رواية نواره الفصل الثالث3 والرابع4 بقلم فرح احمد
نواره:ازيك ي ا"وسكتت اول م شافت اكرم داخل ورا"
ادهم اول م شافها استغرب جدا و اكرم كذلك.....وفضل الصمت مسيطر لدقايق لحد اما اكرم قال:.
مش انتي البت بتاعت الواد ابو جل ف شعره اللي مبلط ف الديسكو
نواره استغربت م كلامه و ادهم بصله بصه خلته يرجع عن الهزار الي قاله و يقول بنبرة جد:.
انتي بتعملي اي هنا ي نواره...؟!
ادهم باستغراب:انت تعرفها...؟!
اكرم:اه طبعا , دي نواره الرقاصه الي ف كباريه السرايا
ادهم بصدمه:رقاصه..؟! "و وجهه كلامه لنواره:و جايه تعمل اي ف بيتي ي ست الرقاصه..؟!
نوراه بتوتر:انا , انا
ادهم بغضب:انتي لسه هتقولي انا ومش انا , اكرم اطلبلي البوليس
اكرم بيحاول يلم الموضوع:خلاص ي ادهم , هيا هتمشي "و وجهه كلامه لنواره وقال بحده:انتي , لمي حاجتك وامشي
و طلعت تجري و راحت لباب الشقه وقالت بكيد انوثي و نبرة كلها ثقه و غرور:هشوفك تاني ي ادهم بيه
و خرجت و لس ادهم هيروح وراها عشان يمسكها يخنقها لان ثقتهاو غرورها حرقوا دمه
اكرم ومسكه وقعده وقال:اقعد كدا
ادهم بغضب:اقعد ايه , البت دي دخلت شقتي ازاي , اكيد البوابه الي تحت ادتها النسخه الي معاها , و حياة الي خلفوها لكون قاطع عيشها
اكرم:البت دي عرفة عنوانك منين اصلا..؟!
ادهم:الي يسال ميتهوش "و بعدين قال بوعيد:مش هيا قالت هشوفك تاني , انا بقا هجبها , بس مش بمزاجها
اكرم:هتعمل اي ي عماري..؟! , مبرتحش للبصه دي ولا النبره دي
ادهم و بيترقع صوابعه:كل خير ي صاحبي , كل خير , يالا عشان نكلم ف الشغل
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
""""عند نواره""""
نزلت م العماره و خدت اول تاكس قابلها و طلعت ع كباريه , مهي كانت مفكرا انها هتقضي ليلتها عنده , بس بسبب الي حصل مشيت , فهتروح البيت تعمل اي , خليها احسن تروح
و طلعت ع الكباريه و داخلت اوضتها و ندهت لفرحه تساعدها ف اللبس , و مع بداية الاغنيه , طلعت ع المسرح , و معظم الي قعدين اتفاجئوا بيها , لان فوزي كان قايل انها مش جايه , و مع بداية رقصها الناس ابدت تهلل و تسقف , و الفلوس كالعاده بتترمي تحتها , و فضلت ترقص ساعات متوصله مخدتش راحه , كان بطلع غضبها وضيقها م الي حصل ف الرقص , و فجاه و هيا بترقص حست بدوخه جامده , فوقعت مقدرتش تقوم , وهنا الاغاني وقفت وكله , و جت عليها فرحه بقلق:مالك ي ست نواره...؟!
