رواية وخضعت للحب الفصل الحادي عشر11 والثاني عشر12 بقلم اروي الشرقاوي
ذهبت ميرال إلى عصام
عصام :كله تمام وخلصت من بنت المجنونه دى
ميرال :كله تمام
فلاش باك
قامت ميرال بالذهاب إلى شركة عصام الجيار ورحب بها كثيرا وظن أنها سوف تعاتبه على مافعلته أبنته ولكن حدث العكس
ميرال :إزى حضرتك
عصام:والله أنا محرج منكم من إمبارح بسبب الى بنتى عملته
ميرال :أنا جايه أطلب منك اسماء لمازن
عصام :ماهى بنتى نيلة الدنيا إمبارح ورفضته
ميرال :انا إلى قولتلها تعمل كده أسماء هتتجوز مازن بس من غير ماحد يعرف
هنقول أنها راحت تغير جو فى أى بلد وأنا هقول إن مازن سافر لندن يمسك الشغل هناك
عصام بتعجب :ليه كل ده
ميرال :وافق بس ياعصام باشا
عصام:انا موافق طبعا علشان أسماء هتبقى سعيده
ميرال :كده تمام تخلى بقا طنط صفيه تجهز شنطة أسماء بعد ماتروح الجامعه أنا عمللها الجواز مفاجأه
عصام :متأكد أن بنتى هتبقى سعيده فى وسطكم بنتى حبت الشخص الصح
تبسمت له ميرال وتحدثت معه لفترخ وبعد ذلك رحلت
باك
ميرال :أنا صورت أسماء وقت ماقولنا ليه على الجواز حسيت إنك لازم تشوف فرحت بنتك
عصام بإمتنان :بجد إلى أنتى فيه ده مش من فراغ بجد ليهم حق يعتمدوا عليكى فى كل حاجه لأن ده ثقه إنك دايما بتختارى ليهم الصح ولو على مصلحتك انتى بجد أنتى حاجه كبيره والكل يتمنى يبقى عنده بنت زيك
ميرال بحب :وأنا دايما مع الكل وعيلتى اهم حاجه فى حياتى ومش هسمح لحد يإذيهم مهما حصل أسيبك بقا ياحاج عندى شغل سلام
وتركته ورحلت
ميرال لنفسها :كده مشكلتك إتحلت يامازن فاضل باقى العيله يارب قدرنى
عند أسماء ومازن
مازن :إنتى يابت أنتى هبله مش مصدقه إيه
أسماء ببلاهه :مش مصدقه كل ده هو انا إتجوزتك بجد يالهوى هيغمى عليا ياناس
مازن بضحك :مجنونه والله ماقولنا خلاص إتجوزنا خلاص بقيتى حرم مازن الجمال
أسماءبغرور:طب بس متتنفخش أوى كده دانتا متجوز أسماء الجيار إحنا مش شويه يعنى
مازن بحب :احلى سوسو فى الكون كله
أسماء :بص يامازن ياخويا أنا لسه متعودتش على الحاجات دى متدنيش الصدمات مره واحده أصبر عليا كده واحده واحده
مازن بتعجب وإستنكار:أخويا فى يوم زى ده والله أنا قولت الجوازه دى مش جايبه همها محدش صدقنى
أسماء:وماله اليوم ده ومالها الجوازه ديه ياخويا
مازن :كلمة اخويا بتطلع كتير منك وكده منظرى بقا وحش بقولك ياسوسو مفيش حاجه كده دنا جوزك يعنى
أسماء بخجل :مازن بس بقا علشان بتكسف🙈🙈
مازن بصدمه :دانتى بتتكسفى زى البنات أهوه
أسماء :طبعا هو انا مش بنت زيهم ولا إيه متحسن ملافظك ياعمونا
مازن :هو إيه فاقده الذاكره يخربيت فصلانك الواحده تقول حبيبى روحى وإنتى أخويا وعمونا
أسماء :حبيبى هو إنتا شيفنى قدامك واحده مايصه ولا حاجه متنشف كده ياخويا
مازن بزهق :أنا بقول نرجع مصر ونلغى الجوازه
أسماء :تلغى ايه دنا كنت نطيت فى كرشك ياراجل
مازن بص الناحيه التانيه :والله مافى فايده فيكى
أسماء :هو أنا زودتها معاك ولا إيه
مازن :لا بس فى إختراع اسمه الرومانسيه معداش عليكى تقريبا ولا جيه عندك
أسماء :بحبك علفكره
مازن بفرحه :طب مانتا حلو وبتقول كلام رومانسى أهوه يابرعى
أسماء :صدق والله غلطانه
مازن شدها نامت على كتفه وباسها من راسها :بحبك ياكارثه عمرى كله
أسماء بحب :بعشقك ياعمرى كله
وبعد فتره هبطت الطائره وأعلنت عن بدأ رحله جديده فى حيات هؤلاء العشاق رحله يملأها الحب والسعاده
