نوقف لحظة .. خلود بنت جميلة ، شعرها بني طويل بس محجبة ، بشرتها بيضة ووشها مدور ، عيونها زرقاء ، طولها متوسط ورفيعة ، عندها ٢٤ سنة ، من عيلة مادياً بسيطة جداً ، ليها اخ اصغير منها عنده ٧ سنين ، كانت متجوزة من ٣ سنين وجوزها اتسجن ف اطلقت منه وبعدها اتجوزت تاني وجوزها اتوفى ف حادثة عربية .. نرجع تاني )*
فوقية : ي حبه عيني دة كان لسه شباب 🤷
خلود : طنط فوقية ممكن تقولي للناس ان العزا خلص عشان مش قادرة اقف 😟
فوقية : حاضر ي حببتي ادخلي استريحي انتي وانا همشيهم
خلود : شكراً ي طنط
فوقية : العفو ي ضنايا
( تدخل خلود اوضتها ، تتنهد تنهيدة طويلة وتقعد ع السرير ، يخبط الباب )
خلود وهي بتتقوم : ادخل
( يدخل راجلين )
علي : البقاء لله
حسن : البقاء لله ي خلود شدي حيلك وانا جمبك اهو لو احتجتي اي حاجه 🙁
*( علي وحسن اخوات جوز خلود الي اتوفى )*
خلود : شكراً ي حسن
حسن : العفو ع ايه 🤷🏻♂
علي : يلا بينا
حسن : هتعوزي حاجه ؟
خلود : الله يكرمك تسلم 😔
( يمشوا م الشقه )
حسن : صعبانة عليا اوي والله .. الله يكون ف عونها لسة صغيرة 😕
علي : ميصعبش عليك غالي احنا معاها بس عشان عضم تربة اخوك الله يرحمه لكن هي اصلاً مكانتش بتحبه ومتجوزاه غصب عنها .. تلاقيها فرحانة دلوقتي انه مات 😒
حسن : طيب .. مع ان يعنى بقت لوحدها مش المفروض نجيبها تقعد معانا ؟؟
علي : هو دا اللي ناقص يخويا انت ناسي ان امك مش بتطيقها ونجيبها ب صفتها ايه اصلاً م خلاص اخوك ومات !!
حسن : طيب خلاص 🙄
( خلود ف اوضتها نايمة ع سريرها ، تدخل واحدة ست )
الام : انتي نمتى ؟
خلود : لا ي ماما صاحية
الام : طب يلا قومي لمي هدومك وتعالي معايا
خلود ب استغراب : معاكي فين ؟!!
الام : بيت ابوكي هتقعدي هنا تعملي ايه 🤷
خلود : بس انا مش عاوزة ارجع بيت ابويا 😕
الام : انتي اتهبلتي ي بت هتقعدي هنا لوحدك !!!!
خلود : ايوة انا مش صغيرة
الام : بس مطلقة يختي عاوزة الناس تقول علينا ايه .. يلا قومي لمي هدومك دة لو ابوكي عرف ب افكارك دي هيخلي ايامك سودة قومي اخلصي
( تقوم خلود تلم هدومها وتروح مع امها ، ف شركة امير ، امير قاعد ف مكتبه ، يخبط الباب )
امير : ادخل
( يدخل السكرتير )
السكرتير : مندوبة شركة ***** برة ي باشمهندس
امير : طب دخلها
السكرتير : تحت امرك
( يقرب السكرتير ع الباب )
السكرتير : اتفضلي ي انسة 👋
وجدان : مدام 😌
السكرير : مدام اسف 😐
*( نوقف لحظة .. وجدان بنت جميلة بس الجمال الصناعي ، الميكب الكامل الجريئ ، اللينسيز ، الكعب العالي ، الشعر الكيرلي الاحمر الطويل ، البشرة البرونزية ، نفخ ف جميع المناطق 😂💔 عندها ٢٥ سنة ، شغلتها مندوبة مابيعات ، مطلقة .. نرجع تاني )*
( تدخل وجدان ، يقف امير ، تقرب عليه وهي مبتسمة )
وجدان وهي بتمدله ايدها : سمعت عنك كتير 🙂👋
