رواية نواره الفصل السابع7والثامن8 بقلم فرح احمد
نواره:طب بلاش وعد , احنا نسيبها للايام افضل
الجد:انا عايز منيكي وعد ي بتي , عشان اضمن انك تنفذي , و انتي شكلك طيبه , و انا حبيتك زي حفيدتي
نواره بابتسامه تاثر م كلام الجد , الي تحسيه زي الغريق بيتعلق في اي حاجه , يمكن عنده حق , حفيده كسر 30 , و عايز يطمن عليه و يشوف عياله , بس مش علي حساب نفسها , طب و الجد الي حسته زي جدها و ابوها , برغم انها لسه عرفاهم م قليل , هتكسر م نفسه , و تزعله , لا انا يستحيل اعمل كدا فقالت بجديه:اوعدك ي جدو
وحضنها الجد و هيا تبدت ع حضنه اكتر , عارف الناس الي بتقعد معاهم م اول مره و تحس انك عارفهم م سنين , اهو دا احساس نواره م جهة العيله دي , شافت الحنان و الدف في العيله دي و خصوصا الجد , الي بمجرد النظر ليه بتحس براحه نفسيه
ادهم و قرب منهم وقال:واضح انكم بقيتوا قريبين م بعض اوي
بعدت نواره و ابتسمت ابتسامه خجل , و ضحك الجد و قال:نواره تتحب , الا صحيح اهلها فين , مجبتهمش معاك ليه ي ادهم
نواره كانت هترد بس ادهم قال:اهلها متوفين ي جدو , نواره ملهاش حد , ملهاش الا ابن عم ابوها بس مفيش تعامل كبير
الجد:الله يرحمهم ي بتي
نواره باستغراب:ي رب ي جدو
نواره مستغربه ازاي ادهم عرف ان ليها قريب , هيا اه مشافتوش الا مره واحده بس وهيا صغيره , و بعد كدا اخباره اتقطعت و متعرفش حتي قاعد فين؟؟! , ازاي ادهم وصله
الشغاله:الغدا جاهز
الجد:حاضر جاين اهو
ومشيت الشغاله
الجد:انا رايح اغسل يدي , و يالا انت كمان حصلني ع السفره انت و مرتك
ادهم:حاضر ي جدي
و مشي الجد
نواره:انت ازاي عرفت ان ليا قريب برا...؟!
ادهم:يعني معقوله هتجوز واحده و معرفش عيلتها
نواره:انت عارف عني ايه تاني ي ادهم...؟!
ادهم:سيبها مفاجاه , اصل بحب اشوف معالم الاستغراب الي بتترسم ع وشك
نواره و خبطته ف كتفه وقالت:انت اكيد بتتحدي القطب الشمالي ف البرود , مش ممكن , ايه دا...؟!
ومشيت وسابته و ابتسم ادهم و مشي وراها......اتجمعوا ع السفره الي مليانه خير الله , كل الاصناف الي تتخيلها محطوطه , طبعا دا بمناسبه جواز ادهم , و انو جه لانه كان بقاله فتره قاطع....قعدوا ع السفره , و بدوا ياكلوا , نواره عجبها الاكل اوي و فضلت تاكل كتير اكنها مكلتش بقالها كتير , لدرجه ان ادهم قرب منها وقال ف ودنها:براحه , انتي هتحسسيهم انك محرومه
نواره و وقفت اكل وقالت:م انا فعلا كنت محرومه , بس في بيتك
ادهم:ليه كنت حرمك م الاكل ولا حاجه
نواره:لا بس في بيتك الاكل ملوش طعم , زيك كدا
ادهم:زي...؟! , هو انا سندوتش قدامك
نواره:لا لحمه ، هقطعها و احمرها ع نار عاليه
ادهم ببرود:طب خدي بالك لا تتلسعي ي قطه
الجد:بطلوا كلام ع الوكل
نواره:انا شبعت , شكرا
و قامت تغسل ايدها
الجده:اكيد زعلت م كلامك ي ادهم , انت جولتلها ايه , دا البت كانت بتاكل الاكل و مبسوطه بي
ادهم:مقولتلهاش حاجه , انا قايم
وقام , راح غسل ايده , و ندهه ع نواره مردش , فراح نحيتها و مسكها م كتفها ولفها ليه وقال بغضب:لما اندهلك تردي عليا , مش معني اني بفوت كلامك و اسيبك تغلطي يبقي خايف منك , لا دا بمزاجي , بس هتسوقي فيها لا دا انا افوقك عشان تعرفي بتلعبي مع مين
نواره ببرود:خلصت...؟! , و لا حابب تقول كلام تاني
ادهم:متساليش عشان انا بس الي بسال هنا
نواره:انا مبسالش , انا بس بقولك عشان كتفي وجعني
و ساب كتفها وقال:طالما مش قد وجعي , ومضايقتي , تبقي تردي
نواره:تعرف جدك قالي ايه...؟!