اخذها مازن فى السياره الخاصه بهم وذهبو ألى الفندق واخذو مفاتيح الجناح الخاص بهم
اسماء بإنبهار:الله جميله اووى شكراا ليك بجد كل حاجه بشوفها معاك ليها طعم تانى
مازن بحب :انا من النهارده هعيش بس علشان أسعدك
أسماء :بجد ربنا ده بيحبنى لأنه رزقنى بزوج زيك يحبنى ربنا استجاب لدعيا وبقيت من نصيبى بحبك يامازن
وبعد ذلك اقترب منها
أسماء بتلبك :مازن إبعد
مازن بخبث :هو أنا لسه قربت وبعدين دنا جوزك بردك ياسوسو
إقترب منها مازن وعبر لها عن حبه الذى يكتمه داخل قلبه منذ سنوات هذا الحب الذى إنتهى بالزواج وذهب بها إلى عالمهم الخاص
.............. ... ........... .....
فى المساء ذهبو الى منزل حسن لخطبة أميره إلى معاذ كانت فرحة اميره لاتوصف
كانت تجلس فى غرفتها هى ورفيف تستعد لمقابلة مازن
أميره لرفيف :فرحانه اوى يارفيف هبقى معاكى فى بيت واحد
رفيف بخبث :يابت على رفيف بردك ده الواد عجبك من أول يوم شوفتيه فيه
اميره :بطلى بقا يارتنى ماقولتلك دانتى فضيحه
رفيف :ربنا يديم السعاده على قلبك يارب ياأميره معاذ مش هيلاقى زيك ياله ياختى نطلع بره ميرال هتعلقنى هى ومعاذ لو إتأخرت أكتر من كده
وبالفعل خرجت كل من رفيف وأميره
جلسو بجانب بيسان
بيسان :أعرفك بنفسى عمتك المستقبليه بيسان الجمال
اميره بخجل :اهلا بيكى
بيسان :إيه البت الكيوت دى فينك ياأسماء كنت أقولها إزيك ترد تقولى أهلا ياشبح
شادى :بنت بيئه شحيبر شحبير يعنى مفيش كلام
رفيف بصدمه :يعنى قصدك إنى انا جعفر يادى النيله كان عندى امل أبقى شحيبر
ميرال بصرامه :مش ملاحظين إننا مش فى القصر
رفيف :أسفين ياريس... ووجهت حديثها إلى بيسان وشادى.. علطول كده كسفنا فى كل حته كملى ياميرال أنا حظرتهم أهوه كملى سمعينك
كامل :بغض النظر عن الى ولادى عملوه انا جاى طالب بنتك لأبنى معاذ
حسن :ده شى يشرفنا طبعا أميره بنتكم
وطبعا مش هلاقى احسن من معاذ ليها بس اخد راى أميره
رفيف :وأنا بالنيابه عن أميره ومن موقعى هذا بقولكم أميره موافقه ياله نقرأ الفاتحه
ميرال:رفيف ياحبيبتى بقول نسكت
رفيف :صدقو غلطانه بوفر عليكم وقت البت دى هتقعد تعمل مكسوفه وكده وبعدين تهز دماغها بمعنى أنها موافقه وليه كده ده انا قولتلكم وخلاص ولا إيه ياعم حسن غلط انا فى كده
حسن :لا طبعا ياست البنات
رفيف :شالله يخليك روح ياراجل ياكومل إنتا
ضحك الجميع على رفيف
حسن :إيه ياأميره موافقه
هزت أميره رأسها بمعنى موافقه
رفيف بهمس لبيسان :والله قولتلهم هتعمل كده مصدقونيش عقدت الخواجه بقا
بيسان بهمس:يخربيت كده ميرال هتشلوحنا حالا إخرسى هى أسماء سافرت وسابت لسانها هنا
رفيف :بنت المحظوظه زمانها عايشه ومتروقه
بيسان :البت هتولع يخربيتك قراره درجه أولى
رفيف بصوت عالى :انا مش بقر أنا بحسد علطول
بيسان :جالك الموت ياتارك الصلاه ميرال هو أنا لوقولتلك إن رفيف ألى جرجرتنى للرزيله هتصدقينى صح
ميرال:لو سمعتك أنتى وهى هعلقكم فى الشجر الى فى الجنينه
رفيف :لا إذا كان كده نحط لزق ولا تزعلى ياكبيره الله يخربيت إلى يزعلك ياشيخه
شادى :ماتخرسى بقا يابت
كامل :نقرا الفاتحه ياجماعه والخطوبه بكره عايزين نفرح ومعاذ مستعجل والجواز بعد الأمتحانات
حسن :طبعا موافقين رايك إيه يااميره
أميره بكسوف :موافقه
قامو بقراة الفاتحه وتحديد الخطوبه والفرح وكانت أميره فى سعاده لاتوصف
