رواية جراح الحب بقلم جني
الفصل السادس عشر
"مش كفاية قولتي انك هتكتبي الكِتاب وخلاص ؟؟ كمان مش عايزة تلبسي حاجة عدلة ؟
هتلبسى دة بصي سيمبل وجميل بليزر ابيض وبنطلون ابيض مفيش سيمبل اكتر من كدة "
"ياجماعة افهموني .. انا واحدة متجوزة وخلاص هلبس على خيبة اي ؟؟"
ردت جيدا : بصي بقا انتي هتلبسى غصب عنك وهحط البوست على فيسبوك عشان الكل يشوفوه
سارة بخوف : لا لالا انا مش هستحمل كدة تاني
جميلة : يبقا تلبسي وانتي ساكتة يلا عشان محكيش لمروان كل حاجة
——-
"وبرا … كان قاعد مروان مع حازم
-وأهلك ؟ مقولتلهومش انك هتتجوز يا حازم
-قولت .. بس حتى قبل ما اقول مين هما رفضوا وقالو انهم مش عايزين يشوفو وشي تاني قولت الحمدلله
-اي يابني دة مش زعلان انك خسرتهم ؟
-مش زعلان يا مروان ،، وانت كنت زعلت لما خسرت اهلك ؟
ابتسم بسخرية : دي خسارتهم نعمة من عند ربنا
كفاية اللي عملوه فيا انا مش هستحمل تاني
نفسي امسكهم كلهم كدة ب طبنجة واكسر دماغهم
بس للاسف …
-انا عاوزرك … تصدق اني حاسس نفس احساسك
بس خلاص انا هتجوز سارة و….
-بقولك اية .. متعصبنيش ،وكمان متفكرنيش انك هتتجوزها
-لية انت مش عايزنا نتجوز !
-انا لو عليا اخليها تبور جمبي .. وبعدين اسكت اسكت
اهم جم …
"كانت جميلة .. تسريحتها ولبسها وشكلها وكلها جميل مكانش فيها غلطة
اة حازم عارف ان الجواز دة كذبة ..
بس هو عارف انو بيحبها
وأول ما شافها م انبهرش لأنه مش جديد عليها انها جميلة … وكان مبسوط انه قدر يقنعها انو يتجوزها
كان فاكر ان دي حاجة مستحيلة بس دلوقتي …
هو سامع المأذون وهو بيقول " بارك الله لكما وبارك عليكما وجمع بينكما في خير "…
بعدها جيدا وجميلة حضنوها وكانو فرحانين رغم انهم عارفين الحقيقة …
وقبل ما حازم يمسك ايد سارة مروان شدها ..
-مش كفاية وافقت على الجوازة الهباب دي ؟؟
ضحكت سارة وقالت : خلاص بقا يا مروان انت هتذلني …
وحضنته سارة وهو بادلها الحضن .. وبعدين شاف حازم لما مسك ايديها …
جميلة : أنا بقا من رأي اني همشي انا ومروان وانتو كمان امشو ..
مروان بغيرة : هنمشي … بس الجو حر ومش بحب التلزيق دة انت مش حران يا حازم ؟؟؟
-لأ الجو حلو ..
-بجد والله .. ممم
جميلة همستله : ما تهدا شوية !!!مش كدة يعني هتولع
-انتي اسكتي انتي كفاية انك انتي السبب ف اني اوافق
"بعد شوية .. هما مشيوا … وجيدا فِعلاً نزلت الصورة … وفعلا كلهم شافوها
______________
"نعم ؟انتي بتقولي اي يا ريم "؟
-انا بقول الحقيقة هنا فعلا اتجوزو بص يا خالد !!
ناهد انصدمت جدا وردت بصدمة :
هي دي البنت اللي كان بيقول عليها ؟؟؟
غمزة : لأ ومبسوطين اوي يا ماما بصي
نبيلة بقلة حيلة : انا فقدت الامل ف عيالي خلاص
كلهم خرجو عن طوعي وباظو
ناهد :وانتي ياختي دة كل اللي فارق معاكِ؟
مايولعو اعملهم اي
نبيلة :يا سلام وعيالك كمان ما يولعو
خالد :انتو بتتكلمو ف اي !!دة كل اللي فارق معاكو ؟؟
انتو عارفين أن دي كارثة !! واصلا حازم ازاي يعمل كدة
ردت ناهد بصدمة : اة يا سارة !! اة لو شوفتك قدامي على اللي عملتيه ف عيالي
غمزة : واضح أن مفيش اي حاجه من اللي بنعملها هتفلح ...وتقريبا مفيش حاجة بتظبط
ريم : خلاص اتجوز انت كمان
غمزة بعصبية : على أساس أنها بتحبه يا خيبة
خالد : انا لازم افكر ف طريقة
غمزة : انا شايفة أن مفيش حل ... انا هستسلم
ناهد : مش هتسيبي مروان يا غمزة.. وهتفضلي وراه
نبيلة :لازم نفكر وهنلاقي حل اكيد
-----------------------
"سارة كانت قاعدة ف الاوضة على الكنبة متوترة ...
