رواية : { #قارئة_الفنجان } 🧕🏻☕
الحلقة الأولى والثانية
{ ١ } 🔮
*{ الرشفة الأولى ، دائماً مرة ☝🏻💔 }* 🌀
( ع شط البحر ، بنت ماشية لابسة عباية سودة وطرحة لفاها ع وشها مش باين غير عيونها )
امنة : اقرا الكف واوشوش الودع وابين زيييين .. اقرا الكف واوشوش الودع وابين زيييين 🧕🏻
( 3 شباب قاعدين ع الشط )
......... 1 : م تيجوا نجرب 🤔
......... 2 ب حماس : اشطاا ماشي
......... 3 : ياااا انتي ✋
( تنتبهله امنة )
......... 3 : تعالي
( تقرب عليهم ، تقعد جنبهم ف الارض وتفرش منديلها ع الرمل )
امنة : توشوش الودع ولا اقرالك الكف ؟
........ 3 : لا اقريلي الكف 🙂👋
( تمسك ايده وتبص فيها وتسكت )
......... 3 : ايه ؟؟
امنة : خط قلبك طويل
........ 3 : هعيش كتير يعني 😄
امنة : لا بس مشاكلك كتير وبالك طويل
........ 3 : بصي انا بالي طويل اوي يعني .. يخربيت عنيكي 🙂
........ 2 : بقولك ايه م تقومي معانا وهنسهرك سهرة حلوة 😉
........ 1 : والي انتي عوزاه هتاخديه
امنة ب فهم وهي بتقوم : لا ي حلو مش سكتي اديني فلوسي خليني امشي 👋
........ 3 : فلوس ايه هو احنا لسة عملنا حاجة 🤷🏻♂️
امنة ب انفعال : مش عوزاها من خلقكم 😠
( يمشي امنة ، يعدي الوقت وييجي الليل ، جوة بيت صغير وبسيط جداً ، امنة قاعدة ع كنبة وست واقفة قصادها ف الأربعينات من عمرها باين ع وشها الصدمة )
الام ب خضة : طردتك 😳
آمنة : أيوة طردتني 😒
الام ب انفعال : يعني اييييه !!!!! يعني انتي هتقعديلي ف البيت 😱
آمنة : عندك حل تاني ؟
الام : انتي بتتكلمي ب برود كدة ليه هناكل منين انا واخواتك ؟؟
آمنة : طلعي المحروس جوزك يشتغل بقا
( يقرب واحد وف أيده ساندويتش 🥪 )
حسين ب زعيق : جوز مين ي بت .. وانتي مال اهلك ب جوزها 😠
آمنة : اهو دة الي انت فالح فيه تجعر ف البيت وتحشر وبس 🙅🏻♀
حسين : انا راجل البيت ازعق براحتي
آمنة : هههههه راجل البيت 😂 اسكت والنبي ي عم حسين احسن مش قادرة اضحك والله اسكت ✋
حسين : انتي .........
الام ب نفاذ صبر : بااااس بقا 😑 خليكي معايا انا انتي تروحي ل ست ورد تاني وتتحايلي عليها ترجعك الشغل
آمنة ب عصبية : بقولك طردتني طردتني خلاص شطبنا مفيش 👏🏻
الام : طب انتي عملتلها ايه عشان تطردك ؟؟
*( فلاش بااااااااك 👉 )*
( جوة بيت قديم جداً ، ف الدور الارضي ، واقفة كذة بنت وواحدة ست ف الاربعينات قاعدة ع مكتب صغير بتشرب شيشة وباين عليها الغرور والثقة من جمالها وسطوتها ع البنات دي ، واقف جنبها شاب باين عليه نفس صفاتها ذائد ملامحه الحادة الي باين عليها القسوة ، وشه مشوه رغم وسامته ، تنفخ الست دخان شيشتها ب هدوء وتبص ل آمنة باصة تربكها )
ورد : انت سمعتها ي رجب قالت ايه .. ليكون انا سمعي تقيل ولا حاجة 😄
آمنة : انا ...........
