ريم : دي مرات الباشمهندس
محمد ب خضة : ي نهار اسود منيمها ع الكنبة 😮
( ينزل امير )
محمد : ايه الي انت عامله دة ي بني !!!!
امير : في ايه ؟!
محمد وهو بيشاور ع خلود : منيم مراتك ف الصالة 👋
( يبصلها امير )
امير : انا قلتلها تطلع برة اوضتي مقلتلهاش تنام ف الصالة 😒
( تصحى خلود ع الصوت ، تقعد ب هدوء وتبصلهم ب عيون كلها نوم )
محمد : يلهوي عليك 🤦
( تتخض خلود اما تلاقي محمد وتدور ع طرحتها وتحطها ع دماغها وتقوم تقف )
امير : يلا
محمد : هحصلك
( يمشي امير ، يبص محمد ل خلود )
محمد : تعالي ي ريم
ريم : حاضر
( يدخلوا المطبخ )
محمد : بصي
ريم : نعم ؟
محمد : البنت دي باين عليها غلبانة جداً ومش هتسلك مع امير دة وهيكرها ف عشيتها
ريم : ي ساتر يارب ليه كدة !!!
محمد : صاحبي وانا عارفه .. المهم عاوزك تصاحبيها يعني تفهميها البيت هنا الناس الجو هنا عامل ازاي ولو حد زعلها تهوني عليها فاهمة قصدي ؟؟
ريم : ايوة فهمتك فهمت 🤔
محمد : عشان بس متكرهش البيت لحد م نشوف هيعمل ايه معاها 🤷🏻♂
ريم : لا تمام فهمت كلامك انا هتصرف ✋
محمد : الله ينور عليكي همشي انا بقا
ريم : اوك
محمد : اه بالمناسبة وحشتيني اليومين الي فاتوا 😉❤️
( يغمزلها ويمشي قبل م يشوف رد فعلها ، تبتسم ريم ب كسوف وحب ، يطلع محمد ل امير ويمشي معاه ، تطلع ريم ل خلود )
ريم : مدام خلود
خلود وهي بتقوم : ايوة ؟؟
ريم : تعالي هوريكي اوضتك
خلود : مهو مرضاش 🤷
ريم : لا اوضة ليكي انتي مش اوضة الباشمهندس
خلود : اه اوك
( تاخدها ريم وتطلعها اوضة )
ريم : فين شنطتك ؟
خلود : ف اوضته
ريم : طيب انا هجيبهالك
خلود : شكراً ياااا .......
ريم : ريم 😊
خلود : شكراً ي ريم 🙂
ريم : العفو
( تروح ريم تجيبلها شنطتها وتفضيها معاها ف الدولاب وتساعدها ، عند امير ، يوصلوا الشركة )
محمد : ي بني مش بكلمك ؟!!
امير : بالله عليك ي شيخ متكرهنيش ف الموضوع اكتر ومتكلمنيش فيه تاني ماشي ؟؟؟
محمد : طااايب 🙄
( ينزلوا م العربية يدخلوا الشركة ، يعدي الوقت )
خلود : والله مش عارفة من غيرك كنت عملت ايه 🤷
ريم : انتي تؤمري ي مدام واي حاجة تعوزيها نادي عليا بس وهديكي رقمي
خلود : طب بلاش مدام دي بقا 🙄
ريم : حاضر 😄
خلود : انتي عايشة هنا ؟
ريم : لا بروح اخر اليوم
خلود : طب يعني هتكوني موجودة طول اليوم الحمدلله 😁
ريم : ع فكرة امير اطيب واحن واحد ف البيت دة
خلود : لا مهو واضح من كتر حنيته اول يوم جواز نيمني ف الصالة 🙄
ريم : ههههه لا هو بس من ساعة الحادثة بتاعته وهو عصبي شوية
خلود : الي شوهت وشه ؟؟
ريم : اه
خلود : هو ايه الي حصل ؟!
