رواية ساكون طوق نجاتك
الفصل الواحد والعشرون21بقلم سمر هاشم
المفاجأه انو رامي لمن جاء البيت ما لقا زول لانو كنا انا وماما ورؤى في المستشفى لانو بعد رامي طلع انا اغمى علي لاني من طفله ما بتحمل اي مشاكل او زعل طوالي بيغمى علي وبفقد الوعي مرات ليومين ورا بعض وبكون عايشه ع الدربات بس عشان كده اهلي من زمان بدلعوني وما بزعلوني وبعد رامي قال عني حراميه انا فقدت كل حواسي وبقيت واقفه زي الصنم وما فاهمه اي شي وفي خلال ربع ساعه كنت ع الارض😢😢 ولمن جات ماما نازله تحت عشان تتكلم معاي لقتني واقعه في الارض شالوني ودوني المستشفى وكنت في حاله اغماء وصدمه والدكتور قال ليهم اني يمكن اكون يومين او اكتر في الحاله دي😢 رامي دخل البيت ومشى ع غرفتي طوالي دقا الباب ماف زول ردا عليه دخل ما لقاني طلع مشى لي رؤى لقاها ماف برضو مشى لي ماما برضو لقاها ماف كورك لي هنادي الشغاله قالت ليهو انو انا اغمى علي وودوني المستشفى رامي دا بقى زي الماواعي ما فاهم اي حاجه وبقول انا السبب انا السبب وطلع وبقى ما عارف يعمل شنو😢 اتصل ع رؤى ما ردت تاني رجع يتصل بعد شويه كده ردت عليه وهي زعلانه شديد ع حالتي قالت ليهو نعم في شنو😕 قال ليها رؤى انتو في اي مستشفى قالت ليهو عايز تعرف ليه قال ليها كيف يعني ليه اظن انو الفي المستشفى دي مرتي 😠 قالت ليهو لاحظت يداب انها مرتك يلا الانت بتقول عليها مرتك دي هسي في المستشفى بسببك انت واحسن ما تجي لانها اصلا ما بتهمك😢😕 رامي كان بسمع في الكلام والدنيا بتلف بيهو وما قادر يقول لي رؤى انو هو مهتم بي وانو بحبني قام قال ليها رؤى ارجوك وريني اسم المستشفى لانك ما فاهمه اي حاجه😢 قالت ليهو طيب نحنا في مستشفى ..... قام اتحرك بأقصى سرعه عندو ووصل المستشفى قام قال ليهم نور وين انا عايز اشوفها رؤى بقت بتعاين لي وساكته قال ليها رؤى اتكلمي نور وين قالت ليهو بتهمك يعني اصلا حتى لو عايز تشوفها ما حتقدر تتكلم معاها لانها ما حتسمعك ولا حتقدر ترد عليك😢😢 رامي حسا انو في زول اداهو كف بقى مخلووع😨وخايف قال ليها كيف يعني نور الحصل ليها شنو قالت ليهو دخلت في حاله غيبوبه ويمكن كم يوم ما تصحى منها ما معروف ودا كلو بسببك انت😞 ياخ حرام عليك كل ذنبها انك كنت فارس احلامها وحبتك هي ذنبها شنو اذا نحنا حياتنا مخروبه بتعاقبها ع ذنب ما ارتكبتو هي ليه حرام عليك ربنا بسألك منها رؤى كانت بتقول في الكلام دا بتبكي عاينت ليهو وقالت ليهو ي ريت ما شافتك يومها ولا اتعلقت بيك ي ريت ما جات بيتنا واكتشفت انك نفس الزول ي ريت ما قلت ليها اقعدي معاي كلو مني نور لو ما صحت بسرعه انا ما حأسامحك ولا اسامح نفسي رامي بقى مخلوع معناها هي بالجد بتحبني وكمان من قبل ما تجي بيتنا وهي ما طمعانه فينا وانا ظلمتها رامي عيونو دمعت وبقى قاعد في الكرسي وببكي رؤى عاينت ليهو استغربت من الحصل كيف رامي ببكي عشان نور معقوله حاسس بالذنب حبت تعرف السبب الخلاهو يبكي شنو قالت ليهو بتبكي ليه عشان لقيت نفسك غلطان ولا عشان انت ظالم ومفتري ولا عشان يمكن البت تضيع من ايدنا بسببك نقول