ادهم:مش عايز اعرف
نواره:براحتك , انا عايزه اخد لفه في البلد , ممكن , و عايزه قصب
ادهم:طيب , يالا
و عرف اهله انهم رايحين يتمشوا و اخد ولاد خاله معا الي اكبر حد فيهم عنده 12سنه.....لفوا و داخلوا مكان زي الساحه يلعبوا في , فقعد ادهم و نواره و اصروا ولاد خاله يلعبوا معاهم
الغميضه , و لعبوا و جه الدور ع نواره و غمولها عينها بطرحه صغيره و بدوا , و يلعبوا و يقربوا م نواره ويبعدوا عشان متمسكهمش و يزغزغوها م بعيد الاطفال و ادهم واقف مبيتحركش بيتفرج ع ضحكه نواره و خضتها لما يجي حد م الاطفال يركبها الهوا , وعجبه منظرها و شعرها الي التوكه منه و اتفرد و مع الشمس ادي لون حلو اوي
نواره:خلاص كفايه , انا مش عرفا امسك حد فيكم
الطفل"ياسر":ممنوع الاستسلام
نواره:م انتم بتجروا و تزغزوني وانا تعبت
محمد:لا ي ابله مفيش استسلام
نواره:طيب
و بدوا لعب تاني و فضلت تمشي لحد م حست انها مسكت حد و اتاكدت وقالت بفرحه:هييييييه مسكت حد , مسكت حد
و شالت الطرحه وبصت للاطفال لقتهم واقفين جمب بعض , فبسرعه بصت ع الي مسكته طلع ادهم فبسرعه بعدت وقالت بارتباك:ا...اناا , انا اسفه
ادهم:لا عادي
منير:دلوجتي الدور ع ابيه ادهم
ادهم:انا مكنتش بلعب اصلا
منير:مفيش هروب ي ابيه , هتلعب , ابله نواره ادي الطرحه لابيه يلبسها
و ادتهاله و غمي ادهم عيونه و بدا يلعب نواره كانت بتبعد , مكنتش عايزه يمسكها
ادهم كان بيحاول يدور ع نواره عشان يمسكها , لحد م فجاه
مسكها وشال الطرحه و ابتسم وقال:دايما بتخسري كدا
نواره:مكنتش عايزه العب , و لوسمحت ابعد
منير:كفاينا لعب بجا , تعبنا
ياسر:اه
نواره وبعدت عنه وقالت:وانا كمان تعبت
ادهم:طب يالا نروح
ومشيوا لحد م وصلوا الدار , و لاقي ادهم تجمع رجالي جده ندهله فراح قعد معاهم و كان في تجمع نسائي بس نواره مشيت بحجه انها تعبانه م المشي و اللعب مع الاطفال
ياسر:ابله نواره
نواره و وقفت قبل م تدخل اوضتها ولفت وقالت:ايوه ي حبيبي
ياسر:اتفضلي دي هديه مني انا ومنير وسمر
وادلها ورده لونها اصفر ومن جوا موفي و كانت كبيره
نواره وباسته ف خده وقالت:شكرا ي ياسر
ياسر:العفو
ودخلت اوضتها و شافت ازازه جوها مايه فتحتها وحطت الورده فيها
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
" عند اكرم "
اكرم:انا هتجنن , معرفش ادهم دا اخرته ايه مع الي اسمها نواره دي
هنا:مش انت نصحته و حاولت معا , يبقي خلاص , ادهم عارف هو بيعمل ايه
اكرم:المرادي مع ادهم هتفشل , هو دا اختيار , يتجوز رقاصه , الي كانت هتنام معايا , والله اعلم قبلي كام واحد
هنا:اكرم , متنساش ان دي مرات صحبك , مينفعش تتكلم عنها كدا , و ي سيدي انت مالك , هو انت الي اتجوزتها
اكرم:ادهم صحبي واخويا , و اعز من امي وابويا شخصيا , مينفعش اشوفه كدا و اسكت
هنا:طب انت عارف سبب جوازه منها
اكرم:لا , هو بيقول حاجه , انا لقيته فجاه داخل عليا بيقولي"اكرم انا قررت اتجوز نواره" ومقليش اسباب ولا اي بتنجان
هنا:تفتكر اتجوزها عشتن حبها...؟؟!