ريم : عمل حادثة بالعربية والعربية ولعت بيه
خلود ب حزن : ياربييي 😬
ريم : معجزة انه لسة عايش بعد كل دة 🤷
خلود : اه الحمدلله 😕
ريم : ظبطي حالك بقا انتي وزي م عرفتك كدة لو عوزتي اي حاجة قوليلي اوك ؟
خلود : تسلميلي ي ريم 💚
ريم : تؤمري 😊
( تمشي ريم ، تقعد خلود ع السرير وتتنهد تنهيدة طويلة وتبص ع البلكونة ، بعد يومين ، امير ف مكتبه ، يخبط الباب )
امير : ادخل
( تدخل وجدان )
وجدان ب ابتسامة : مبروك ي عريس 😏
امير ب تنهيدة : الله يبارك فيكي 😑
وجدان : ي ساتر ايه الحزن دة !!!
امير : عادي
( ف البيت ، خلود ف اوضتها ، يخبط باب الاوضة )
خلود : ايوة ثانية
( تلبس طرحتها وتقوم تفتح ، تلاقي مؤمن )
مؤمن ب جدية : عاوزك ف موضوع
خلود ب قلق : ايوة حاضر 😕
( تطلع م الاوضة وتقفل الباب ، يستغرب مؤمن كان مفكر هتدخلوا بس ميدققش )
خلود : اتفضل
مؤمن : هو مش موضوع هو تحذير 💁🏻♂
خلود ب استغراب : تحذير من ايه ؟!!!!!
مؤمن : امير اخويا .. لو فكرتي بس تهينيه او تكسريه او تأذيه .. هتشوفي مني وش مشفتهوش من مخلوق اتخلق ع الارض دي 👋
( يطبطب ع خدها ب عنف )
خلود ب فهم وهي بتزق ايده : اه .. متقلقش حضرتك .. انا بني ادمة شاربة م الاهانة والاذية لما اكتفيت .. وجيالكوا مكسرة مليون حتة .. والي داء الاهانة والكسر عمروا ابداً مبيدوقهم ل غيره .. لانه عارف وجعهم كويس جداً .. ياريت انتوا بس الي متكسروش فيا ذيادة لاني استكفيت وجع .. ف متقلقش حضرتك 😊💔
( تدخل اوضتها وتقفل )
مؤمن ب تريقة : هه .. كلكوا بتقوله كدة ف الاول 😏
*( فلاش بااااااااك 👉 )*
( ف كافيه ، قاعد مؤمن مع نغم )
مؤمن : انتي عايزة ايه ؟
نغم : والله انت الي جايبني هنا يبقا انت الي عاوز مش انا 🤷
مؤمن : عاوزك تبعدي عنه
نغم ب انفعال : لييييه .. ليه عاوزني ابعد عنه وليه بتكرهني كدة 😧
مؤمن : انتي عارفة ليه ف ممكن تتكلمي دغري شوية وبلاش دور السهوكة والجو دة عشان دة ياكل مع امير مش معايا انا 💁🏻♂
( تسكت نغم ثانيتين )
نغم : تمام .. انت عاوز الدغري وانا هكلمك دغري
مؤمن : ياريت
نغم : امير ومش هبعد عنه دة بقا خطيبي وهنتجوز قريب .. وبعدين بحبه والاهم ان هو بيعشق التراب الي انا بمشي عليه 🙂
( يتغاظ مؤمن )
نغم : والله بقا انتوا عاوزني ابعد عنه عشان تجوزوه بنت خالته ولا بنت صاحب ابوه ك عادة اي بيت مصري ف دي حاجة ترجعلكم .. عمالين تحقنوه من نحيتي وتقووه وهو ولا ف دماغه حرف من كلامكم لانه بيعشقني وهيفضل يعشقني ومش هيسيبني ابداً .. ولا يمكن انت مستكترني عليه .. بس الي اعرفه انك زوج وفي ل مراتك 💁🏻
( يتغاظ مؤمن اكتر )
نغم وهي بتقوم : عن اذنك 😊
( تمشي نغم وسايبة مؤمن عبارة عن جمرة نار 🔥 )
*( بااااااااك 👉 )*
( ف شركة امير )
امير : انتي بقالك ساعتين قاعدة موراكيش شغل ؟!!
