رواية غصون الورد الفصل الحادي عشر11والثاني عشر12 بقلم يارا احمد
بسمله هزت راسها وحطت القهوه وراحت الشاب اخد القهوه وفجاه ادلقت عليه قام بسرعه وقال باسف
-اسف يعمي
عبد الرحمن قام وقال بقلق
-انت كويس يابني..مؤيد روح خده على الحمام
مؤيد هز راسه
-اتفضل معايا..راحو الحمام بسمله بهدؤ
-يلا يغصون
غصون بغيظ
-اوففف من الناس المش بتفهم دول هو انا وشي وش جواز غصون بصت على نفسها في المرايا وهي لابسه فستان زيتوني وطرحه بلونه قعدت تظبط حجابها
تالين ضحكت
-طالعه قمر
غصون بصت عليها
-مش ناقصاك هروح اندمه وارجع انام..راحت و شافت الشاب والبنت قاعدين بصت على الشاب كان عيونه عسليه و شعره اسود ودقنه خفيف وباين عليه حد مهم من ملابسه والبنت المعاه محجبه و لابسه فستان ازرق وعيونها لونهم بني حست شافتها قبل كده بس مش فاكره فين تالين و بيسان خرجو بصت على البنت والبنت بصت عليها بدهشه
-انتِ؟؟
تالين باستغراب
-الدكتوره حضرتك بتعملي ايـــــــه هنا!
الدكتوره بابتسامة
-جيت اخطب لصاحب جوزي..بصت على غصون و إبتسمت..ذوقه حلو الصراحه
الشاب ابتسم وهو ببص عليها
-سيبه يسمعك وهنتعلق قبل ما نوصل البيت يوعد
وعد ضحكت
-هو بتخاف من الاهبل ده يا يزن
يزن بمرح
-هنشوف مين الاهبل بعدين
غصون فهمت انه مش العريس اضايقت منه وقال في نفسها راحوفين ده
عبد الرحمن قام لما شافهم
-غصون حبيبتي روحي اقعدي هناك..أشار لها على كرسين بعيدين عنهم راحت من غير اعتراض وهي مصممه اول ما ينطق ترفضه لانها على اخرها قعدت وانتظرت وهو بص على عبد الرحمن
-اسف يعمي اتاخرت
-لا عادي روح اهي غصون هناك كده كده هترفض
ضحك
-مش يمكن انجح وانقبل بركاتك يحج..راح بتجاهها وهما قعدو وفضلو يتكلمو قرب منها وهي سمعت صوت خطواته وقبل ما يقعد كانت باصه على الأرض وقالت بجديه
-اسمعني انت مرفوض وانا مش عايزه اي علاقات حاليا بصفي العندي مش ناقصه حد جديد في حي..
قعد وحط رجل على التانيه وقال ببرود
-ومين قال اني حد جديد حياتك؟
رفعت عيونها بصدمه
-د..دكتور يزيد؟؟انت بتعمل ايـــــــه هنا
يزيد ببرود
-بقفل الموضوع مش انا قولت هتصرف؟
غصون كانت مش قادره تنطق من الصدمه بعدها قالت بصدمه
-تقفل الموضوع ازي يعني!!انت اتجننت انت عارف ده جواز ازي تفكر كده لا اكيد ضارب دماغك اليوم انا مستحيل اقبل بانو الجواز يتم
يزيد بتسليه
-يبقا نشوف رايهم لما يعرفو انك مريضه بالكانسر
غصون لسه مصدومه
-ا..انت بتهددني؟انت اك..
