رواية ساكون طوق نجاتك
الفصل الخامس5
بقلم سمر هاشم
يوم الجمعه جهزنا حاجاتنا ومشينا لي ناس مرام وهي كانت مكلمه امها بالموضوع وامها بتحب نادر شديد وبتقدرو وشاكره ليهو وقفتو معاهم في وفاه عمو هيثم شدييد يعني كانت مبسوطه ومطمنه ع بتها وانو حتكون في ايدي امينه واحلى شي انها ما حتبعد منها لانو البيت جمب بعض وحيفتو ممر بين البيتين يعني حيعيشو مع بعض عديل مشينا ليهم وشلنا معانا حاجات لي مرام ولي امها واخوها كمان وحتى حاجات للبيت وكنا عايزين نخطب طوالي وفعلا خطبنا ليهم ولبسو الدبل مرام كانت طالعه حلوه شديد اصلا انا كنت قاعده معاها من الصباح وظبطت معاها كل شي حتى مشيت البيت اتظبطت وطوالي جيناهم كانو مبسوطين شديد ونادر دا عايز يطير من الفرحه ومرام تتبسم وتتخجل وهي من جوا دايره تقوم تزغرد المهم اتفقو انو العرس حيكون بعد خالتو سلافه تطلع من الحبس طوالي يعني اول جمعه بعد طلوعها حيكون العرس وهي هسي قربت تتم الشهر يعني الفتره الجايه دي مرام لازم تتحبس فيها وغير كده ما حتقدر تسيب امها براها فقررو انو مرام تجمد السنه دي وتنزل السنه الجايه بعد الزواج وفضلت انا الحيرانه انا اعمل شنو ما حأقدر اعيش براي في الشقه حأكون خايفه المهم ابوي قال لي انتي زاتك تجمدي السنه لكن اصريت اني ما بجمدها وانا خلصت سمستر كامل وما عندي مبرر كافي عشان اضيع سنتي مرام حتتزوج لكن انا مالي المهم ابوي اتحجج معاي شديد وانا اصريت ع رأي قمت قلت ليهو بشوف وحده من صحباتي الساكنات في الداخليه تجي تسكن معاي ابوي ما عجبتو الفكره لانو ما عارف ولا ضامن اخلاق بنات الناس لكن انا اصريت شديد وهو في النهايه وافق وبقى يوصي فيني اعمل حسابي وما اختلط بي الناس شديد عشان ما يخربو لي اخلاقي و احاول اختار صحبه زي في اخلاقها وتكون زوله محترمه وبت ناس وكده قلت ليهو حاضر ي بابا بس انت اديني رضاك واموري كلها بتمشي تمام ان شاء الله قال لي راضي عنك ي بتي وربنا يوفقك ويعدل طريقك ويرزقك بي ود الحلال اليسترك ويغطي عليك ويختك في عيونو ان شاء الله طبعا طوالي جات صوره رامي😻😻 قدام عيوني ما عارفه ليه وبديت احس بي احساس غريب جواي😻😻🙈 المهم ما اشتغلت بالموضوع وقعدت اضحك لي ابوي وقلت ليهو انا قلت ليك رضاك بس ما قلت ليك خارجني من البيت نهائي شنو يعني خلاص زهجتو مني دايرين ود الحلال يجي يسوقني ابوي قعد يضحك قال لي عندي زيك كم انا ي بتي لو ما ضمنت انو راجل ود رجال ملوي هدومو ما بديهو لي بتي دي دلوعه ابوها وبتو الوحيده الغاليه اغلى من كل الناس نادر جاء من هناك يضحك شنو ي حاج واحنا بجدعونا ساي انا ونبراس ولا شنو يعني والله جرحت مشاعرنا عديل ياااخ قلت لي اغلى من كل الناس حرام عليك هسي الواقف معاك وماسك ليك الاراضي والشغل كلو منو انا ولا هي ابوي قال ليهو انت معزتك براك ي ولد انت ونبراس جوا عيوني انتو سندي وضهري في الدنيا دي ربنا يديكم الصحه والعافيه واختك دي امانه في رقبتكم بعد امووت ما تخلو شي تضرها وشيلوها في عيونكم ياخ ابوي حنني عديل لمن قعدت ابكي قلت ليهو بعد الشر عليك ي ابوي ربنا يطول لينا في عمرك و يديك الصحه والعافيه وتشوف اولادنا واولادهم كمان قال لي امين ي بتي ونبراس جاء باس ايد ابوي وقال ليهو الله يخليك لينا ويديمك تاج لي رأسنا ان شاء الله المهم انا مشيت خليتهم بتكلمو مع بعض ودخلت غرفتي شلت ايفوني دخلت الفيس نشرت منشور لي ابوي وعملت مشاركه مع نبراس ونادر وتاني بقيت اتفرج ع الاحداث الجديده المهم بعد مسافه كده قلت كدي اتصل ع رؤى من جينا ما اتصلنا عليها اتصلت عليها تلفونها ما خشا معاي حاولت كم مره في النهايه دخل جرس بعد كم جرس كده ردت علي اهلين نور كيفك قلت ليها رؤى العسل كيفك واخبارك والله مشتاقيين قالت