اكرم:معرفش , انا اخرة الموضوع دا معايا ف العباسيه ان شاءالله
وضحكت هنا وقالت:لا متقولش كدا , بس انت ركز ف الشغل حاليا , و سيب الباقي للايام
اكرم:ازعجتك صح
هنا:متقولش كدا احنا اخوات قبل م نكون صحاب
اكرم:شكرا ي هنا , انتي الوحيده الي برتاح معاها ف الكلام وبحس انها فهماني
هنا:ع فكره انت لو شكرتني تاني , معنتش هسال فيك , و شوف بقا الي هتكلمه ف عز الليل و تقوله "وتقلده وتقول:انا مخنوق ي هنا , و اسيب كل حاجه و اجيلك
اكرم بابتسامه:ماشي ي لمضه
هنا:ايون كدا ابتسم ي بني , دا الابتسامه اجمل حاجه ف الدنيا , تعرف , ف مره كنت مخنوقه اوي روحت تاني يوم الدار , و مجرد م شوفت ابتسامه الاطفال ع وشهم و لعبهم و امبساطهم الخنقه راحت , و بحس ان فعلا الحياه حلوه و انها لا مستهله عكننه و لا نكد
اكرم:صحيح فكرتني بالدار , بقالي كتير مجتش
هنا:والاطفال كل مره بروح يسالوا عليك
اكرم:يومين كدا و هجيلهم
هنا:باذن الله , م تجبلي شوكولاه ي اكرم
اكرم:هنا الدكتور محدد حتت معينه م الشكولاته دي , مينفعش تذودي عن كدا
هنا:يييه ي ادي كلام الدكتور الي انت مسكهولي
اكرم:مهو انا خايف عليكي ي هنا ، انتي لما تاكلي واحده كمان هيجيلك هبوط ، و هتتعبي و هتحجزي ف المستشفي تاني ، و انا خايف عليكي
هنا:مقدره كدا ي اكرم ، و عامة انا كنت بهزر معاك اصلا
اكرم:ماشي ، هتروحي
هنا:اه ، عايز حاجه...!؟
اكرم:و انتي نازله هاتيلي نص كيلو جبنه رومي ، و زبادي و 3 ازاز مايه و ي ريت لو تعدي ع الفرن ، لا صحيح فرن اي بليل ، هاتي بصي عيش م السوير ماركت ، ماشي
هنا:ماشي
و جت تمشي فضحك اكرم وقال:انتي صدقتي ولا ايه...؟! ، و بعدين م امتي باكل زبادي
هنا:انا استغربت بردو م طلبك للزبادي ، بس قولت اخيرا سمع بنصحتي و قرر ياكلها ، مش زي كل مره باكلهالك غصب عنك
اكرم:مش هاكلها ي ستي ، دي طعمها مستفز
هنا:بس مفيده ي اكرم ، عود نفسك عليها ، و ي ريت بقا تبطل سجاير ، بذمتك هيا ولا الزبادي
اكرم:السجاير
هنا بضيق:انا ماشيه ، ي رب صبرني ، سلام
و مشيت هنا و قفلت بااب الفيلا وراها بعصبيه و ضحك عليها اكرم و كمل سجايرته و دخل نام
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
و عدة ايام عند نواره ، م بين امبساطها بجو الصعيد و الجو العائلي الي مليان حنان و دفا ، و خناقها مع ادهم بسبب بروده و غضبه الي بيجي ف اوقات غريبه ، مثلا لما كلمت البواب يجيب حاجه للجد ، او انها بتقعد بطقم ضيق قدام خالها ، او لما يسمع كلام جدته و هيا بتوصف ف جمال و اخلاقها ، هيا فعلا حاجه غريبه