يزيد قرب منها ودق على الطاوله البينهم باصابعه وكمل بهدؤ
-انا مش بهددك بقلك الحل الوحيد لمصيبتك يغصون انتِ لو مش عايزاهم يعرفو قبل ما تظهر الأعراض ده هو الحل الوحيد هتجوزك واعالجك
غصون دموعها نزلو
-لدرجادي شايفني رخيصه هقولك اه مثلا لا مش موافقه انا مستحيل اوافق على جوار مش متكامل انت ملكش ذنب ولا دخل علشان تعمل كده
يزيد وهو بجز على اسنانه
-هو انا قولت عايز رايك؟هتوافقي يعني هتوافقي وهتعالجي غصب عنك انا كان ممكن اسيبك لو مش دخلت وعرفت ابوك مين لكن بعد ما شفته احلمي اني اسيبك تموتي بدون ما اعمل المستحيل علشان اعالجك يغصون انا مستحيل اسيب ابوك يتوجع بسبب فقدانك وانا قاعد اتفرج مستحيل اسيبه ينكسر بسببك فلازم تفهمي انك هتوافقي غصب عنك علشانه علشانهم وعلشان نفسك فاهمه ولا اعيد..غصون سكتت..السكوت علامة الرضا..قام..أمسحي دموعك وقولي انك موافقه وانا هستجعلهم بقدر الإمكان علشان اول ما نتجوز هنسافر واعالجك بعيد عنهم ماشي
بصت على عيونه وسالته بضعف
-انت ليه بتعمل معايا كده
يزيد بهدؤ
-علشان باباك وعلشان رغد يا ريت تسيبي الاسئله لبعد الحواز كفايه علينا كده..غصون مسحت دموعها بسرعه قبل ما حد يشوفها ويزيد راح وهي وراه مؤيد قرب منها بسرعه وسال بقلق
-غصون حبيبتي مالك؟
غصون بابتسامه
-لا مفيش يحبيبي
يزيد ابتسم وقعد على كرسي لوحده وقال بمرح
-يلا يعمي اسالها
عبد الرحمن ضحك
-ماشي يعم اصبر..بص على غصون بحب..حبيبه بابا قرارك ايـــــــه بصي انا مش عايزك تقوليلي الي تشوفه يبابا لاني عايزك تختاري بنفسك لانو دي خطوه مهمه في حياتك يغصون رايك ايـــــــه في يزيد
غصون بصت عليه ولقته مركز عليها ونظراته بتهددها بصت على عبد الرحمن بابتسامه
-انا موافقه يبابا انا ارتحت لدكتور يزيد اوي
كلهم انصدمو من اجابتها خصوصا مؤيد فسالها ولاول مره ميعرفش هي بتفكر في ايه
-متاكده يغصون؟
ردت بابتسامه
-اه يمؤيد متاكده
عبد الرحمن بص على يزيد و شافه مبسوط ابتسم
-طب على بركه الله..كانو مصدومين بس باركولهم يزيد بص على مؤيد
-هو انا عندي طلب كان نفسي يوم ما اخطب اقرا سوره بحبها وبما اني سمعت انو تلاوتك حلوه عايزك تقرا السوره بصوتك
مؤيد استغرب طلبهربس محبش يحرجه
-من عيوني بس عايز سوره ايـــــــه؟
يزيد براحه
-يوسف سوره يوسف معرفش بعشق قصته بعشقها اوي
مؤيد بص على غصون المصدومه وابتسم واطمئن عليها وحس انو يزيد فعلا المناسب ليها بص على يزيد وتلاء سوره يوسف غصون إبتسمت بعدها بصت على تالين الباصه على مؤيد وعيونها بلمعو يزيد بص على عبد الرحمن
-انا هجي المره الجايه واجيب الشبكه وهيكون معايا عيلتي واحدد ميعاد كتب الكتاب اصلي مش بقدر استنى وللازم نتجوز بسرعه لاني مسافر وعايز غصون ترافقني في سفري
عبد الرحمن بص عليه
-بص ييزيد انت عارف انك بالنسبالي ابني الكبير بس ده مش هيسيبني اتسرع
يزيد بتفهم