نواره بدوخه:مش قادره ي فرحه , مش قادره اقف
فرحه بصوت عالي:ي امين , ي امين
وجه "امين" البودي جارد و شال نواره و داخلها اوضتها و جه فوزي , قال ف المايك:اسفين ي جامعه , بس نواره مش هتقدر تكمل , فالي هيطلع مكانها شاكيره
و جت شاكيره , رقاصه , بس مبتدائه , مش زي براعة نواره طبعا , بس فرفوشه , و بتطلع مكان نواره لما تغيب , ا و تعبانه , زي الكومبارس كدا , بس حبوها و بتحب نواره و اخدها قدوه ليها , قال يعني اخده قدوه صالحه
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
ادهم:اكرم , انت ي اكرم
اكرم وقام:ايه...؟! , ي عم الحج سبني انام , انا طول اليوم مقضي شغل , حتي ساعة النوم ي رب مش عايزني انام , انت معندكش صحاب خايف عليهم يعني
ادهم بابتسامه حاول يخفيها:بطل نحنة النسوان دي , و نام , عشان بس انت تعبت طول اليوم
اكرم ورفع ايده للسقف وقال:ربنا يكرمك ي ادهم ي ابن ام طنط ادهم , و يعلي مرتبك و يرزقك ب
ادهم بجديه:اتخمد ي زفت
و بسرعه نام وفضل ادهم يفكر ف الي اسمها نواره دي , بطريقه تخليها تفكر مليون مره قبل م تيجي جمبه , ومع تفكيره فيها , فضل مصدوم بردو , اصل مكنش يتوقع واحده زيها ملامحها البرئيه , تكون كدا , رقاصه..؟! , حاجه غريبه فعلا
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
""" في الاوضه عند نواره ف شقتها"""
مهي بعد م داخت و دخلوها الاوضه شربوها مايه , و قالت انها عايزه تروح , فطلبولها تاكسي و روحوها ,و يدوب اخدة دوش سريع و غيرت ونامت م التعب........؟!
صحيت تاني يوم , فضلت تتصل بمليكه تتطمن عليها بس مغلق , فقلقت و بعدين قالت"تلاقيها انشغلت مع سامر , ولما تفضي هتكلمني , اكيد" و قالت الكلام دا يمكن ترتاح شويه , و فطرت و لبست لبس رياضي و راحت عند الكورنيش , و تجري , و حطت الهاند ف ودنها و جريت , و فضلت كدا لمدة ساعه و تعبت راحت ع السوبرماركت و جابت طلبات كانت ناقصها , مع انها قليل اما بتاكل ف البيت , لان لما الداده و مليكه مبيكنوش ف البيت مبتقعدش في , يمكن ع قد النوم و الفطار الي بتاكله كل فين و فين
و هيا ع السلم سمعت صوت ف الشقه الي تحتها , استغربت , لان العماره دي زي المهجوره , وهيا قصدها تختارها كدا عشان تبقي منعزله عن الناس , و كمان بعد م بيتها الي كانت عايشه في مع امها وابوها واختها الصغيره اتهد عليهم, ومفضلش الا هيا , و كانت قررت تسيب شغل الكباريه مهي كانت بتشتغل عاملة نظافه , تمسح الحمامات و تطبخ و هكذا و في مره امها تعبت جامد و اكتشفوا ان عندها فشل كلوي , ومحتاجه غسيل كل اسبوع مرتين , فراحت لفوزي و اترجته يدلها فلوس و وافق مقابل انها تمضي ع ورقه ايصال امانه دا غير انها هتشتغل رقاصه , هيا ف الاول اعترضت ومشيت , و فضلت ع الحال دا اسبوعين, بتبيع هياو ابوها كل حاجه عشان يوفروا فلوس الغسيل بتاع امها , ولحد م معدش حلتهم حاجه و شافت امها بتتعب عن اليوم الي قابله , و هنا قررت انها تروح لفوزي , ومضت العقد م غير م تقراه كويس , لان همها الوحيد انها تعالج امها , و اخدة الفلوس , ورجعا البيت عشان تاخد امها وتفرح ابوها و اختها انها جابت فلوس لغسيل امها , بتبص لقت الناس كلها متجمعه و بوليس ف م كل حته , فجريت و عدة بين الناس لقت العماره الي فيها مهدوده و الاسعاف بيشيل الجثث و م الجثث دي امها و ابوها و اختها , انصدمت وصرخت وعايزه تجري عليهم منعوها لحد م اغمي عليها م الصدمه....و فاقت و كانت الصدمه لس مسيطره عليها , و قاعدة ف بيت جارتها و ادوا العزاء في , و خلصوا 3تيام العزاء و راحت لفوزي عشان ترجعله فلوسه و تسيب الشغل
فوزي:هههه شغل ايه الي تسيب ي قطه
نواره:انا مش هشتغل رقاصه الا و ع جثتي , فلوسك اهي
فوزي:و العقد الي م بينا
نواره:بله و اشرب مايته
فوزي بسخريه:و الشرط الجزائي
نواره بصدمه:شرط جزائي ايه..؟!