امير : ع عكسي للاسف 🙂👋
( تبتسم )
امير : اتفضلي
( يقعدوا )
وجدان : انا عارفة ان حضرتك جاد ف شغلك ومش بتحب التجميل ف الكلام
امير : ولا ف اي حاجة
وجدان : حلو جداً .. يبقا نخش ف الشغل 💁🏻
امير : ياريت
( يعدي الوقت وييجي الليل ، ف بيت خلود ، تطلع خلود من اوضتها ع صوت زعيق ، تقرب ع اوضة بباها تتصنت )
الاب : دي بت فقرية عاملة زي القرش البراني تلف تلف وترجعلي مبتعمرش ف ام جوازة 🤦
الام : وهي زنبها ايه يعني دة نصيب 😕
الاب : لا يختي مزنبهاش زنبي انا الشقيان الي طالع عينه ومصدقت خفيت الحمل واهو رجعلي تاني 🤷🏻♂
الام : بكرة ربنا يحلها من عنده
الاب : ربنا ياخدني عشان ترتاحوا هو دة الحل
الام : يوه يخويا بعد الشر مالك 😟
( تدخل خلود اوضتها وهي متضايقة ، تعدي الايام ، ف بيت امير ، امير ف اوضته بيلبس ، يخبط الباب )
امير وهو بيلبس قميصه : ادخل
( تدخل رؤية )
رؤية : انا ماشية ي ايمو عاوز حاجة ؟
امير : لا ي قلبي سلامتك
رؤية : صحيح انت موجود بكرة ع العصر كدة ؟؟
امير : لا هكون ف الشركة اشمعنا ؟!
رؤية : طيب هبقا اكلمك فون بكرة
امير ب استغراب : اوك 😕
رؤية : باي ✋
امير : باي
( تمشي رؤية ، يدخل محمد )
محمد : ي عم تعالى شوف ابوك دة 🙄
امير : في ايه ؟!!
محمد ب ضحك : عمال بيسلطني عليك ميعرفش ان انا ف الموضوع دة بالذات الي مقويك ومش هيعرف يقنعني 😂🤙
اميرةب استغراب : موضوع ايه ؟!
محمد : عاوز يجوزك 🤧
امير : اااااه 🙄
محمد : عمال اهاود فيه 🤷🏻♂
امير : استمر 👍🏻
محمد : يعني انت بجد عمرك م هتعملها 😐
امير : ............
محمد : امير !!
امير : نعم ؟
محمد : بقولك انت مش هتتجوز فعلاً ؟!!!
امير : واضح انه عرف يقنعك 💁🏻♂
محمد : مهو .........
امير : انا نازل هتيجي ؟
محمد : رايح فين ؟
امير : مش عارف .. بس طهقان 🤷🏻♂
محمد : طب م تيجي اسهرك سهرة حلوة 😉
امير : لا مش للدرجة 🤦
محمد : تعالى اقسم بالله م هتندم يلا 😃
( ينزل امير مع محمد يروحوا night club ، يقعدوا مع صحابهم ومحدش مدقق ع امير لان المكان ضلمة وانوار ملونة ف محدش ملاحظ وشه ، تلمحه وجدان ، تبتسم وتقرب عليه )
وجدان وهي بتمدله ايدها : باشمهندس 😌👋
امير : مدام وجدان عاملة ايه ؟
وجدان : انا تمام .. وجدان بس ياريت
امير : اقعدي اعزمك ع حاجة 💁🏻♂
وجدان وهي بتقعد : ميرسي 🙂
( ينادي امير الويتر ويطلب مشروب ل وجدان )
محمد وهو بيهمس ف ودن امير : مين البطل ؟؟
امير : مندوبة من شركة ****
محمد : مندوبة اه .. اتاريك مش عاوز تتجوز مولعها ي عم 😏🔥
امير : بس ي خرة قلتلك مندوبة 🙄
محمد : مصدقك مصدقك 🤷🏻♂
وجدان : حضرتك عجبك المنتج ؟
امير : ا ..........
محمد : عجبه طبعاً وعجبني انا كمان اوي 😐♥️
وجدان : طب الحمدلله 😄
محمد : عاوزين نجربه
وجدان : هو ايه ؟!