-ماشي يعمي بس بتمنى كتب الكتاب ميتاخرش
مصطفى ساله باستغراب
-صحيح قلي يا يزيد انت و غصون اتلقيتو فين؟
يزيد بابتسامه
-اصل انا معيد في كليتها
-هااا ماشي
يزيد بص على عبد الرحمن
-طب عندي طلب اخير هو مش طلب ده للازم يتحقق
عبد الرحمن برفعه حاجب
-والله وايـــــــه هو ان شاء الله؟؟
يزيد بص عليه وقال بغيره
-غصون للازم تلبس النقاب للازم سامعني يعمي
غصون كانت بتبص عليه بصدمه وفكرت انو تمثيله مدقن لدرجه انها هتصدقه مؤيد قعد جنبه بجهه اليمين و مصطفى بجهه الشمال وربتو على كتفه
-ده انت من النهارده اخونا
غصون بصت عليهم بصدمه مؤيد بص عليه
-انا معرفش هي مستنيه ايـــــــه دي ليها اسبوع ومش لبسته ليـه مش عارف
مصطفى بضيق
-والله انا كمان مش فاهمها
يزيد بضيق
-تعالو نحبسها ونرتاح
غصون بصدمه وهمس لتالين
-خديني غرفتي قبل ما اعمل جريمه فيهم
تالين وبيسان كتمو ضحكتهم وتالين بصت على عبد الرحمن
-عمي ممكن ندخل
وعد بصت على تالين
-دراعك لسه بوجعك
تالين بهدؤ
-شويا مش اوي بس هو تقريبا هيخف بعد شهر اصل الدكتور قالي كده
يزيد بص على دراعها
-قربي سيبني اشوفه
تالين باستغراب
-لا ملهوش داعي
يزيد قرب منها ومسك دراعها وهي صرخت بالم و غصون قربت وزقته وقالت بعصبيه
-انت اتجننت
يزيد بقلق وهو ببص على تالين
-انتِ مين قالك الكلام ده!بص على وعد بعصبيه..ازي بتشخصي غلط يوعد دراعها محتاج عمليه
وعد بقلق
-بس انا مش شخصت ييزيد انا ضمدته مش اكثر
يزيد بعصبيه
-وحتى لو كده مفروض تعرفي شغلك كويس
يزن قام بضيق
-يزيد انتب..
يزيد بعمل اشاره بايده انه يسكت
-انت أخرس خالص مش ناقصك..بص على تالين..مين الكشف عليك؟
تالين بالم
-دكتور في كندا انا معرفش حصل حادثه ولقيت نفسي في المستشفى و دراعي كده وهو قالي انه هيكون كويس مع الوقت شهر بالكثير وكل الالم هيخلص
يزيد بسخريه
-وطبعا حضرتك استهونتي بالموضوع ومش كشفتي تاني..بجد معرفش الناس بتحب تهمل حياتها ليـه!كان بتكلم معاها بس غصون فاهمه انه بقصدها غصون قربت من تالين وقالت بقلق
-لسه بتوجعك؟
تالين بالم
-شويا
غصون بصت على يزيد بعصبيه
-انت ليـه عملت كده
يزيد بص عليها
-كنت عايز اتاكد منه ودي الطريقه الوحيده بما انو مفيش جهاز في ايدي..بص على تالين..اتفضلي معايا على المستشفى كل ما عجلنا الجراحه كان لصالحك
تالين بقلق
-هو الموضوع خطير كده؟؟
يزيد بهدؤ
-فوق ما تتخيلي..بص على وعد و يزن..بتعملو لسه عندكم روحو جهزو غرفه العمليات لحد ما اجي
وعد بصت على يزن المضايف مسكت ايده وسحبته وهي بتهدي فيه عبد الرحمن بقلق
-طب هي هتكون كويسه
يزيد بابتسامه
-طبعا هتكون كويسه يعمي انا هعمل باقصى جهدي المهم حضرتك متقلقش واطمئن..يلا يانسه
غصون مسكت ايد تالين
-هروح معاك
مؤيد قام هو ومصطفى
-نحن كمان هنجي..بابا اتصل على عمي حسن وقاله هو وساره وتعالو سوا مصطفى رما مفاتيح العربيه لابوه