رجب ب زعيق : انتي ايه ي بت هتستهبلي فين ام الفلووووس 😠
آمنة : قلت مشتغلتش هشق الارض تطلعلي فلوس ولا ايه 🤷🏻♀️
رجب : كدابة
آمنة ب تنهيدة : لا إله إلا الله يارب 🙄
ورد : وصلنا انك مشاء الله ولعتيها فلوس انهاردة 💁🏻♀️
آمنة : الي وصلكوا الكلام دة هو الي كدب عليكم انا م الصبح بلف ع كعوب رجليا ومحدش بيندهلي اقراله هروح للناس غصب عنها ؟؟
منى : كدابة انا شفت كذة واحد وقفك ع البحر 😏
آمنة ب غيظ : موقفنيش عشان اقراله ي ست منى 😠
رجب : اومال عشان ايه ي ست الحسن ؟
آمنة : افهمها انت بقا 🤷🏻♀️
ورد : يعني مطلعتيش ب مصلحة من ولا واحد ؟!!!
( تقرب آمنة تحط فلوس قليلة ع المكتب قدام ورد )
ورد ب عدم تصديق : دول الي طلعتي بيهم 😐
آمنة : أيوة
( ورد تبص ل رجب شوية وترجع تبص ل آمنة )
ورد : طيب ي روح امك اتفضلي مع السلامة .. ملكيش شغل معايا 🙄
( تتفاجئ آمنة )
آمنة ب خضة : ليه بس والله انا لو اشتغلت اكتر م هخبي عليكم 😦
ورد : رغم جمالك بس غبية م اهم قدامك بيشغلوا مخهم شوية دلع ع الزباين وبيطلعوا ب اد كدة وانتي اجملهم واغباهم وانا مبشغلش عندي اغبية .. يلا بالسلامة غوري
آمنة : طب خلاص والله هتصرف 😧
ورد : هتغوري ولا اخلي رجب يغورك ع المسااا 🙄
( تبص آمنة ل رجب ب خوف )
آمنة : ماشي 😐
( تمشي آمنة وهي عينها مدمعة لأنها معهاش شهادة أو متعلمة اي حرفة تشتغل بيها ، كل الي تعرفه قراءة الفنجان وبس ☕ يطلع وراها رجب )
رجب : امنة
( تقف )
امنة وهي بتلفله : عاوز ايه ؟
رجب : م قلتلك نتجوز واستتك بدل المرمطة الي انتي فيها دي
امنة : اه وماله وتصبحني ب علقة وتمسيني ب علقة لحد م تركبني المرض والهم واموت م الحسرة ع نفسي صح 🤷🏻♀️
رجب : ي بت وربنا هريحك وهدلعك حد يأذي الجمال دة بردوا 😉
امنة : ي سيدي يفتح الله مش عاوزة وابعد عن طريقي بقا 🙄
رجب ب غيظ : ماشي ي امنة .. انتي الخسرانة 😐
*( بااااااااااك 👉 )*
الام : طب عشان خاطري روحيلها تاني واتحايلي عليها هترجعك 😟
آمنة : مش هتحايل ع حد خلصنا ماشي ✋
( تقوم آمنة تدخل اوضتها وترمي نفسها ع السرير وتغمض عنيها م التعب وتروح ل عالم تاني مفهوش غير راحتها ، النوووم 😴 )
*( نوقف لحظة .. آمنة عندها ٢٣ سنة ، تقريباً اجمل بنت ف منطقتها ، عيونها زرقا ، بشرتها بيضة ، شعرها طويل متعرج لونه بين البني والبرتقالي ، جسمها مظبوط بالملي ، عندها ٣ اخوات بنات وولد ، بباها اتوفى وهي عندها ١٠ سنين وبعدها ب سنتين مامتها اتجوزت حسين عشان يكون سند ليها ول بناتها ، لكن دة حاله عبئ عليهم مش اكتر ، ومامتها بتشتغل ف مكتب خدامات .. نرجع تاني )*
( تصحى آمنة ع صوت والدتها )
الام ب تحايل : ي بنتي قومي الله يهديكي 😟
( تقوم تقعد )
الام : لو رحتلها والله م هتكسفك وهترجعك الشغل تاني هي اكيد هديت دلوقتي
آمنة وهي بتتنهدة ب تعب : طيب 😑
( تقوم آمنة تنزل م البيت وتمشي ف الشارع ، تقرب تاني ع البيت ولسة هتدخل .............. )