فوزي:اه ي حرام , انتي فرحتك بالفلوس خلتك متقريش العقد كويس , وتعرفي ان ف شرط جزائي بمليون جنيه
نواره:ااايه....؟!!!
فوزي بيكلم بكل برود:و ي الدفع ي الحبس
نواره بعصبيه:اعلي م خيلك اركبه
ومشيت ومهماش اي حاجه ,, و تاني يوم بليل لقت الباب بيخبط جامد و خرجت هيا و جارتها و اهله جارتها و راحوا شافوا مين
الضابط:نواره عبدالله , انتي مطلوب القبض عليكي
نواره:ااايه , انا معملتش حاجه , هو مقاليش , والله م كنت اعرف
ابو جارتها:في اي ي حضرة الضابط , عايزنها ليه..؟!
الضابط:هناك هتعرفوا كل حاجه " وشاور للعساكر وقال:هاتوها
وحاولت نواره تزقهم معرفتش و اهل الشارع اتلموا حوالين البوكس و شافوها وهما بياخدوها.... صحبتها كانت عايزه تنزل تلحقها بس ابوها قال:.
بصي ي منال , نواره دي تقطعي علاقتك بيها
منال:بتقول اي ي بابا...؟!
ابوها:احنا ناس سمعتها طول عمرها تمام , و البنت دي لو فضلت معانا هتجبلنا مشاكل كتير , و هيا مش من بقيت اهلينا عشان نهتم بيها
منال:م تقولي حاجه ي ماما , انتي موافقه بابا ف الكلام دا...؟!
الام:ابوكي عنده حق ي منال
الاب:لو عايزه تروحليها اتفضلي , بس تنسي ان ليكي اب و ام و اخوات , تصبحوا ع خير
و دخل نام و امها كمان و اخواتها و هيا دخلت اوضتها وفضلت تعيط و مصدومه م ردة فعل ابوها وامها
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
""ف الحجز""
جه العسكري وقال:نواره عبدالله
نواره و رفعت راسها وقالت بصوت مبحوح:ايوه
العسكري:تعالي , ف زياره
وقامت نواره و دخلت مكتب الضابط و سابها العسكري ومشي
الضابط:انا هسيبكم مع بعض دقايق , تمام
فوزي:تمام ي حضرة الضابط
ومشي و قعده نواره ومفيش اي ردة فعل عملتها
فوزي:بصي ي نواره , انتي خساره ف الحبس وانتي بنت حلوه حرام وشك الحلو دا يتشوه ف السجن والبهدله دي
نواره بضعف:البهدله دي عندي احسن م اني ابيع جسمي
فوزي:م انتي كنتي موافقه ف الاول
نواره:اديك قولت ف الاول و ربنا اراد اني مشتغلش الشغلانه , و بسبب الفلوس دي فلوس حرام فاربنا عقبني باقصي عقاب , موتلي اهلي , و انا اتعلمت الدرس خلاص , لما دا حصلي مجرد اني مضيت و خدة الفلوس , اومال هيحصلي اي بقا لو كنت اشتغلت اصلا
فوزي بغضب و خبط بايده ع المكتب:بصي انا هسيبك يومين تفكري , عشان شكل افلام امينه رزق ماثره عليكي جامد , و هما يومين بس ي نواره
و خرج م المكتب و اتفق مع الضابط انو يوصي عليها...و فعلا شافت نواره ف اليوم الاول اسوء ايام حياتها من الستات الي ف الحجز , و التاني كذلك لحد بليل جه فوزي و اول م شاف الجروح الي ف وشها و الكدمات الي ف جسمها قال بتريقه:.
ها..؟! , موافقه ولالا , و خدي بالك الي انتي شايفه دا مش حاجه , دا يدوب لعب عيال
نواره بضعف و تعب:موافقه
فوزي:حلو اوي الكلام دا
و اتنازل عن المحضر , و لما خرجت م الحجز راحت لمنال بس ابو منال منعها و هيا مشيت من ساعتها متعرفش حاجه عن منال ولا عن الحاره الي فيها.... و بدات نواره الرقص , و اخدة لقب افضل راقصه و بقت تتطلب ف افراح بس هيا مبتوافقش اخرها الكباريه وبس.....