-انا هروح معاهم كمان وانتو اللحقونا
بروحو و غصون بتركب ورا ومعاها مؤيد و تالين وهي قاعده في النص وتالين داخله في حضنها و بتوجع اوي ويزيد كان بسوق بسرعه وصلو و غصون سندت تالين لجوه و وعد اول ما شافتهم قربت منهم وسندتها مع غصون ودخلوها غرفه العمليات غصون دموعها نزلو وهي بتبص على تالين..تالين بصت عليها بحب
-ا..اوعدك يغصون اول ما اخرج من هنا واروح البيت هتحجب..نامت بسبب المخدر و وعد طلبت من غصون تفضل بره غصون كانت هتخرج ويزيد دخل وبص على دموعها وقال بحزن
-هتكون كويسه انا بوعدك امسحي دموعك و روحي ادعيلها يغصون
غصون مسحت دموعها وراحت وهو بدا العمليه و معاه و عد و يزن غصون كانت بره بصت على مصطفى بعدها بصت حولينها ومش لقت مؤيد
-فين مؤيد؟
مصطفى بحزن
-راح الجامع..دي اول مره اشوفه بالحاله دي حساس انه متوجع بجد
غصون مش ردت وفضلت تدعي انو تالين تكون كويسه ساره و حسن كانو جارين بسرعه و وقفو لما شافو غصون ومصطفى وساره جرت عليهم واهل غصون وراهم
ساره بدموع
-غصون تالين حصلها ايـــــــه!!غصون حضنت ساره علشان تهديها
حسن قرب منهم وكان هيقع بس مصطفى سنده بخوف
-عمي عمي مالك حصلك ايـــــــه!!
ساره بخوف
-بابا بابا مالك؟
عبد الرحمن قرب منه
-تعال يمصطفى اسنده بسمله نادي على دكتور بسرعه
راحو والدكتور جا وقالهم انو ضغطه نزل و للازم يرتاح
عبد الرحمن بص على غصون
-روحي انتِ وخليك جنب ساره وانتظرو تالين انا و امك هنخد بالنا منه
-ماشي يبابا..اخدت ساره بره وهي مش وقفت عياط وغصون بتحاول تهديها ومصطفى قاعد على الكرسي بتعب يزيد خرج غصون جرت عليه وقالت بدموع
-طمني يدكتور عامله ايـــــــه هي كويسه صح العمليه نجحت
يزيد بابتسامه
-نجحت يغصون وهي كويسه شويه وهنقلها غرفه عاديه متخفوش عليها ماشي
الفصل الثاني عشر
انبسطت اوي وشافت مؤيد وجرت وحضنته وهمست
-تالين كويسه يمؤيد تالين كويسه
مؤيد غمض عيونه وهمس براحه
-الحمد لله يا رب الحمد لله
مصطفى بص على يزيد وقال بامتنان
-شكرا يا يزيد عمرنا مش هنسالك المعروف ده
يزيد باستغراب
-هي بتقربلكم ايـــــــه؟
ساره بصت عليهم لما سكتوا ومش عرفو يردوا
-خير مالكم ساكتين نحن مش عيله يعني هو الدم لدرجادي مهم علشان نكون عيله؟
مصطفى هز راسه برفض وهو بضحك
-لا ابدا الدم مش مقياس
-يبقا نحن عيله..غصون بصت على يزيد المستغرب وجاوبته
-عم حسن جارنا من زمان اوي ونحن بنحسه عمنا بجد وكل حد يهمه يهمنا..بصت عليه..انت أنقذت حد من عيلتي انا بجد بشكرك يدكتور
يزيد ابتسم
-مش للازم يغصون انا هروح اقلهم ينقولها غرفه عاديه وهروح ارتاح شويا واسيب يزن و وعد يهتموا بالباقي عن اذنكم
مؤيد بص عليه
-شكرا يدكتور
يزيد ضربه على كتفه براحه
-الشكر لله وبعدين انا معملتش غير الواجب..راح وغصون كانت بتبص عليه وهي مبسوطه بيسان جرت على غصون وحضنتها وغصون بادلتها الحضن
-متخافيش يبيسان انا هنا