محمد : المنتج طبعاً 😐
وجدان : اه اكيد 😄
امير ب صوت واطي ل محمد : كلمة كمان وهرجع المنتج 😊
محمد : لا ابوس ايدك خلاص ✋
( يعدي الوقت ووجدان تتكلم مع امير ويتصاحبوا ، امير ووجدان واقفين قدام ال night club ، وجدان ماسكة فون امير )
وجدان وهي بتديله الفون : كلمني 🙂
امير : اكيد 🤳🏻
( الباركينج يجيبلها العربية )
وجدان : اتبسط جداً اني قعدت معاك 🙂
امير وهو بيفتحلها العربية : وانا كمان 🙂
( تقف وجدان عند الباب مترددة )
وجدان : هو انت مش جعان .. انا ممكن اعزمك ع العشا 💁🏻
( يبتسم امير ، يعدي الوقت ، ف بيت اهل خلود ، خلود رايحة جاية ف الاوضة ، يدخل اخوها )
كرم : خلود كلمي بابا
خلود : حاضر جاية
كرم : ماشي
( تطلع )
خلود : ايوة ي بابا ؟
الاب : اقعدي عاوزك
( تقعد )
الاب : في عريس متقدملك
الحلقة الثانية عشر { ١٢ } 🌘
( تتخض خلود )
خلود : عريس !!!!
الاب : ايوة عريس 🤷🏻♂
خلود : ازاي وانا لسة مبقاليش كام يوم جوزي ميت 😦
الاب : وهو انا بقولك قومي هجوزك دلوقتي مهو هيستنى شهور العدة
خلود : لأ انا مش موافقة ✋
الاب : مش لما تعرفي هو مين الاول
خلود : مش عاوزة اعرف عشان انا كرهت الجواز اصلاً 😟
الاب : طب هو حسن اخو جوزك
خلو ب انفعال : يلهوي انا مصدقت خلصت من اخوه يطلعلي هو 😧
الاب : ايه خلصت من اخوه دى ي بنت الهبلة الي يسمعك كدة يقول ان انتى الي مموتة الراجل !!!!!
خلود : مش عاوزة اتجوز تاني ابوس ايدك كفاية الي حصلي م الي فات كفاية والنبي 💔
الاب ب عصبية : مش بمزاج اهلك انتي بقيتى مطلقة وتاني مرة يعني تحطي ف بؤك جزمة قديمة وترضي ب اي حد حتى لو كان كلب م الشارع 😠
خلود ودموعها بتنزل : ي بابا عشان خاطري وحياتي عندك بلاش .. انا اتغصبت اول مرة وكان مطلع عيني ومبهدلني وتاني مرة وكان مريض واستحملت والنبي بلاش بقا كفاية اكيد حسن انيل والله 😥
الاب : بطلي ندب لما يتنيل الموضوع يتم الاول .. انا مش عارف بجوزكوا عشان اخلص منكوا ولا عشان تقرفوا الي جابوني .. قومي غوري من وشي 🤷🏻♂
( تقوم خلود تدخل الاوضة وهي بتعيط )
الاب من برة : واعملي حسابك من بكرة تنزلي تشوفيلك شغلانة انا مش هصرف ع حد انا ☝️
( ف بيت حسن )
ثروت : كلمت ابوها ؟
حسن : اه كلمته
ثروت : انا مش عارف امك وافقت ازاي صراحة !!!!
حسن : انا اقنعتها
ثروت : وانت مالك هتموت عليها كدة 😕
حسن : ولا هموت ولا حاجة دة عشان كانت مرات اخوك ومش عاوزها تتمرمط من بعده 🙄
ثروت : عليا بردوا .. ال يعني انا مكنتش بشوف تصرفاتك معاها ونظراتك ليها 😏
حسن : متقلش الكلام دة قدام امك انا مش ناقص تعقيد 🤦
ثروت : هي البت تستاهل جميلة جميلة يعني واخوك كان دافنها .. عندها حق تكرهه
حسن : انا بقا هعيشها احلى ايام حياتها وهعوضها عن كل دة 🙂
ثروت : طيب يخويا
( تاني يوم ، ف بيت وجدان ، يصحى امير ويقوم من جنبها يلبس هدومه ويمشي ، يوصل بيته ، يعدي الوقت ، رؤية قاعدة مع امير )
امير وهو بيقوم : رؤية لو هتفتحي الموضوع دة هقوم امشي ☝️
رؤية : اهدى بس واقعد متزعلنيش منك
امير : انا مش عاوز ازعلك ف متزعلنيش انتي كمان 😐
رؤية وهي بتشد ايده تقعده : اقعد طيب نتكلم بالعقل مش قفش وخلاص كدة 🤷
امير وهو بيقعد : جواز ومش هتجوز ي رؤية
رؤية : ايه تحكيم الرأي دة ي امير هو ايه الي مش هتجوز هتفضل سنجل طول حياتك يعني !!!!
