رواية في حب رمضان
الفصل الاول1
بقلم اسرار جمعة
فدوى: يعني خلاص بعد بكرة الرمضان؟..
جيهان: أي سبحان الله الأيام دي جارية بسرعة !
سجى: فعلاً، أها يا بنات عملتوا خُطط لرمضان؟..
شيماء: أنا لسه غايتو ما خططت، وما عارفة أبدا من وين !
جيهان: أنا برضو ما عملتَ لكن ماف مشكلة بعد نطلع من المُحاضرة ونمشي البيت نتلم كلنا نعمل مع بعض.
أنا فدوى عندي أخت" فاتن" وأخ "فادي"، والفوق ديل بنات جيراني و صديقاتِ الصدوقات😹♡، بنقرأ في تالتة جامعة.
بعد خلصنا من المُحاضرة طلعنا مع بعض،وصلنا السوق وركبنا المواصلات...
جيهان : يا بنات دعاء ركوب السيارة، يلا رددوا معي...
*، 〈سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ ⓭ وَإِنَّا إِلَى رَبِّنَا لَمُنقَلِبُونَ ⓮〉*
*الحمد لله، الحمد لله، الحمد لله اللَّهُ أَكْبَرُ، اللَّهُ أَكْبَرُ، اللَّهُ أَكْبَرُ، سبحانك اللهم إني ظلمت نفسي فأغفر لي فأنه لا يغفر الذنوب إلا أنت.*
رددنا معاها كلنا جيهان :فالحات😹♡
وصلنا أصلاَ ساكنين كلنا في شارع واحد
كل واحدة دخلت بيتهم وقلنا ح نتلاقى بعد العصر في بيتنا
دخلت البيت شربت لي موية، وأرتحت شوية بعدين قمت جهزت عصير وكبابي الموية، وفشار وعملت بلح الشام وشوية حاجات للجبنة.
صليت العصر،وقريت أذكار المساء في مُصلايتي، سمعت صوت الباب قلت معناتو ناس جيهان وصلوا...
أنا: فاتن يا فااااتن
جاتني من الغرفة
فاتن: أهااا خير ؟..
انا: تعالي أفتحي الباب، ديل بيكونوا ناس جيهان جوا
فاتن: هسه بتصرخي لي عشان كدا ؟! ..
أنا: أي معليش أفتحي سريع البنات في الباب
فاتن: يارب أرزقني الصبر مع البت دي
انا: حبيبتي معليش
فاتن: معليش ما بتاكل عيش
انا: يا شافعة سيبي الكلام الكتير البنات ديل واقفين بكون زهجوا
فاتن:خلاص أهااا ماشة
فتحت الباب وفعلاً طلعوا ناس سجى...
كبيت موية وعصير وضيفتهم
بعده جبت الجبنة وبقينا نتونس ونستنا حِلوة بدون قطيعة و ونسة في الناس
وبعد مرات بِنجمع الأمهات بنعمل فيها مُحاضرات دينية.
شيماء: كدي هسي جيبي ورقة وأقلام الملونة ومسطرة، عشان نعمل الجدول
أنا: طيب
جبتهم وجينا..
سجى: يلا نبدأ أول حاجة بالصلاة
جيهان: بالجد دي أهم حاجة، كدي المُنشطة تشوف لينا طريقة الصلاة الصحيحة وطريقة الخشوع، وقلنا من نسمع الأذان طوالي نقوم ونخلي كل حاجة في يدنا.
أنا: تنشيط ده شنو؟..
سجى: بري تنشيطي ياداب بدخلني الواتساب لمن اليوتيوب عديل
شيماء: أنا مُنشطة
أنا: شيماء الجلابية دائماً مُنشطة
دخلت جابت لينا فيديو كدا من بداية الوضوء لمن الصلاة.
بعده بقينا نفتش عن كُتب للمساعدة على الخشوع
لقينا اتنين واحد أسمو " أول مرة أصلي"، والتاني" 33 سبب للخشوع في الصلاة"
نزلتهم حولتهم لينا قلنا كل واحدة تقراهم وتحاول تطبق النصائح الفيهم.
جيهان: يلا نمشي للنوافل والسنن
لازم نحاول نلتزم بي صلاة الضُحي والسنن الرواتب "12ركعة"، وأهم حاجة قيام الليل.