فاقت نواره م سرحنها لما لقت جارتها عامله تندهلها وتقول:ي انسه , ي انسه نواره
نواره:حضرتك تعرفيني
جارتها:لا , بس ان شاءالله نتعرف
نواره:طب عرفتي اسمي منين
جارتها:صاحب العماره , قالي ان العماره دي مفيهاش الا 3 شقق , و احده عايشه فيها الانسه نواره , و التانيه صحابها مبيجوش الا كل سنه مره كدا ويمشوا , اعرفك , انا عزه , و عندي ابني رامي عنده 18سنه
نواره بابتسامه مجامله:اهلا بحضرتك , انا نواره عبدالله
عزه:عايزين نتفق مع بعض ف يوم , و نتعرف في ع بعض
نواره:ان شاءالله , عن اذنك انا طالعه
عزه:اتفضلي
وطلعت نواره و اول م داخلت عمارتها قالت:ماشي ي امجد الكلب"صاحب العماره:مش انا قولتلك متسكنش حد ف العماره , ماشي حسابه معايا لما اشوفه
و بتبص نواره ع الشقه لقتها متبهدله , فقررت انها تنظفها , وفعلا بدات و خلصت الصاله و رمت الحاجات ف الباسكت , و داخلت اوضتها روقتها و فتحت الشبابيك بتاعتها , و دخلت اوضة مليكه و روقتها و خرجت و بصت بصه اخيره ع الشقه لقتها بتلمع فدخلت تاخد شاور , و خرجت و طبخت , و فضلت مستغربه مين هياكل الاكل دا , بس طبخته لانها وحشها طبخها , و وحشها وقفة الطبخ و اغاني ام كلثوم الي بتشغلها زمان مع مامتها و اختها , و الغداء مع عيلتها الصغيره , و الابتسامه البرئيه الصافيه الي كانت بتترسم ع وشها و ع وش اهلها , ومش دلوقتي حياتي بقت زي الجحيم , دا يمكن الجحيم ارحم , و مسحت نواره دمعتها الي اتجمعت ف عيونها , و خلصت اكل و راحت تاكل لحد م لقت الباب بيخبط فتحت لقت عزه و ابنها رامي معاها
نواره بابتسامه مجامله:اهلا اهلا ي مدام عزه
عزه:بصي انا بحب الناس اوي , فهموت واتكلم معاكي و اتعرف عليكي اكتر
نواره ف سرها" ي ستي انتي عايزه , انا ش عايزه , يووه" وبعدين قالت بنفس الابتسامه:اه طبعا اتفضلوا
و داخلت و لقت اكل محطوط وكان كتير فقالت عزه:واضح ان انتي عزما حد , و جيت ف وقت مش مناسب
نواره:لا دا انا لوحدي , و اتفضلي كلي معايا , انا بس كنت عامله الاكل بزياده
عزه:الف هنا
نواره:لا انا هفرح جدا لو كلتي معايا انتي و رامي "و وجهت كلامها لرامي:ازيك ي رامي
رامي بجديه:الحمدالله
نواره:اقعد يالا كُل معانا
رامي:لا شكرا , شبعان
وقعدة عزه ونواره ياكلوا و خلصوا
عزه:ماشاءالله اكلك حلو اوي ي نواره
نواره:ميرسي جدا ليكي ي مدام عزه
عزه:لا مدام ايه , قولي عزه , احنا بقينا صحاب
نواره:اه , اه طبعا
عزه:ممكن اروح الحمام
نواره:اه اتفضلي , هتلاقي عندك ع اليمين
و راحت الحمام
نواره:انت في سنه كام ي رامي...؟!
رامي:ف 3ثانوي
نواره:علمي ولا ادبي..؟!
رامي:علم رياضه , هو انتي بتشتغلي ايه..؟!
نواره:بتسال ليه..؟!
رامي ببرود:عادي , لو مش عايزه تقولي متقوليش
بصتله نواره مستغربه م طريقته وقالت:انت يالاه متاكد انك 18سنه
رامي:ايه يالاه دي...؟! , و بعدين لو مش عايزه تصدقي , حطي السن الي يعجبك
نواره:اقولك انا بشتغل ايه , بس توعدني متقولش لحد
رامي بسخريه:ليه , بتشتغلي ف المخابرات ولا ايه...؟!