امير : اه هفضل سنجل طول حياتي
رؤية : مينفعش ي حبيبي مينفعش
امير : لا ينفع .. للي زيي ينفع 😒💔
رؤية : ايه للي زيي دي انت الف واحدة تتمناك
امير : كدابة مين هتقدر تبص ف وشي دة كل يوم ؟؟
رؤية : ماله وشك انت الي مش عاوز تهتم 🙄
امير : اهتم ليه ولمين خلاص خلصنا 😑
رؤية : لا مخلصناش الي خلصنا منه هو موضوعك مع نغم دة الي خلص فعلاً لكن متوقفش حياتك عليها
امير : الي ايده ف الماية مش زي الي ايده ف النار .. قفلي ع السيرة دي والنبي 💔
رؤية : لو انت مقفل عليها من جوة هقفل انا عليها من برة 💁🏻
امير وهو بيقوم ب عصبية : انتي ليه مش عاوزة تفهمي 😠
( تقف رؤية قصاده )
رؤية : افهم ايه الي فهماه انك واحد متعقد 🤷
امير ب انفعال : انتي غبية انا مش متنيل متعقد الي فات خلاص راح ف ستين داهية وحقي جبته انا مش عايش دور المجروح الي مش عاوز يقرب من اي ست انا فعلاً مينفعش اقرب .. مين هتوافق عليا ب شكلي دة .. مين م تردي .. هخدك حالاً ونتقدم للي تشاوري عليها بس هتوافق عليا .. هتوافق بيا ب منظري كدة .. ولا عوزاني اروح اشوف نظرة الخوف ف عنيها هي واهلها وبعد كام يوم الخوف دة يتحول ل شفقة وبعد كام يوم تقعد مع صحابها تفكر ف تقول لا مش هدمر حياتي ب واحد مشوه زي دة انا هسيبه وتسيبني بعد م اتعلق بيها وأمن من تاني .. ولو فضلت صعبان عليها وكملت معايا هخرج معاها ازاي .. هتمشي معايا ازاي .. هعمل فرح ازاي .. مظنش في عروسة هتقبل تتجوز من غير فرح وخطوبة .. هقعد جنبها قصاد الناس ازاي .. الناس هيبصولي ازاي .. دة انا امي مكانتش بتتحمل تبصلي وخلتني بقيت اتهرب من اي مكان يجمعنا .. حتى يوم م اتوفت خفت احضر العزا ف اجيبلكم الكلام م الناس .. رحت الدفنة بعد م دفنتوها ومشيتوا .. وتقوليلي اتجوز 🤷🏻♂💔
( تدمع عين رؤية )
امير : انا مش عاوز اهتم لا انا اهتميت .. رحت للدكتور من سنتين وقالي فات ع موضوعك فترة ومش هينفع تعمل عملية .. خلاص كدة 💔
( تتخض رؤية وتنزل دموعها )
امير : دة انا ومحدش هيقبل بيا كدة .. ف اسكتي بالله عليكي ي شيخة اسكتي 💔
( يمشي امير ، بباه كان ع السلم وسامع كل حاجة ، تبصله رؤية )
رؤية ب حزن : عنده حق ف كل كلمة قالها 😔💔
( تاخد رؤية شنطتها وتمشي ، يتنهد بباه ، امير ف عربيته عمالة تنزل دموعه ، ييجي الليل ، ف مطعم كبير ، الكل قاعدين )
مؤمن : مكانش وقت الحوار دة ي بابا انت عارف انه بيضايقه
الاب : الي حصل بقا وانا هفضل ساكت ل امتى 🤷🏻♂
رؤية : مش هييجي صح 😕
مؤمن : مش عارف 🤦
امير الصغير : خاله مش جاي ؟
روتيلا : لا مش جاي احسن 😛
امير الصغير ب حزن : شايفة 😟
رؤية : لا جاي ي حبيبي ان شاء الله .. بس ي روتيلا متضايقهوش ☝️
روتيلا : حاضر
