(رواية وعد الريان)
(البارت الثالث♥️)
وعد:الحقووني يناس ابعدوا عني بقا.
وفجأة ايجا واحد وضربهم
وعد: مستر ريان!!....
ريان:اركبي العربيه
وعد ركبت العربيه وبعدين ريان قعد يضرب فيهم لدرجة أنهم خافوا منوا وهربوا.
~~~~~~~~~~~~~~~~~
(عند شهد)
شهد:خلاص ياماما انا جايه أهوا هشوف تاكسي وهاجي بسرعه متقلقيش.... سلام
شهد وهي بتقفل الفون بتاعها وبتحطوا في شنطتها ومش واخده بالها من الطريق.....وفحأه خبطتها عربيه
شهد:ااااااااااه
ووقعت على الأرض وغابت عن الوعي.
الشخص اللي في العربية:يانهار أسود ايه اللي انا عملتوا داا...
الشخص نزل من العربيه:ياأنسة ياأنسة... انتي كويسه....دي شكلها ماتت دي ولا ايه....
شالها وركبها العربيه وطلع بيها على المستشفي
وصلوا المستشفي....
ياسين وهو شايلها بيجري بيها:أي دكتور ييجي بسرعه
الممرضين جابوا سرير وحطوها عليه وخدوها على أوضة العمليات...
ياسين:أعمل ايه....كانت ناقصاها هي...
(عند وعد وريان)
وعد:حضرتك كويس
ريان وهو بيهز راسه ببرود:ااه...انتي كويسة
وعد:ااه كويسه... بس ولاد اللذينة مسكوني من ايدي جامد
ريان:ولاد اللذينة!!... طب يلا علشان اوصلك...
وعد:انت لو مكنتش جيت انا كنت شلوحتهم.....بس محصلش نصيب😂😂
ريان:شلوحتهم!!!....يلا علشان اوصلك اخلصي....
وعد:شكرا انا هروح لوحدي... وبعدين هو انت سايب سوسن يعني.....
ريان:سوسن....ااه علشان يطلع عليكي ناس تانيه ويقتلوكي بقا ونخلص... اركبي ياما علشان نمشي
وعد:ياما!!...حاضر ياخويا....
ريان:اخويا....انتي نسيتي اني مديرك ولا ايه....
وعد:اسفه.....وبعدين حاسب غرورك طب السما حاسب تتخبط
ريان:والله!!....
وعد:بهزر معاك....هو الواحد ميعرفش يتكلم معاك خالص
ريان ببرود وتكبر:اااه علشان انا ريان محمد المهدي.... محدش يطول يتكلم معايا اصلا
وعد:ليه يعني... مش بني ادم من لحم ودم ولا ايه.... اه نسيت انوا انت وحش المعمار....بس تعرف ملك المعمار احلى لايق عليك اكتر وبعد كده هناديك ملك المعمار.....
ريان:امممم....يلا علشان نمشي اخلصي
وعد:اوك
وبعدين مشيوا....
~~~~~~~~~~~~~~~~~
(عند شهد وياسين)
الدكتور طلع من اوضة العمليات..
ياسين:طمني يادكتور.....
الدكتور:هي كويسه... هو جرح في راسها وكسر في دراعها وممكن تحس بدوخه وصداع بسبب الجرح داا بس مع العلاج هتتحسن بسرعه انشاء الله
ياسين:تمام يادكتور.... شكرا
الدكتور:لا العفو انا بعمل واجبي مش اكتر.... هو حضرتك جوزها...
ياسين:ااه جوزها....
الدكتور:ربنا يخليكوا لبعض....وعالعموم تقدر تدخل ليها احنا نقلناها اوضه تانيه...
وسابوا ومشي.....
ياسين:هو انا قولت كده ليه هو انا اعرفها اصلا...
ياسين دخل ليها الأوضه.... وكانت لسه مش فاقت وقعد على الكرسي اللي جنب السرير...
ياسين:أما نشوف حكايتك انتي كمان.....
شهد بدأت تفوق....
ياسين:حمدالله على سلامتك
شهد وهي بتتكلم بصعوبة:انا فين....وانت مين....
ياسين:انتي في المستشفى وانا ياسين أحمد عادل اللي خبطك بالعربيه وجبتك هنا....
شهد:منك لله....
ياسين:انا اسف....انتي كويسه دلوقتي...
شهد:بقا دا منظر وحده كويسة
الدكتور خبط ودخل....
الدكتور:الظابط واقف بره علشان يدخل ياخد شوية معلومات عن اللي حصل مع المدام.....
شهد:مدام مين
الدكتور:حضر.....قاطع كلام الدكتور
:هفضل واقف بره كتير.... ايه دا ياسين
ياسين:رامي....انت اللي جاي تحقق
رامي:امممم....هما بعتوك قبلي ولا ايه....