ادهم:جهزي حاجتك و حاجتي عشان هنرجع مصر النهارده بليل
نواره:طيب
و جهزت الحاجات و جه بليل و سلموا ع العيله و ودعتهم و قبل م تمشي ندهلها الجد وقالها:متنسيش ي نواره ي بتي ع الي اتفجنا عليه
نواره:حاضر
و حطوا الحاجات ف العربيه و اتحركوا...ع الطريق جه مكالمه لادهم وقال:ازيك ي اكرم ، اه جاي ف الطريق ، هنا عايزاني بكرا ، م انا كدا كدا هشوفها بكرا ، طيب سلام
وقفل و نواره فضولها هياكلها عايزه تعرف مين هنا دي ، فمسكت تاب الي جابولها ادهم و ابدت تلعب فيه
ادهم :هنا دي تبقي مساعده ف الشركه عندي ، و بعيدا عن الشغل م بينا صداقه كبيره ، و بعتبرها زي اختي
نواره وهيا باصه ف الموبايل:مسالتش
ادهم:هو انا مش عرفك ، عنيكي بتقول انك هتموتي و تعرفي ، دا غير ان انتي مبتعرفيش تمسكي موبيلات ف العربيات عشان بتجبلك صداع و دوخه ، و لما بتكوني
عايزه تعرفي حاجه ومش عرفا تسالي بتعملي اي حاجه ، عشان تقومي فضولك
نواره و سابت الفون وبصت ليه وقالت:.........
ـ╗═════════════╔
ـ رواية نوِّاره الحلقة الثامنة
ـ╝═════════════╚
نواره:مع الاسف تحليلك صح ي فيلسوف عمرك , بس علي فكره سبب اني عايزه هنا , دا لان الاسم دا عزيز عليا , و فضول , يعني انا مثلا لو كلمت حد وقالي كذا عايزك بكرا , مش انت هتسال
ادهم:دا ع اساس اني هسمحلك تكملي المكالمه م اول كلمه مقابله مع راجل , خرونج جمبك انا
نواره:اه اهو دا بالضبط , انا مفروض اعرف عنك كل حاجه , م انت جوزي , حتي لو ع ورق بس
ادهم:انا لما قولتلك ع هنا , عشان اريح دماغي , لان متاكد انك هتحاولي تعرفي , فقولت اوفر عليكي , مش خوفا منك
نواره:محدش قالك خاف
و سابت الفون , و رجعت الكرسي لظهره لورا و غمضت عينها.....ادهم بص عليها و كمل طريقه
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
و وصلوا و نزلوا و جه البواب يشيل الشنط و طلعت نواره اوضتها اخده شاور و لبست وخرجت لقت ادهم نايم فصعب عليها انو ينام م غير غطا و الدنيا برد و مخلعش الجذمه , مهو فضل سايق طول الليل و الطريق طويل , فحرام.....و قربت نواره وخلعتله الجذمه و الساعه و غطته و قفلت النور و نامت ع كنبه صغيره ف الاوضه.....عدي كام ساعه و صحي ادهم بيبص ف الاوضه ع نواره , لقاها ع الكنبه , فشالها و نايمها ع السرير و بصلها بصه طويله و تامل وشها الملاكي الحاد الجذاب , و طلع تليفونه و صورها و دخل الحمام , و لبس و نزل راح الشركه
هنا ودخلت عليه:العريس الي منورنا , كان نفسي ابركلك م زمان بس انت عارف السفر , صحيح الشركه عاملك حفله بعد بكرا بمناسبه جوازك ابقا عرف مراتك و.....
