( ف مكان راقي جداً ، جوة ڤيلا ، ناس قاعدة وناس واقفة وزغاريط واغاني ، قاعدين ع الكنبة شاب وبنت )
......... : المأذون جه 😃
( يزغرطوا البنات ويسقفوا ، العريس قاعد كل الي بيدور ف دماغه حالياً حاجة تانية خالص .................. )
*( فلاش بااااك 👉 من ٧ شهور )*
( جوة night club ، شلة شباب قاعدين ع البار )
شافعي : ي جدعان يلا بقا القاعدة ناشفة اوى 🙄
عاصم : اه يلا بينا
محمد : يلا امير
( باصص امير ف حتة تانية خالص )
محمد : اميييير !!!
امير : ايه ي عم في ايه 😑
محمد : ايه انت سرحان كدة ليه !!!!
امير : مش سرحان 😐
محمد : طب يلا ماشيين
امير : ليه ؟
محمد : كدة القاعدة بايخة يلا
( يبص امير ع المكان الي كان سرحان فيه ، بنت واقفة بترقص لوحدها وسط الزحمة وبصاله وهو مش شايل عينه من عليها )
محمد : ي بني انت !!!!
امير : ثانية بس اوعا 👋
( يقوم يقرب عليها )
امير : هاي 🙂
نغم : هاي 😌
( يرقص معاها ، يقعد محمد )
محمد : شكلنا مطولين 🙄
عاصم : امممم 😏
( يعدي اليوم ، برة المكان ، صحاب امير واقفين ع جنب وهو واقف مع نغم )
امير : هكلمك اكيد 💜
نغم : هستناك 🙂
عاصم : يلا ي عممم 🙄
امير : جااااي
نغم : روح يلا عشان صحابك
امير : اوك .. باي 👋
امير : باي 👋
*( بااااااك 👉 )*
( يقوم امير يقف )
العروسة : رايح فين ؟!
امير : ثواني وجاي
العروسة : اوك 😕
( يقوم امير يطلع برة الڤيلا ، يمسك الفون بتاعه ويبقا متردد يتصل ، وفجأة ، يركب عربيته ويمشي ، بنتين واقفين يشوفوه )
......... : احيه العريس مشي 😬
......... : مشي 😳
( يدخلوا البنات جوة ، تقرب واحدة ع العروسة وتهمسلها ف ودنها ، تتخض ، يعدي الوقت ، يركن امير تحت عمارة ويمسك الفون )
امير : انزلي .. تحت البيت .. ايوة بيتك .. مبهزرش انزلي
( يقفل ، جوة الڤيلا الي فيها الفرح ، العروسة قاعدة بتعيط واهلها واقفين بيتخانقوا مع اهل امير ، ف الشارع ، امير وبنت واقفين سوا جنب العربية )
نغم : انت بتهزر مش كدة !!!!!!
امير : لا مبهزرش
نغم : ي امير عشان خاطري مينفعش الي انت عملته دة .. حاول مرة كمان طيب 😕
امير : انا سايب كتب كتابي وجايلك .. شايفة ان ممكن ارجع احاول مرة كمان ؟!
*( نوقف لحظة .. امير شاب وسيم ، عيونه مابين الاخضر والرمادي ، بشرته خمرية ، شعره اسود ، ملامحه حادة جداً رجولية بس جميلة ، عنده ٢٢ سنة ، من عيلة غنية جداً ومعروفة ، ليه اخين ولاد واحد اكبر منه متجوز ومخلف ولد وبنت وواحد اصغر منه بيدرس ف ثانوي ... نغم بنت جميلة ، بشرتها قمحية ، شعرها اسود قصير ، جسمها رفيع ، عندها ٢٢ سنة ، اهلها مسافرين وهي عايشة لوحدها .. نرجع تاني )*
نغم ب حزن : مكانش نفسي نبتديها كدة .. مكنتش عاوزة تخسر حد عشاني 😟
امير : انا اخسر الدنيا دي كلها عشانك .. ميهمنيش غيرك بس 💙
نغم : ربنا يخليك ليا يارب ❤️
( يحط ايده ع خدها )
امير : معايا ولا ؟
( تبتسم )
نغم : معاك للاخر 🙂♥️
*( فلاش باااااك 👉 )*
( جوة ڤيلا كبيرة تشبه للقصر ، واقف امير وابوه واخوه الكبير )
امير : ي بابا والله نغم بنت كويسة 😕
الاب : بس ملهاش اهل منعرفش عنها حاجة .. اوافق انا ع واحدة زي دي ازاي اروح اقعد مع مين لما نتقدملها دي عايشة لوحدها 🤷🏻♂
امير : اهلها مسافرين وبييجوا كل فترة اكيد لما بنتهم تتجوز هيرجعوا .. وكمان انا بحبها 😟♥️
مؤمن : وانت مين محبتهاش انت كل يومين تجيلنا ب واحدة شكل وتقولنا بحبها وف الاخر تسيبها وهاكذا 🙄
امير ب انفعال : مؤمن لو سمحت متدخلش ف الموضوع دة طلاما هتشعلل الدنيا ☝️
الاب ب زعيق : امييير .. اتكلم مع اخوك الكبير كويس انا بقولك اهو 😠☝️
امير : ي بابا انا ...........
