رواية حدث في ليلة ما الفصل الثاني2والثالث3 بقلم مرفت السيد
عاصم:قول يابني مفيش حد غريب هنا
محمود :تالين اتعرضت لمحاولة اغت... صاب وعندها تهتك بغشاء البكارة وعندها انهيار عصبي
جلس فارس مكانه بصدمة وصمت ونظر لوالده الذي قال حسبنا الله ونعم الوكيل لاحول ولا قوة الا بالله العلي العظيم
بكت ام فارس :ياوجع قلبي عليكي يابنتي
اكمل محمود: انا عملت اللازم واديتها حقنة بس انا مستعد اجيبلك تقرير طبي بحالتها وهاحي بكرة اتطمن عليها
قالت اميرة زوجة فارس : مين الي عمل فيها كدة؟
نظر اليها فارس بغضب وقال: تعرفي تسكتي خالص
عاصم:اهدا ياابني
اميرة:اهو على طول كدة كلمتي تقيلة عليه
ام فارس:مش وقته يابنتي راعي الحالة الي احنا كلنا فيها لو سمحتي
سكتت اميرة ودخلت اوضتها وهي متعصبة
فارس :محمود بعد اذنك هاتلي التقرير بكرة باذن الله معاك وياريت محدش يعرف خالص بالي حصل
محمود وهو يغادر :متقلقش يافارس استئذن انا والتقرير هاجيبهولك بكرة ان شاء الله
قام فارس بتوصيله وسأله :يعني هي لسة بنت؟
محمود: الوضع يعني انها بنت ولكن الغشاء متهتك بسبب المحاولة فاهمني لان غشائها مطاطي وللأسف في خبر اصعب من كدة اتحرجت اقوله قدام زوجتك وخالتي
فارس:قول
*للاسف في اثار..... بداخلها يعني احتمالية حملها واردة وانا اخدت عينة عشان لو هتمشي رسمي نطابق العينة بالمشتبه بأمرهم
:شكرا يامحمود تعبناك
انصرف محمود وظل فارس يسترجع كلامه
ثم دخل فارس غرفة تالين ونظر اليها مطولا وهي غارقة بالنوم بفعل المهدئ ورغم تظاهره بالصلابة خانته دموعه على ماحدث معها
اقترب منها وطبع قبلة على رأسها ثم همس:وحياتك لاجيب حقك ياتالين
ثم مسح دموعه وخرج لوالديه فوجد شقيقه يجلس معهما
جلس وهو غاضب تكاد عروقه النافره ان تنفجر
قال شقيقه فخر : ازاي يعني هانسكت يابابا دي مظلومة وبنت الكلب دوللي دي عايشة بخير عمي الي #بقلم_مرفت_السيد صدق ببنته الكلام الي قالته له العقربة وبنتها بسهولة لدرجة انه كلمني وبيقولي متخليش تالين ترجع لأحسن هاقت... لها
فارس بغضب:انا رايحلهم وهاعمل.....
