رواية ساكون طوق نجاتك الفصل السابع عشر17بقلم سمر هاشم

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

قررنا انا ورؤى اني ابعد عنو الفتره الجايه دي وما اقرب ليهو كتير واخلي تعاملي ضمن الواجبات قدام الناس وبس ولما تجي الفرصه نكون برانا احاول اغنعو اني ما مهتمه بيهو وحتى لو زكر اني قلت ليهو اني بحبو اقول ليهو ما بدي مشاعري لي زول ما بستحقها وما معترف بيها ولا مصدقها حتى واحاول اغنعو اني ما بهمني القروش والحاجات دي ودا طبعا حتساعدني فيهو ماما عواطف لانها حتسلمني زمام الامور في البيت وحتى مفتاح الخزنه حيكون معاي وما حتنقص حاجه غير لما نكون مخططين انو ينقص مبلغ كبير يشككو ويجي يغلط علي في الكلام لانو اكيد ما حيسكت وحيحاول يثبت لي امو وجهة نظرو وهنا كل مره حنخيبو بعد ما يغلط فيني لحدي ما يغتنع انو انا ما بتهمني القروش في حاجه وحأخلي يشوف احترامي ليكم كمان واحترامي لي اي زول من طرفو واحترامي ليهو قدام الناس وحأحاول اغنعو من البدايه انو بقى ما بيعني لي بس انا بعمل كده عشان اهلي وعشان احترامي لي نفسي وعشان ماما عواطف ورؤى الختو ثقتهم فيني اتفقنا ع كده انا ورؤى وكلمنا ماما عواطف بكل شي وهي كانت مبسوطه من تصرفي دا بس قالت لي الكلام دا خلوهو شويه لقدام عشان هسي لازم تمشو تزورو اهلك وتقعدو معاهم كم يوم من باب الواجب قلت ليها ما عندي مشكله زاتي مشتاقه ليهم😍 بس ما اظن رامي يرضى 😒قالت لي خليهو علي وفعلا اتكلمت معاهو وغريبه ولا ناقش حتى قال ليها طوالي خليها تجهز نتحرك بكره طوالي ضربت لي ناس امي كلمتهم وقالو لينا راجينكم الف مرحبتين حبابكم وفعلا تاني يوم جهزنا وقشرت اخر قشره عاد بالتوووب لمن رؤى دي حصنتني😍😍 وهو كمان ما قصر برضو قشر قشره شديده لمن قعدت أقرأ ليهو😍😍🙈🙈 واول ما ركبت العربيه وودعت ناس رؤى لبست ليهو وش الككو😹😹😹 طلعت سماعاتي ركبتهم في تلفوني وشغلت الاغاني ودخلت الفيس وسفهتو اتغاظ مني شديييد طبعا وبقى كل شويه يحمر لي وانا من جوا عايزه اموت من الضحك بعد شويه قال لي نور ولا اشتغلت بيهو عملت فيها ما سامعاهو مع اني مشغله الاغاني بصوت واطي😹😹 قام كورك فيني نووور😼😤 قمت قلت ليهو نعمين في شنو انت كمان عايز مني شنو مش قلت ما عايز اي علاقه تربطك بي تلب من شباك حياتي ياخ مالك داير تقفلها معاي من الصباح ي بشر انت😒😒😒 طبعا دا اسلوبو هو اتخلع شديد قال لي اولا ما تكوركي فيني وتانيا انا ما ميت ع الحكي معاك عايز اقول ليك اوعك تتعابطي وتتلايقي ما عندي ليك زمن كلهم يومين ونرجع😤 قلت ليهو بس كده تمام يلا خليك في حالك وانسى اني هنا 😒قال لي سبحان الله البشوفك لمن قلتي لي بحبك والدموع ما يشوف الحركات دي غايتو انتو البنات سبحان الله عليكم عشان تعرفي نفسك وحده واطيه وبتاعت مصالح وبس قلت ليهو ع فكره ما ملزمه ادي حبي لي زول ما بستاهلو واصلا ما مغتنع انو هو حقيقه ما ملزمه اتحمل اهانات عشان حبيتك حادوس ع حبي واعيش حياتي عادي واصلا خلاص بقيت ما بتعني لي😏 الكلام دا موتو عديل من جوه بس ما اشتغل بي وانا كنت بموت اكتر منو😖 بس قويت نفسي😖 وركبت سماعاتي وهو ركز مع السواقه وصلنا البيت وبعد نزلنا شفنا ابوي قمت انا مسكت ايد رامي عشان ابين انو الوضع عادي وابتسمت لي ابوي وهو ضغط ع ايدي شديد كٱنو بعاقب فيني ع الكلام القلتو ليهو 😫😭وانا بالرغم من وجعي فضلت مبتسمه مع انو حسيت انو ايدي حتتكسر وهو ماسكها كده😭😭 سلمت ع ابوي وانا عيوني مدمعه من الوجع ابوي قال لي مالك حبيبتي قلت ليهو مشتاقه ليكم والله ي ابوي وهو من جواهو ( مشتاقه ليهو ولا ايدك انفصلت تستاهلي ي تافهه عشان تاني تقلي ادبك علي وتقولي لي تلب من حياتي😝😎 ) سلم ع ابوي ودخلنا جوا وسلمت ع كل ناس البيت وضبوحو لينا واكلنا وبعدها قعدنا نتونس كلنا و معانا نادر ومرام كمان وحسيت انو