معاذ وهو ينظر إليها :أفرحى ياحلوه براحتك بكره أعرفك لسانك بيطول على مين بس هانت وبكره أعرفك تتكلمى كده مع مين واعرفك مين معاذ الجمال انا إلى البنات بتترمى تحت رجلى حتت بت زيك تطول لسانها عليكى
وأنتهو وبعد فتره رحلو
أتى احمد بعد رحيلهم
حسن بعتاب :ليه كده يابنى مش قولتلك تيجى بدرى
احمد بتأفف :مش خلصتم خلاص انا قولتلك مش مرتاح للجوازه دى
اميره بحزن :ليه كده يااحمد
احمد :يوووه انا طالع شقتى مش ناقص وجع دماغ
وتركهم ورحل
حسن بيأس :ربنا يهديك يابنى
............. ............ .....
كانت تجلس مع مليكه فى غرفتها تتحدث معها وفرحت بشده من هذه النتيجه المبهره
ميرال :انا مش مصدقه
مليكه :صدقى انا هرجع واقوى كمان ومش هبص للماضى هرميه ورايا
ميرال :بجد مش مصدقه والله وهفضل مش مصدقه كده كتير الدكتوره روان دى ممتازه بجد متفوقه
مليكه :انا مش هقع وهقف وغسق ياميرال نفسى تعرف أنى أمها وتقعد معايا وأفرح بيها انا تعبانه ياميرال
ميرال :وانا معاكى هساعدك ومش هسمح لحد يإذيكى يامليكه
مليكه قامت بإحتضانها :بحبك ياميرال
ميرال :لا انا مش متعوده على كده بحبك ياميرال وكده مشاعرى بتنهار ياجدع
مليكه :هههههههه
ميرال:يابنتى والله كل فى يوم واحد مليكه ملوكه تتكلم وتضحك بس البت غسق كانت مصبرانى الأيام إلى فاتت
مليكه :والله ابغى اقولك إنى بدى شوفها لكن أستحى
ونتركهم ليكملو حديثهم
.....................................
فى الفيلا كانت تجلس رفيف مع بيسان فى الحديقه الملحقه بالقصر
رفيف :هو إحنا هنتنيل ونتحب إمته ونلاقى حد يأعجب بينا يابت يابيسان
بيسان بوجع :عارفه يارفيف بالرغم من أننا من عيلة الجمال اكبر عائلات البلد بس مش لاقين الحب
رفيف بتأثر:هو إحنا وحشين قوى كده يابيسان
بيسان بسخريه:والله ماعرفه العيب فينا ولا فى الناس
أت صوت من خلفهم :أكيد العيب مش فيكم
رفيف :معاذ امال العيب فى مين
معاذ :العيب فى عيونهم مش شايفين القمرات دول
ات من خلفهم صوت شادى :طبعا احلى قمرات فى العالم كله مش بنات الجمال
رفيف :إتوكس ألا مافى برص عبرنا تقولش عندنا جرب
بيسان :عندم حق ياأوختشى
رفيف :انا عندى فكره حلوه اول واحد يقابلنا فى الجامعه يقولنا صباح الخير ويبقى موزز نقولوه أنتا مرتبط ولا لأ
لو مش مرتبط نرتبط معاه
بيسان :فكره واو انا هعمل كده
كل واحد فيهم مسك اخته من قفاها :صدقو ميرال عندها حق تستاهلو التعليقه بتاعت الشجره
بيسان :تسلم أيدك ياسيد المعلمين
رفيف :ياراجل متزعلش نفسك عيله وغلطت هتعمل عقلك بعقلنا
شادى :تستاهلو معدش أل تصطادو عرسان كمان
بيسان بمكر :السوق مش متوافر فيه
الحب دلوقتى شاحح ياعمونا
شادى بغيظ :بيسان خدى رفيف وعلى فوق لحسن الشجره بتنادى عليكم
رفيف جرت بيسان خلفها ورحلت من امامهم مسرعه جلسو سويا وكل منهم شارد فى حياته
شادى يفكر فى بيسان
كم هو مؤلم شعورك بالضغف ليس بالضعف الجسدى ولكن ضعف ليس بيدك ضعف يجبرك على ترك حبيبتك والرحيل ولكن هل قوته فى البعد عنها ستددوم ام سيحل مكانها ضعف يجبره على الأقتراب منها وترك هذا الضعف خلفه
معاذ يفكر فى حكايته مع اميره
هل مافعلته بسب الأنتقام ام لسبب اخر سبب حبي ليكى لذلك فعلت هذا الأمر لكى أثبت لشخصيتى المغروره الرافضه للحب أننى لم أحبك يوما ما ولكن هل سأستطيع أثبت لنفسى طوال الوقت ام ان الحب سيهزم هذا المغرور
ومر الليل على هذا النحو بين ابطالنا
............. .........
