رواية ام بالاجبار الفصل الخامس5 والسادس6 بقلم فيروزه
عمي هنروح فين ...
عمي بابتسامه.. مفاجاه ...
صحيت تاني يوم علي صوت عمي وهو شايل تميمه وبيطبطب عليها ..مالك يا حبيبتي بتعيطي ليه باااس هوووو
عمي اتكلم بضحك... قومي ياسما شوفي بنتك مش عارف اتعمل معها ...
اتكلمت بضحك...ليه بس يا حبيبي مالها ...
عمي بضحك...مش عارف ..
اخدت تميمه من عمي وحضنتها وعملتها اللبن وشربتها وفضلت اهز فيها وهي في حضني ...
عمي بحنان ...يلا يا حبيبتي علشان هنمشي ...ادي تميمه لمرات عمك هي هتخليها معاها لحد مانرجع ...
ليه يا عمي انا مش هسيبها وهخادها معايا ...وحضنتها عليها جامد ...
عمي بابتسامه... اللي يريحك يا حبيبتي...اهم حاجه تكوني مبسوطه ...
ماشيت انا وعمي وركبنا العربيه ...وطول الطريق وهو ساكت وكل ما اساله يقولي مفاجاه ...
بعد مده وصلنا اسكندريه من تاني حسيت قلبي اقبض....
اتكلمت بخوف ...عمي ...
عمي بحنان...نعم يا حبيبتي...
احنا هنا بنعمل ايه ...ومسكت أيده جامد ...
عمي بحنان طبطب علي ايدي ...احنا هنا علشان هعوضك عن العشر سنين اولا يا ست البنت هعملك كل الحاجات اللي كنتي بتحلمي بيه قبل ماتتجوزي ...هنتفسح ونشتري حاجات كتير ونجري علي البحر وناكل ايس كريم واحنا قدم البحر وتقصي
شعرك قصير وترجعي كإن السنين مامريتش عليكي عايز ارجع بيكي البيت من غير ولا ندبه في قلبك ....
دموعي نزلت غصب عني وحضنت عمي ...لسه فاكر كل كلمه قولتها ...
.
.
.
هتعملي ايه في اسكندريه يا سما ما تخليكي معانا هنا هكون مطمن عليكي اكتر ...
اتكلمت بكل سعاده الدنيا يااااه يا عمي قول مش هعمل ايه
..اول ما اوصل هاكل علي اقرب عربيه فول تقبلني وبعدين
هروح علي البحر وانزل فيه بهدومي وكان المياه بتحضني ..
بتضحك علي ايه مش هكمل ...
عمي بضحك...خلاص هبطل ضحك كملي علشان خاطري ...
حاضر يا حبيبي بس لو ضحكت تاني ...
عمي بابتسامه...اوششش مش هضحك ...
وبعدين هروح اشتري حاجات كتير اللي محتاجه واللي لا ...واقص عشري لحد كتفي مع لونه البني هيبقي تحفه كملت كلام بضحك وكمان يا سيدي انا حلوه اي حاجه هتبقي جميله عليه ولا ايه رايك...
عمي بضحك...اكيد هو كان يطول يتجوز سما القمر ...انتي السما اللي بتنور حياتنا وهتسيبنا وتنوري حيات الواد حاتم
ابن المحظوظه ...
اتكلمت بكسوف. ...بس بقي ياعمي بتكسف ...
عمي بضحك...خلاص هسكت كملي ...
ضحكت اكتر ...وبعدين ناكل ايس كريم واحنا قاعدين قدم البحر ...ونفضل نجري علي البحر لحد ما احس ان رجلي مش علي الارض لا في الاحلام....احلام كلها انا وحبيبي والمياه ...
عمي بحنان...قد كده بتحبي حاتم ...
اتكلمت بشرود ...بحبه بس بعد كده هحبه اكتر ...وكملت بضحك بس بقي يا سيدي ...تعالي ام اقولك علي سر ...
عمي قرب مني بهتمم...قربت منه وبوسته علي خده وجريت ..ضحكت عليك ...
.
.
عمي بحنان طبطب عليه ...روحتي فين يا حبيبتي...
اتكلمت بهدوء...معاك بس بحمد ربنا في كل ثانيه علي نعمه وجودك في حياتي...
حضني ...ربنا يخليكي ليا ...
ويخليك ليا...
نزلت انا عمي من العربيه بعد ما وقف قدم عربيه فول...
اتكلمت بضحك ..تضر ب واحد فول يا حاج ...
عمي بضحك...تلاته ...