سناء : رايحة فين ؟؟
آمنة ب زهق : داخلة للست خرة 🙄
سناء : بلاش عشان من وقت موضوعك وهي روحها ف مناخيرها مش طايقة حد وهيحصل مشكلة بينكم كدة
آمنة : اعمل ايه طيب امي عمالة تزن عليا اني اروح استسمحها تاني عشان ترجعني الشغل 🤷🏻♀️
سناء : طب بقولك ايه 🤔
آمنة : ايه ؟
سناء : انا عندي ليكي شغلانة حلوة
آمنة : شغلانة ايه يختي ؟؟
سناء : انتي عارفة ان شغلانة البحور الي هنا مبقتش تجيب همها وكلها اصلاً بلطجية وصيع ومبيسبوناش ف حالنا دة حتى اللف ف الشوارع يختي بقت الناس بتخاف تدخلنا بيوتها بسبب ان كذة حد اتعرض للسرقة والجو دة
آمنة : وهو في غير الطريقتين دول م هما دول طرقنا الي طول عمرنا ماشيين بيهم 😕
سناء : لا فكك بقا من كل دة انا هجيبلك م الاخر ☝️
آمنة : ايه ؟؟
سناء : انتي تسافري
آمنة ب استغراب : اسافر !!!!
سناء : ايوة تروحيلك الساحل ولا الي بيقولوا عليها ايه ي ربي .. استني هفتكر .. اه مارينا دي
آمنة : انتي هبلة ي سناء ولا جاعورة ست ورد اثرت ع مخك اروح حتت زي دي اعمل فيها ايه حد قالك عليا يسرا ولا عمرو دياب يختي 🤷🏻♀️
الحلقة الثانية { ٢ } 🔮
سناء : ودول ييجوا ايه جنب جمالك بس 😉
آمنة : جمال ايه ي ست كخة انتي كان نفعني ب ايه الجمال م اديني قدامك متمرمطة اهو 🤦🏻♀
سناء : ممكن تبطلي ام رد وتسمعيني للاخر 🤔
آمنة : اتفضلي يختي 🙄
سناء : فاكرة البت سلوى ؟
آمنة : سلوى مجدي ؟
سناء : ايوة هي
آمنة : اه طبعاً فكراها مالها ؟
سناء : اهي دي دلوقتي يختي فاتحة محل هدوم ومشاء الله ماشي معاها زي الفل واترحمت م اللف والدوران ع كعوبها
آمنة : اه
سناء : فكرك من ايه ان شاء الله مهو من موضوع السفر دة 🤷🏻♀️
آمنة ب استغراب : لا والله !!!
سناء : وحياتك ي غالية هي سفرية واحدة بس ورجعت ب اد كدة ع قلبها وفتحت المحل دة 😌
آمنة : ي ستي وانا اروح حتت معرفهاش ليه واتمرمط لوحدي ؟!!!
سناء : الحتت الي مش عجباكي دي مليانة سياح يعني بيدوا بالدولار ي بنت الموكوسة والي بتعمله الي زيك بيشدهم زي الهبل ويبقوا عندهم فضول وعاوزين يجربوا وانتى درستي للاعدادية وكنتي بتحبي الانجليزي وشاطرة فيه يعني هتعرفي تتعاملي معاهم
آمنة : ولما هو الموضوع حلو اوى كدة وبيكسب معملتهوش انتي ليه يختي ؟!!!!
سناء : وانتي فكرك دخول اي قرية م الي هناك دول سهل اوي كدة دة ممنوع اصلاً لانك مش نزيلة عندهم وبعدين م انا جربت وعرفت ادخل بس اتخانقت جوة مع واحد وجابلي البوليس ف اخدوا فلوسي وخرجوني م القرية .. ع اد م الموضوع يكسب ع اد م يقلق بس انتى مش بتاعة مشاكل وهتسلكي المهم تعرفي تدخلي بس واهو جربي انتى خسرانة ايه 🤷🏻♀️
آمنة ب تردد : يعني اجرب 😕
سناء : جربي وهتدعيلي وحياتك 😉
آمنة : يعني مدخلش ل ست ورد ؟؟
سناء : هتدخلي تعملي ايه دلوقتي هتدخلي تتهزقي دة لسة رجب ضارب البت نادية بالقلم لما بجحت فيها
آمنة ب انفعال : منه لله الحيوان الاهي تنكسر ايده البعيد ...........
