رواية جنازه بدون ميت بقلم مي علي
الفصل الأول
الكاتبه / مي علي
الموت هو النهايه المحتومه لكل إنسان حقيقه ولابد منها
لما الإنسان بتخلص حياته بيموت وده كلنا شوفناه وعرفينو
بس عمركو شوفتو ميت عايش
طبعا محدش شاف
بس انا شوفت
عشان انهارده جنازتي
ايوه زي ما سمعتو انهارده جنازتي وهيدفنوني بعد شويه
ويصلو عليا ويدعولي ويعيطو شويه عليا ويمشو ويا دار ما دخلك شر وكل واحد هيكمل حياته عادي
انهارده جنازتي وحاضرها من أولها لأخرها
واقف براقب من بعيد
انا لا شبح ولا جن ولا حتي عفريت
بالأختصار كده
انا عاطف ٣٤سنه شاب من الارياف من الطبقه المعدومه اللي بتقضي عشاها نوم
كان نفسي ابقي حاجه وانام علي سرير بدل نومتي ع الحصير ف عز البرد
وألبس احلي لبس ويبقي عندي بدل الطقم عشره
ومن الجزم والساعات أشكال وألوان
بدل البدله المقيحه بتاعت ابويا اللي كانت لازم تدفن جمبو كفايه عليها كده
ولو غيرت اللبس بداري القطع طول مانا ماشي زي اللي بيحسس ع البطحه
وجزمتي اللي كل اما تتقطع ألصمها وياما استحملت معايا
كان نفسي يبقي ف جيبي الفلوس رزم
مش امد ايدي ف جيبي احسس علي خرم فاضي
وأكل احسن اكل
بدل ما مصاريني خلاص قربت تلزق ف بعضها من الجوع
مبقولش أن الفقر عيب
بس مش كده يعني
بشوف ناس مش عارفه تودي فلوسها فين
وانا وامي قعدين ف خص
بنموت من البرد والناس بتتصدق علينا
وكملت تعليمي بالصدقه
دي الحاجه الوحيده اللي كانت عدله ف كل حياتي
ابويا مات من الجوع والمرض وانا مكملتش الخمس سنين
مكنش حيليتنا اللضي
وانا الوحيد لأمي
كان ابويا غفير ف أرض البطراوي وعايشين ف اوضتين مستورين
جنب الأرض عشان مكنش لينا مطرح يتاوينا
ولما ابويا مات
البطراوي اخد مننا الاوضتين عشان يفتحهم ع السرايا بتاعتهم ورماني انا وامي ف حتة عشه
جمب الأرض وامي كانت بتشتغلهم خدامه
وانا ارعي الغيط بتاعهم احرسلهم خيرات لا تعد ولا تحصى
للكاتبه مي علي
ميهونش عليهم يدونا من جناين الفاكهه دي كلها
برتقانه ولا سفنديايه
ولا حتي غطا
كنت ابص عليهم من بعيد بعين عيل يتيم
وهما بيرمو اللبس ف الزباله
يلبسوه اللبسه ويرموه
بس كانت امهم تجيبه وتديهولي من سلة الزباله
عزة نفسي كانت بتمنعني
كفايه الصدقه اللي بيدوها لأمي عشان اكمل بيها علامي
ورغم من كل ده
بس كان عندهم نقص
البطراوي كان عندو ولدين
والاتنين قطمين وسطو
ويسقطو بدل السنه عشره
ويكع فلوس دروس ومصاريف
كنت دايما اسمعه وهو بيضربهم ويعايرهم بيا
انا عمري ماخدت درس وكنت الحمدلله اشطر منهم كلهم وف المدرسه كانو بيحبوني
كل مدرسيني
دخلت المدرسه بواسطه من البطراوي
وهو كان متكفل بمصاريفي
وسنه ورا سنه وانا كنت ناجح ومتفوق
وده كان غاللهم
وانا كنت نافش ريشي زي الطاووس
رغم اني اوقات كنت ببات ميت من الجوع انا وامي
بس كنا مستورين وكنت رافع رأسها وسط الخلق
كنت بقوم من النوم عشان اروح المدرسه وأكمل تعليمي كنت بعوض قلة حيلتي بحب الناس اللي حواليا
كنت بشبع نفسي بقراية الكتب
واصبر امي اني بكره هبقي حاجه وهعوضها عن كل اللي فات
لكن كل ده ف لحظه اتبخر
وكرهت المدرسه علي اللي فيها
فيوم وكان ساعتها طلعت نتيجة تانيه اعدادي
وعيال البطراوي ف السنه دي كل واحد شال ملحقين وتلاته
وكالعاده نجحم بالفلوس
وف اول يوم ف السنه الجديده
انا كنت معاهم ف نفس المدرسه وكنت ف نفس الفصل بس طلبت من المشرفه تنقلني وهيا كانت بتعزني زي ولادها
ف نقلتني
نزلنا الحوش
وكالعادة انا وحيد مليش أصحاب
وقاعد ابص عليهم وهما بيلعبو ويجرو
وكل واحد ابوه مديلو المصروف اللي يكفي فصل بحالة
ده غير الاكل
طلعت السندوتش المتلحس بجبنه قديمه زي كل يوم من ساعة مدخلت المدرسه
ومسكته وقعدت أكل
وانا باصص ف الكتاب
كنت باخد الكتب من ابن المشرفه كان اكبر مني بسنه وكان بيديني كتب المدرسه بتاعته
لاني مكنتش بقدر ادفع المصاريف بتاعت الكتب
يدوبك كنت بدفع مصاريف المدرسه بالعافيه بمساعدة البطراوي
الكتب كانت بتبقي مقطعه وطالع عينها بس الحمدلله احسن من مفيش
وانا قاعد ف امان الله
جه بدر ابن البطراوي وهلال اخوه
وقفو قدامي تمام وسدو عني النور
بدر...
