رواية ساكون طوق نجاتك الفصل الاول1بقلم سمر هاشم
استنيني ي مرام انا جايه معاكي يلا بسرعه ي نوور اتأخرنا ياخي خلاص خلاص فهمت مرقت ياخ دي شنو النقناقه دي بس أتأخر ثانيتين تشبكيني يلا وأتأخرنا زوله ما بتنطاقي نهائي بلا يخمك زاتو ي مرام ي بت شنو انت ما بتعرفي تبطلي رغي وتنجزي المحاضر لو دخل تاني يحلنا الله ونحنا كمان ما بنعرف زول ولسه برالمه حنبقى ملطشه
خلاص ياخ دا شنو دا جيت ارح امرقي كرهتينا زاتو هي نسيت اعرفكم علينا انا نووور برلومه في جامعه الخرطوم بقرأ طب اهلي من الأقاليم امي سوسن وابوي عبد الله عندي اخوين الاول اكبر مني اسمو نادر اتخرج من الجامعه ليهو سنه ونص والتاني اصغر مني اسمو نبراس بقرأ في تانيه ثانوي دلوع البيت وانا طبعا البت الوحيده ودلوعه بابا بنفذ لي اي حاجه اتمناها وبالرغم من انو نحنا عايشين في الاقاليم لكن وضعنا المادي فل وبيتنا احلى بيت في الحله كلها واي زول خاتي عينو علي عشان يناسب بابا وانا منفضه لي كل الناس طبعا وتطلعاتي ما هينه نهائي عايزه زول من هنا مالي ومال الفقر انا خلصت تالت وكانت ما شاء الله نسبتي كبيره ٩٢ وأصريت اقرأ طب وبحكم حب بابا لي نفذ لي طلبي وجيت هنا الخرطوم انا وصحبتي مرام لانو بابا صاحب ابوها عمو هيثم شديد قام اقنعو لينا وهي برضو ما شاء الله شاطره كانت جايبه نسبه عاليه ٩١ وبابا اتكفل انو يأجر لينا شقه هناك وجاب لي عربيه عشان نتوصل بيها انا ومرام وما نتلتل بالمواصلات مرام عندها اخو واحد صغير وهي البت الوحيده في بيتهم اها المهم جينا ونزلنا جامعه وبقينا ما بنتفارق وما اتعرفنا ع ناس ابدا اي زول يحاول معانا بنصدو وطبعا الاولاد علينا زي النحل ع العسل لانو نحنا ما شاء الله نجفات مرام صفراء طويله طوله مناسب ما شديد وصحتها حلوه وعيونها عسليه
وشعرها طويل لكن ما شديد وناعم بس كان كلامها شويه ما استايل يعني بظهر فيها انها من الأقاليم اما انا كنت ما صفراء شديد وطولي حلووو وجسمي مبالغه مقسم تقسيم زي العاملاهو براي ورا وقدام وشعري طويييل وناعم واسود وعيوني كبار وكحيلات وحواجبي غزيره وحلوه يعني بالجد ملاك وكمان استايل خالص ولبسي فظيييع استايل يحير وكلامي بدل اني بت عاصمه يعني لو ما قلت اني من الاقاليم ماف زول بعرف ولا بصدق يعني بإختصار كده انا ومرام كنا جاذبين نص اولاد الدفعه وحتى السناير وبرضو ما شغالين بي زول المهم ما نسرح نرجع للقصه شلت مفتاح العربيه من الطربيزه وقفلت باب شقتنا وطلعنا جري ركبنا وصلنا الجامعه ولحقنا المحاضره طبعا نص المحاضره مرام ما مركزه نهائي وانا كنت ملاحظه ليها لكن ما اشتغلت بالموضوع قلت بعد ننتهي ونرجع البيت بسألها بي رواقه فعلا خلصنا محاضرات وقلنا نشيل اكل ونمشي البيت عشان تعبانين ما بنقدر نعمل اكل اثناء ما راكبين ملاحظه انو مرام هادئه كده وسرحانه وما على بعضها وقفت العربيه هي ما حست سألتها مرام الحاصل شنو عاينت لي اتخلعت قالت لي وقفتي مالك قلتها ليها عشان شايفاك ما طبيعيه الحاصل شنو قالت لي ماف شي اصريت عليها كتير بس كانت مصره انو ماف شي قلت ليها ماشي ما توريني هسي بس لما تحسي انك عايزه تتكلمي انا موجوده قالت لي تمام وقمت قلت احسن اغير ليها جو قمت مشيت ع اقرب مطعم جبت بيتزا وشكولاته وشيبس وبارد وجيت حركت العربيه وطلعنا ع شارع النيل قعدنا نضحك ونتونس واكلنا وبالجد كان يوم حلو وغيرنا جووو اصلا مرام بتحب النيل شديد والطبيعه والهوا البارد رجعنا البيت صلينا وارتحنا وقمنا شغلنا التلفزيون واثناء ما قاعدين مرام قالت لي نور انا عايزه اعترف ليك بي حاجه .