وقفنا ناكل علي العربيه وبعدين وصلنا قدم البحر وعمي شال تميمه وانا نزلت بهدومي كنت حاسه اني بغسل روحي وقلبي
وكل ما الموجه تخبط فيه كانها بتاخد حته من الماضي وبتمشي مع انسحب الموجه وفي الاخر قاعدت وانا بضحك ..
عمي بضحك...بتضحكي علي ايه ...
اتكلمت وانا بضحك اكتر وببص لعمي ..بضحك علي الايام وانا بودع ليل وبجيب نهار ...بودع الظالم للابد ...وبيجي النور ..
عمي اتكلم بضحك ودموعوا بتنزل ...يارب يا حبيبتي أن شاء الله اللي جاي كله فرح ...
سكت وكإني بوعد نفسي بالسعاده ...فضلت مكاني لحد ما شوفت الغروب ...بعدها طلعت من المياه ...واخدني عمي علي فندق ..ونزلنا اتعشينا بره ...
وتاني يوم روحنا اشترينا هدوم كتير وشونط وجذام كتير اوي وهدوم بيت حلوه وفساتين للبيت وللخروج...وبعدها
روحنا ناكل ايس كريم واحنا ماشين علي البحر ...وفضلنا نتكلم لحد الليل ما دخل علينا ...وفضلنا علي الحال ده اسبوع كل يوم حاجه جديد والسعاده دخلت قلبي من تاني ..
عمي بابتسامه...يلا علشان نعمل اخر حاجه علشان هنرجع النهارده ...
عارفه يلا ...روحت قصيت شعري قصه حلوه اوي ولبست فستان جميل كان بنص كم احمر وحطيت مكياج خفيف وخرجت لعمي ...
عمي بفرحه ...بسم الله ماشاء الله خمسه في عنيه ...ايه القمر ده ...فعلا انتي سما...
اتكلمت بفرحه ...بجد يا عمي ...
بجد يا قلب عمك يلا علشان العيال كلهم في البيت النهارده اول يوم في إجازاتهم عايزين
نلاحقهم علي الغداء وكلهم عايزين يشوفكي ...
يلا يا عمي ...
عمي بابتسامه...ولا حد سالك علي قبل كده سيبني انا هتصرف ...
حاضر ...
بعد مده وصلنا ودخل عمي ومعه تميمه وانا دخلت وراءه بكسوف مش عارفه ليه ...
واتكلمت بابتسامه...مساء الخير...ودخلت لقيت مرات عمي قاعده وجنبها ثلاث شباب اكيد دول ولاد عمي بس شكلهم اتغير مع مرور الزمن ...
مرات عمي بابتسامه حضنتي واتكلمت في وداني ...ايه التغير ده ...واتكلمت بصوت عالي ...ايه القمر ده بس الله عليكي ...حلوه طول عمرك ...
عمي بعد ما سلم عليهم ...طول عمرها ...
قربت مديت ايدي سلمت عليهم ...
اتكلم اول واحد عامله ايه يا سما انا ادم ...
الحمد لله بخير ...
التاني بابتسامه...وانا يونس ...
واتكلم الاخير ....وانا نوح ...
قعدت في مكاني جنب عمي وهو حضني ...
مرات عمي بضحك...كده انا بدأت اغير وانا يا راجل مليش حضن ...
عمي بضحك...بس يا وليه انتي كبرتي انم القمر ده يتحضن في أي وقت ...
اتكلمت بكسوف وكل العيون بتبص عليه ...انا طلعه اوضتي ...
عمي بضحك...شوفتي اديكي كسفتي القمر بتاعنا ..متأخريش يا حبيبتي علشان نتغداء ...
حاضر يا عمي ...
طلعت غيرت ولبست فستان اسود بيتي وغيرت لتميمه وهي كمان جابت هدوم كتير ورضعتها ...وبعد ما نامت نزلت وانا طلعه من باب اوضتي قبلت يونس ...
يونس بابتسامه ...عامله ايه طمنيني عليكي ..
اتكلمت بهدوء...بخير وانت ...
يونس بابتسامه ...في احسن حال علشان شوفتك ...انتي مش عارفه انا فرحنا قد ايه علشان شوفتك ...
ضحكت ...وانا اكتر ..
ادم من ورانا ...يلا هناكل ولا هنفضل طول اليوم نضحك ...
مشينا وراه ويونس مد أيده سلام عليه ..وقال ..سلام صدقه من تاني صديقي الصدوق...
اتكلمت بضحك...صديقي الصدوق...وسلمت عليه ...
ادم لف لينا ...وكمل مشي...
قاعدنا كلنا علي السفره ناكل ...