سجى: كدي أشرحي لينا السنن الرواتب دي
جيهان: *السنن الرواتب كان النبي يحافظ عليها -عليه الصلاة والسلام- اثنتا عشرة ركعة، منها اثنين قبل صلاة الفجر، أربع قبل صلاة الظهر " يسلم من كل ثنتين"، وثنتان بعد الظهر، تسليمة واحدة، ثنتان بعد المغرب، ثنتان بعد صلاة العشاء..*
*وفضلها إنو ربنا ببني ليكِ بيت في الجنة، وبتتم الناقص في صلاة الفرض*
سجى: كان كدا أنحنا مُحتاجين ليها جداً لانو صلاتنا الفرض بتكون ناقصة الخشوع وحاجات كتيرة
جيهان:فعلاً! والله المُستعان.
صحي يا بنات جلسة الصباح ما تنسوا
عند الترمذي بلفظ: من صلى الصبح في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة.
وعندي فكرة حِلوة طبعاً في رمضان أفضل تكثري من الختمات، وأتدبري سورة واحدة وتنوي إنو تدبري باقي السور في الشهور التانية،فترة الصباح دي يلا نقرا فيها القرآن يعني من بعد صلاة الفجر ونحاول نختم في 3 أيام المُصحف يعني كل يوم 10 أجزاء، رايكم شنو ؟..
سجى: 10 أجزاء عديل!
جيهان: يا بت فترة الصباح دي بتكون حِلوة جداً قراءة القرآن وبتحسي بي راحة كان ما قدرتِ قسميها على الصلوات بعد كل صلاة جزئين
أنتوا عارفين في ناس بتختم القرآن في رمضان 60 و 30 مرة؟..
ليه هم أحسن مننا في شنو؟..
أتخيلوا لمن نقرا حرف بعشر حسنات، فما بالك في رمضان والأجر فيه مُضاعف؟..
لازم أنحنا كمان نجاهد وبعد فترة كمان نحاول نختموا في يومين لمن نصل في يوم واحد أصلاَ اليوم كان آخر يوم في الجامعة
أنا: قدها بإذن الله
سجى: حمستوني غايتو
شيماء: طيب إتفقنا على كدا
جيهان: يلا دور الذكر، كل واحدة تدينا ذكر مُحبب لي قلبها أو بتعرفوا وفضلو
أنا: سبحان الله وبحمده، سبحان الله العظيم
خفيفتان على اللسان ثقيلتان على الميزان+سبحان الله وبحمده "تغفر ذنوبك ولو كانت ك زبد البحر".
سجى:سيد الإستغفار
"اللهم انت ربي لاإله إلا أنت خلقتني وانا عبدك وانا على عهدك وو عدك ما استطعت أعوذ بك من شر ما صنعت ابوء لك بنعمتك عليّ وابوء بذنبي فأغفر لي فأنه لا يغفر الذنوب إلا انت"
الاستغفار يحقق المعجزات والأحلام المستحيلة، وسبب لي الإمداد بالبنين والأموال ، ومن لزم الاستغفار جعل الله له من كل هم فرج
المهم بي أي صيغة بس تكثري منه.
شيماء: الصلاة على النبي وأفضل صيغة الصلاة الإبراهيمية +الحوقلة" كنز من كنوز الجنة"+لا إله إلا أنت سبحانك زني كُنت من الظالمين
جيهان: تاج الذكر "لا إله إله إلا الله وحده لاشريك له له الملك وله الحمد وهو على كل شيء قدير" 100 مرة صباح ومساء
وتكثر من قول كلمة التوحيد"لاإله الا الله"
بي الاضافة لي أذكار الصباح والمساء وبعد الصلاة والنوم والاستيقاظ...
وباقي اليوم يكون إستغفار وصلاة على النبي.
أنا: يلا ننتقل للنقطة البعدها اللي هي الصدقة...٣
كُل يوم ولو بمبلغ بسيط، اصلاَ وقت نصلي الضحى ح نكون كأنو أتصدقنا بي 360 صدقة!، ف رايكم نعمل لينا صندوق كدا نجمع فيهو قروش كل واحدة تجدع فيهو ولو 200 جنيه ونهاية الرمضان نشوف القروش بقت كم ونشتري بيهو ملابس للأطفال.
شيماء: حبيت الفكرة.
سجى:وأنا كمان
سجى: يا بنوت أطعام الطعام برضو فضلو عظيم وسبب لي دخول الجنة، كل يوم نعمل حلة ونوزعها على المُحتاجين وكدا بناخد أجر إفطار الصائم وعلى فكرة بكون لينا نفس أجر الشخص الصائم.
أنا: سبحان الله !
سجى: تاني الدعاء، خاصة عند قيام الليل وقبل إلافطار وبعده، أخر ساعة في يوم الجُمعة
المهم كتروا من الدعوات، والدعاء عندو أسرار كتيرة وأنا بحس أقوى سر إجابة الدعاء و بسرعة هو" اليقين"، يعني تدعي وتكوني على ثقة انو ربنا إستجاب ليكِ.