وجدان : لا مواريش حاجة م انت مبتجيش وواحشني 🙄💚
امير : مشغول شوية انتى عارفة 😒
وجدان : ولا عشان اتجوزت ؟!
امير : انا لسة متجوز من يومين لو ملاحظة 💁🏻♂
وجدان : امممم .. اومال بقالك كتير مبتجيش ليه ؟!!!
امير : قلتلك مشغول ي وجدان .. روحي شوفي شغلك انا مروح
( يقف امير )
وجدان : عريس جديد بقا 😏
( يبصلها ب تنهيدة 😑 يعدي الوقت ، ف اوضة خلود ، خلود مشغلة اغنية *حبيبي ي ليل* وبترقص ع نغمتها مجرد مشي ب هدوء ومغمضة عنيها كأن حد بيرقص معاها slow ، يوصل امير ، يطلع فوق ، يعدي ع اوضتها ، يسمع ، يقف )
*( دي حكايتي معاه من يوم م هواه خبطت ع بابي ، لا عرفت انساه ولا انسى هواه دايماً ع بالي 🎻✨ )*
( يفتح الباب لان المفروض ان الاوضة دي فاضية ميعرفش انها بقت اوضة خلود لان مشافهاش بقاله يومين ، يشوفها يتخض ، تتخض خلود وتقف مكانها محروجة )
خلود : احمم 😐
امير ب احراج : اا اسف انا بس استغربت الصوت وعارف انها اوضة فاضية !!!
خلود : لا اصل ريم ساعدتني اقعد فيها عشان قالت مينفعش انام تحت 💁🏻
امير : اه مينفعش اكيد كويس انها عملت كدة
خلود : مش انت الي طردتني 🤨
امير : انا خرجتك من اوضتي لكن مقلتلكيش نامي ف الانترية 😐
الحلقة الثامنة عشر { ١٨ } 🌘
خلود : دة ع اساس اني عايشة هنا بقالي ٣٠ سنة ف عارفة كل الاوض بقا وهروح انام ف الاوضة الي تعجبني مثلاً 🤷
امير ب تنهيدة : ي ستي حقك عليا 😑
خلود : لا ولا يهمك انا متعودة ان الناس تعاملني ب حقارة 😊
( يبصلها ب خضة )
خلود ب ندم : احم سوري 😐
امير : انا عمري م اتعاملت مع حد ب حقارة !!!!!
خلود : ماعدا انا ولامؤخذة 💁🏻
امير : انا عملت معاكي كدة عشان ..........
خلود ب سرعة : عشان غصبوك عليا .. صدقني ممكن او اكيد اكون اكتر واحدة عارفة احساس الغصب دة تقدر ترجع حر تاني وتطلقني او لو فضلت سايبني ع زمتك اعتبر نفسك مش متجوز يعني زيي زي السرير دة مش هعمل دوشة او ازعاج لحد .. اشطااا 🙋🏻
( يستغرب امير طريقتها وسرعتها ف الكلام الي لغبطته .. !!! )
امير : يعني انتي قابلة تكوني زوجة ملكيش لزمة !!!!!
خلود : بالعكس .. دة يمكن اكتر مكان حسيت ان ليا لزمة فيه .. انا نكرة اوي عند ناس كتير ف عشان كدة دة مش جديد عليا انا عمري م كنت مهمة عند حد ف مش هكون عندك او عند غيرك .. بس ع الاقل هنا بتعامل معاملة بني ادمين 😊
( يفضل باصصلها ب استغراب )
خلود : متستغربش .. لو مفكر وشك هو سبب تعاستك تبقا غلطان
( ينتبه امير ل وشه ، يرتبك ويقفل الباب ويدخل اوضته ، يقرب ع مرايته ب هدوء ويبص )
امير ب ضحك : في ايه اتعس من كدة 😅💔
( يقعد ع السرير )
*( فلاش بااااااااك 👉 )*
( امير موصل نغم عند الكورس بتاعها )
امير : انا مش فاهم ليه مجتيش معايا م نفس المواد !!
