رواية ساكون طوق نجاتك
الفصل التاسع9
بقلم سمر هاشم
قلت لي رؤى انا جاتني فكره قالت لي شنو قلت ليها مش انتي حابه تكسبي اخوك وتغيري تعاملو معاك وعايزاهو يرجع زي ماكان معناها دا حيكون برنامجنا الليله قالت لي كيف يعني قلت ليها رامي دايما بتغدا برا البيت الليله حنخليهو يقعد يتغدا معانا قالت لي لكن هو ما حيجي قلت ليها دي بتتحلها عادي حنجيبو قالت لي كيف قلت ليها هسي خلينا نمش نجهز الاكل البحبو رامي قالت لي طيب ومشينا المطبخ منها فرصه اعرف رامي بحب شنوو من اصناف الاكل المهم مشينا المطبخ قالت لي اول شي نعمل دجاج بالفرن وكمان نعمل مكرونه بشمل وورق عنب وباميه هو بحبهم شدييد قلت ليها تمام وفعلنا جهزنا الاكل كلوو وبقى الموضوع في اننا نخلي رامي يجي كيف قلت ليها اضربي لي رامي قولي ليهو انو نور تعبانه وعايزين ليها حاجات من الصيدليه وماما عواطف مرقت وانتي ما بتقدري تخليني براي لازم يجي هو قالت لي تمام وضربت ليهو قالت ليهو كده قال ليها استغفر الله ي رب طيب طيب جاي قالت ليهو ما تتأخر قال ليها طالع هسي طبعا انا قلت ليها انتي جهزي الصفره وانا طالعه اغير هدومي ريحتي كلها اكل اكل قعدت تضحك فيني وقالت لي طيب وفعلا طلعت فوق ياخ انا من الفرحه بقيت برقص براي ونسيت وجع رجلي خالص دخلت استحميت ولبست لي اسكيرت تلات اربع وبلوزه وكمان طرحه وختيت كحل خفيف ومشيت نزلت بعد شويه كده انا قاعده في الهول برا الجرس دقا مشت هنادي فتحت وماما عواطف كانت في غرفتها ورؤى مشت تناديها والاكل جاهز في الصفره وانا قاعده وعامله فيها ماسكه رجلي ومدنقره (طبعا تميثل شدييد) جاء قال لي السلام عليكم ولا عاينت ليهو زاتو قلت ليهو وعليكم السلام قال لي هاك الحاجات الوصيتوني عليها شلتهم منو وقلت ليهو شكرا ليك تعبناك معانا قال لي لالا ولا يهمك دا الواجب رؤى جات نازله قالت ليهو رامي كويس انك جيت قال ليها لكن راجع هسي قالت ليهو ماما جات هسي وقالت لي ما اخليك تمشي بدون ما تتغدا معانا قال ليها لالا بتغدا في الشغل قالت ليهو حرام عليك ي رامي نحنا عاملين ليك الاكل البتحبو ياخ وتعبنا عشانك قال ليها طيب واكيد في مقابل صاح وروني عايزيني في شنو سريع قالت ليهو والله ماف حاجه انت بس تعال اكل قال ليها طيب عاملين شنو قالت ليهو تعال وانت تعرف جاء طبعا بقى بعاين للصفره ومبسوط شديد لقا كل الحاجات البحبها قعد وقال ليها دا شنو الدلال دا الليله قالت ليهو بس لينا فتره ما قعدنا مع بعض عشان كده ابتسم ليها وسكت حسيت بي حسره كبيره في قلبو بقى ما قادر يتكلم قعد بقى ياكل وهو ساكت وانا ورؤى قعدنا معاهو وبقت رؤى بتحاول تتكلم معاه وهو بس بكتفي بالابتسام ولا يرد بس حسب الكلام وانا ساكته وبس سرحانه فيهو قامت رؤى قالت ليهو نحنا زهجانين ي رامي رايك شنو تسوقنا نمشي ناكل ايسكريم قال ليها انا شغال قالت ليهو عليك الله ي رامي انا ما اختك ياخ انا من بتين ما طلعت وبعدين نور دي جات وما طلعناها نهائي عليك الله ي رامي عليك الله عليك الله قال ليها انا اصلا عارف انو انتي ما جبتيني ساي ي زوله امري ع الله طيب اجهزو خلونا نطلع ياخ انا قربت اطير من الفرحه ياخ رامي دا حاجه كده نعمه من السما والله العظيم فيهو عيون تحير والجسم والشعر والله العظيم انا لمن اعاين ليه بكون ما قادره اشيل عيوني منو
مشينا غيرنا انا لبست فستان من فوق ضيق وتحت فاري عنباي حلو وبسيط جدا وجاي مع لوني شديد ومعاه شبط اوف وايت وطرحه اوف وايت خفيفه وشنطه صغيرونه وعملت روج بسيط ورفعت شعري ضنب حصان ورؤى كمان لبست فستان كبدي حلووو شديد ونزلنا تحت لقينا رامي مستنينا في العربيه ركبت جمبو رؤى قدام وانا ركبت ورا وكنت بس كل شويه بعاين ليهو وارجع اعاين برا العربيه كنت مبسوطه شديد مشينا اكلنا ايسكريم في محل قريب لشارع النيل وقعدنا انا ورؤى نتونس وشويه كده رؤى بتدخل رامي في الحديث لكن رامي ما كان بتكلم كتير والغريبه نهائي ما عاين لي بس كان كل كلامو مع رؤى بس انا ما كنت متضايقه مجرد اني كنت سامعه صوتو كنت مبسوطه جدا المهم رجعنا البيت وكنت مبسوطه شديد طلعت فوق وخليت رؤى مع رامي بعد مسافه جاتني رؤى قالت لي ماما عايزاك طلعت ليها قعدت جمبها قالت لي ي بتي انا مبسوطه بيك شديد من جيتي رؤى بقت بألف خير ورجعت ليها الضحكه والابتسامه من تاني وكمان رؤى كانت بعيده عن اخوطوها بسببك رجعت تاني تتقرب من اخوها قلت ليها لا يا ماما هم اخوان ولازم يكونو قريبين من بعض قالت لي الفضل يرجع ليك ي بتي رؤى حكت لي كيف انتي نصحتيها وخليتيها ترجع تحاول تتقرب من اخوها قلت ليها دا واجبي ي ماما رؤى اختي وانا عايزه سعادتها قالت لي ربنا يسعدك ي بتي وانا بالجد عايزه اسألك سؤال وعليك الله ردي لي بي صراحه ي بتي قلت ليها اتفضلي ي ماما عواطف قالت لي .....