 رامي انسجم مع الوضع شديد ونسى اي شي وبقى يضحك ويتونس مع ابوي واخواني😌 كإنو كان فاقد حنان الابو والاخوان ولقاهو معاهم🙈🙈وانا كنت بس سرحانه ومبسوطه وبعاين ليهو وما مركزه مع الباقين نهائي بس اعاين ليهو واتبسم 🙈🙈😍واتمنيت اللحظات دي ما تنتهي لكن للاسف نادر خرب لي كل شي😄 لمن قال لي رامي شنو يعني اختي دي انت كاتبه عند ياتو شيخ عاين ليها من قبيل سرحانه ومبسوطه وبتعاين عليك ونحنا ما منتبهه معانا نهائي ياخ دي كانت ما بتهتم بالاولاد نهائي هسي ما شالت عيونها منك والله شاطر ي رامي عرفت تصتاد غزالتنا السمحه ياخ 😃😂😂وانا خلاص دنقرت وبقيت قدر السمسمه🙈 وهو بس يتبسم وكمان مرام زادت الطين بله قالت ليهو اي والله من اول مره لاقينا فيها رامي دا انا ونور هي من الزمن داك زي العملو ليها سحر جننتني جن بيهو قمت قرصتها شديد لمن قالت اييي قام رامي قال ليها بس انا ما حصل لاقيتكم سوا ي مرام غير في العرس هنا بقت تتمتم اي ي رامي ما انت قايل شنو قمت انا قلت ليهم نقوم نحنا نسوي شاي المغرب بعد دا مرام ارح ساعديني انا هسي ضيفه وما متذكره حتات الحاجات زاتو كويس قعدو يضحكو كلهم قالو لي بالسرعه دي😂😂😂 امشي معاها ي مرام قمنا مشينا المطبخ قربت اقتلها عديل قلت ليها حيوانه فضيحه لسانك دا ما بتعرفي تمسكي نهائي انتي كنتي فضحتيني قدام اهلي وهو زاتو ما متذكر الكلام دا المهم انا بعدين بنوم معاك وبحكي ليك الحاصل كلو قالت لي تمام لكن ما عيب منك قلت ليها هو حيخت في راسو اني حاستغل الفرصه عشان اتقرب منو بس انا عايزاهو يعرف انو ما بهمني قالت لي انتي بتقولي فشنو قلت ليها اسكتي بفهمك بعدين قالت لي تمام عملنا الشاي ومشينا ليهم وشربنا الشاي وكملنا ونسه وانا قلت ليهم عايزه انوم مع مرام ونادر ينوم مع رامي ابوي شاكلني لكن قويت راسي رامي اتخلع في تصرفي دا بس مشاهو لي وقال ليهو خليها ي عمي بتكون مشتاقه ليها وكنت حاسه انو ما راضي ودا الانا دايراهو زاتو مشينا وحكيت لي مرام اي شي حتى كلامي معاهو في العربيه قبيل وقالت لي احيك والله طلعتي مفتحه ومصيرو يلين قلت ليها ان شاء الله😌😌 ورقدنا نمنا تاني يوم برضو قضينا اليوم كلو وانا ما شغاله بيهو الشغله وبرضو قلت دايره انوم مع مرام لكن كلهم شاكلوني افتكرت رامي حيقول ليهم خلوها لكن لمن ابوي سألو قال ليهو والله ي عمي ما عارف اقول ليك شنو مهملاني بقت من لقتكم ما اشتغلت بي تاني عشان عارفاني بريدا بتمشي في رايها علي شفت ي عمي😒😳 قام ابوي شاكلني وقال لي المرا تبع راجلها وتمشي ترقدي مع راجلك ما تقولي لي مرام