(ملحوظه رامي صديقهم بردوا بس هما بعدوا فتره عن بعض)
الدكتور:عن ازنكم....
رامي:انا سمعت الدكتور بيقول المدام.... انت اتجوزت من ورايا...بس المدام قمر....
شهد بضيق:بس انتوا الاتنين وانت ماتتلم....وبعدين مدام مين...انا مش متجوزه اصلا.... والبيه اللي واقف هناك داا ياسين ولا مش عارفه ايه هو اللي خبطني...واتفضلو اطلعوا بره مش عايزه اشوف حد....
رامي:انت اللي خبطها....
ياسين:يلا ياعم دي شكلها مجنونه....
رامي:مجنونه بس...ولسانها طويل كمان.... بس والنبي قمر...
شهد:ماتتلم يله هو انا علشان سكتالك هتستحلاها.... والله لو ماتعبانه لكنت وريتك اصلك كويس.... ايه البلاوي دي ياربي...
ياسين:ماتلمي نفسك يابت هو احنا علشان ساكتنلك تستحليها...لا وبقينا بلاوي كمان... يلا نمشي قبل مارتكب جريمه
شهد بسخريه:اللي عندك اعملوا
رامي:يلا ياعم..... مش ناقصين جنان
شهد:اه مجنونه يلا مع السلامه...
ياسين ورامي مشيوا....
شهد:كانت نقصاكوا هي.... ااه ياراسي....تليفوني فين ماما زمانها قلقانه عليا جدا....
دخلت مموضه ليها....
شهد:لو سمحتي عايزه تليفونك دقيقه أتصل على ماما أطمنها عليا
الممرضة:اكيد طبعا اتفضلي
شهد:شكرا...
شهد اتصلت على مامتها
شهد:الوا ياماما
والدة شهد:ايوه ياشهد انتي فين ياحبيبتي قلقتيني عليكي
شهد:انا كويسه ياماما
والدة شهد:انتي فين....
شهد:انا في المستشفى
والدة شهد:يالهووي...ايه اللي حصل
شهد:مافيش حاجه ياماما انا كويسه بكره هاجيلك ولا اقولك هتصل على وعد اخليها تيجي واجي
والدة شهد:لا انا جيالك
شهد:ياماما مش تتعبيني انا هاجي خلاص
والدة شهد بقلة حيله:طيب يابنتي اللي يريحك
شهد قفلت واتصلت على وعد
~~~~~~~~~~~~~~~~~
عند وعد وريان في العربيه....
الاتنين قاعدين ساكتين وقطع سكوتهم داا صوت موبايل وعد
وعد:ألوا مين معايا
شهد:انا شهد
وعد باستغراب:شهد انتي فين ورقم مين داا
شهد:انا في المستشفى
وعد:يالهوووي مستشفي ايه وايه اللي حصل
شهد:واحد حيوان خبطني بالعربية
وعد:اسمها ايه المستشفى دي
شهد:مستشفى......
وعد:طيب انا جيالك
شهد:انتي عبيطه.... تيجي فين دلوقتي انا اتصلت بيكي علشان تتصلي على ماما وتقوليلها انك هتقعدي معايا علشان انا قولتلها انك هتيجي
وعد:لا انا هاجي بجد
شهد:يابنتي الوقت متأخر تنزلي فين دلوقتي
وعد:انا مش في البيت اصلا
شهد:بتعملي ايه تحت لغايه دلوقتي
وعد:موضوع كداا هحكيهولك بعدين
شهد:تمام انا هقفل دلوقتي
وعد قفلت مع شهد
وعد:شكرا لحضرتك مككن تنزلني هنا
ريان:اسم المستشفى ايه
وعد:لا انا هنزل هنا
ريان بحده:اسم المستشفى ايه قولت
وعد قالتلوا عليها وهو وصلها
وعد دخلت وريان معاها
وأول ماريان دخل الكل وقف وقعدوا يرحبوا بيه
وعد باستغراب:هما يعرفوك اووي كده
ريان:انا صاحب المستشفى
وعد:امممم
وعد سألتهم على الأوضه اللي فيها وعد ودخلت ليها
وعد:شهد حبيبتي عامله ايه
وجريت عليها حضنتها
شهد:انا كويسه ياحبيبتي متقلقيش
ريان:حمدالله على سلامتك ياأنسه شهد
شهد فتحت عنيها على اخرها وفتهت بقها:هاا!!!....
وعد بهمس:الله يخربيتك
شهد:الله يسلمك يافندم.... شرف كبير ليا انوا حضرتك موجود
ريان اكتفى ب أنوا يهز راسوا
وعد:شكرا لحضرتك تقدر تكشي انا هقعد معاها هنا لغاية الصبح
ريان سابهم ومشي.