قاطعها ادهم وقال:اايه ي انسه , راديو شغال , مفيش ازيك ي ادهم , مفيش صباح الخير , كلام كتير اول م دخل الشركه مبحبش وانتي عرفا
ابتسمت هنا وقالت:م انت بقالك ايام غايب , و الشغل مرمي عليا انا و اكرم , و كمان مبتردش علينا الا كل فين و فين , ايه الاروسه مش مخلياك فاضي
ادهم:اروسه....؟! , انتي مش ناويه تعدلي الكلمه دي عندك
هنا:بحبها ي سيدي , اه صيح نستني , امضي ع الورق دا , و عندك كمان ساعه معاد مع الشهاوي , دا غير العشا انت معزوم ع توفيق الاتربي و حرمه ع العشا , و بكرا بقا هتقابل المستر ف المطار , دا غ
ادهم بمقاطعه:هنا , سوري بجد بس , out
هنا و وقفت وقالت:كنت مستنيها تصدق
ادهم:انا م ساعه م دخلت وانتي كلام و مقابلات و مواعيد , و بعدين انتي ماجله كل دا ليه...؟! , اكرم فين م كل دا
هنا:انت دايما الي بتعمل الامور دي بنفسك
ادهم:طيب , اكتبي كل دا و جهزي الحاجات عشان نطلع ع اول معاد , و هاتي امضي الاوراق
وادتله الاوراق و مشيت , راحت مكتبها تنظم المواعيد دخل عليها اكرم و قال:اهلا
هنا:اكرم , اهلا
اكرم وقعد:بتعملي ايه...؟!
هنا:بنظم الاوراق و المواعيد عشان معاد ادهم الي مع الشهاوي كمان ساعه
اكرم:طب اخدتي الدوا
هنا:اه , متخفش
اكرم:تمام , انا كدا اطمنت , سلام
ومشي و كملت شغلها و نزلت هيا و ادهم , و تمت المقابله
فضلوا واقفين برا المكتب مستنين السواق لحد م لقت هنا راجل غزل البنات , زغلل عيونها , و هتموت عليه فاستغلت ان ادهم بيكلم ف التليفون و مديها ظهره , لانه اكيد لو شافها هيمعنها فبسرعه راحت اشترت واحد و كلته بسرعه وقالت"واحده مش هياثر" و رجعت لادهم
ادهم:كنتي فين...؟!
هنا:بشوف سوبر مركت اجيب منه عصير بيور , بس يالا مش مهم
ادهم:طيب
و هما واقفين حست هنا بدوخه , فقعده ع الرصيف وفجاه اغمي عليها
بسرعه ادهم شالها و ف نفس الوقت كان جه السواق ركبوا و راحوا اقرب مشفي , و كشف عليها الدكتور وقاله:غيبوبه سكر
ادهم:تمام ي دكتور شكرا
الدكتور:العفو , عن اذنك
ادهم:اكرم جاي
هنا:قولتله ليه بس....؟!
ادهم:هو الي اصر يعرف , غيبوبه سكر ي هنا , و كلتي ايه...؟!
هنا:غزل بنات
ادهم:اكرم بقا يصرف معاكي
وهنا دخل اكرم الي كان ع وشه القلق وقال:انتي كويسه ي هنا...؟!
هنا:اه كويسه
اكرم:انتي كلتي ايه , و الدكتور قالكم ايه...؟!
ادهم:غيبوبه سكر , و اكلت غزل بنات , و يالا عن اذنكم , وانتي ي هنا اجازه بقيه اليوم
ومشي ادهم و قعد اكرم ع الكرسي وقال:غزل بنات ي هنا , احنا مش متفقين مناكلش الحاجات دي عشان غلط
هنا:كان نفسي ي اكرم , يعني ابسط حاجه مش عرفا اجيبها , دا ايه العذاب دا ي رب "وعنيها دمعت:تخيل كدا م و انا صغيره ع الحال دا , اشوف صحابي معاهم شوكولاتات و شيبسيات , و ف شنطهم سندوتشات نوتيلا و عصاير , و انا الي معايا سندوتشات ملهاش طعم دا غير الادويه , و ي ريت هيا فتره و يروح السكر دا , دا ملازمني طول حياتي , صاحب , و يوم تجرات عليه بحته غزل بنات عقبني
اكرم و ادلها منديل تمسح دموعها
اكرم:متزعليش
هنا:و ازعل ليه , عادي , و يالا نمشي لاني اتخنقت م جو المستشفي
و قامت م السرير و عدلت طرحتها و هدومها و جه يدفع الحساب لاقي ادهم دفعه فمشيوا روح هنا و رجع الشركه
نواره صحيت استغربت م نومتها ع السرير , و دخلت الحمام و نزلت تحت لقت ف جمب بنت م الي بتشتغل بتصلي , فسرحت مع البنت الي بتصلي
البنت:نواره هانم , ي مدام
نواره:ايوه , اسفه سرحت شويه
البنت:ادهم بيه ع السفره منتظر حضرتك علي الغدا
نواره:حاضر
ومشيت و راحت نواره ع السفره و بدوا ياكلوا ف صمت لدرجه انك ممكن تسمع صوت مضغهم للاكل وقطع الصمت دا ادهم بيقول و هو باصص للاكل:عندي عشا النهارده
نواره:طيب
ادهم:جهزي نفسك عشان هتيجي
نواره:انا تعبانه ومش قادره اجي
ادهم وقام:الساعه 9 تكوني جاهزه
و راح غسل ايده و دخل مكتبه
نواره " ي رب صبرني ع البلاء الي متجسد ع شكل انسان ف حيوان "
وقامت نواره دخلت المكتب م غير م تخبط فادهم قال:اتعودي خبطي بعد كدا , لان مبحبش اسلوب عدم الاستاذان , انا بس الي اعمله
نواره:و اشمعنا انت...؟!