جيهان:وأهم حاجة إستحضار النية وتعتديها يعني...
لمن عايزة تتوضي مش بتختِ النية إنو عايزة تتوضي عشان تصلي، زيدي عليها انو عشان ربنا يحب المتطهرين وعشان ذنوبك تتساقط مع الماء
وخاصة لمن تعملي الإفطار لانو كان استحضرتِ النية كل شخص بياكل أجره بجيكِ
وكل ما زادت النوايا كل ما كان الأجر أكتر وأكتر...
أنا: ماشاء الله ،ياهو كل واحدة قالت حاجة وجمعنا لينا جدول ظريف لطيف
شيماء: الحاجات دي الحق أعملها كيف مع شغل البيت لكن ؟!..
جيهان: إنتِ كان صادقة ربنا بعينك وبسهل ليكِ، طيب هسهَي نخطط بالساعات عديل ونعمل روتين لليوم...
تصحي الساعة ثلاثة تصلي قيام الليل وتستغفري بالأسحار وبعده تنومي مسافة ربع ساعة قبل آذان الفجر عشان تكوني مُصحصحة وقت الصلاة، الساعة أربعة ونص آذان الفجر بأذن تصلي نافلة الفجر وتدعي بين الأذان والإقامة وبعده صلاة الفجر ثم أذكار بعد الصلاة والصباح،بتكون الساعة خمسة ونص جات، بعده تبدي تقري الورد بتاعك اللي هو العشرة أجزاء، الساعة سبعة ونص صلي ركعتين لمن الساعة 9 كدا بتكوني خلصتِ من العشرة أجزاء، يلا تقومي تشوفي شغل البيت وغسيل العدة بي وين...، والمسافة دي بتكوني في حالة ذكر، لمن الساعة عشرة أو عشرة ونص بتكوني خلصتِ، عشرة ونص تمشي تصلي ليكِ تاني ركعتين الضُحى لانو أفضل وقت ليها وقت إشتداد الشمس، بعدين ح وتأخدي قيلولة لمُدة 15 دقيقة عشان تاخدي قوة للعبادة، الساعة 11 ح تبدي تتجهزي لي صلاة الظهر اذكري ربنا لمن الأذان يأذن ترددي مع الآذان وتصلي 4 ركعات قبل الظهر"اثنين وتسلمي، أثنين وتسلمي"، بعدين تصلي الظهر وبعده ركعتين بعد الظهر وتقري أذكار بعد الصلاة، الساعة 12 ونص ح تمشي تقعدي مع أمك أو أخواتك تسمعوا درس ديني لمن 1 ونص تقومي تسوي الأكل وما تنسي إستحضار النية والذكر، الساعة 3 تصلي العصر وتقري أذكار المساء وتقعدي تاني في المُصلاية تذكري ربنا وتصلي على النبي لمن الساعة 5 تحضري العصائر وتجهزي الصواني وتمشي تدعي لمن الأذان يأذن...
تفطري وتصلي المغرب وركعتين بعده وبعد مسافة العشاء ح يأذن تصلي التراويح وتقري أذكار النوم وتنومي بعده
وهكذا...
ولازم النوم بدري عشان تقدري تعملي المهام دي وده مجرد نموذج بتقدري تعدلي فيهو أو تعملي حاجات تانية لكن كان نظمتِ يومك ح تلاقي الوقت واسع جِداً !...
ولازم الإستعانة بالله والدعاء.
سجى: بنات عارفين انا بحبكم مُش؟..
ح تجوا تساعدوني لمن يكون عندنا ضيوف عارفني أنا براي يرضيكم أتعب براي🥹؟..
أنا: لو قصدك في غسيل العدة ولا بعرفك زاتو
شيماء: يرضيني وبشدة
سجى: زعلت
فدوى: قولي بووووم
أنا: البحر قريب
شيماء: لالا أديها دبوسة تطرشق أحسن
أنا: فِكرة برضو
جيهان: هي خلوا لي سجو حبيبة قلبي دي
سجى: جيهان حبيبتي انا🥹، إنتِ ح تجي تساعديني مُش؟..
جيهان: لالا كان كدا أتكلموا ساي يا بنات
كلنا بي سجى: 😹😹😹
المغرب أذن صلينا المغرب وسنته وقدمت البنات لمن الباب...
*قرُبت شعائرهُ وزادت بهجتي*
*رمضانُ بي شوقٌ إليك كبيرُ* °°.
كبروا💛🌻.*