(رواية وعد الريان)
(البارت الرابع )
بقلم منه السيد
ريان سابهم ومشي...
شهد:ريان باشا جاي عندي هنا بنفسوا انا مش مصدقه
وعد:وايه يعني هو احنا مش بني ادمين يعني فيها ايه
شهد:والله انا مش مصدقه دي أول مره تحصل
وعد:المهم ايه اللي حصل معاكي وفين اللي خبطك بالعربيه
شهد:مش تفكريني دا مستفز ياشيخه وابرد عباد الله
وعد:يابت بطلي طولت لسان وقولي عمل ايه لدا كلوا
شهد:المتخلف قايل لدكتور اني مراتوا
وعد بضحك:طب والنبي انوا عسل...اتجوزتي يابطه من غير مجهود
شهد:والنبي انتي اللي عسل
وعد:طيب مافيش حد حقق ولا حاجه معاه
شهد:طلع ظابط مخابرات والزفت اللي ايجا يحقق طلع صاحبه وقاعد يتريق ويعاكس ابن المفلسحة
وعد:ابن المفلسحة...تطلع ايه دي
شهد:لما اعرف هبقا اقولك
وعد:والله انتي مشكله ياشهد
شهد:المهم اتصلي على ماما قوليلها انوا انا قاعده عندك واروح عندك وهروح بكره اي حاجه علشان مش تنشف دماغها وتيجي دلوقتي الوقت متأخر...
وعد:تمام
وعد اتصلت على مامت شهد وخلصت
شهد:قالت ايه
وعد:اقنعتها بصعوبه.
شهد:المهم ايه حكايتك انتي وريان
وعد:ولا حكايه ولا حاجه
شهد:اومال ايه اللي حصل
وعد:هحكيلك ياستي.....
وعد حكتلها وخلصت
شهد:يابنت المحظوظة
وعد:محظوظه انوا انا كنت هتخطف
شهد:لا انوا ريان هو اللي انقذك
وعد:والله انا مش فهماه هو ااه بقالي يومين تلاته عرفاه بس انتي عرفاني......بفهم اللي قدامي في ساعتها لكن دا تحسيه مذيج بين شخصين يبان قاسي بس قلبوا أبيض وشويه يبقا متكبر ومغرور وشويه متواضع جدا وبيحب يساعد الناس....انا بجد مش فهماه
شهد:بس قمر وشيك وطلتوا لوحدها كده تهوس... ياااااه
وعد:نامي ياختي هقوم اتصل على ماما اطمنها عليا
شهد:قومي ياختي
وعد اتصلت على مامتها وراحت وقفت عند الشباك وتفكر
~~~~~~~~~~~~~~~~~
ريان في أوضتة وقاعد بيفكر بصوت عالي.....
ريان:انا ليه عملت كده ....ليه وصلتها اصلا ولا اروح معاها.
..ليه...انا مش هنكر انوا ليها سحر تجذب اي حد ليها... بس اكيد خاينه زيها زيهم كلهم هما كدا في الأول
وللحظه افتكر حاجه ومسك الفون بتاعوا وأتصل على حد
ريان:الوا يا ياسين
ياسين:ايه ياعم ريان بقا استناك ساعه في المطار وانت ولا هنا
ريان ببرود:مش كنت فاضي
ياسين:ماعلينا انت عامل ايه
ريان:بخير
ياسين:الواد عمر عامل ايه واحشني
ريان:كويس
ياسين:هاجيلك بكره الشركه
ريان:اوك....سلام
ياسين قفل ومسك شنطة وكانت شنطة شهد
ياسين:شهد حسن علي.... اممم.... يلا أما نشوف حكايتك ايه.
~~~~~~~~~~~~~~~~~
في صباح يوم جديد على ابطالنا مليئ بالاحداث.......
عند شهد ووعد......
وعد راتحت جابت هدوم لشهد وخرجوا من المستشفى ووعد وقفت تاكسي ووصلت شهد البيت وروحت على بيتها.....
عند بيت وعد.....
أسماء والدة وعد:ايه يابنتي انتي لحقتي تقعدي علشان تمشي وعد كانت لبست علشان تروح الشغل:معلشي ياماما علشان مش اتأخر
أسماء:ماشي يابنتي
~~~~~~~~~~~~~~~~~
عند ريان......