قوم ياض فز من هنا ده مكاني
رديت عليه ...
ما الحوش واسع اهو وفي مكان
- انا مزاجي بقي اقعد هنا
اتاخرتله مكان وقومت قعدت ف حته تانيه
لقيتهم بردو جايين ورايا
هلال ...
قوم من هنا ده مكاني
- هو في اي متقعد جمب اخوك هو مبيحللكوش القعاد غير ف الحتت اللي بقعد فيها
للكاتبه مي علي
شدني من لياقة القميص
اتقطع ف ايدو
فضل يبص عليا وبيضحك
واتجمع حواليهم اصحابهم وفضلو يضحكو عليا
بصتلو بكسره وقولت ...
ليه كده انا عملتلك اي
هلال ...
القميص ده انا بشبه عليه
الا مش ده قميصي يا بدر اللي انا رميته ف الزباله
بدر ...
وريني كده
وفضل يمسكه ويقلب فيا يمين وشمال
تصدق ياض يا هلال هو
هههههه
بصتلهم وقولت ...
حرام عليكو انا عملتلكم ايه متسيبوني ف حالي بقي
فضل يضحكو عليا ويقولو....
هيعيط هيموت هيقلد الكتكوت هيعيط هيموت هيقلد الكتكوت
والعيال تردد وراهم
هلال ..
ياختي بطه هيا امك علمتك تعيط
بدر ...
لا علمته يلم الزباله والله الشغلانه لايقه عليك يا زبال
يا زبال عاطف عاطف يا زبال عاطف عاطف يا زبال
يا عيال غنو معايا
عاطف عاطف يا زبال
للكاتبه مي علي
جبت أخري وهجمت علي بدر مسكتو من ليقاة القميص قطعتهاله
وزقيت هلال وقعته ع الأرض
وانا بشخط فيهم ...
ابعدو عني بقي عاوزين اي
قام هلال من ع الأرض
وبص بدر علي قميصه المقطوع
وعيال كتير اتلمو علينا وقفو يتفرجو
قرب بدر مني
وقال ...
قطعتلي القميص طب والله مانا سايبك الا لما تدفع حقه يا جعان يا شحات
- انت اللي خليتني اعمل كده انا معملتلكش حاجه
هلال ...
بتمد ايدك عليا يا شحات يا لمام الزباله انت وامك
مسكت فيه جامد
- هلااااال متجبش سيرة امي علي لسانك
بدر شد ايدي لتحت وقال ...
زعلتك اوي يا لمام الزباله انت وامك
ههههه استني ياض يا هلال انت نسيت تقوله الكبيره
يا عيال عارفين الواد عاطف ده امه بتشتغل عندنا اي
هههههههه خدامه
امه خدامه بعد كده محدش يقولو غير يا ابن الخدامه
يا ابن الخدامه يا بن الخدامه
اعصابي فلتت ساعتها ومسكنا ف بعض
ونزلنا ف بعض ضرب
والحوش بقي هيصه وانا عورت بدر ف وشه
وقطعت لهلال هدومه وهما كمان ضربوني وقطعولي هدومي
وجم المدرسين وحولونا علي مكتب المديره
اللي فضلت تزعق فينا
وسمعت مننا احنا الاتنين
بس هلال وبدر كدبو وقالو أن انا اللي ضربتهم الاول
فضلت احلف اني معملتش كده
وطلبت تستشهد بالعيال
وفعلا جابت عيال كانو واقفين ف الخناقه
سألتهم ..