نواره:ي ريت , اوعدني يالا
رامي:اوعدك ي ستي
نواره:انا بشتغل رقاصه
رامي بصدمه:افندم...؟!
نواره ببرود:بشتغل رقاصه
رامي:ازاي...؟!
نواره:زي السكر ف الشاي
رامي:انا لا يمكن اخلي ماما تتعرف عليكي , ولا يمكن اكمل يوم ف العماره دي
نواره:ليه ي رامي , دا حتي انا حبيتك..؟!
رامي:بقولك ايه , انتي تنسينا خالص , وانا همشي انا وامي م العماره , يستحيل نقعد مع واحده زيك ف عماره واحده
ونده ع مامتها وقال لازم نمشي حالا واعتذرت عزه م نواره ومشيت
نواره كانت واثقه ان رامي دا عمره م هيقول سرها , متعرفش ليه ؟! , بس هيا واثقه
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
ادهم:عمتي جت م الفيوم..؟!
اكرم:اه , و نقلت هنا , بس لقتها بتكلمني و بتقولي هيا هتنقل من الشقه
ادهم:ليه..؟!
اكرم:معرفش , بتقول رامي معجبتوش الشقه , وانت عارف رامي عنيد زي ناس كدا "كان قصده ع ادهم انه زيه:فعامة هيا عايزك تشوفلها شقه مكان الي كانت فيها
ادهم:قول لطارق يشوفلها , انا مش فضيلهم
اكرم:تمام
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
و عدي يومين ولقت عزه جايه تسلم ع نواره عشان تودعها و طبعا رامي مطلعش , ومشيوا
جه يوم الجمعه نواره رنت تاني ع تليفون مليكه مردتش فقلقت نواره و قررت انها تسافرلها و جهزت كل حاجه و طلعت عربيتها الصغيره الي لسه بتدفع قسطها , و طلعت بيها , سواقتها مش روعه ولا وحشه كويسه , بس كانت خايفه لانها اول مره تسافر لوحدها ع طريق , بس مهماش , كل الي هاممها الوقتي انها تطمن ع الداده و مليكه و البلد مش بعيده , الفرق م بينهم ساعه ونص , و تقريبا نواره هتوصلهم كمان 3ساعات لانها ماشيه براحه م خوفها , و وصلت البلد و ركنت تحت البيت , باين عليه قديم بس ماشي حاله , و ركنت العربيه و طلعت وفتحولها الباب و كان..........
ـ╗═════════════╔
ـ رواية نوِّاره الحلقة الرابعة
ـ╝═════════════╚
و وصلت نواره البيت و ركنت العربيه و نزلت و وصلت قدام باب شقه مليكه والداده و خبطت و فتح ليها واحده صغيره عندهاحوالي 10سنين....
نواره:طنط فوزيه , موجوده
البنت:اه , بس هيا جواه ف اوضتها
نواره:طب ممكن تدليني ليها
البنت:ماشي
نواره ومشيت وراها و داخلت الاوضه و اول م شافت الداده اتخضت و جريت عليها وقالت:
داده , مالك ي داده...؟!
الداده كانت وشها تحته هالات سوده و ف اثار دموع ع وشها , ولما شافت نواره عيطت
نواره اتخضت م عياط الداده فقالت للبنت:ي شاطره , ممكن تندهيلي مليكه
البنت:انا اسمي سما , و ابله مليكه مش هنا , ابله مليكه عند ربنا
نواره اصدمت جامد و بصت للداده وقالت بنبره مهدده بالعياط:داده قولي ان سما دي بتضحك عليا صح ,, مليكه عايشه صح.....؟؟!
ولما شافت نواره عياط الداده بيزيد فاتاكدت ان الخبر صح وعيطت , عيطت جامد جدا...سما راحت تجيب ليهم مناديل و هيا رايحه لقت باب الشقه بيخبط فافتحت وكان سامر
سامر:ماما , موجوده ي سما
سما:اه ف الاوضه , ومعاها واحده
سامر:واحده مين..؟!