لي اهلها شنو نقول ليهم الزعلها شنو نقول ليهم انو زوجها القدامكم عامل فيها بحبها بعاملها بكل اهانه وهي متحمله نقول ليهم شنو نقول ليهم انو الحمل بقى عليها تقيل لمن فقدت اعصابها نقول ليهم قاطعها رامي قبل ما تتم كلامها خلاص كفايه اسكتي حرام عليك😢😢 انتي ما عارفه انا حاسس بشنو انا عارف اني اذيتها وعذبتها وانا كنت حابب اصلح غلطي انا اغتنعت انو كل تهربي منها كان لاني بحبها وخايف تتعاد تجربتي الفاشله مره تانيه ما كنت حاقدر اتحمل ي رؤى ما كنت حاقدر اتحمل انا هسي بتمنى الموت في كل ثانيه لاني عذبتها بتمنى الموت بسبب كل دمعه نزلت منها بسببي بتمنى الموت لاني غبي وما فهمت من البدايه انها الملاك الرسلو لي رب العالمين عشان يطلعني من الانا فيهو عشان تنور عائلتنا من الظلمه الحلت عليها بعد وفاه ابوي امي كان معاها حق ي رؤى ي ريتني ما اذيتها رؤى اتخلعت من كلام رامي فهمت انو رامي ندمان انو بقى بحب نور انبسطت وجات حضنتو قالت ليهو كل شي حيكون بخير بس انت حافظ عليها وما تجرحها تاني لانها بتحبك وهو كان بقول ي رب ما تحرمني منها ي رب ما تحرمني من الحب بعد لقيتو ي رب انا عارف اني ما بستاهلها بس انا عمري ما حأزعلها تاني ولا أذيها ولو بكلمه رؤى قالت ليهو خلاص ي رامي خلاص ما تخاف كل شي حيكون بخير وقعدتو بعد مسافه كده رامي سأل رؤى من انو انا وين شفتو وكده حكت ليهو كل شي وهو اتذكر كيف صرخ فيني وجراني ولزاني ع عربيتي قال ليها بس انا اتعاملت معاها بطريقه سيئه كيف هي حبتني قالت ليهو انا كمان استغربت لكن الحب كده بجي بدون ما نشعر بيهو بتسلل لي حياتنا برضانا او غصبا عننا😢💔😻 رامي حسا انو الكلام دا انطبق عليهو كمان لانو غصبا عنو بدا يحبني ويتعلق بي ويغير علي وكيف بحس انو نفسو يقرب مني وبحاول يمنع نفسو وما بقدر عرف انو الحب كان بجبرو ع كل شي وهو كان مكابر قام قال لي رؤى انتي وامي امشو البيت انا حأفضل مع نور لحدي ما تصحى قالت ليهو لا انا ما عايزه اسيب اختي براها قال ليها حتخافي عليها اكتر مني انا راجلها ي بت و بحبها كمان يعني خليك مطمنه ع اختك والزمن اتأخر قالت ليهو طيب وفعلا مشو ورامي قعد معاي جاء الغرفه لقاني راقده ومركبين لي الدرب مسك ايدي وبقى يعتذر لي انا اسفه ي نور انا اسف ع كل شي سامحيني وارجعي لي 😭😭انا ما بقدر استغنى عنك ي نور حياتي لانو بدونك حتكون حياتي مظلمه ما تسيبيني بعد ما انقذتيني ما تسيبيني لانك كنتي طوق نجاتي😍😍 واذا بعدتي انا حأرجع اغرق حأرجع اعيش في الظلمه تاني ي نور ي نوري ي حبيبتي ارجوك قومي خلاص ما تخوفيني عليك قومي مش انتي بتحبيني قومي واوعدك اني حأحبك اكتر من ما انتي بتحبيني بكتير كفايه دلع حبيبتي الله يخليك وعد تاني ما حأزعلك😭😭بس للاسف انا ما قمت رامي كمل الليل كلو جمبي وما نام وحتى تاني يوم كان اليوم كلو جمبي واكل ما اكل الا جات رؤى وغصبتو وقالت ليهو لو هي صحت ولقتك بالشكل دا حترجع في الغيبوبه تاني لانها بتحبك وما بتتحمل تشوفك كده وبعدين بقيت تخوف عديل من الخوف ساي حيغمى عليها😂😂 رامي قعد يضحك فيها وفعلا