لي كتير والله انا الحمد لله انتي كيف قلت ليها الحمد لله والله مالك صوتك كئيب كده قال لي ماف حاجه تعبانه ساي بس قلت ليها سلامتك والله مالك حاسه بشنوقال لي ماف شي ارهاق ساي بس قلت ليها خلي بالك من نفسك وارتاحي كويس قالت لي حاضر اها انتو اخباركم شنو ومرام كيف عليك الله وحكيت ليها قصه مرام ونادر وفرحت ليهم شديد وقالت لي الف مبروك ليهم وربنا يوفقهم ان شاء الله ويتم ليهم ع الف خير قلت ليها اميين ي رب قالت لي اها وانتي حتعملي شنو حتجمدي السنه برضو قلت ليها لالا حأشوف لي بت من الداخليه تقعد معاي مع انو ما بعرفهم ولا صحباتي الا امشي اسأل من البنات القاعدات في الداخليه منو وما عارفه زاتو يمكن ماف وحده ترضى تقعد معاي ولا اهلهم يحموهم وليهم حق طبعا يخافو ع بناتهم قالت لي ي زوله انتي مجنونه انتي اصلا تضمني ليك بت ما بتعرفيها كيف انها تقعد معاك وما تعمل ليك حاجه ولا تكون اخلاقها كويسه يمكن تكون سيئه هسي قلت ليهو والله ي رؤى ما عارفه اسوي شنو لو انجبرت بقعد براي اسوي شنو انا هسي قلت لي ابوي عندي كم صحبه في الداخليه بسوق وحده تقعد معاي وانا ولا بعرفهم زاتو قالت لي الموضوع دا حلو عندي وما دايره معاك اي نقاش فيهو قلت ليها كيف يعني قالت لي تجي تقعدي
معاي بيتنا كبير وبشيلنا كلنا وانا وامي قاعدين برانا واخوي قاعد في طابق براهو يعني ما حتحتكي بيهو زاتو هو نحنا بنشوفو كل فتره وفتره وبعدين امي حبتك شديد وما حترفض لانو هي عايزه انو يكون عندي اخت وانا بصراحه ما ارتحت لي بنات غيركم انتي ومرام هسي دي فرصتي يكون عندي اخت معاي في البيت عليك الله ما تحرميني منها حننت قلبي حسيت انها بالجد تعبانه ومحتاجه لي اخت وصحبه قريبه منها قلت ليها والله ي رؤى ما عارفه اقول ليك شنو قالت لي ما تقولي اي شي غير موافقه قلت ليها طيب موافقه انا بس استشير اهلي اول قالت لي تمام وحسيتها انبسطت شديد قفلت منها ومشيت كلمت ابوي في البدايه كان مشوش وفي النهايه انا وامي سوسنتي حبيبتي اغنعناهو بعد تعب وقلنا ليهو انها بت وحيده لي امها وابوها متوفي وبيتهم كبير وحتى اخوها عايش براهو يعني ما حأحتك بيهو زاتو في النهايه ابوي وافق ونادر زاتو وافق رجعت لي رؤى كلمتها وفرحت شديد وقالت لي انا زاتي كلمت ماما وفرحت وقالت ليك حاببك ي بتي التانيه والله قلت ليها وصلي ليها سلامي وقولي ليها تسلمي لي يمى وقولي ليها نور قالت ليك ممكن هي كمان تناديك بي ماما قالت لي اكيد طبعا المهم اتونسنا كتير انا ورؤى وقفلنا في النهايه وضربت لي مرام وريتها وفرحت شديد طبعا وقالت لي رؤى بت ماف منها والله وطيوبه وربنا بريدك عشان خلاك تقعدي معاها بت اخلاقها عاليه وعسوله قلت ليها اي والله قالت لي ما تنسي تعزميها لي عرسنا قلت ليها اكيد حأجيبها معاي طبعا قالت لي تمام يلا هوي اقطعي وشك امي بتناديني ماشه اشوف في شنو ونادر زاتو دخل في الإنتظار تلاته مرات الليله بطلقني قعدت اضحك فيها قلت ليها خلي يطلقك يلا زاتو مع السلامه قالت لي خلاص مع السلامه عشان ما تسمعيني دعاوي اكتر من كده ضحكت فيها وقفلت منها رقدت نمت تاني يوم صحيت جهزت حاجاتي كلها وقلت لي ابوي انا بسافر بعد الفطور قال لي ي بتي ما تخليها لي بكره قلت ليهو ما انا مسافره بالعربيه ي ابوي ما مشكله وبعدين التسجيل فتح من السبت والليله الاتنين يعني بكره مفروض امشي اسجل ومفروض امشي السوق اشتري حاجات كتيره وغايتو قال لي تمام ربنا يعدل خطوتك وتوصلي بالسلامه انا مارق والقروش عند نادر شوفي دايره كم وشيلي قلت ليهو تمام وودعتو ومرق وفعلا بعد الفطور شلت القروش من نادر وودعتهم ومشيت لي مرام وخالتو سلافه ودعتهم وركبت عربيتي اتحركت وصلت بيت ناس رؤى بعد صلاه العصر بشويه دقيت الجرس ...
-