ريان لبس ونزل تحت
سعاد:يلا ياحبيبي علشان تفطر ريان كان لسه هيرد سمع صوت من وراه
:ريااااان
ريان لف وقعد على ركبته وفتح دراعه وحضنوا جامد
ريان:حمزه.....وحشتني اووي اووي اووي
حمزه:وانت كمان وحستني(وحشتني )اووي اووي
ياريان
ريان:ايه ريان دي انا خالوا ياض احترمني
حمزة:لا مس خالوا انا هفضل اقولك ياريان هو مس احنا ثحاب(صحاب)
ريان:اااه
حمزه:وفي ثحاب بيقولوا لبعض ياخالوا
ريان:لا
حمزه:يبقا انا هقولك ياريان
ريان:أقنعتني....طالع لأمك
وبعدين سكت بحزن.....
استوووووب......
(حمزة:طفل عندوا تلات سنين مامتوا متوفيه اللي هي أخت ريان وريان بيحبوا جدا وحمزه متعلق بيه اوووي)
حمزة:مس تزعل ياريان ماما عند ربنا
ريان:حاضر ياحبيبي
حمزه جري على نور
حمزه:نوووور وحستيني اووي
نور وهي بتحضنه:وانت كمان ياروح قلب نور
وراح وسلم على سعاد وحضنها
عمر:ايه ياعم انت نسيتني ولا ايه
ريان:وانا اقدر....يلا علشان نفطر مع بعض
عمر:انا عازم نفسي عندكم النهاردة
ريان:والله ماعندك دم
سعاد بضحك:تنور في اي وقت ياحبيبي
عمر:ازيك يانور
نور بابتسامة:الحمد لله
كلهم قعدوا وفطروا وريان وعمر مشيوا بعد مافطروا
(في الشركة)
ريان في مكتبوا ووعد واخده ورق وكانت ماشيه ومره واحده خبطت في بنت باين عليها التكبر
:مش تحاسبي انتي عاميه....كسرتي تليفوني
وعد ببرود:لا بشوف كويس اووي بس الواضح انوا انتي العاميه مش انا.....مش انا اللي ماشيه بلعب في تليفوني واخبط في خلق الله.....
عمر:في ايه ياوعد... انسة ميار اهلا وسهلا
ميار بضيق:انتوا مشغلين عندكوا ناس زباله ابقوا اختاروا كويس بعد كده مش تجيبوا اي حد من الشارع وتشغلوهم....
وعد في اللحظة دي فقدت اعصابها ورغم كده اتكلمت بهدوء ودا استفز ميار
وعد:والله الزبالة عارفه نفسها كويس والزبالة دي انتي.... واللي جايين من الشوارع دول انضف منك ومن اللي زيك وبعد كده اتكلمي كويس ياشاطرة احسنلك.....على الأقل بتوع للشوارع دول عندهم أصل وكبرياء وقلب واحترام واخلاق...مش زيك ياحلوة.... والله اعلم مش يمكن تكوني انتي كمان في يوم من الايام من بتوع الشوارع ومحدش عارف الدنيا دوارة....
عمر كان واقف مبتسم والموظفين كلهم واقفين يتفرجوا
وميار فقدت اعصابها ورفعت ايديها علشان تضربها بالقلم بس في حد مسك ايديهاوبصلها بغضب.....
ميار:ريان
ريان:تعالي على مكتبي وكل واحد يروح على شغلوا....
ريان راح هو وميار على المكتب
ريان ببرود:جايه ليه
ميار بدلع:وحشتني
ريان:والله
ميار وهي بتقرب منوا:تحب اثبتلك
ريان بعصبيه:انتي تيجي هنا وتقولي كدا على الموظفين وتهينيهم لا ووقاحتك جابتك بأنوا ترفعي ايدك عليها وتقوليلي وحشتني....وانتي مش وحشتيني يلا مع السلامة....
ميار مشيت بعصبية
(عند وعد وعمر)
عمر بفرحه:بس عجبتيني الصراحه متوقعتش منك كداا
وعد: ليه بقا.....والله لو ميت واحده زيها لكنت ورتها أصلها كويس.....حرقت دمي الله يحرقها مطرح ماهيا....
عمر بضحك:انتي تعرفي مين دي
وعد بسخرية:مين يعني
عمر:دي تبقى ميار مجدي المهدي بنت عم ريان
وعد:وايه يعني دا لو ريان نفسوا هعمل كداا
عمر بصدمة:انتي قد كلامك
وعد:ااه طبعا ومش قدوا ليه.... انت باصص ورايا ليه
وعد بصدمة:مستر ريان
ريان بعصبية:ورايا على المكتب
(عند ريان في المكتب)
ريان:يعني مش عملالي حساب
وعد:هو يعني....انا كنت بهزر
ريان:روحي على مكتبك....وإلا هتكوني بتتحاسبي في قبرك كمان شويه
وعد مشيت وهي خايفه وجريت على مكتبها.