الاب : م الاخر انت فعلاً لازم تتجوز عشان تتلم بس انا الي هجوزك ب نفسي ✋
( يتخض امير )
امير : بلاش تتصرف معايا تصرف اطر اني اعصاه
الاب ب استغراب : تعصاه .. انت تقدر تعصاني ؟!!!!!
امير : انا بحب نغم ومش هتجوز غيرها 😐
الاب : طب وريني ي امير هتعصاني ازاي 🤷🏻♂
( يسيبوه ويمشوا ، يقعد امير ب احباط )
*( باااااااك 👉 )*
( جوة الڤيلا ، يدخل مؤمن مع ابوه وامه واخوه الصغير )
الاب ب عصبية : شفت الي اخوك عمله .. شفت فضحنا ازاي مع الناااااس 😠
مؤمن : اهدى بس والنبي عشان خاطري 😬
الاب : هاودني وخطب البنت الي اخترتهاله وبعدين يسيب كتب الكتاب .. شفت حرقة دمنا .. شفت الفضايح .. والله ولا هو ابني ولا اعرفه 😡
الام : لا عشان خاطري مينفعش تقول كدة 😟
الاب ب انفعال : اومال عوزاني اقول ايه بعد كل دة .. اتصرف معاه ازااااااي 😡
مؤمن : نوافق ع الي هو عاوزه
الاب ب انفعال : نعم !!! انت اتجننت انت راخر 😧
مؤمن : ي بابا افهمني .. انت عارف ان امير كل شوية فجأة يطلعلنا ب قصة حب جديدة وعاوز اخطبها وبعد يومين يفركش وحتى مبيهتمش انه ساب ولا ارتبط .. بس المرة دي غير اي مرة هو متعلق بيها جداً ومهمهوش شكلنا قدام الناس لما ساب كتب الكتاب ومشانا محروق دمنا من هناك الي عمر م حد قدر يرفع راسه بس وهو بيكلمنا اتهزقنا ومقدرناش نرد بسببه .. معنى كدة انه مستحيل يسيبها 🙅🏻♂
الام : بس انا مش مطمنالها ابداً والله البنت دي مش كويسة 😕
مؤمن : لازم هو بنفسه الي يعرف دة مش احنا الي نقوله لانه مش هيقتنع بالكلام
الاب : وهو هيعرف ازاي ان شاء الله ؟؟
مؤمن : نخطبهاله وكل حاجة هتبان لما تدخل عيلتنا
الاب : بس ..........
مؤمن : مش هتوصل ل جواز متقلقش ولو وصلت يبقا هي فعلاً بنت كويسة ف ساعتها تطمن بقا .. بس صدقني عمر الغلط م بيدوم للاخر ولو هي بنت شمال ولا نيتها وحشة هيبان اكيد ☝️
الام : امير طول عمره قريب من ربنا وعمره ابداً م هيجيبله الشر 😟
الاب : ماشي .. انا موافق يخطبها 😐
( يعدي الوقت ، امير قاعد ف مطعم مع نغم ، يرن فونه )
امير : لحقوا يشتكولك 🙄 الو
محمد : ايه الي عملته دة ي امير !!!!!
*( نوقف لحظة .. محمد شاب وسيم ، بشرته قمحية ، عيونه عسلي ، شعره اسود ، طويل وجسمه رياضي ، من عيلة مادياً كويسة ، عنده ٢٢ سنة ، يبقا صاحب امير وهو الوحيد الي بيقدر يتفاهم معاه .. نرجع تاني )*
امير : عملت الصح ي محمد
محمد : صح ايه دة الي يخليك تسيب كتب كتابك وتمشي ي بني 😕
امير : م انت عارف الي فيها وانا مش عيل صغير عشان يتصرفوا معايا التصرف دة 😒
محمد : ولا تصرفك دة صح
امير : ع الاقل انا مقتنع بيه
محمد : بس انت صغرت اهلك اوى !!!