بيسان كانت منكمشه في غصون وهي خايفه ومش راضيه تسيبها مصطفى بص عليها وقرب منها بحزن
-طب اول ما نطمئن على تالين هروحك البيت خلاص اهدئي نحن هنا مفيش حاجه بتخوف
مؤيد قرب منها
-بيسان اهدئي..حط ايده على راسها وتلا قران علشان تهدأ هي هديت شويا شويا بصت على غصون بدموع
-غصون انا خايفه انا مبحبش المستشفيات انا خايفه يغصون
ساره بحزن
-مكنش مفروض تجبرها تجي ي ةمصطفى
مصطفى بحزن
-بس هي هتخاف لما تبقى وحدها في البيت ومعرفتش اعمل ايـــــــه
مؤيد بص على امه وابوه وحسن القربو منهم
-عمي تالين كويسه اهدا علشان صحتك
حسن براحه
-الحمدلله
بسمله براحه
-الحمد لله على السلامة يحج حسن
عبد الرحمن ربت على كتف حسن
-الحمد لله على سلامتها يصاحبي
حسن بابتسامه
-ربنا يسلمكم مش عارف اقول ايـــــــه شكرا لكل العملتوه
مصطفى بعتاب
-كده يعمي ده نحن عيله ولا شايفنا غربا
حسن بحب
-عمري ما شفتكم كده يولاد
وعد قربت
-هنقل تالين غرفه عاديه و هتبقا هنا لبكره علشان متتعبش وبكره المساء هتخرج المستشفى عندها قانون انو كل مريض ميبقاش معاه غير حد واحد بس يزيد كلم المدير وهو اقنع انو ممكن يكونو اتنين مين الهيبقا هنا؟
غصون بسرعه
-انا
ساره باستغراب
-انتِ؟كملت باعتراض..لا يغصون روحو ارتاحو وانا وبابا هنبقا هنا
مصطفى بضيق
-لا عمي هيروح يرتاح وانتِ هتروحي تاخدي بالك منه..بص على مؤيد..مؤيد هيبقا مع غصون علشان انا هرجع اسوق العربيه بتاعه عمي لانه مش هيعرف يسوق
حسن باعتراض
-لا كفايه عليكم العملتوه يحبيبي وبعدين مؤيد مش هيعرف يرتاح
مؤيد باستغراب ورفعه حاجب
-ليـه ان شاء الله مش هعرف ارتاح؟
ساره بضحكه
-علشان انت يشيخنا بتكره الدم والمستشفى ما شا الله عليها مليانه دم
مؤيد بغيظ
-هو انتو فاكريني لسه عيل انا هبقا مع غصون واول ما تفوق تالين و تشوفها تروحو على البيت من سكات
مصطفى ضحك بقوه
-الشيخ اطلق الوحش الجواه ربنا يهديك يساره نحن ناقصين بلاوي
حسن ضحك
-خلاص يميدو يحبيبي اهدا هنروح..كمل بحب..انا هطمئن وانتو معاها
غصون بغرور مصطنع
-اكيد يعمي هتعمل كده ده انت مش مصدق غصون عبد الرحمن بحد نفسها تبات في المستشفى علشان بنت اختك الرخمه الجوه دي
ضحكوا عليها و مؤيد بص عليها
-والله يغصون لما تقولي غصون عبد الرحمن بطريقتك دي احسك ملكه
بصت عليه وقالت بغيظ
-مش تالين وحدها الرخمه انت زيها واكثر كمان يميدو
مصطفى بهمس
-انا هسكت علشان مطبقها على دماغي
ساره سمعته وضحكت
-غصون مصطفى عايز دعوه
غصون بصت على مصطفى
-هو مش عارف انه ملك الرخامه..بس برده عسل
مصطفى بص عليها وضرب كفوفه ببعض
-هسامح علشان كلمه عسل غير كده كنت هحبسك وانتِ والشيخه دي بتهمه التعدي على ضابط الشرطه
ساره بصت على عبد الرحمن
-عمو سامع ابنك المفتري الظالم
مصطفى برفعه حاجب
-مفتري و ظالم..ماشي الايام هتجمعنا ونشوف يساره