سما:ادخل وانت تعرف
و دخلوا الاوضه و ادت سما علبه المناديل لنواره و مسحت دموعها بيها و ادت للداده كمان
سامر:نواره , انتي عرفتي الخبر من مين....؟!
نواره بصوت مبحوح:انا كنت جايه عشان اطمن ع مليكه و الداده , لاني برن عليهم محدش رد , ومعيش رقم حد تاني اكلمه عليه , فجيت , و ي رتني م جيت "ودمعت عيونها:هيا ماتت
ازاي ي سامر...؟!
سامر ودمعت عيونه وقلبه وجعه م مجرد تفكيره ف الي حصل
فوزيه:احنا كنا نازلين م القطر و خرجنا برا المحطه , و سامر كان النحيه التانيه مستنينا , فمليكه مرضتش تخلي يعدي يشيل الحاجه و خلتني اعدي انا و هيا هتشيل الحاجات , انا رفضت
بس انتي عرفا مليكه عنديه قد ايه , وعديت و شالت الشنط هيا و جايه تعدي ف شنطه وقعت منها وطت اخدتها وكان ف موتسكل جاي بسرعه , فلسه جايه تجري , خبط فيها طايرها , و
خبطت ف الارض , و ع مروحنا المستشفي , كانت ماتت "وعيطت وقالت بصوت مبحوح:وحشتني اووي ي نواره , وحشتني , ربنا يرحمك ي بنتي و يغفرلك
و حضنتها نواره و عيط سامر ولقته بيقول:انا السبب , انا السبب , انا لو مكنتش سمعت كلامها , كان زمانها عايشه , كان زمانها عايشه
نواره:متقولش كدا ي سامر , دا قضاء و قدر , ادعيلها الوقتي , بس ممكن توديني ليها
فوزيه:مقابر ايه ي بنتي الي الساعه 11 , استني بكرا واحنا نروح احنا الاتنين
نواره:لا عشان خطري ي داده انا هروح الوقتي
فوزيه:ماشي , خد بالك منها ي سامر
نواره:عايزه اي شال اسود البسه بس
وندهت الداده لسما و جابت لنواره شال اسود و طرحه و وصلها سامر للمقابر وفضلوا يدعولها لحد اما نواره قالت:.
سامر , ممكن تسبني معاها لوحدنا
سامر:ماشي , انا هكون عند العربيه
نواره:ماشي
ومشي سامر
نواره بدموع:كدا ي مليكه , كدا تروحي م غير م تودعيني , كان لازم تعندي , طب دلوقتي , مين الي هحكيله اسراري , مين لما اكون مخنوقه هينصحني , مين هيشاكسني , دا انا مليش
غيرك انتي و الداده , دا انتي الوحيده الي قولتلها سري , برغم اعتراضك ع شغلي دا , بس فضلتي ساكته , و كان ممكن تحكي ابسط حاجه لداده , بس محكتيش , و كل مره كنتي تنصحيني
وانا بقولك "حاضر هحاول" ولا بحاول و لا بعمل , هتوحشتيني ي مليكه
ودعتلها و مشيت راحت لسامر الي وصلها و روح , و جه تاني يوم صحيت نواره ولبست و جهزت حاجتها و خرجت لقت الداده بتجهز الفطار
نواره:صباح الخير ي داده
فوزيه:صباح النور , اي راحا فين..؟!
نواره:يدوب افطر , و اسافر
فوزيه:ليه ي بنتي م تخليكي...؟!
نواره:لازم ارجع ي داده عشان الشغل , بس انتي ي داده هتاخدي اجازه قد ايه و هترجعي...؟!
فوزيه:لا خلاص ي بنتي , انا معنتش هقدر انزل و عمك عزيز , عايزني جمبه
نواره بحزن:يعني ي داده هتتخلي عني
فوزيه:متقوليش كدا , بس انتي تعالي كل فتره شقري عليا , و انا لو ف مره نزلت هعدي عليكي
نواره:ماشي ي داده "حضنتها وقالت:ربنا يحفظك ليا ي داده
فوزيه:حبيتي ي بنتي
وفطرت و اخدة حاجتها و نزلت لقت سامر قدام البيت فقالت:خلي بالك م الداده ي سامر
سامر:دي في عيوني ي نواره
نواره:اشوفك ع خير , سلام
وركبت العربيه و وصلت و اكلت ونامت و صحيت لبست و طلعت ع شغلها و خلصت ولقت فوزي عايزها فراحت ليه وطلع ورقه قالها:امضي
نواره:ورقة ايه دي...؟!