نغم : معلش انا بفهم م الدكتور دة اكتر
امير : انتى معاكى ولاد ؟
نغم : اه اكيد
امير : طيب تدخلي ع جوة ع طول ماشي ؟
نغم : ماشي حاضر 😊
امير : متقفيش مع حد برة
نغم : حاضر والله مش هقف .. اهو الدكتور جه وكلوا دخل
امير : كويس يلا انزلى
نغم : باي
امير : باي
( يعدي الوقت ، امير مقرب ع العمارة عشان ياخد نغم ، يلمحها واقفة مع شاب )
نغم : طارق لو سمحت ايدي !!!!
( يشوفوه صحاب نغم )
سارة : ايه ي طارق انت اتهبلت سيب ايدها
طارق ب عصبية : صاحبتك بتلعب ع الجنبين تفضل معلقانى لحد م تشوفلها حد تانى .. مش كدة بردوا 😡
( يشوف امير زحمة مش عارف في ايه )
نغم : ي سيدي انا معتبراك زى اخويا سيبنى بقا 😕
سارة : سيبها ي طارق احسنلك ☝️
حسن : طارق مافيش داعي للى انت بتعمله دة !!
( يقرب امير ، يلاقي طارق ماسك ايد نغم ، امير يمسك ايد طارق )
امير : سيب ايدها !!!
( تتخض نغم وصحابها لما يشوفوا امير )
طارق : وانت مين ب سلامتك البادي جارد بتاعها ؟
( امير يلوي ايد طارق وراه ضهره ويزقوا ف الارض )
امير : اركبي العربية
( تروح نغم تركب عربية امير ، يقوم طارق م الارض عاوز يهجم ع امير صحابه يمسكوه )
امير : لا سيبوه هيعمل ايه يعنى ؟؟
حسن : معلش هو بس مجنون شوية حقك عليا 😬
امير : مجنون ع نفسه 😠
حسن : معلش حقك علينا
( يطلع الدكتور )
الدكتور : في ايه ؟!!
طارق : لا مافيش حاجة 😐
الدكتور : كل واحد ع بيته يلا 👏
( يمشي طارق وصحابه ويرجع امير العربية يسوق ويمشي ، ف الطريق )
امير : مين الحيوان دة ؟؟
نغم : صاحبي ف الكورس
امير : صاحبك !!!!
نغم ب ارتباك : اقصد زميلي يعنى 🤦🏻♀
امير : وازاى تخليه يمسك ايدك كدة ؟!!!!
نغم : هو الي مسكها 🤷
امير ب انفعال : ويمسكها ليه اصلاً في ايه بينك وبينه عشان يمسك ايدك ؟؟
نغم : مافيش حاجة بينا ي امير دة موضوع قديم واتقفل
امير : موضوع ايه ؟؟؟
نغم : ميعتبرش موضوع اصلاً .. هو قالي انه معجب بيا وانا قلتله هفكر 🙄
امير : وفكرتي ؟
نغم : الكلام دة قبل م اعرفك وانا قلتلوا اننا زى الاخوات قام متعصب عليا دلوقتى .. زنبي ايه انا ؟
امير : زنبك انك سمحتيلوا ب كدة وانا قلتلك متقفيش مع حد ووقفتى بردوا 😐
نغم : انا كنت مستنياك مكنتش واقفة مع حد هو الي جه كلمنى انت ليه متعصب كدة ؟!!
امير ب انفعال : ليه متعصب .. عشان مموتش امه لما مسك ايدك عشان كدة متعصب 🤷🏻♂
نغم : طب اهدى اوك ✋
امير : مافيش مرواح الكورس دة تانى
نغم : ازاى يا امير انت عاوزنى اسقط !!!
امير : بعد كدة هتحضري معايا
نغم : بس ...........
امير : خلصنا
نغم : ماشي 🙄
*( باااااااك 👉 )*
امير ب ضحك : هههههخههخخهه 😆 ي بنت الكلب .. ي بنت الكلب 💔
( بعد شوية ، ف اوضة خلود ، واقفة خلود وماسكة ريموت التكييف وبتحاول تشغله متعرفش ، تخرج م الاوضة ، تقرب ع اوضة امير ، تتردد ف انها تخبط عليه ، تخبط ، امير ف التواليت بياخد دش مش سامعها ، تخبط تاني ، ميردش ، تفتح وتدخل ، متلاقيش حد )
خلود : امير !
