رواية في حب رمضان
الفصل السادس6والاخير
بقلم اسرار جمعة
يوم العيد الصباح...
سامعة التكبيرات صوتها بيعلى ♡
بديت في تفريش البيت وعملت بخور، ناس البيت صحوا وبقينا نعايد لي بعض العيد
أنا: فاتن كل سنة وإنتِ طيبة، إن شاء الله السنة الجاية في تانية ثانوي
فاتن: أمين
فادي: كل سنة وأنتوا طيبات ، وأن شاء الله السنة الجاية الأتنين عروسات
أنا: وأنتَ طيب، ليه السنة الجاية؟..
السنة الجاية بعيدة قول الشهر الجاي ولا أقول الشهر الجاي برضو بعيد قول الأسبوع الجاي
فادي: والله إنتِ ربنا يعرس ليكِ بس😹♡
أنا:آمين كووبيررررة
فاتن: أنا زولة قراية، عايزة أقعد ليكم شوكة حوت كدا بس
أنا: أها يا أنشتاين
فاتن:انا لا عندي أخلاق لي راجل ولا لي مسؤلية ولا لي مشاكل نسابة
أنا عايزة أتحنن و ألبس التوب و أتصور بي الزفاف و أرجع بيتنا أتم قرايتي
أنا :كلام لكن! ده إلا تمشي تتقدمي إنتِ 😹
فادي:عايزة تقشري يعني😹
فاتن: بالضبط كدا
أنا: أحلام اليقظة، لو ختيتِ الرحمن فى قلبك كلو بيتسهل وبتنسي أنك عايزة تكملي قرايتك
فاتن: بري هييي
بعده عيدنا لي أمي وأبوي♡
بعدين بقوا يجوا الشفع، و سامعين صوت الألعاب النارية والطلق البرا♡
عندنا كديسة كدا من سمعت صوت الطلقة جرت جري شفت الغبار بتاعها بس😹♡
يا حليلها شكلها أتخلعت! 😹
ليها حق انا زاتي حسيت شوية و ح أدخل تحت التربيزة😹♡.
أنا: فادي نسيت حاجة!..
فادي: شنو؟..
أنا: العيدية
فاتن: أي صح دي أهم حاجة
فادي: خلاص كبرتوا على العيدية
أنا: ما هو الحق كل ما الزول يكبر تكبر عيديتو معاهو
فاتن: معاك حق يا فادي، أنا عايزة قرض من البنك
فادي:قرض عديل؟..
فاتن: أي لازم المساواة في النمو
أدانا بعد عوارة😹♡
نكتفي بي كدا؟.، لا مشينا لي البنك "أبوي" 😹♡
أدانا طوالي♡
وأتصورنا صورة عائلية♡
بعدين جونا البنات، جبت الشيلة ضيفتهم
انا: بنوت عساكم من عوادة
سجى: تعود
انا: هو شنو التعود؟..
سجى: عوادة
شيماء: لا يا بت قولي أمين
جيهان: عان دي عايزة تكحلها تبظتها😹
سجى: هو صحي ردها شنو؟..
جيهان: لا أدري كدي أسالوا صحبتها القالتها
أنا: انا زاتي ما بعرف لي ردها
سجى:خلاص الفلسفة ليكِ شنو وتخلينا نِتجهجح كدا قولي المعايدات الساهلة دي ذي كل سنة وأنتِ طيبة ومعاها دعوات ظابطة ذي إن شاء الله السنة الجاية عروسة🌚
أنا: طيب خليت الفلسفة😹♡
سجى: صوت الطلق دي بتوترني ياخ
شيماء: عقبال طلق عقدي يارب
جيهان: ليه عقدك بس؟..
عقدنا كلنا يا زولة
طبعاً قلت لي أخوي عايزة العيدية، قال لي كبرتِ وبتاع زعلت زعل
كيف يعني كبرت على العيدية؟، لكن لقيت فعلاً كلامو صح أنا كبرت علي العيدية أنا عايزة الشيلة
أنحنا بقينا نضحك لمن دمعنا !😹♡
أنا: مُبالغة يا جيهان أنا بقول حالتي خطيرة لكن الحمد لله لقيت زول حالتو أخطر مني😹
سجى: لالا أوفر
شيماء: هو زاتو موضوع القروش ده قدم خلاص، الحق لو ولدك كبر خالص يعيدوا عليه بعروسة
انا: صح أتفق
بعدين وقفنا نتصور
أنا ماسكة السيلفي...
شيماء: مالكم حاشرين سجى ورا كدا ما عارفنها قصيرة ما ح تظهر كدا في الصورة😹
سجى: وريهم عليك الله
جبناها قدام سنفورتنا😹♡
جيهان: يا فدوى أضغطي ياخ، أنا من قبيل مُثبتة الإبتسامة دي!
أنا:ثواني تظبط
شيماء: ديل منو الحلوات ديل؟..
سجى: غايتو أنحنا واقفين غلط ده ما مكانا، الحق نكون قاعدين في الشيالة
جيهان: كدي سيبوا الكلام الكتير عشان الصورة تظبط
أنا: يلا قولوا جِبنة
البنات:جِبنننننة
وتم ألتقاط الصورة😹💛.
صلاة العيد، الإبتسامة من الصباح، الخجل من ناس البيت وقت المعايدات😹♡، وجملة كل عام وأنتوا بخير، الدعوات، اللبسة الأنيقةة، الريحة المعينة، فرحة الأطفال، الألعاب النارية، الديكور الجديد، الحلاوة و البيتي فور، الزيارات، وأهم حاجة العيدية😹♡.
تفاصيل العيد جميلة جِداً♡.
فرحة العيد بتكون في الناس البُعاد البجونا و بملوا بيوتنا بهجة و محبة..
و ناس بتغسل، ناس بتركب في الستاير وناس داخلة و طالعة..
الألعاب النارية في الشارع و جوطة الشُفع ديك...
و ملابس العيّد، و الخبيز و الكعك..
حقيقي التفاصيِّل دي حِلوة كُلها
كنُت فاكرة العيّد في تفاصيلوا الكلها بهجة و محبة..
بس العيد هو في لمحة الناس الحوالينا..
التفاصيل دي كلها ولا حاجة في غياب الناس البنحبهم..
ح تلاقيهم مُترقبين التحايا والمباركات ..
الناس البتستنى المناسبات السعيدة عشان تتصل تسمع صوت أهلها ..
زمن كان ماف جوالات والتواصل عن طريق الرسائل !...
هنا بس بتعرف قيمتك وقيمة الناس الحواليك ..♡
*#على هامشْ اللُطف💛🦋*
أدركت تمامًا أن وجود العائلة،
والاصدقاء ومن نُحب
هو العيد
لا يقوم العيد بلباسٍ جديد بل بدفء الفرحة والبهجة حول من تُحب،
تحفُك الهدايا والتبريكات،
يالذة العيّد وياحلوات عيدي وهم فيه ، كل عام وأعيّادي مكتمله بيهم ♡'.
- حتى تأتي نهاية اليوم لتعترف راضيًا ومطمئنًا بأن هذا أثمن ما تملك، بل كُل ما تَملك♡.
*أذكروني بِدعوة لُطفاً💛*
تمت