رجع البيت وخلا معاي رؤى مشى استحمى وغير واكل الكلام دا كان المغرب رجع المستشفى بعد صلا ورؤى رجعت البيت بعد هو جاء وخلتو معاي انا زي ١٢ كده فتحت عيوني لقيت رامي قاعد في الكرسي ونايم فتحت عيوني وانا ما مصدقه انو رامي هو القاعد معاي حسيت الدنيا بتدور بي معقوله رامي اتراجع عن كل غضبو مني وجاء قعد معاي في المستشفى فرحت شديد😍بس تاني اتذكرت كيف هو كورك فيني وزلاني😭😭 دموعي نزلو وقبلت ع الجهه التانيه بعد مسافه نمت لمن صحيت لقيت رامي ماسك ايدي وبعاين لي بكل حنيه لمن صحيت هو كان مبسوط شديد لمن ما مصدق 😍😍قال لي الف حمد لله ع السلامه ي نور حياتي انتي استغربت من كلمتو دي حسيت اني بحلم غمضت عيوني وفتحت تاني لقيتو قدامي زحيت ايدو مني وقبلت ع الجهه التانيه نظام الدلع حق البنات داك مع اني كنت مبسوطه شديد 😂😂😂
لكن ما ممكن ابين ليهو كده طوالي😂😂 قام قال لي نور انا عارف اني غلطان في حقك وغلطت في حقك كتير بس سامحيني ارجوك بعرف اني ما بستاهل حتى انك تسامحيني بس اوعدك اني حأعوضك عن كل شي ما حأضايقك ولو بكلمه تاني ارجوك سامحيني ي اميرتي الزعلانه ارجوك سامحي حبيبك😢 لمن قال كده انا حسيت بإنو في زول ضربني ع قلبي معقوله رامي قال كده معقوله صدق اني بحبو سكت ما رديت عليهو قال لي طيب حأعتبر انك ما بتحبيني بس سامحيني لاني انا بحبك لمن قال كده انا اتلفت عليهو وعيوني ملانه دموع قام قال لي والله بحبك قلت ليهو من متين وانت كل وقتك معديهو اهانه فيني😭😭 قال لي من لما كنا في شهر العسل وانا بحاول امنع نفسي من اني احبك وما قدرت لحدي ما عرفت اني خلاص وقعت قلت ليهو طيب يمكن دا ما حب مجرد شفقه علي لاني مريصه وبعد فتره حتتغير قال لي لا والله بحبك والله بحبك وبمووووت فيك وبعشقك وبهواك وادمنتك وانتي كل حياتي وما عايزك تبعدي عني ثانيه لانك كل سعادتي وبدونك ما عايز اعيش فهمتي ي مجنونه طبعا دموعي نزلو بدون ما اشعر قلت ليهو فهمت قال لي طيب ما تبكي لانو انا ما عايز اشوف دموعك تاني وحضني عليهو شديد وقال لي يلا ابقي كويسه بسرعه عشان انا عايز امشي تاني شهر عسل ويكون احلى من الاول😍😍😂😂 قلت ليهو رااامي بطل تفاهه بيتن هو انت اعترفت بي حبك عشان تشيل عليهو مقابل قال لي مرتي وانا حر فيها عندك اعتراض😕 ابتسمت وقلت ليهو لا بس ممكن هسي تتصل لي ع ماما ورؤى عشان يطمنو علي قال لي حاضر وفعلا اتصل عليهم والدكتور قال ليهم ممكن تودوها البيت بعد دا ومشينا البيت وانتقلت لي غرفتي مع رامي😍😍 و اهتم بي لحدي ما بقيت كويسه وكان بجيب لي الاكل لحدي الغرفه اتغير توتلي رجع رامي الزمان واحسن وبقى مبسوط شديد واخر دلع وغزل فيني😍😍 وانا كنت مبسوطه بيهو شديد وشكرت ربنا على نعمتو وعلى انو انصفني وخلاني قدرت اغير رامي واخلي يحبني😍😍 يوم السبت الصباح قلت لي رامي اني بكره نازله الجامعه قام قال لي طيب بس بالليل عايز منك خدمه عشان انتي حتحرميني من شوفه الوش الحلو دا كتير🙈🙈 قلت ليهو خدمه شنو كمان قال لي ما تبقي شفقانه بوريك بعدين بس جهزي نفسك عشان حنطلع قلت ليهو تمام ..............
-