فى هذا المكان المهجور الذى يتقابل فيه هؤلاء المافيا ورئيسهم البوص الذى لم يعرفه احد حتى الان
ضاحى:فين اختك ياعمار
عمار :عايز من اختى أيه
ضاحى :بس إنتا الراجل بتاعنا لازم نهتم بيك وبعيلتك
عمار:بعد ماحكيتلها على إلى مازن عملها ورفضته اعصابها تعبت وراحت تغير جو
بس فين محدش يعرف
ضاحى :ماشى ياعمار تقدر تمشى دلوقتى
وبالفعل رحل عمار وترك ضاحى ليذهب ألى البوص لكى يخبره
البوص :قالك ايه
ضاحى :قالى سافرت تغير جو
البوص :عمار مينفعش فى حاجه انا مش معتمد عليه انا بس عايزه تحت أيدى يوم ماهزهق منه هشيله قضيه ونخلص
ضاحى :طب هتعمل ايه ياباشا
البوص :انا حاليا بعمل رجالتى بيدورو عليها وهنعرف هيا فين ولو إلى فى بالى حصل ميرال هتشوف وش تانى
ضاحى :طب ننزل بالخطه الجديده ولا نستنى
البوص :لا نفذ عايز ألخبط ميرال الفتره ديه
ضاحى :البنت جاهزه ياباشا
البوص :أبدا ياضاحى وبلغنى بكل خطوه وانا هبقا متابع كل حاجه
وبالفعل رحل ضاحى لتنفيذ الخطط الدنيئه
وظل هذا الشخص الذى لم يعرفه احد حتى الان يخطط لدمار من حوله
... ..... .......... ......
كان يقوم بقيادة سيارته وهو شارد الذهن يفكر هل مايفعله هو الصواب ام خطا
وفى هذا الوقت صدم إحدى السيارات
ولكن صدمه بسيطه نزل من السياره كانت الفتاه التى صدمه سيارته تقوم بمعاينت السياره وماذا حدث بسيارتها
عمار بأسف ولم يرى الفتاه :أنا أسف يافندم مكنتش مركز انا هتحمل كل الخسائر
روان وهى لم ترى من هذا الشخص :انا هوديك فى ستين داهيه انتا بنى اد...
ولم تكمل حديثها عندما راته
عمار بتوهان :انا قولتلك اسف وهتحمل الخساير ولو عايه تعملى محضر انا موافق
روان بحسره على ماوصل أليه :لا مفيش حاجه ممكن حضرتك تتفضل تمشى انا الى كنت سرحانه شويه
عمار :وانا كمان كنت سرحان يبقى أحنا الإتنين غلطانين تعالى اوصلك
روان بنفى :لا متتعبش نفسك
عمار :يعنى مش من الرجوله أسيب بنت زيك فى مكان زى ده
روان :صدق عندك حق
عمار :شوفتى ياله وانا هتصل بالمكانيكى هيجى ياخد العربيه وأدينى عنوانك ادهوله يبعتهالك عليه
ركبت روان سياره عمار
عمار :هو انا ليه حاسس إنى شوفتك قبل كده هى إحنا نعرف بعض
روان بشرود :من زمان
عمار :زمان
روان وعادت ألى الواقع :شوفتك فى مكتب ميرال الجمال
عمار :أه طب ممكن رقم حضرتك علشان العربيه
اعطته روان الرقم ولم يعلم عمار لماذا يشعر بأنه يعرف هذه الفتاه منذ فتره
طويله لم ينجذب لفتاه منذ وفاة حبيبته ساندى ولكن عيون هذه الفتاه تجبره على النظر اليها فعيونها مثل بحور أذا اراد معرفة هذه الفتاه لابد من الأبحار طويلا
فيهم
.................. ..............