مرات عمي...أما يا واد يا آدم لاقيتلك حته عروسه يااا حلوه .
ادم اتكلم بضيق ...انتي عارفه رأي في الموضوع ده جوزي يونس ..
يونس بضحك مسك ايدي وقال انا خلاص لقيت عروسه ...
سحبت ايدي من ايدو ولسه هتكلم
ادم بعصبيه ..هو في ايه انت مش كبرت علي الهزار ده ...
يونس بضحك....لا لسه صغير ..
ومسك ايدي تاني ....وبعدين محدش ليه دعوه ب سما ..
عمي بضحك....جدع يا واد طمرت فيك التربيه ...
اتكلمت بهدوء وانا بسحب ايدي ...انا شبعت وقومت من مكاني ...
عمي بحنان...كملي أكلك يا حبيبتي...
اتكلمت بابتسامه...انا شبعت يا عمي ...
طلعت اطمنت علي تميمه وبعدين طلعت علي السطح في مرجيحه هناك قعدت عليها من غير ما احركها وغمضت عيني ..مره واحده لقيت المرجيحه بتتحرك ...
اتكلمت وانا لسه مغمضه ....بس يا يونس سيب المرجيحه..
ليه يونس هو مفيش حد هنا غير يونس طول الوقت كنتي بتلعبي مع يونس وتطلعي مع يونس وتتكلمي معه وانا السئ عندك ...
اتكلمت بهدوء رغم استغرابي من كلامه....انت اللي كانت مش حابب وجودي وكل ما كنت احول العب معك أو اكلمك كنت بتمشي وتسيبني....فسيبتك علي راحتك ...
ادم اتكلم وهو لسه بيزق المرجيحه بهدوء...بس معملتيش كده مع يونس طول الوقت كنتو مع بعض واول ماشفتيه النهارده رجعتوا زي الاول وانا دايما غريب عنك وبتبعدي عني...
اتكلمت وانا بقوم من علي المرجيحه...كلكم اخواتي يا آدم ..
بس الفرق كان في تعامله معايا ...ولو وجودي مديقك انا اسفه ...
نزلت وسبته...واول ما دخلت اوضتي شلت تميمه وحضنتها ..
سمعت الباب بيخبط ...اتفضل ..
يونس بيتكلم بضحك وهو بيدخل الاوضه ...القمر ماله ...
اتكلمت بضحك...القمر في السماء يا باكش ...
يونس بضحك...طول عمرك فاهمني ...
ضحكت اكتر ...اكتر من نفسي ...
يونس قرب مني وشال تميمه وباسه ...حلوه شبهك ..كأنها نجمه في سماء...اسمها ايه..
اتكلمت بابتسامه...تميمه...بس هي مش شبهي هي أجمل مني ..
يونس بابتسامه...مفيش احسن منك .. كأن الايام مامرتش عليكي ...
اتكلمت بكسوف ...بس بقي ده انا كبرت ...
يونس بضحك...وه كبرتي ازاي اللي يشوفك يقول انتي اللي اصغير مني ... كأن العشر سنين مرو عليه وانتي وقفه عند ١٧
سنه ...
قومت خدت تميمه من يونس ...وانا بضربه علي ايدو ..بس يا يبني عيب ...يلا اطلع بره علشان هنام ...
قام وهو بيضحك ...اخص عليكي وانا اللي كنت هقولك علي مفاجاه ...
لفيت ليه بسرعه كان هو فتح الباب وهو بيجري حطيت تميمه علي السرير ..وفتحت الباب وقعدت ادور عليه لاقيته بيدخل اوضته خبطت عليه ودخلت ...
اتكلمت بفضول اول ما دخلت ...قولي ...
اتكلم بضحك ...امشي اطلعي بره من اوضتي عايزه مني ايه ..
اتكلمت وانا بقرب منه ..هتقول ولا ...
اتكلم بضحك...بتقربي مني ليه عايزه مني ايه انا لسه صغير ياختي ...
مره واحده الباب اتفتح
ادم بغضب ...بتعملوا ايه ..
يونس بابتسامه...ولا حاجه في ايه يابني ...
انا اتحركت علشان امشي ...بس ادم مسك ايدي وشدني لبره
ويونس اتكلم بضحك...معادنا بكره يا سما المفاجاه بكره ...
اتكلمت بغضب ...سيب ايدي يا آدم ...
وسحبت ايدي منه ومشيت علي اوضتي ...مشي ورايه ودخل وانا بقفل الباب بعد ما دخلت ...
اتكلمت بهدوء...عايز ايه يا آدم ...
اتكلم بغضب ...عايز اعرف انتي كنتي بتعملي ايه في اوضه يونس ...