امير : هما الي وصلوني ل كدة
محمد ب انفعال : ي بني انت كدة هتكرهم فيها اكتر 🤦
امير : بيتهيقلك .. يومين بالظبط وهيقولولي انهم موافقين دة اذا مكانش اقل كمان
محمد ب تنهيدة : الي انت شايفه ي امير انا بس خايف عليك 😑
امير : متقلقش اخوك مش هيغلب 🙂
محمد : طيب انت فين عاوز اقعد معاك
امير : مع نغم هروحها
محمد : طب وصلها وعدي عليا
امير : تمام ماشي
محمد : سلام
الحلقة الثانية { ٢ } 🌘
( يقفل امير )
نغم : في حاجة ؟!
امير : لا بيكلمني ف الي حصل 😑
نغم : امممم
( يعدي الوقت ، امير قاعد مع محمد )
محمد : ي بني انا عارف ان نغم بنت كويسة بس اهلك اهم من اي حد مهما كان مين ☝️
امير : اكيد بس انا مكنتش الأهم عندهم ومفكروش فيا يبقا انا هفكر ف نفسي وبس
محمد : هما عاوزينلك الصح 💁🏻♂
امير : نغم اكتر حاجة صح ف حياتي ♥️
محمد : ماشي بس برضاهم مش بالعافية
امير : هيتأقلمه .. اهلي وانا عارفهم 😒
محمد : طب وليه اصلاً وجع الدماغ دة 🤷🏻♂
امير : عشان انا بحبها .. لما تحب هتفهم
محمد : مفيش علاقة حب بتكمل بالطريقة دي عشان تكون فاهم بس ☝️
امير : سيبها ع الله ي محمد
( يتنهد محمد ، ف بيت مؤمن ، مؤمن بيتكلم ف الفون )
مؤمن : م انا لازم افهم ... انا عارفك هتقدر تجيبلي خلاصة الحوار دة .. تمام
( يقفل ، تقرب رؤية )
رؤية : في حاجة ؟
مؤمن : لا مفيش
رؤية : مش مطمنالك 🤨
مؤمن : بس ي هبلة 😄
رؤية : ههههه 😄
( تاني يوم ، امير مع نغم ف العربية ، يركنوا قدام بيتوا )
نغم : وصلنا 😐
امير : اه
نغم : انا خايفة ادخل 😕
امير وهو بيمسك ايدها : متخافيش انا معاكي ♥️
( ينزلوا م العربية ويدخلوا ، مرات اخوه قاعدة ف الانتريه ، تشوفهم تتخض ، تقرب تسلم عليهم )
امير : دى رؤية مرات اخويا 💁🏻♂
نغم : اه عاملة ايه 😊👋
رؤية : فل الحمدلله 😐👋
امير : اومال فين بابا ؟؟
رؤية : فوق بس خلي بالك لسة قالب عليك 😬
امير : لا بجد ؟!!!
رؤية : هو الى انت عملته شوية 🤷
( تبصلها نغم )
امير : طب هطلعلوا
رؤية : ابقا نادينى احوش عنك 🤭
امير : بس ابت 🙄
رؤية ونغم : هههههه 😄
( يطلع امير ل بباه ، اول م يشوفه يضير وشه )
امير : انت لسة زعلان منى ؟
الاب : وهفضل لحد م اموت زعلان منك 😒
امير : لا بالله عليك دة انا عايش ب رضاك عليا .. عارف الى عملته يزعل بس افهمنى انا .........
الاب : انت خليت الى يسوى والى ميسواش يتكلم علينا .. قعدتنا مع ناس قاعدة رجالة وجواز وقليت بيا قدامهم .. قليت ب كلمتى وب كرامتي ☝️
امير : معاش ولا كان الى يقلل منك
الاب : اهوا عاش وكان 🤷🏻♂
امير : ي بابا افهمنى بالله عليك انا بحب نغم وهى كمان بتحبنى وجوازى من اي حد تاني كان هيبقا غلطة لان كنت عمري م هعرف احب حد غيرها .. انا جيبتها معايا هي تحت جايبها تتعرف عليها ووالله هتحبها .. انا عارف انى غلطت بس انتوا مكنتوش هتبقوا مبسوطين لما اعيش مع واحدة مبحبهاش 😟💔
الاب : وهتفضل ل امتى ع الحال دة .. قولى ؟؟
امير : والله انا اتغيرت محتاج بس انك ترضى عنى وانا والله من بعد انهاردة هعمل كل حاجة ب أمرك .. لو عايزنى اسيبها هسيبها 😐
( يبتسم الاب )
الاب : قد كلمتك ؟؟
امير ب خضة : نعم ؟!!!!
الاب : قد كلمتك دى ؟
امير : الى يرضيك هعمله 😕
الاب : طب قوم
( يقوم امير ويقوم بباه )
الاب : هتنزل دلوقتى معايا وتعمل الى قلت عليه ☝️
امير : بس .........