( يخرج م التواليت لافف الفوطة ع وسطه ، يتخض اما يشوفها قصاده وهي تتوتر )
خلود وهي باصة ف حتة تانية ب احراج : انا اسفة بس ياريت تجيلي اما تخلص !!
( تمشي خلود تروح اوضتها )
خلود ب ندم : ي غبية ايه الي دخلك كدة يقول عليكي ايه دلوقتي 🤦🏻♀
( يلبس امير ترنج رياضي ويسرح شعره المبلول ع ورا ويطلع م الاوضة ، يخبط ع اوضة خلود ، تتخض خلود وتتوتر )
خلود : ادخل 😬
( يدخل امير )
خلود : احم 😐
امير : ايه ي بنتي التلج دة !!!!!
خلود : م انا كنت سقعانة قلت اشغل التكييف ع السخن ف خربت الدنيا ومعرفتش اطفيه 😅
امير : فين الريموت ؟
خلود وهي بتديهوله : اه اهو
( يمسك الريموت ويظبطهولها )
امير : كنت قلتيلي م الاول
خلود : مرضتش ازعجك .. واسفة اني دخلت اوضتك بس والله خبطت ومردتش والجو كان تلج هنا مكنتش هعرف اقعد ف الاوضة 🤷
امير ب ابتسامة : ولا يهمك .. لو عوزتي حاجة قوليلي مفيش ازعاج ولا حاجة 🙂
خلود : شكراً واخرج بقا عشان متبردش انت مستحمي
امير : اوك .. تصبحي ع خير
خلود : وانت بخير
( يروح امير اوضته ، تعدي الايام وعلاقة امير ب خلود كويسة مفيهاش اي توتر ، يصحى امير وينزل عشان شغله ، خلود ف المطبخ مع ريم ، تسمع صوت الباب بيتفتح ، تجري ع برة )
خلود وهي بتجري : استنى استنى
( يقف ، تقرب تفرمل قصاده تخضه يفكرها هتقع )
خلود : احم 🤭 سوري .. مش هتفطر ؟
امير : لا مبفطرش
خلود : ايه دة ليه مش انت رايح الشغل ؟
امير : اه
خلود : وبتركز ازاي من غير فطار 🤔
امير : هو انا لازم املى بطني عشان عقلي يشتغل 💁🏻♂
خلود : هههههه ايوة معروفة دي 🤷
( يبتسم امير )
امير : اوعدك هفكر ف الموضوع دة
خلود : طب م تيجي تفطر معايا انا فطرت مع ريم بس ممكن اكل معاك تاني 😊
امير ب ابتسامة : واضح انك بتعشقي الاكل 🙂
خلود : اوعا تكون مبتحبش الطخان ☝️
امير : انتي مش طخينة !!!!
خلود : لا بس حاسة هفشكل عندكم اكلكم حلو اوي صراحة هههههه 😆
( يبصلها ويبتسم )
امير : خدي راحتك مش هتفرق معايا
خلود : ازاي يعني واحد ب عضلات زيك يشوفوه مع واحدة طخينة زيي يقولوا عليهم ايه 🤷
امير : قصدك واحد مشوه زيي يشوفوه مع واحدة جميلة زيك يقولوا عليهم ايه 💁🏻♂
( تتوتر خلود )
خلود : اناا اسفة والله مقصدتش اضايقك انا حلوفة ف كلامي شوية وغبية ومش دة قصدي خالص صدقني انا بهزر معاك 😅
امير : مفيش حاجة اهدى ✋
خلود : يعني مش زعلان مني ؟
امير : لا هزعل ليه !!
خلود وهي بتمدله ايدها ب مرح : صحاب 👋
( يبص ل ايدها )
خلود ب احراج : ع الاقل يعني لو حابب 😅👋
امير : صحاب 🙂👋