مين اللي بدأ الاول يا ولاد
بدر وهلال ولا عاطف
- لا يا ميس عاطف
- عاطف يا ميس
- حرام عليكو اشهدو بالحق انا مجتش جمبهم مش انتو شوفتوهم وهما جايين عليا وفضلو يديقوني وبدر قطعلي القميص
واحد من العيال اسمه شهاب
قال ...
يا حضرة المديره انا هقول الحق
الصراحه هما اللي دايقوه الاول وفضلو يقولو يابن الخدامه ويا زبال
وقطعولو القميص لحد ما فاض بيه ومسكو ف بعض
بصت المديره للمشرفه وقالت ...
لا كده لازم نستدعي ولي الأمر طلاما الموضوع وصل لكده
وانصرفنا وكل واحد فينا معاه جواب استدعاء لولي الأمر
روحت بيه لأمي اللي فضلت تلطم علي وشها
وفضلو يعاملوها فوق اوحش معامله
لحد ما خلصت شغل ورجعت ودموعها علي خدها
ونامت من غير متحط لقمه ف بوقها
وتاني يوم الصبح
صحينا ولبست العبايه اللي حيليتها عشان تيجي معايا
وخارجين لقينا البطراوي راكب الحنتور وطالع هو وعياله
وبصلنا بصة احتقار
للكاتبه مي علي
روحنا انا وامي المدرسه ودخل أولياء الأمور وطلعتنا المديره بره
شويه وخرجت امي تقولي ...
ادخل يا عاطف حب علي رأس عمك
- انتي بتقولي ايه ياما
- ادخل يابني بلاش مناهده اقصر الشر يابني
- ياما انا مغلطتش هما اللي شتموني
- المسامح كريم يابني حب علي رأسه واعتذر لعياله وخلاص يابني
- لأ ياما لأ
ندهت المديره
- يا امو عاطف
سحبتني امي من ايدي
ودخلنا
بصتلي المديره وقالت ..
يلا اعتذر يا عاطف للحاج بطراوي واعتذر لزمايلك
بصتلها وسكتت
- يلا يا عاطف
امي عماله تدوس علي ايدي عشان انطق
نطقت وقولت ...
انا اسف يا حضرة المديره معملتش حاجه اعتذر عشانها الأولي هما يعتذرولي
ضحك البطراوي ضحكة سخريه وقال ...
ههههه شوفو الواد
بصتلي المديره وقالت ...
طب اتفضل يا عاطف انت وماما دلوقتي استنو بره شويه
خرجنا انا وامي وقفلنا الباب ورانا
جت المشرفه
- عاطف ازيك يا امو عاطف عامله اي
- الحمدلله يا استاذه فضل ونعمه
- اي مالكو واقفين كده ليه
- المديره مع الحاج جوه
عاطف دماغه ناشفه مش راضي يعتذر للراجل
رديت بسرعه ...
والله ما عملت حاجه اعتذر عشانها يا ابله
هما اللي شتموني وزي ما حكيت للمديره حتي شهاب شهد باللي حصل
للكاتبه مي علي
قالت ..
العيال دول قلالة الادب انا عارفه ومفيش اللي يخليك تعتذرلهم طلامه مش غلطان بس انا عاتبه عليك يا عاطف
هما لما عملو كده مكنتش تضربهم كنت جيت قولتلي وانا كنت جبتلك حقك
- يا ابله والله حاصروني وفرجو عليا العيال
- لا متقلقش حضرة المديره هتجبلك حقك متقلقش انت مؤدب يا عاطف وكلنا هنا بنحبك
امي ...
الله يعزك يا استاذه
- والله ما مجامله يا امو عاطف خير ما ربيتي
واحده ندهت ...
ميس كوثر عوزينك ثواني
- طب معلش يا امو عاطف هسيبكو وشويه وراجعه تقولولي حصل اي
ومشيت وفضلنا واقفين وشويه
وخرج البطراوي وعياله الاتنين
وعلي وشه ابتسامه عمري ما هنساها
ندهت المديره...
يا امو عاطف اتفضلي ادخلي
للكاتبه مي علي
دخلت انا وامي وقفنا قدام المديره
اللي مدتناش اي اهتمام ولا حتي بصت ف خلقتنا
وفضلت بتكتب حاجه قدامها
وفجأة بصت لأمي واديتها ورقه
- اتفضلي يا امو عاطف
مسكت منها امي الورقه وقالت ...
اي ده يا حضرة المديره
- اقريها ولا مبتعرفيش تقري حضرتك
حسيت بنبرة استهزاء زعلتني
بصتلها امي وقالت ...
معلش حقك عليا والله بس علامي ع ادي
بصتلها وشبكت ايديها وقالت ...
يؤسفني اقولك
ده جواب الرفد بتاع ابنك....للتكمله متابعه لصفحتي ف اول بوست عندي