كان فى مكتبها يخبرها بأنهم حصلو على المناقصه
ميرال :كنت متاكده وخصوصا بعد إنسحاب عصام الجيار
ادهم:موقفه حيرنى جدااا انا متوقعتش منه كده
ميرال:عصام الجيار كويس بس عمار الأنتقام عامى قلبه
ادهم :عمار الشر ملى قلبه ياريته يرجع زى الاول
ميرال بغموض :بكره يرجع زى الاول
ادهم :هستأذن انا عندى شغل
ميرال : إنتا بدات شغل من فتره بسيطه بس اسمك اتعرف بسرعه
ادهم:طب مشهوره اهوه وشاطر متخلى قلبك كويس كده ويحس بيا
ميرال :مبتزهقش من الموضوع ده
ادهم :لا مش بزهق بس فى ملف محتاجه فيه الأرقام وكل حاجه مهمه
ميرال :الملف ده حطاه فى مكان محدش يعرفه هجيبهولك بس حظارى تديه لحد ده ملف مهم
وبالفعل ذهبت ميرال لجلب هذا الملف وضعت كرسى وطلعت عليه لجلب هذا الملف وبالفعل جلبته ولكن عند نزولها وضعت يديها فى المكان الخطأ كانت ستقع ولكن قام ادهم بأنقاذها ووقعت بين أحضانه
مر وقت طويل وهى بين احضانه ينظر كل منهم إلى اعين الاخر يبحث عن اجابات لأسئله لم يستطيع الكلام الإجابه عنها
انتهبت ميرال الى وضعها قدمت بأبعاده عنها
أدهم :بحبك والله ياميرال وإنتى عيونك بتقول إنى جوه قلبك ليه الجفا
ميرال :بره ياأدهم بره
ادهم :مش هتنازل عنك ياميرال انا مصدقت لقيت الحب مش هتنازل عنه بسهوله
وتركها ورحل
وخضعت للحب
الفصل الثانى عشر
بقلم ...أروى الشرقاوى
كانو يقومون بتجهيز الحفله فى القصر هذه خطبة معاذ الجمال سوف تقام الحفله كما ينبغى لكى تليق بعائلات الجمال وقامت ميرال بدعوة رجال الأعمال والجميع ستكون خطوبه أسطوريه
وقامت ميرال بالاتفاق مع إحدى دور الأزياء لعمل فساتين للفتيات
وتولى شادى هذه التحضيرات
فى غرفة الفتيات
بيسان :فستانى تحفه يالهوى جميل
رفيف :أنا فستانى احلا علفكره بس أنتى مش واخده بالك
بيسان :لا انا فستانى أحلا ماليش فيه
اميره بضحك :لا انا فستانى أحلا أنا العروسه ولا أنتو مش واخدين بالكم
بيسان:إيه ده مين إلى بيتكلم ده
رفيف :ديه بتشتمنا ياكبيره
بيسان:يومها مطلعتش ليه شمس
هيا بنا ياشباب وأنطلقو مسرعين خلفها فرت اميره من أمامهم وفتحت باب الغرفه وظلت تجرى وهوم خلفها وظهر معاذ من العدم أمامهم أنصدمت بيه أميره ووقعت بين أحضانه فرت كل من بيسان ورفيف الى غرفتهم مرت لحظات وهوما بنفس الوضع إنتبهت أميره إلى الوضع
أميره بإحراج وهى تبتعد عن معاذ :أسفه جدا
معاذ وهو يحك على رأسه من الخلف :لا مفيش حاجه بس كنتو بتجرو ورا بعض ليه
أميره بتسرع :بيقولو أن فساتينهم أحلى من فستانى يرضيك كده ولما قولتلهم أن العروسه وفستانى أحلا عايزين يضربونى
معاذ بصدمه:نعم كنتى بتجرى علشان كده
طب لو حد من الخدم موجود فى الوقت ده كان يبقى منظرك إيه
اميره:زى الفل والله وبعدين عادى
معاذ ببرود وأيقن أنها لاتعلم : عادى تطلعى من غير حجاب قدام الناس كده
أميره بصدمه وهى تضع يديها على رأسها لتتأكد :يالهوى ده بجد
فرت من أمامه مسرعه وذهبت إلى الغرفه
رفيف بضحك :ههههههههه والله شكلك كان عسل وإنتى فى حضن معاذ
بيسان :معاذ ده مرزق من يومه والله وكمان من غير حجاب مرزق ياسلكاوى
اميره :اسكتو بقا علشان انا مش عارفه هبص فى وشه أزاى دلوقتى وأيه ألى جابه دلوقتى وبعدين سؤال مش ممنوع حد يدخل الدور ده من الشباب جاى ليه هو