( وفجأة ................. يقرب رجب ورا امنة ، تشوفه سناء تتخض )
آمنة ب زعيق : هما فاكرينا ايه اشترونا بهايم عندهم احنا ملناش قيمة 😡
( تشاورلها سناء انها تسكت )
آمنة : بتعملي كدة ليه انتى كمان !!!!!
رجب ب صوته الطخين الي يرعب : براحة ع نفسك بس ليجيلك جلطة ولا حاجة 😏
( تتخض آمنة وتلف تلاقيه ف وشها )
رجب : تعرفي انها لو سمعتك هتطلع عين اهلك ☝️
آمنة ب شجاعة مختلطة ب خوف : مبقاش يهمني لا انت ولا هي ولا اي حد 😐
رجب : متأكدة .. يعني لو الكلام دة وصلها مش هتزعلي ؟
آمنة : وصلهولها ي رجب م انت دلدولها 🤷🏻♀️
( تتخض سناء ويتعصب رجب ويكور ايده م الغل ماسك نفسه بالعافية ، بس ميقدرش ، يمسكها من رقبتها من قدام بسرعة )
آمنة ب خضة : اااه 😦
سناء ب خوف : رجب بالله عليك 😮
رجب ب غل : ورحمة ابوكي الي مات قبل م يلحق يربيكي ل اكون قاطعلك لسانك دة 😡
آمنة ب وجع : سيبني ي رجب 😧
رجب : انا مكنتش عاوز اتعامل معاكي بالطريقة دي .. بس انتي الي اخترتي .. مترجعيش تندمي ع الي هيحصلك مني .. وابقي اقفلي بابكم كويس ☝️
( يزقها ب عنف تخبط ف سناء ويمشي )
سناء : ايه الغباء دة ي ربي !!!!
آمنة : حيوااان 😒
سناء : اخلصي بقا وقولي وافقتي ع موضوع السفر دة 🤷🏻♀️
آمنة : م خلاص موافقة
سناء : يكون احسن بردوا لان البغل دة مش هيسيبك ف حالك كدة .. لازم تمشي بسرعة
امنة : طالب يتجوزني
سناء : لا والله !!!!
امنة : وربنا ورفضت
سناء ب فهم : امممم عشان كدة مش طايقك 🤔
آمنة : هو مبيطقش نفسه اساساً
سناء : ع رأيك 🤷🏻♀️
امنة : ربنا يتوب ع الي زينا من اشكاله
سناء : امين يارب
امنة : فهميني بقا ايه النظام 😕
سناء : تعالي نمشي من هنا طيب واحكيلك ف السكة
آمنة : يلا
( تاني يوم الصبح ، آمنة وسناء ماشيين ف موقف ميكروباصات )
سناء : بصي الورقة دى فيها اسم القرية عشان متنسيهاش لما تركبي العربية دي بعدها ب ساعة كدة ولا حاجة تقولي للسواق ع اسمها هينزلك عندها وكل شوية تفكريه عشان ميسرحش بيكي وينسى وتتوهي ☝️
آمنة وهي بتاخد الورقة : ماشي
سناء : القرية دى ف مارينا انا مجربتش ادخلها قبل كدة ف انتي هتجربي الاول تدخلي رسمي وشوفي هيرضوا يدخلوكي ولا لأ رضيوا كان بها مرضيوش حاولي تشوفيلك اي طريقة اتصرفي اي طريقة تستخبي مع حد يكون داخل من غير عربية تلفي من حتة تانية اي طريقة تنفع جربيها تمام ؟
آمنة : تمام
سناء : وتابعيني بالموبايل بقا لو حصل اي حاجة 🤷🏻♀️
آمنة : حاضر
سناء : اهم حاجة لو دخلتي متعمليش مشاكل جوة ☝️
آمنة : حاضر بس انا هبات فين ؟؟
سناء : ان شالله ف الجامع مش مهم النومة