بيسان بصت على غصون الكانت مشدده من مسكتها عليها بس بحنيه كانها ماسكه طفله ودخلت في حضنها وهمست
-بحبك وهموت بدونك يغصون
غصون قلبها اتكسر بسبب الجمله دي همست بعتاب
-بعيد الشر عنك يقلبي متقوليش كده تاني فاهمه يبيسان
تالين راحت غرفه عاديه بس كانت تحت تاثير المخدر و الكل راح البيت و غصون فضلت معاها في الغرفه و مؤيد برا بدعي لها غصون كانت زعلانه وهي ماسكه ايدها بحزن وبتبص عليها وبتدعيلها تقوم بالسلامه غمضت عيونها بتعب فجاه تالين شدت ايد غصون وغصون رفعت عيونها وشافت تالين فاقت غصون عيطت وحضنتها مع مراعه حاله دراعها وقالت بنبره وجع فيها حزن كبير
-نمتي كتير هما غلطوا وادولك بدل المخدر اتنين
تالين ضحكت بتعب
-مش بتعرفي تلمي لسانك وتقولي كلام على بعضه دائما..اومال فين البشر المفروض منتظرني؟اكيد مسبكوش معايا ودبسوني فيكي
غصون بصت عليها بغيظ وتالين ضحكت وهي بتمسح دموع غصون وقالت بحب
-والله كويسه خلاص متعيطيش
غصون اترمت في حضنها تاني
-خوفتني عليك اوي
تالين ضحكت
-عارفه واضح اوي صدقيني..همست بحب..عارفه يغصون انا مكنتش حاسه اني خايفه يوم الحادثه زي اليوم فكرت اني هخسر دراعي وحلمي هيضع كل حاجه هتضيع
عياطت بصوت عالي مؤيد سمعها وخاف ودخل بسرعه وقال بقلق
-غصون مالكم في ايـــــــه!!
غصون بصت على مؤيد بحزن
-معرفش يمؤيد..بصت على تالين البتعيط
خلاص ي تالين خلاص ارجوك متعيطيش
غصون حست بتقل بصت على تالين الوقفت عياطت وقالت بقلق..تالين تالين مؤيد روح نادي الدكتور بسرع تالين اغمي عليها اسرع
مؤيد جرا بسرعه على مكتب يزن ودخل
-دكتور يزن ارجوك تعال معايا يسرعه..انتبه على وعد فغض بصره
وعد بقلق
-في ايـــــــه يمؤيد
اتذكر حاله تالين وقال بسرعه
-تالين فاقت وكانت بتعيط واغمي عليها
وعد و يزن جرو بسرعه وهو جرا وراهم دخلو وكشفو عليها وهو خرج غصون المنهاره برا الغرفه وحاول يهديها كان مستغرب انهيار غصون بالشكل ده هي مبتحبش حد بسرعه يزن و وعد خرجو
-هي فاقت تقدروا تدخلو و يا ريت بلاش ترهق نفسها
غصون هزت راسها وكانت هتدخل مؤيد وقفها
-غصون ممكن تستاذنيها علشان ادخل اطمئن عليها
غصون اتفاجات من طلبه بس هزت راسها علشان متحرجهوش دخلت ولقت تالين باصه على السقف بشرود قربت منها وقالت بمرح
-يادي النيله هو انتِ كل ما تفوقي هتنامي ياخره صبري
تالين ضحكت
-هحاول افوق شويا اتفضلي عبري عن مشاعرك
غصون ضحكت
-البنت صدقت نفسها..بقلك ي تولي يحبيبتي
تالين بدهشه
-تولي!!كملت بخوف..لا دي مفاهش خير متقوليش حاجه
غصون بصت عليها بغيظ
-انا غلطانه اني بدلعك اصلا
تالين بابتسامه مستفزه
-ياريت تبطلي والله
غصون قامت
-هو انا ايـــــــه الدبسني هنا لا كمان هبات هنا ده انا اكيد حد عاملي سحر علشان اقول كده
تالين ضحكت
-اه والله كان تسيبي ساره تبات معايا
ردت بضيق
-مكنش ينفع علشان عمي تعب وضغطه نزل لما عرف بحالتك
تالين بخوف