كانت خايفة ...حازم خبط على الباب ودخل. ...
"انتِ لسا صاحية ؟؟"
"عادي ..مش جايلي نوم بس .."
-انا عارف انك خايفة ...واكيد طبعاً متوترة ..بس انا برضو هفكرك تاني اني معاكي ومفيش حد هيقدر يلمسك طول مانتي معايا ...وكمان انا لسا عند وعدي. .
-انا عارفة....
-معقولة عارفة ..!
-ايوة ...انا عارفة انك هتوفيلي بوعدك
-مش قادر اصدق بس مبسوط انك واخيرا مصدقاني
-دة عشان بثق فيك
-بسم الله ما شاء الله دة انا هكسر قلة اخيرا !!
-متبقاش بارد ...وبعدين انا خايفة مش عارفة انت بتنام ف الاوضة المرعبة دي ازاي ...واي البورتريه دة؟؟
-ماله ...دة جميل
-دة زوقك !!
قال بفرح:عجبك صح ؟؟؟
-دة بشع ...وكله اسود ف اسود ومرعب ..انا حاسة اني ف غابة
-انتي بتنقديني لية ؟؟ عامةً يا ستي شوفي عايزة تعملي اي واعمليه. .مع العلم أن البورتريه دة جميل جدا بس انتي معندكيش زوق
-انا برضو؟ ... بص..
انا متعودتش انام لوحدي و... وبصراحة أنا خايفة... وكمان انا مش عارفة يعني بصراحة انت عايش لوحدك كدة ازاي يعني
بضحك : اغلب الوقت مكنتش ببقا هنا ...بس الاهم انو لو على الخوف ... انا هنام هنا ... وانتي على السرير وبراحتك
بس اوعي يكون بيجيلك كوابيس وتخضيني
-دمك مش خفيف
-انا نفسي تنصفيني
-لما تكون منطقي ..
-اللي انتي شايفاه ...
------------------------
مروان بتوتر : طب كلميها ..
جميلة : يووه متزهقناش بقا يا مروان واقعد واتهد قرفتني
مروان : اكيد عايزة تطلق انا هروح أطلقها منه حالاً
جيدا بقلة حيلة : استغفر الله العظيم ...بقولك اي يا مروان متتعبنيش انا خلقي ديق
مروان : تفتكروا هيأذيها
جميلة :لا الة الا الله ..جيدا انا هبات معاكي النهاردة وهو خليه يروح ياكل ف نفسه ...
مروان : تمام خليكي ما انا مش فارق معاكي
جميلة :هنبدأ بقا فقرة الاهتمام مبيطلبش؟؟؟
جيدا :تعالي ندخل جوا ونسيبه هنا مع نفسه
جميلة لما تخلص هري قولي …ولو عايز تمشي براحتك المهم متزعجنيش
مروان :بقا كدة …
————————————-
"صحيت من النوم ومكانتش عارفة تنام…ولما قررت تمسك الموبايل شافت رسالة من خالد
"الف مبروك مش كنتي تعزميني اوجب معاكي ؟"
"معرفش اتجوزتيه ليه بس اياً كان اللي في بالك مش هيحصل انا عارف اني ولا مرة نجحت ف اني احاسبك على عمايلك دي بس هحاسبك قريب اوي … تصبحي على خير ."
____________________________
"تاني يوم … جيدا وجميلة كانو مع بعض ..
جميلة : انا حاسة اني تعبانة شوية
وبقايا فترة مش مظبوطة ودايخة وتعبانة ..
جيدا: طب اي رأيك نروح للدكتور ؟؟
جميلة بتفكير عميق : تفتكري لنفس الدكتور اللي نبيلة كانت قايلالي عليه !
جيدا : لأ طبعاً متثقيش فيها احنا هنروح ل دكتورة تانية كدة وكويسة
جميلة : مثقش فيها ازاي !! جيدا ؟ تفتكري انها كانت بالشر دة من زمان ؟؟
جيدا : بصي يا جميلة انا على قد ما عاشرت نبيلة انا متأكدة من انها بجد انسانة عمرها ما كانت كويسة حتى مع ولادها ف انا مش ضامنة كل دة …
جميلة : انا متخيلتش انها تكون كدة .. هي اللي كانت قايلالي على الدكتور دة
-وانتي روحتي يا غبية ..