نهض عاصم وقال:بس يابني اصبر لما تالين تفوق ونفهم منها وياللا انت واخوك شيلوها وطلعوها شقتي
فارس:ليه يابابا
عاصم*من غير ليه ماينفعش تفضل معاك انت ومراتك انا عمها والصح انها تفضل عندي
استسلم فارس لقرار ابوه وحملها بمساعدة شقيقه الى شقة والده ووضعاها بغرفة فارس القديمة وانصرفا
عاصم:ياللا ياولاد على بيوتكم والصباح رباح
بوقت سابق بصباح اليوم
استيقظت دوللي وسحبت حقيبتها وذهبت لغرفة نوم امها وايقظتها حتى لايشعر قاسم واشارت لها بأن تتبعها الى غرفتها بهدوء حتى لايشعر بهما قاسم
وبالفعل ودار بينهما الحوار التالي
:شفتي بنت جوزك عملت ايه فيا في النادي لما شافت عمر بيبوسني زعقتلنا لحد ماقالها اننا متجوزين عرفي وسابني وقطع الورقة بتاعة الجواز بوظتلي خطتنا ياماما عشان اخليه يتجوزني رسمي
*عملها اسود دي جت وفضلت تزعقلي وحكت لأبوكي
:عشان كدة هاخلص حقي منها وحياة كل مرة طلعت فيها احسن مني لاذلها مش كفاية انها عايشة بعز ابوها ومتدلعة وبترفض العرسان قال ايه عاوزة تعمل ماجستير وبتشتغل بتصميم المجوهرات وانا مش عارفة حتى اوقع عريس غني انا خلاص جبت اخري منها
*هاتعملي ايه
:متستعجليش ياست الكل ياللا سلام انا رايحة مع نور نجهزلها حفلة على شرفها
غادرت دوللي المنزل وذهبت لنور بإحدى الكافيهات وقالتلها:خلاص فهمتي يانور
*فهمت هي سيرة خلاص يابنتي
:ماهو انتي غبية ودايما بتبوظي الدنيا اسمعيني الراجل ابن عم صاحبك دة واثقة انه لما بيسكر مهما حصل الصبح بينسى لما بيفوق
*ايوة وكل يوم مع واحدة شكل ولحظك الحلو هو متخانق مع جدته وقاعد مع ابن عمه الي هو اسر صاحبي
:تمام شوية ونروح لصاحبك البيت ونحط لابن عمه الخمرة بالعصير ولما يسكر ناخده معانا نفهمه ان في واحدة مستنياه في الشاليه المهجور بتاع الولا باسم انا سرقت منه المفتاح واحنا بنرقص و روحت ركبت كاميرا هاتسجل الي هايحصل
*تمام فهمت
:وبعدها هاسيبه هناك وانتي معاه تسكريه تاني وانا هاروح الشاليه بتاعنا وارشها بالمخدر واجيبهاله هنا اول ماارن عليكي تطلعيلي على اول الشارع تركبي معليا وتساعديني ندهلها اكنها نايمة عشان لو حد شافنا مع اني استبعد وجود حد وبعدها نصورها وأفضحها ياللا بينا
*ياللا بينا
وتمت الخطة على اكمل وجه باستثناء ان الراجل الي اختاروه يعمل كدة لما لقى تالين قدامه وهو مش داري بأي حاجة غير انه متعود يكون كل يوم مع واحدة ونور ودوللي بيقولوله اهي الموزة وصلت والي #بقلم_مرفت_السيد حصل اتصور بالكاميرا ولما اتفرجوا على الفيديو مكانش ظاهر اي حاجة لأنه طفى النور
وبعد ماخلص لبس وطلع بيترنح فاضطرت نور ودوللي يرجعوه بيت ابن عمه وقتها شافتهم تالين بس ملحقتش تشوف الراجل الي معاهم
وبسبب ان مفيش فيديو تفرجه لجوز أمها اضطرت دوللي تعمل تمثيلية مع امها وتفضل تعيط وتبهدل نقسها قبل ماجوز امها يوصل ولما يسالها مالك تقوله بنتك مع شاب دلوقتي وكل يوم مع راجل شكل وكانت بترمي بلاويها عليا ولما حبيت اخليها تتراجع ضربتني وقالتلي انها بايتة معاه ولو مش مصدقني كلمها
وبالفعل تمت خطتها على اكمل وجه