الاب : بس ايه لحقت ترجع ف كلامك ؟
امير : لا 🤦
الاب : طب انزل يلا
امير : حاضر
( ينزل امير مع بباه وهو متوتر ، يشوفوه نغم ورؤية )
الاب ب ترحيب : اهلاً اهلاً ب عروستنا 😊
( يسلم الاب ع نغم ويقعد يتكلم معاها ، امير واقف مصدوم ، رؤية تشد ايد امير )
رؤية : م تقعد ي بني 👋
( يقعد امير فرحان ان الموضوع عدى ع خير ، تعدي الايام فعلاً ع خير بس بردوا مازالت علاقة نغم ب اهل امير متوترة ، الاهم ان هما سوا .. ♥️🙈 )
*( بعد ٣ شهور )*
( امير واقف ب عربيته تحت عمارة نغم )
امير : لا انزلي انتي
نغم : تعبانة والله ي امير مش قادرة 🤧
امير : عشان خاطري بقا بلاش بواخة يلا
نغم : طيب حاضر
امير : متتأخريش بس
نغم : حاضر باي
( بعد ١٠ دقايق تنزل نغم )
نغم : مش عارفة مصمم نخرج ليه !!!
امير وهو بيفتحلها باب العربية : هتعرفي 👋
( تركب ويمشوا ، يوصلوا قدام كافيه ، يدخلوا )
صحابهم : مفاجأة 🥳🎈🎊🎉
نغم ب فرحة : الله 😍
امير : كل سنة وانتى طيب ي قلبي ♥️
نغم : ي روحي وانت معايا دايماً حلوة اوي المفاجأة 🙈💛
( يبوس ايدها ويلبسها خاتم هدية ، يحتفلوا مع صحابهم ، ف بيت محمد ، محمد ف اوضته نايم ، يتفتح باب الاوضة وتدخل واحدة ست ف الخمسينات )
الام : محمد .. حمو ي حبيبي
( يصحى محمد )
محمد ب استغراب : ماما 😕
الام وهي بتحضنه : وحشتني ي قلبي 😍
محمد : وانتي كمان ♥️
الام : قلت اسلم عليك قبل م امشي
محمد : انتي جيتي امتى اصلاً انا محستش بيكي ؟!!!
الام : امبارح بالليل بس مرضتش اصحيك
محمد : ولحقتوا تمشوا 🤷🏻♂
الام : بابا بس كان بيظبط شوية اوراق محتاجها وراجعين
محمد : هو فين صحيح ؟!
الام : هو مشي من شوية مستنيني ف المطار
محمد : يعني مش قادر يستنى اسلم عليه وقته من دهب صراحة 🙄💔
الام : معلش ي حبيبي بكرة نرجع ونبقا براحتنا 🤷
محمد ب يأس : ان شاء الله 😑
( امير ف اوضته وواقفة معاه نغم )
نغم : هههههه ماشي .. انا هنزل استناك تحت بس تنجز والنبي قبل م اخوك مؤمن ييجي ودة مش بيطقيني 🤷
امير : لا خلاص والله هغير بسرعة واحصلك
نغم : اوك
( تنزل نغم ، احمد اخو امير الصغير قاعد ماسك كتاب بيذاكر ، تقرب نغم تقعد جنبه )
نغم : بتذاكر ؟
احمد : اه
نغم : بتذاكر ايه ؟
احمد : بذاكر 🤷🏻♂
نغم : اممممم .. انت ف سنة كام صحيح ؟
احمد : ٢ ثانوي
نغم : عندك ١٦ سنة ؟
احمد : ١٧ ونص
نغم : امممم كبير مشاء الله 😊
( تقرب عليه )
نغم : طب مش محتاج مساعدة ؟
( يتوتر احمد )
احمد : لأ 😐
نغم : انا مدرسة كويسة ع فكرة 😉
احمد : اه
نغم : انا زي اختك ممكن اساعدك 🤷
احمد : لا شكراً مش مستاهلة 😬
نغم : زي م تحب 🙄
( تقرب الشغالة )
الشغالة : الشاي ي بنتي
نغم : شكراً ي طنط مبحبش الشاي 😒
الشغالة : طيب
( تدخل رؤية وبنتها عندها ٣ سنين وشايلة بيبي ، تقوم نغم )
رؤية ب ترحيب : هااي ازيك 😃👋
نغم : الحمدلله انتى عاملة ايه ☺👋
رؤية : فل الحمدلله
نغم : دايماً يارب 🤷
رؤية : تسلميلي
نغم وهي بتوطي ع البنت : ازيك ي جميلة 😊
( يستخبى ورا مامتها )
رؤية : وش كسوف اوي يعني 🙄
نغم : هههههه 😄
( ينزل امير )
امير : خلاص خلصت