( ف بيت خلود ، خلود قاعدة مع مامتها )
خلود : ي ماما بالله عليكي كلميه 😟
الام : مقدرش
خلود : ليه بس هيعملك ايه يعني 🤷
الام : دة يبهدلني م انتي عارفة 🤦🏻♀
( تنزل دموع خلود )
خلود : حرام عليكم .. حرام عليكم كفاية مرتين .. والله هتتحاسبوا عليا .. هتتحاسبوا ع رميتي دي 😣💔
الام : رامية ايه بس احنا عاوزنلك الستر
خلود : بالرضا مش بالغصب دي تالت مرة 💔
الام ب تنهيدة : لا اله الا الله 😑
( ف محل لعب اطفال ، واقف امير بيختار لعبة ل ابن اخوه ، يشوفه بيبي حوالي سنتين ، يقرب عليه يلعب معاه ، تلمحه مامته ، تجري تاخد ابنها ب خوف ، يبصله امير ب ابتسامة وجع 💔 ياخد اللعبة ويحاسب ف الكاشير ويركب عربيته ويمشي ، خلود ف اوضتها ماسكة الفون بتكلم صاحبتها ع الواتس )
دينا : ي بنتي كلميهم تاني
خلود : اتكلمت كتير مفيش فايدة
دينا : طب انتي من وجه نظرك هو كويس ولا لا م انتي اكيد عرفاه 🤷
خلود : مش كويس طبعاً دة حيوان وليا مواقف زفت معاه .. مستحيل اتجوز البني ادم دة حتى لو وصلت لاني انتحر 💔
دينا : بطلي الكلام الاهبل دة اكيد هنلاقي حل
خلود : يارب بقا 🤦🏻♀️
( تاني يوم ، قاعد ابو امير ف الجنينة وع رجله لاب توب وف ايده فنجان قهوة ، يقرب عليه الجنايني )
رضا : نصر السواق بيقولك العربية جاهزة ي باشا
الاب : ماشي ي رضا 😒
( يقوم الاب )
الاب : ياريت تهتم ب الجنينة اكتر من كدة ي رضا الورد دبلان
رضا ب تنهيدة : امرك ي سليمان باشا حاضر
الاب : مالك اليومين دول مش عاجبني !!
رضا ب حزن : الهم ي باشا .. الهم .. ديون متلتلة ومسؤلية عيال وشغل وبنتي جوزها مات ورجعتلي .. الواحد يعمل ايه بس 😞
الاب : ي راجل قول الحمدلله ع كل حال 🙂
رضا : الحمدلله ي باشا .. الحمدلله 🤷🏻♂
الاب : همشي انا عشان متأخرش
رضا : اتفضل مع السلامة
( يدخل امير ع جوة )
الاب : امير
( يقف )
امير : اممممم 😑
الاب : تعالى هنا
امير : ايوه ؟
الاب : قلت تعالى
امير وهو بيقرب عليه : نعم 🙄
الاب : كنت فين من امبارح ؟؟
امير : ف الشغل
الاب : مش قلتلك عيد ميلاد ابن اخوك !!!
امير : جبتله هدية وبعتهاله ع البيت .. عن اذنك هطلع انام تصبح ع خير 😒
الاب : تنام ايه احنا الضهر !!!
امير : وانا من اهله 🙄
( يطلع امير اوضته )
الاب : صبرني يارب .. حتى اليوم الي بنتجمع فيه مش هاين عليه 🤦
رضا : معلش ي باشا يمكن هو بيرتاح كده الله اعلم 🤷🏻♂
الاب : مينفعش كده احنا لينا حق عليه
رضا : طب م تجوزوا ي باشا
الاب : ياريت والله بس هو مش موافق .. غلبنا معاه كلنا 🙄
رضا : الف بنت تتمناه بس هو يشاور
الاب : هو مش عايز .. مش حابب يقرب لحد خالص مفكر شكله السبب
رضا : الشكل مش كل حاجة ربنا يكتبله الخير ويرزقه
الاب : يارب ي رضا 😑