ادهم و رفع راسه عن الورق وبصلها بكل برود:انتي ف بيتي انا , يعني اعمل الي انا عايزو , و لو مش عجبك out
نواره:ي ريت كنت تسمحلي و انا كان زماني اوت م زمان اوي
ادهم و رجع بص لورقه:طب يالا out , عشان مش فاضي لدور امينه رزق الي هيشتغل الوقتي
نواره:انا عايزه اكلم الداده
ادهم:هو انا ماسكك , م تكليمها
نواره:م انت عاين تليفوني , ولا ف حتي تليفون ارضي اكلمها منه
ادهم:معلش , اصل لحد الوقتي مش ضامن جنونك ولا افكارك تحاولي تهربي كدا ولا كدا
نواره بضحكه سخريه:هو حد يعرف يخرج م فيلتك دي , دا م كل جهه حارس , دا ناقص تحطه ف الحمام
ادهم ببرود:sorry حبيبتي , انا عارف اني وحش , بس نعمل اي قدرك ي حبيتي , و بعدين انتي ماضيكي القذر دا يخليني مامنكيش
نواره:و لما الماضي بتاعي قذر , مكمل معايا ليه....؟!
ادهم بصلها لمده ثواني و بعدين مد ايده الي فيها التليفون:كلمي الداده بتاعتك , بس ي ريت بسرعه , و ع فكره هيا عرفا بموضوع جوازك , فامفيش داعي تقوليلها تاني
و اخده الفون و بعدت شويه و كلمت الداده
ادهم فضل مرقبها و هيا بتكلم الداده و لاحظ الدموع الي ف عنيها و صوتها الي بيطلع بالعافيه ومقومتها لدموعها فكان لسه هيقولها تقفل لقاها قفلت و جايه عليه:شكرا
ادهم:بتعيطي ليه...؟!
نواره:تعرف اني بكرهك جدا , انا بسببك خلتني اكدب ع الست دي لتاني مره , بكرهك ي ادهم
ادهم و مدلها بعلبه المناديل وقال:مهو انتي متلعبيش بالنار , و تزعلي لما تحرقك
نواره و زقت العلبه م ايده وقالت بعصبيه:طب قولي انا عملت ايه...؟؟! , انا لحد الوقتي نفسي اعرف بعمل ايه هنا , و هببت اي لكل دا , ي اخي حرام عليك , دا لو حجر كان زمانه نطق و رحمني
ادهم بصلها و كان هيرد لكن قطع كل دا رنه التليفون فرد , و بيكلم ولا اكن نواره موجوده , وحست انها بتكلم حيطه سد
خرجت م المكتب و راحت عند الجنينه فضلت تعيط و تدعي ربها ان يصبرها و بخرجها م الي هيا في....بعد مرور اكتر م نص ساعه رفعت نواره راسها و بصت ملقتش حد قدامها خالص فبسرعه قامت تجري لحد السور نطت و طلعت عليه وازحلقت بس لحقت نفسها و طلعت و اتعورت و وجعها جامد بس تامسكت لحد م وصلت لفوق العمود و عملت زي الي عملته النحيه التانيه لحد م وصلت للاض و فضلت تجري تجري مده كبيره لحد م وصلت لبوابه الرئيسي لقت...........