بمنزل قاسم
خديجة ام دوللي بتقولها:يعني فارس كلمك طيب ولو عمل محضر وكشفو عليها
ضحكت دوللي :وانا مالي لا الشاليه بتاعي ولاحد شافني ومفيش اثبات عليا بس انا واثقة انهم مش هايفضحو نفسهم ولايلطخوا اسم تالين كبري دماغك خلاص هي كدة باي باي
ضحكت خديجة :حتى ابوها مش طايقها ايوة كدة خلي خيره لينا انا وانتي دة انتي طلعتي حية زي امك
لمعت عيون دوللي بالشر وهي تستلقي على فراشها:ملهاش نصيب اعمل شغل بالفيديو بتاعها للاسف ياللا خيرها بغيرها
بصباح اليوم التالي
استيقظ مجد ليجد نفسه بملابسه على فراشه بمنزل اسر ابن عمه وهاتفه يواصل الرنين بإلحاح
امسك بهاتفه وهو مغمض العينين واغلقه ثم القاه بجواره
ونهض بتكاسل لياخذ حماما دافئا حتى يستفيق وبينما هو بالبانيو اقتحمت راسه بعض الذكريات عن ليلة الأمس
فقال لنفسه:هو انا عملت ايه إمبارح
ثم حاول التذكر فلم يتذكر سوى فتاة بصحبته كانت نائمة
او مغيبة كل ماتذكره هو رائحتها رائحتها مسك رمان
انتهى ويينما هو يرتدي ملابسه تذكر انها همست له بشيء كلمة واحدة وبعدها استسلمت له تماما
خرج من غرفته ليجد اسر يقوم بتحضير الطعام وحين راه ابتسم وقال:صباح الفل يامجد باشا
ابتسم مجاملا :صباح النور يااسر
اسر مازحا*ايه ياعم الموزتين خدوك فين امبارح قالولي هانوديه يتشقلب ايه الكلام
:مش فاكر يااسر بس حاسس إن في حاجة غريبة امبارح حصلت
*زي ايه اصل البنتين دول ابالسة ممكن يكونوا استفردو بيك
:لأ بس مش فاكر حاجة عن البنت الي كانت معايا خالص
*وانت عاوز تقتكر ليه مازي غيرها ولا عجبتك وعاوزها تاني
:لأ مش كدة عندي إحساس غريب
بقولك ايه اتصل كدة بصاحبتك دي وحاول تعرف بشكل غير مباشر حصل ايه معايا لاني مش هانزل لمستوى اني اكلم البنت دي واسالها وممكن تلاعبني
*تلاعب مين دة انت مجد الدهبي ابن العز وحفيد ميادة هانم الدفراوي وعندك مجموعة الدهبي للاستثمار انت ماقولتليش هي لسة غضبانة عليك ولاانت الي اتخانقت معاها ماانت دماغك حجر صوان
: متشغلش بالك بجدتي واوعى تقول لحد من صحابك انا مين
*عيب يامجد بس باقولك ليا الحلاوة لو عرفتلك معلومات عن ليلة امبارح
نهض مجد وارتدى نظارته الشمسية ووضع يده بشعره المسترسل يزيح خصلاته الناعمة للخلف وابتسم حتى بانت غمازته وقال: شد حيلك وليك مبلغ وقدره سلام انا رايح الشركة
بمنزل عاصم
استيقظت تالين ونظرت حولها لتجد نفسها بمنزل عمها
خرجت من الغرفة وهي تترنح فوجدت عمها وزوجته وفارس يتناولون الطعام ويتحدثون
بمجرد ماراها فارس هب واقفا واتجه إليها بلهفة وامسك بيدها وهو يساعدها لتجلس
وقال :ايه ياتالي طمنيني عليكي بس الاول لازم تأكلي
عاصم :ايوة الاكل الأول وبالأمر كمان
مرات العم :حبيبتي يابنتي والله ماهاكل من غيرك
ابتسمت تالين وشعرت بحنانهم البالغ فدمعت عيناها وقالت :حاضر هاكل ياجماعة
بعدما انتهوا جلس اربعتهم بغرفة الجلوس وقال فارس:تالين بالراحة كدة احنا لازم نتكلم معاكي وقبل ماتحكي الي حصل بالتفصيل ونشوف حل ونحيبلك حقك لازم اقولكم على قرار مهم اخدته
عاصم : خير يافارس
فارس:انا قررت اني..........