-مكنش عندي حل … بس تعرفي يا جيدا انا حاسة اني خايفة ! اصلي بصراحة بقالي فترة صغيرة كدة حاسة بتعب رهيب ومش بتكلم قدام مروان
- خلاص احنا هنروح للدكتور متقلقيش ومش هتقول لمروان كدة كدة هو ف شغله مش هيعرف
-طيب افرد عرف
-متخافيش مش هيعرف حاجة
————————-
"غمزة بتفتح الباب … بتلاقي شخص
-مش حضرتك برضو غمزة
-ايوة فعلا اتفضل
-ممكن توقعي على الورقة دي مبعوتالك
-بس دي ورقة اي ؟؟
-دي ورقة طلاق
بصدمة : نعم ؟؟ طلاق اي
-حضرتك لازم توقعي
-بس انا مش هتطلق
-ممكن تحلي مشاكلك مع جوزك بعدين بس حاليا لازم توقعيلي على الورقة عشان متأذيش ف شغلي
-انت بتتكلم كدة لية !! انا …
-وقعي لو سمحتي
"بيضغط عليها بشكل كبير .. وبتضطر توقع غصب عنها .. بس بتفتكر ان مروان كدة شكله متنازل عن كل حاجة عشان يطلقها بالسهولة دي …
بتقرر انزل وتروح تشوفه .. وبتاخد عربية خالد
وهي ف طريقها بتشوف جميلة وجيدا مع بعض وبيركلي العربية
بتتصدم من شوفتهم سوا وبتقرر تتبعهم ..
————
"هما بيوصلو للدكتورة وهي ما زالت وراهم
ويدخلو وبتشرح للدكتورة كل اللي حاسة بيه
وبعد الفحص …
-انتي كويسة جدا متقلقيش
-بس انا حاسة اني مش كويسة ..
-لا متخافيش .. انتي بس ممكن تكوني متوترة شوية
وبعدين دي اعراض الحمل .. دة غير انك حامل من فترة قصيرة
بتتصدم جميلة وبترد : حامل !!!؟ حامل ازاي يعني ؟؟؟
-ايوا انتي حامل يا جميلة مالك مخضوضة لية مش عايزة تحملي
جيدا بذهول : انتي فاهمة غلط .. هي مبتخلفش
بسخرية : ازاي بس !! انا اكيد مش هبقا ف مهنتي بالسنين دول واشخصك غلط انتي كويسة وزي الفل وانا متأكدة انك حامل !
-يعني انا معنديش اي مشكلة ؟؟؟
-لاء خالص
جيدا : امال الدكتور لما قالها انها مش بتخلف دة اي ؟؟
-دة مجنون .. انا كل حاجة عندي بتأكدلي انك حامل
"بيفضلو هما الاتنين في حالة صدمة وبيستأذنو من الدكتورة وبيخرجوا
غمزة لما بتشوفهم بتستغرب وبتدخل للدكتور بسرعة قبل ما تمشي!!
-صباح الخير !!!
-صباح النور مين حضرتك ؟؟
-انا اخت جميلة !!
-اللي كانت لسا هنا
-ايوا .. ف الحقيقة احنا متخانقين يعني زي اي اختين وهي صممت متاخدنيش معاها بس انا عايزة اتطمن عليها اختي برضو ..
هي عندها اي
ابتسمت الدكتورة وقالت بحسن نية : لا هي حامل مش اكتر .. متقلقيش عليها
"الكلام بينزل على غمزة زي النار ..
اول ما بتقولها كدة بتبقى ف حالة زهول وصدمة وبتنزل وراهم .. بيكونو لسا واقفين عند العربية بيتكلمو !
-انا مش فاهمة حاجة يا جيدا !! هو كدة اي
-ممكن تكون نبيلة !
-مش عارفة انا هتجنن
-طب ازاي محملتيش كل دة لو انتي فعلا بتحملي عادي
-انا كنت اة ف البداية مش عايزة احمل وبعدين بطلت اخد الدوا
-انا راسي هتنفجر … هتجنن
-حاسة اني عايزة أتأكد
-هنتأكد …بصي خليكي هنا ثانية انا هجيب حاجة من السوبر ماركت وهاجي
-طيب
"جميلةبتكون واقفة ف الشارع عادي .. رايحة جاية مستغربة وبتفكر !!
غمزة بتكون نار الغيرة مبتهداش فيها .. انفاسها بتسارعها وهتموت من جميلة
للحظة بتركب العربية … هي بتكون شايفة جميلة قدامها
الغضب والغيرة بيعموها..وفجأة
بتحضر نفسها .. بتتعمي
بتدوس على البنزين بقوة !! العربية بتتحرك ب اقوى سرعة
لما بتجري بتسرعه بتاخد جميلة ف طريقها وبتخبطها خبطة قوية اوي بتطيرها
وبعدها بتكمل بسرعة وكأنها معملتش حاجة
وهناك جيدا اللي بتلاحظ الحادث
واللي بتتصدم وبتجري على جميلة
دمها في كل مكان
بتهتف ب اسمها وبتصرخ…..