تكلم الذى يقف خلفها معاذ :والله غريبه ياجدع جايه تتكلم كمان وهى إلى غلطانه أنا جاى اقولكم إن الميك اب أرتست وصلت خيرا تعمل شرا تلقى
رفيف:يخربيت كده هعيط
بيسان :الواد ده حساس اووى
ونظرت ألى اميره واكملت كلامها بالنسبه للى كانت مكسوفه علشان الحجاب إيه مانتى قاعده من غيره أهوه
إنتبهت اميره لنفسها هى بالفعل لم ترتدى الحجاب فرت أميره من أمامهم مسرعه دخلت الحمام
رفيف :مش قولت ياله يابابا من هنا هنرش مايه أما ادخل اشوف البونيه دى
بيسان :البت دى نصيبه
رحل معاذ وهو يفكر فى أميره وعفويتها
ومرت على شفتيها إبتسامه عندما تذكر شكلها وهى من غير حجاب كانت جميله بالفعل وعندما تذكر إحساسه وهى بين أحضانه ماهذا الشعور جعله يفقد التفكير وينظر فقط إليها
......... .......... ...............
فاقت قبله من النوم كانت تنظر إليه بحب وسعاده والفرحه تملى أعيونها لاتصدق حالها نعم هى تزوجته بالفعل ودعت ربها بأن تددوم السعاده فى حياتها
وقامت بطبع قبله على خديه فاق مازن فى هذا الوقت
مازن :خيانه بتوبسينى وانا نايم معندكيش إخوات صبيان تخافى عليهم
أسماء ببلاهه:نعم
مازن :بتستفردى بيا وانا نايم
أسماء :مازن ياحبيبى حصلك حاجه وأنتا نايم
مازن:اهوه حاجه مين الى بتعمليه فينا
وأكمل بحب ...صباح الخير ياجميل
أسماء :صباح الهنا على حبيب قلبى أنا
مازن :حبيبى رومانسى ياناس
أسماء :طب كده تمام كلام رومانسى وقولنا مش ناكل بقا أنا جوعت ياعمونا والله
مازن :يخربيت فصلانك فى حد يبقى فى اللحظات الرومانسيه دى ويطلب اكل
أسماء :هو الكلام الرومانسى بيشبع اول مره أعرف ياخويا
مازن وهو يغمز لها :أخوكى إيه بقا باإلى حصل إمبارح
أسماء بحرج :مازن بس بقا انا جعانه بجد
مازن :مش فى اكل يابنتى وحاجات فى التلاجه
أسماء بنفى :لا مهو معدش فيه
مازن :بصدمه كلتيهم كلهم
أسماء :ماتقول بسم الله ماشاء الله ولا حاجه هتحسد ولا إيه
مازن :بالهنا ياحبيبتى ياله إلبسى وننزل ناكل ونحلى كمان ونلف شويه
اسماء قامت مسرعه :هيهيهيهيه ثوانى وأكون جاهزه
مازن وهو بيضرب كف على كف :متجوز بنتى أختى
وقام هو الأخر
......... ........... .......... ..
فى الشركه كانت ميرال تتحدث فى هاتفها
مع الشخص الذى يعمل مع البوص لحسابها
الشخص :ناس معندهاش ضمير كل شغلهم مشبوه مافيا عالميه
ميرال :ولاد الكلب صفقات اسلحه لبلاد فيها حروب اهليه صفقات أطعمه فاسده
مخدرات تدمير أجيال
ميرال :الناس دى لازم تقع
الشخص :إلى جننه إختفاء أسماء ومازن
ميرل:ومقلش هيعمل ايه الخطوه الجايه ايه
الشخص :مش مرتاح للهدوء ده
ميرال بسخريه :هدوء ماقبل العاصفه حاسه مش مصدق حكاية أسماء
الشخص :انا نفسى اعرف الشخص ده هموته وأرتاح منه
ميرال :هيتعرف ووقتها هخليه يشوف نار جهنم على الارض بس انا مش مرتاحه مش هيسكت
الشخص :حاسس انه مجهز لخبطه جديده
ميرال :جاهزه لأى خبطه منه بس مره تانيه بقولك لو الحكايه دى خطر ابعد عن كل ده
الشخص :انا كنت ممكن ابعد بس بعد ألى عرفته ده لايمكن ابعد لازم نحمى الناس من المافيا ديه
ميرال :بالتوفيق
واغلقت معه الهاتف بعد ذلك
........... . ........ ..........