آمنة : طيب ماشي .. خلي بالك انتى بس من امي واخواتى واي جنيه هتصرفيه عليهم دين ف رقبتي لحد م ارجع ب اذن الله ✋
سناء : ارجعي انتي بس بالسلامة ومتشيليش هم حاجة 🙅🏻♀️
آمنة ب خوف : ادعيلي ي سناء 😟
سناء : دعيالك ي حببتي ربنا يستر طريقك ويبعد عنك ولاد الحرام 💙
( تحضنها )
سناء : يلا اركبي العربية هتطلع
( تركب آمنة وتمشي العربية ، بعدها ب ساعة تقول للسواق ع اسم القرية وتفضل تنبهوا كل شوية زي م قالتلها سناء ، واخيراً بعد نوم وتعب ف الطريق 4 ساعات توصل قدام القرية ، تنزل م العربية وتقف تحط شنطتها ف الارض وتاخد نفس طويل وهي بتبص ع اسم القرية وكلمة مارينا ، عند البوابة واقف كذة شاب وبنت معاهم كاميرات ، تاخد آمنة شنطتها وتقرب ع البوابة ، تدخل ، يجري عليها الامن )
الامن : ايه ي ست رايحة فين انتي ؟!!!!!!
آمنة : داخلة 😕
الامن : داخلة فين هي وكالة من غير بواب مش شيفانا واقفين ولا مش عاجبينك احنا 🤷🏻♂
آمنة : ايه ي عم في ايه بلاعة واتفتحت ف وشي 🤷🏻♀
الامن : بلاعة !!!! طب اتفضلي اطلعي برة لو سمحتي
آمنة ب حزن : بقولك ايه طيب انا داخلة استرزق متقطعش عيشي 😟
الامن وهو بيبصلها ب استغراب : تسترزقي ف ايه ؟؟
آمنة ب فخر : بقرا الفنجان تحب اقرهولك 🤗
الامن ب انفعال : فنجان ايه هو انتى داخلة جمصة دي مارينا مارينا امشي اطلعي برة قلت 👈
( تقرب عربية رانچ روڤر سودة ، يجري عليها الشباب والبنات الي كانوا واقفين صحافيين 📷📝 )
آمنة ب زعيق : اييييه انت هتعملي فيها عمرو دياب دة انت واقف امن عليها يابا فوق دة انت لحد دلوقتي مشفتش البحر جوة لونه ايه 🤷🏻♀️
الامن : انتي ........... 😠
( جوة العربية ، قاعد ورا راجل كبير ف الخمسينات من عمره وجنبه شاب ف العشرينات )
فيصل ب استغراب : في ايه ع البوابة ؟!
السواق : معرفش ي باشا شكل في مشكلة
فيصل : طب انزل شوف في ايه
السواق : تحت امرك
( ينزل السواق )
فيصل ب تنهيدة : ربنا يعدي اليوم دة ع خير 😑
نديم : خير متقلقش
*( نوقف لحظة .. نديم شاب وسيم ، بشرته قمحية ، شعره اسود ، عيونه رمادي ، طويل وعريض جسمه رياضي ، عنده 26 سنة ، فيصل يبقا خاله رجل اعمال مهم جداً ومرشح نفسه ل انتخابات مجلس الشعب ، فيصل هو الي ربى نديم من صغره وهو معاه لانه والده ووالدته اتوفوا ف حادثة ، ف من وقت م بقا مع خاله وهو دراعه اليمين ف كل حاجة مهما كانت بيحلهاله ، فيصل يبقا صاحب القرية دي وكان متجوز وانفصل وابنه وبنته عايشين معاه .. نرجع تاني )*
( يرجع السواق )
فيصل : في ايه ؟!
السواق : دي بنت مصممة تدخل القرية والامن مش راضي
فيصل : يعني هنفضل واقفين كدة ولا ايه انا اتخنقت م الي واقفين حواليا دول 🤷🏻♂
نديم : بقولك ايه .. انا عندي فكرة