فوزي:ضرايب و تامين , امضي بس
نواره باستعجال:طيب
ومضتها و ركبت التاكسي و روحت
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
تاني يوم عند ادهم
صحي و راح الحمام و لبس و نزل و راح الشركه و بدا شغله
اكرم دخل عليه:عم
ادهم بحده:مش انا قولتلك مليون مره متدخلش المكتب الا لما تخبط , وانا اذنلك ان كنت تدخل ولالا
اكرم:لامواخذه , اخر مره
وقعد ع الكرسي
ادهم:اقف
و وقف اكرم وقال بسخريه:اي جو حضانه دا , ي بني انا كبرت ع الحاجات دي اقسم بالله
ادهم:كبرت كاجسم , بس عقل لا
اكرم:ميرسي , بجد انا معرفش بجد هعيش م غير اهانتك ليا
ادهم:هسمحلك دلوقتي تقعد
اكرم:ميرسي ميرسي , بجد ي ادهم بيه , ربنا ياخدك
ادهم:نعم..؟!
اكرم:قصدي ربنا يخليك للشركه و ليا و ل
ادهم:اكرم اخلص , قولي كنت داخل ليه..؟!
اكرم:عمتك عزمنا النهارده ع العشا
ادهم:هيا عمتي جايه عشان تقرفني ولا ايه..؟!
اكرم مصطتنع الجديه:ولد , عيب تقول ع عمتك كدا
ادهم:مش خلاص قولت الي عندك , يالا برا
اكرم:ي بني حلم حياتي تكلمني بذوق , اقسم بالله انا مش خدام عندك
ادهم:برا ياكرم , بدل م اطلبلك الامن
اكرم و وقف و قلد جزء م فيلم مشهور:لا و علي ايه , انا رايح عند امي لا تقولي مكتبي ولا امن ولا بتاع
وخرج و ابتسم ادهم و رجع كمل شغله......
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
"في البيت عند عمة ادهم "
كانوا متجمعين و بيتعشوا وخلصوا و راحت عزه تعمل الشاي
ادهم:اخبار مزكرتك ايه ي رامي.....؟!
رامي:الحمدالله كويسه
ادهم:انت ايه سبب اصرارك انك تسيب الشقه التانيه , مع انها حلوه و ف حته بعيده زي م انت عايز
رامي اضايق مجرد تفكيره ف الموضوع دا و خبئ ضيقه بانه قال:لا , بس معجبتنش , مش مريحه
اكرم:ولا ملقتش مزز هناك.....؟!
رامي:مزز..؟!!! , ادهم انت ماشي مع كائن درفيل البحر دا ازاي.....؟!
ادهم ابتسم:قدري ي رامي , قدري
اكرم:بقا انا درفيل البحر , ي كلب م غير ديل , وانت ي عم ادهم م تقول للواد دا يحترم نفسه
عزه و دخلت عليهم بالشاي و سمعت اخر الحوار وقالت بعتاب لرامي:رامي احترم نفسك , ومتغلطش ف اكرم , دا اكبر منك
رامي بغيظ:حاضر
وشربوا الشاي و فضلوا يكلموا شويه لحد اما وقف ادهم وقال:يالا بقا ي عزه عايزه حاجه......؟!
عزه:م تخليك ي ادهم
ادهم:لا انا عايزه اروح , ورايا بكرا مواعيد كتير "و وجهه كلامه لاكرم:يالا ي اكرم
و سلموا و نزلوا و روحوا
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
بعد مرور اكثر م 4 شهور
"و في مكتب ادهم بالتحديد"
جت رساله لادهم قراها و ابتسم ابتسامه خبيثه و كلم الشخص صاحب الرساله وقال"تمام ي طارق , عدي علي الحسابات خد مكافتك"
"بعد مرور يومين , و في بيت نواره....صحيت نواره ع صوت تخبيط ع باب غير طبيعي و