 وهو يتبسم ساي الحيوان😏 وانا بهدلوني وشاكلوني كلهم ومشيت معاه بعد دخلنا قلت ليهو قصدك شنو انت يعني بالعملتو دا قعد يضحك قال لي قصدي اقضي وقت ممتع واشوفهم بشاكلوك واضحك😂😂 وبعدين انتي عامله فيها بتمشي رايك وانا كلام زي دا ما بنفع معاي سامعه 😏ما حبيت اجوط معاه قلت ليهو سامعه وسكت استغرب شدييد فيني مشيت استحميت وظبطت نفسي تماااام ولبست لي رووب سممممح واتخمرت وفكيت شعري وجيت رقدت جمبو السرير ما كبير زي حق الفندق عشان اكون بعيده منو وانا كنت قاااصده طبعا والريحه دي دخلت جوا قلبو وبعد دا ولا اشتغلت بيهو ولا فتحت خشمي معاه رقدت طوالي وعملت نايمه 😂😂😂😂😂وهو بس يعاين لي مسافه وما قادر ينوم وبس يتقلب ويعاين لي كل شويه بعد مسافه لما حسا اني نمت جد وانا كنت بس دايره اشوف اخرو شنوو قرب مني وبقى بشم في ريحتي وكان عارف اني لو صاحيه اكيد حأتحرك بس انا عملت ميتهً😂😂 قام قال اني نمت قام عمل شنو بالجد ما اتوقعت نهائي يعمل كده🙈🙈 باسني بس بوسه خفيفه وزحا لانو حسا اني حأصحى😂😂 لكن انا ابيت اصحى نهائي قلت يعني في النهايه حيعمل شنو لمن شافني ما عملت اي حركه تااااني باسني🙈🙈 والمره دي مسااافه لمن حسيت اني ما قادره اتنفس قمت اتحركت قام زحا مني بسرعه وقبل الجهه التانيه كإنو ما عمل شي وانا قعدت اقح ورقدت تاني عملت فيها نايمه قلت ليهو ماشي ي سيد مروان انا حأوريك حأغريك اكتر وفي النهايه حأبعدك عني وامسكها عليك😌😌 قام هو تاني قبل علي كنت عارفه انو حيقبل قمت بتكتيك كده وكاني ما حاسه قربت عليهو وبعد شويه ختيت يدي فيهو وقربت منو شديد وقلت ليهو والله بحبك ي رامي انت ليه ما عايز تصدقني انا ما عايزه منكم اي حاجه بس انا حبيتك من اول يوم شفتك وحضنتو وانا لسه عامله نفسي نايمه وبتكلم في نومي قام هو عمل شنو قام ...............

                   الفصل الثامن عشر من هنا