاوز كام شريط كدة وهديك الي انت عاوزه
شافعي ب استغراب : دة ليك ؟؟!!!
( يسكت امير ثانيتين )
امير : ايوة .. ليا 😐
شافعي : ليه كدة ي بني !!!!!!
امير : شافعي انجز بقولك هديك الي تطلبه
شافعي : الحكاية مش حكاية فلوس انت ايه الي دخلك ف السكة دي اصلاً دة انت عمرك م عملتها ولا حتى ك تجربة 🤷🏻♂
امير : مش قادر م الوجع ي شافعي مش قادر بجد 🤦
شافعي : مش هقدر اديك ي امير معلش 😐
امير : ليييييه 😧
رامز : انت ملكش ف الكلام دة والحجات دي بتدمر البني ادم وانت مش ناقص .. انا اسف ي صاحبي مش انت الي اضره بيها 😕
امير : ي بني بقولك تعبان ومفيش اي مسكنات جايبة معايا نتيجة انا واخد بالهبل والوجع رهيب 💔
شافعي : والله حاسس بالي انت فيه بس ..........
امير ب عياط : لا مش حاسس ي شافعي ابوس ايدك انا مش واخده ادمان انا تعبان والله تعبان ونفسي ارتاح عاوز انام ومش عارف بقالي يومين هموت والله عشان خاطري ي شافعي 😥
شافعي ب حزن ع حال صاحبه : طيب اهدى طيب .. هحاول اجيلك انهاردة 😕
امير : شكراً ي شافعي 😔
( يقفل امير ، قدامه مراية ، يبص فيها بالصدفة يشوف وشه يتخض ، يحط ايده ع وشه بسرعة ويعيط )
امير : يارب 🤦💔
( ييجي الليل ، شافعي قاعد مع امير )
امير وهو ماسك البرشام : متأكد ان دة مفعوله كويس ؟؟
شافعي : والله تمام متقلقش هيريحك
امير : اوك
( ياخد منه ، يخبط الباب ، يخبي امير الشريط تحت المخدة بسرعة ، يدخل محمد ، يبص ل شافعي وامير ب استغراب )
شافعي : طب استأذن انا بقا امير
امير : اوك
شافعي : سلام احمو 👋
محمد : سلام 👋
( يمشي شافعي ، يحط محمد شنطته ف الارض )
امير : كنت ف النادي ؟
محمد : اه 😕
امير : مالك ؟!
محمد ب استغراب : ايه الي جايب الشافعي هنا ؟؟!!!
امير : كان بيشوفني 😒
محمد : امممم .. ومجبلكش زيارة وهو جاي ؟
امير : زيارة ايه هو انا عامل اللوز 😅
محمد : امير
امير : نعم ؟
محمد : متلفش وتدور عليا 💁🏻♂
امير : انا ...........
( يقوم محمد فجأة يفتح الدرج الي جنب امير ويدور فيه ويقرا اسماء البراشيم )
امير : انت بتعمل ايه ي بني 🤷🏻♂
( يدور ف باسكت الزبالة )
محمد وهو بيدور : فين الي ادهولك حقنة ولا برشام ولا ايه ؟؟؟
امير : انت اهبل ي حمو حقن ايه وبرشام ايه 😐
محمد : مهو اصل الشافعي لو حد مننا مات مبيجيش يحضر جنازته ومبيجيش لحد ابداً الا لو في مصلحة ف متقنعنيش انه كان جاي يزورك بعد خروجك م المستشفى ب ٣ شهور !!!!!!!!
امير : هو لسة عارف 🤦
محمد : دة اول واحد عارف وقلتلك متلفش وتدور عليا ☝️
( يشيل المخدة فجأة ، يلاقي شريط البرشام )
محمد وهو بيمسك الشريط : جاي يزورك هاااا 😐