كان يجلس فى مكتبه شارد فى حبه الذى ينتظر على احر من الجمر للقاء محبوبته
قام بالأتصال بمازن
ادم :احلى عريس فى الدنيا كلها
مازن :حبيبى يادومى
ادم:مش هتحس على دمك وتيجى تشيل الشغل هنا وأنزل مصر بقا وأتجوز واشوف العيله
مازن :يخربيت نحسك دنا لسه متجوز إمبارح ياراجل
أدم بضحك :كفايه عليك كده
مازن :يابنى إهدى مش هتطير والله
ادم :والله ماعندك دم عيل رخم مانتا متجوز حبيبتك وجمبها وانا بقالى ٣ سنين لاشوفتها ولا سمعت صوتها
مازن :خلاص نخليه اسبوعين صعبت عليا
أدم :ماشى يامازن خلص الأسبوعين مستنيك
واغلق معه مازن
اسماء :مين يامازن
مازن :ادم ياستى هيخلينا نقتصر شهر العسل على أسبوعين بس
اسماء :ادم مين
مازن :ادم أبن عمى بس ميرال عملاله نفى فى لندن ومنزلش مصر من ٣ سنين
اسماء :يالهوى تلت سنين
مازن :جباره تقولى أيه الواد البلد وحشته
أسماء :طب فكره حلوه أنا نفسى اروح لندن ياله بينا
مازن :ياله بينا فين يامجنونه
اسماء :لندن بالله عليك ياله نفسى اروحها ياله بينا
مازن:وانتى مفكره لو روحنا لندن هبقى فاضى ليكى مثلا ادم هيشيلنى الشغل وينزل ومش هشوفه غير بعد مايتجوز
اسماء:هو خاطب وبيحب
مازن :تقريبا وبعدين ده شهر عسل ماليش فيه
اسماء :شهر وهذاكر إمته انا بقا
مازن :اه صحيح نسيت
أسماء :لا إفتكر علشان هتشرحلى الى ناقصنى فى المواد ياحلو
مازن :وانا مالى متذاكرى لوحدك
اسماء:ميزو حبيبى يرضيك سوسو تفشل ويقولو الجواز عطلنى
مازن :لا طبعا ميرضنيش
واكملو حديثهم
فى المساء كانت الحفله جميله أنبهر الحضور بيها وبجمالها وبالفعل هذه الحفله تليق بعائلات الجمال
كانت الفتيات جميله بمعنى الكلمه بهذه الثياب المخصصه لهم فقط
قدم معاذ خاتم من الالماس ألى اميره كان كل شى خيالى بالنسبه لها
كان شادى ينظر ألى بيسان بحب فحقا كانت جميله وتخطف الأنظار تبهر من حولها وكذلك رفيف هؤلاء هن بنات الجمال وبالرغم من بساطة ثياب ميرال وعدم وضع اى من مساحيق التجميل كانت تخطف الأنظار تجبر من حولها للنظر إليها
شادى لرفيف وبيسان :بت أنتى وهى الروج ده يتشال حالا بنات الجمال ميحطوش الحاجات دى
بيسان بخبث :ليه بقا ده الحفله حلوه وفيها ناس كتير وشكلنا هنطلع بعرسان فله انهارده
شادى :والله لو مكوناش فى حفله كان هيبقى ليا تصرف تانى معاكى
رفيف :شادى فى بنات كتير هناك روح لقط رزقك وسيبك مننا
شادى :الروج يتشال حالا ياله انتى وهيا لمفيش حفلات
بيسان بهمس :ربنا على المفترى
شادى :بتقولى حاجه يابيسان
بيسان بزهق :بقول حاضر
وقامت بفعل مايريده شادى هى ورفيف
عند معاذ واميره
اميره :الحفله جميله جدااا انا فرحانه قووى
معاذ :دايما حفلات عيلة الجمال بتبقى بالشكل ده أتعودى على كده
اميره :انا ليه حاسه أنك بتتكلم معايا بألغاز معاذ :مين قال كده انا بتكلم عادى إنتى ليه تفكيرك بيروح بعيد
أميره :إنتا طلبت تتجوزنى ليه يامعاذ
معاذ :مناسبه ليا واعجبت بيكى
اميره :اقولك حاجه مش حاسه بكده ومش مرتاحه