اتكلمت ببرود ...وانت مالك ...واتفضل علشان هنام ...
ادم بغضب ...ابعدي عن يونس ...
قال كده وطلع علي طول ...
نمت علي السرير وحضنت تميمه ...
صحيت الصبح ونزلت افطر ...بعد الفطر ...يونس قالي أننا هنخرج شويه ..
طلعت غيرت ونزلت وانا نزله علي السلالم ...
رايحه فين ...
لفيت ببرود ....ليه ...
ادم اتكلم بهدوء ...بطمن عليكي ...
اتكلمت بهدوء....اطمن طلعه انا ويونس...
ادم بعصبيه ...اللي هو ازاي ...
مشيت وسبته وهو نزل ورايه ...نزلت لاقيت عمي قاعد مع يونس ...قربت من عمي وحضنته ...عامل ايه يا حبيبي...
عمي بحنان...بخير يا حبيبتي...خد بالك منها يا واد يا يونس ..
يونس بضحك...في عيني يا حاج ...
عمي بضحك...خدي بالك انتي من الواد الباكش ده...
اتكلمت بضحك...حاضر ...
يونس بضحك...يلا يا سما ...
ادم اتكلم بهدوء ...رايحين فين ....
يونس بضحك...مفاجاه ...
خرجت انا يونس ...وركبنا العربيه لحد الملاهي ...
يونس بضحك....مفاجاه ...
لفيت ليه واتكلمت بسعاده احسن مفاجاه ....
فضلت العب انا ويونس علي كل اللعب لحد المغرب ...وبعد كده روحنا نتعشا في مطعم ...وبعدين قرارنا نتمشي لحد البيت ...واحنا ماشين جبلنا دره وقاعدنا ناكل طول الطريق ..
كان يوم جميل ...
يونس بابتسامه....مبسوطه ...
اتكلمت بابتسامه....اكيد ...
يونس بابتسامه...فاكره لما كانا صغيرين وكنتي بيتقوليلي لما نكبر هنروح انا وانت الملاهي لوحدنا ونروح مشي وناكل دره ونفضل نجري ..
اتكلمت بضحك...ياااه لسه فاكر ...وقولت كمان انا اول واحده اعرف لما تحب ...وهتفضل طول العمر صديقي الصدوق...
يونس بضحك...هتكوني اول واحده تعرف وهتفضلي طول العمر صديقي الصدوق....
وصلنا البيت بعد كلام كتير ...
اول ما دخلنا لاقينا ادم قاعد في الصاله لوحده وطافي النور
ادم اتكلم بهدوء...الساعه في ايدك كم ...
يونس بهدوء ...١٢ ليه ...
ادم ...كنتو فين لحد ١٢...
يونس بابتسامه...في ايه يا آدم ...بابا عارف ...
انا ..تصبحوا علي خير ...
وطلعت علي اوضتي نمت علي السرير علي طول لأن تميمه مع مرات عمي وهي قالت إنها هتنام معها النهارده ...
لسه هغمض عيني سمعت صوت التليفون بيرن ...رفعت السماعه...الو...
المتصل ..اخيرنا
البارت انتهاء بس الحكايه لسه...واللي جاي اغرب من اللي فات...
هستني رايكم في الروايه....
رايكم يهمني...
هل الحب هيدق باب سما ...
ومين المتصل ...
الفصل السادس
المتصل ...اخيرنا ...
مره واحده حسيت كأن الزمن وقف ومش سمعه حاجه غير صوت ضربت قلبي ...واتكلمت باستغراب ...سند...
سند ....لسه عارف النهارده انك في البلد وحشتيني ...
حاسه قلبي هيقف من وقع الكلمه علي قلبي ...ازاي ...اتكلمت بصعوبه وانا مش عارفه ارد اقول ايه ...وصله بقالي كم يوم ...
سند بضحك ....خايفه تقوليلي وانت كمان ولا ايه...
مش عارفه اقول ايه ارد ولا افضل ساكته هفضل ساكته احسن ...
سند ...ساكته ليه ...ردي عليه ...
اتكلمت بسرعه ...معنديش حاجه اقولها ...ومستغرابه اتصالك وكلامك ...
سند رجع يضحك تاني ...ايه رايك نتقابل بكره ...
لا ...دي كلمه الوحيده اللي قولتها ورجعت ساكت تاني ...
سند اتكلم بثقه وكأنه متاكد من حضوري ...هستنكي قريب من بيتك عند الشجره اللي كانا دايما بنقاعد عندها ....
قال كده وقفل حتي قبل ما الأحق ارد عليه ...