-ايـــــــه بجد وهو فين؟؟هو كويس؟؟
-كويس متخافيش بس سبنا ساره تروح معاه علشان يرتاح ومكنش ينفع اسيب ماما وبابا معايا علشان بيسو بتخاف من المستشفى اوي
تالين بحزن
-بجد؟مكنش للازم تجبروها تجي
-ما اكيد مش هنسيبها لوحدها في البيت ولا هنقدر نسيبك في المستشفى انا مش بقلك كده علشان تحسي بالذنب انا بقولك كده علشان للازم تهتمي بنفسك وتعرفي اننا بنخاف عليك قد ايـــــــه
تالين إبتسمت على كلام غصون بعدها قالت بحب
-شكرا يغصون انا بجد معرفش اكفي حقكم عليا
غصون بصت عليها برفعه حاجب
-انتِ مش بتفهمي..كملت بضيق..نحن عيله يتالين وده واجبنا حتى لو مكنش بينا دم بس ده مش بفرق
تالين مسحت على وش غصون بحب بعدها قالت بتساؤل
-يعني انتِ هنا لوحدك؟
غصون بصت عليها
-لا ميدو معايا..ضربت راسها..صح نسيت هو كان قايلي استأذن منك علشان عايز يدخل يطمئن عليك
تالين رمشت عده مرات وقالت بصدمه
-بتقولي ايـــــــه مين ده البستاذن علشان يدخل يطمئن عليا سمعيني تاني
غصون ضحكت وقالت بمكر
-الشيخ ميدو
تالين بحزن
-لا مش عايزه قوليله رفضت تدخلك
غصون بدهشه
-نعم ليـه!!
تالين بحزن
-هو شايفني كلي غلط في غلط يغصون انا عايزه اوجهه لما ابقا صح مش عايزه يشوفني كده تاني
غصون بتفهم
-انا فاهماك يتالين بس صدقيني مؤيد مش كده وعمره مش هيكون كده..انا هخرج واقوله انك عايزه تنامي ومش قادره تتكلمي وانك كويسه
تالين هزت راسها
-ياريت بكره كمان مكينش موجود يغصون مش عايزه اشوفه الا اتحجب
غصون إبتسمت وباستها على راسها وقالت بحب
-بس كده من عيوني..هروح اكلمه وانتِ نامي
كانت هتروح بس تالين شدت ايدها
-متقوليش اني هتحجب
غصون ضحكت وغمزت
-لا المفاجاه مش هتخرب متخافيش
تالين زقت ايدها بغيظ و غمضت عيونها وغصون راحت وقالت لمؤيد انو تالين تعبانه وعايزه تنام وانها كويسه بس محتاجه راحه وهو قالها انها تفضل جنبها وهو موجود بره لو عايزين حاجه ومدلها كيس فيه ميه واكل و شوكولاته وهي دخلت وشافت تالين باصه عليها قربت منها وضحكت
-كويسه انك فقتي وسيبتي دور النايمه ده اصل ميدو جابلنا اكل بدل العشا الراح بسبلك واهو اتعوضنا شوكولاته كمان غصون طلعت الاكل و بدات تاكل تالين وهي اكلت شويا و شربت تالين الميه تالين بتنهيده
-والله العظيم يغصون انا عندي دراع سليم
غصون بسخريه
-ما هو الواحد مش للازم يدلعك غلطانه انا خلاص هاكل الشوكولاته
تالين اخدت شوكولاته وقالت بمرح
-هما الاتنين ليا بس يلا خدي واحده رفقنا بك
غصون ضحكت وتالين ضحكت اكلو الشوكولاته وقعدو يتكلمو بعدها نامو فاقو الصبح على صوت وعد
-صباح الخير..ممكن ابدا شغلي؟
غصون قامت من الكرسي وقالت بحرج
-اتفضلي يدكتوره
وعد ضحكت
-لا قولي وعد عادي مش عايزه يزيد يعلقني..غصون بصت عليها باستغراب..انا خايفه عليك منه مكنش للازم تدبسي فيه
غصون ضحكت
-بجد يعني افركش الخطوبه وانط قبل كتب الكتاب؟