معاذ :ليه إنتى شيفانى قدامك وحش يعنى
اميره :ماهى المشكله فى كده مش عارفه انا خايفه من إيه
بعد مده أنتهت الحفله وكانت السعاده تغمر الجميع
فى القصر بعد انتهاء الحفله اخذت ميرال الجميع ودخلو الغرفه المخصصه لتجمع العائله
شادى بصدمه :إنتى بتعملى إيه
ميرال :يعنى تعرفها
شادى بتلبك :اه اعرفها
ميرال بزعيق :طول عمرك وسخ ياشادى كنت هتفضحنا انهارده لو مكنوش رجالتى شكو فيها كانت فضحتنا قدام الكل والصحافه
شادى بعدم فهم :ليه دى واحده عرفتها وخلص الموضوع
ميرال :اتكلمى قولى
بيرو :أنا حامل من شادى
شادى بصدمه :نعم حامل اتهبلتى وده امته بقا انا اصلا ملمستكيش
بيرو :لا لمستنى ولا إنتا من كتر البنات نسيت
ميرال :اخرصى ها قولت ايه ياشادى
شادى :انا متاكد مليون فى الميه إنها مش حامل مينى
كامل :وإيه الى يخليك متأكد كده
ميرال :هتفضل وسخ كده علطول انا نصحتك تبعد عن القرف ده مسمعتش كلامى وأهى النهايه مش هرحمك ياشادى
شادى بزعيق :كفايه بقا كلكم دايما كده ظلمنى انا عمرى مالمست اى ست كنت بعمل كده علشان بيسان تكرهنى وتبعد عنى
بيسان بدموع :ليه ياشادى
شادى بوجع :علشان انا عقيم مبخلفش يابيسان
وكانت الصدمه من نصيب العائله بأجمعها
ميرال :ايه مبتخلفش أزاى
شادى :زمان حصلتلى حادثه لو فاكره والدكتور وقتها قال على تحاليل وأشعات أعملها لما اكبر وفعلا عملتها وطلع عندى عقم ولما سألت الدكتور قالى عمليه ونسبه النجاح ٦٠%يعنى نسبه ضعيفه
بيسان :طب والبنات إلى بتكون معاهم كل يوم
شادى :بدلهم منوم وملمستش واحده منهم كنت عايزك تكرهينى
بيسان بوجع :ليه
شادى :علشان متحطش فى موقف أنك تختارى بين إنك تبقى أم او حبك ليا
بيسان :وليه تختار مكانى سيبنى أختار ليه بتختار مكانى
شادى ؛مش هستحمل إنى أكون السبب فى إنك متكونيش أم انا مش أنانى
بيسان :لا أنانى ياشادى لما توجعنى تبقى انانى لما تبقا عارف إنى بحبك وبتوجع وتعمل فيا كده تبقى أنانى
شادى :أنا كمان بحبك بس عايز أظلمك
بيسان :وأنا بحبك وموافقه أعيش معاك وتبقى إنتا دنيتى كلها
شادى :إفهمى
بيسان :إفهم انتا أنا بحبك وعايزه أكمل معاك
ميرال قامت بإستدعاء أحد رجال الأمن
ميرال :البنت دى تختفى لحد ماعرف مين وراها
رجل الأمن :تحت امرك يافندم
وبالفعل ذهب رجل الأمن بهذه الفتاه حتما ستجعلها ميرال تتمنى الموت ولن ترحمها
ميرال :شادى هتعمل إيه هتتجوز بيسان ولا هتعمل إيه
نظر شادى الى بيسان تذكر انه لو رفضها فى هذا الوقت لن تعود إليه مره ثانيه
شادى :هتجوز بيسان
بيسان بفرح وطلعت على الكرسى
:لولولولى ياام محمود صحى محمود قوليله بيسان هتتجوز شادى ياام نيازى صحى نيازى قوليله بيسان هتتجوز شادى
معاذ بهمس لشادى :منك لله هبلت البت إلى حيلتنا
ميرال :إنزلى يابيسان بسرعه
بيسان نزلت محرجه من على الكرسى
رفيف بهمس ليها:كسفتينا ينفع كده
بيسان بهمس :هتجوزه ده المهم
ميرال :فرح بيسان وشادى مع معاذ وأميره
ياله كل واحد على أوضته
وبالفعل رحل كل منهم إلى غرفته