في البيت عند هنا
هنا:انت مش هتبطل الكباريهات و السكر و البنات ي اكرم
اكرم:ولما انا ابطلها اعيش ازاي
هنا:والله...!!! , هو العيشه ياما خمر و كباريهات ي متبقاش عيشه
اكرم:انا ي ستي بمبسط كدا , يرضيكي منبسطش يعني
هنا:تتبسط بالحرام ي اكرم
اكرم:هنا قفلي الموضوع دا ماشي
هنا:لا مش هقفله ي اكرم , عشان انت بتهدر صحتك كدا , دا غير انك بتخسر اخرتك بالي بتعمله دا
اكرم:و انتي مالك...؟!
هنا:مالي زي مالك , مش دايما بتقولنا ان احنا اخوات قبل م نكون صحاب
اكرم:انتي عايزه ايه ي هنا الوقتي
هنا:عايزاك تبطل الي بتعمله , عشان خطري ي اكرم , الواحد مش ضامن عمره , و انا خايفه عليك
اكرم:حاضر ي هنا , حاضر
هنا:و بعدين مش تبركلي صحيح
اكرم:علي ايه....؟؟!
هنا:المحكمه اخيرا واقفت ع ان ابني يرجعلي
اكرم بفرحه:بجد
هنا:اه والله , انا عرفا الخبر دا م يجي اسبوع , بس الشغل و جواز ادهم و انت كنت مضايق , معرفتش افتح الموضوع
اكرم:طب الحمدالله , قوليلي , هتجيبي امتي...؟!
هنا:ان شاءالله الخميس الجاي
اكرم:تمام , هتجيبي م المطار يعني ع الساعه كام
هنا:علي 11ص
اكرم:اشطا , هعدي عليكي نجيبه مع بعض
هنا:اه اخيرا ي اكرم , دا انا بقالي اكتر م سنتين مشفتوش
اكرم:تمام , عايزه حاجه
هنا:لا شكرا
اكرم:العفو
ومشي اكرم و راحت هنا تكمل شغلها ع الاب
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
نواره فضلت تجري و تجري لحد البوابه الرئيسه لقت ادهم ف العربيه و شاورلها تيجي , نواره اول م شافته لقت ان مفيش مفر تخرج البوابه متقفله دا غير العربيات الي فيها حرس فمشيت باحباط لحد العربيه و ركبت
ادهم:مش قد الهرب , بتهربوا ليه...؟!
وصلوا الفيلا و ادهم نزل و فتح لنواره الباب وقال:انزلي
نواره:م غير شد ايد , انا نزله
ادهم:بحبك وانتي بتسمعي الكلام
و نزلت و دخلوا الفيلا و ادهم شافها وهيا ماشيه فقالها:اقفي
نواره وقفت م غير م تلف
ادهم:فخريه , فخرررريه
وجت فخريه بسرعه
ادهم:خدي نواره اعمليها اسعافات لرجليها , و خليها تستحمي و تلبس , و خليها ع سنجة عشره
فخريه:تمام
ادهم لنواره:نواره
نواره مداله ظهرها:نعم
ادهم وقرب منها ومسك كوعها ولفها ليه:لما اكون بكلمك تلفيلي
نواره:نعم
ادهم:تاني مره متفكريش تهربي , وتفكري نفسك الاميره , الي هتهرب م الوحش , لمجرد انو مش قدامها , لا ي ماما دا انا ليا عيون ف كل حته , و المرادي انا هعديها , بس مره تانيه , هتلاقي نفسك ف عزاء داده فوزيه , ماشي
نواره و بصتله وقالت بوش خالي م اي مشاعر:حاضر ي ادهم بيه , اي اوامر تانيه
ادهم:خديها ي فخريه
واخدتها فخريه عمتلها الاسعافات و خلت نواره تاخد شوار و تلبس و تعملها مكياج و تعمل شعرها , و كل دا و نواره مبتردش مبتمنعش , عامله زي الانسان الالي , لا بتصد ولا بترد
خلصت فخريه كل حاجه مع نواره و خرجوا م الاوضه ونزلوا واول م ادهم شافها قال...........