فضلت افكر ياتره عايز مني ايه بعد السنين دي كلها لحد ما عيني راحت في النوم...
صحيت تاني يوم حاسه بصداع جامد ...جبت تميمه من عند مرات عمي وحضنتها وبقيت مش عارفه انا حاسه بإيه كل اللي حاسه بيه اني محتاره وكإني جوه دايره مقفوله مش عارفه أخرج كلامه من دماغي ومش عارفه اروح ولا أبعد بس الاكيد اني هبعد ...بعد ما نيمت تميمه لبست وقررت اني مش هخصر حاجه انا هروح ...وقفت قدم المرايا ببص لنفسي
وانا بحاول اتاكد من شكلي وبكلم نفسي لاول مره من سنين هو انا لسه حلوه ولا اتغيرت واللبس جميل عليه ولا اغيرو .. حاولت اطلع الأفكار دي من دماغي وطلعت من الاوضه بسرعه وانا مش شايفه قدمي لدرجه كنت هقع لوله لقيت ايد محوطني والشخص ده بيشدني عليه جامد لفيت بسرعه اشوف مين اللي مسكني وقبل ما اتكلم ...
ادم ...مالك كنتي ماشيه بسرعه ليه اديكي كنتي هاتقعي مش تاخدي بالك...
حاولت ابعد ايدو من علي وسطي بس كان ماسكني بقوه ..
اتكلمت بهدوء...ممكن تشيل ايدك ...
ادم بإحراج شال ايدو وقال...اسف ...
وانا اول ماشال ايدو جريت علي تحت وحسيت بيه نازل ورايه ...
دخلت الصاله لقيت عمي قربت مني وحضنته وكإني بشحن نفسي بالحضن ده ...واتكلمت ...عمي انا خارجه شويه ...
ادم ...رايحه فين ...
كلمت عمي ولا كاني سمعته...ممكن ...
عمي بضحك...ماشي بس اوعي تتاخري...
حضنت عمي ...حاضر ...
وصلت عند باب الشقه ولسه بفتح الباب لقيت ادم بيمسك ايدي ...
ادم بعصبيه ...هو انا مش سالتك رايحه فين ...مردتيش عليه ليه هو انا شافف..
اتكلمت بهدوء... اصل سوال غريب بصراحه ...واتفضل سيب ايدي ...
وسحبت ايدي وفتحت الباب ...
ادم بغضب قفل الباب قبل ما اخرج ...مش هتطلعي ...
اتكلمت بغضب ...سيب الباب يا آدم وخليني اطلع ...
ادم بعناد ...لما اعرف هتروحي فين وبعدها يا تطلعي يا لاااا...
اتكلمت بعناد اكبر ...هطلع وماحديش ليه كلمه عليه غير عمي ..
وزقيته بعيد عن الباب وفتحته وخرجت بس رجع ومسك ايدي تاني ...
ادم بعصبيه ...مش هتخرج واتفضلي علي اوضتك ...
اتكلمت بهدوء عكس اللي حاسه بيه من غضب ...وانت مالك ...
وسحبت ايدي بصعوبه من ايدو وطلعت اجري ...
وصلت لمكان الشجره ...وقربت منها لاقيت ساند عليها ...
سند بابتسامه...اخيرنا وصلتي ...
وقام وقف ومسك ايدي ...
حسيت قلبي فرحان لما شوفته ...واتكلمت بكسوف ...عامل ايه ...
سند بابتسامه.... وحشتيني...تعرفي أن طول السنين اللي فاتت وانتي طول الوقت قدام عيني شايف وشك في كل الناس وحاسس بيكي حوليه وكانك محفوره في عيني قبل قلبي...
استغربت من كلامه وحاولت اسحب ايدي بس كان مسكها بطريقه خلت قلبي يدوب وقولته ... مش عارفه اقولك ايه ... وبعدين اتكلمت بحزن ...عرفت انك اتجوزت نور صاحبتي ...
سند بحزن ....كنت بحاول انسا بس معرفتش ...ضرب علي قلبو بايدو ...ده محبش غيرك ...انتي وبس اللي في قلبي ..
يا سما ..
سحبت ايدي بالعافيه من ايدو ...عايزك تنسا وتركز في حياتك ...وتفكر في مراتك ..انا خالص مليش لازمه في حياتكم ..
سند اتكلم بسرعه ...هتجوزك انا مصدقت انك رجعتي ليه من تاني ...
حسيت كأن مياه ساقعه ادلقت عليه ...انت بتقول ايه ...
سند بابتسامه...زي ما سمعتي انا اقدار اتجوز بدل الوحده اتنين ...بس انا مش عايز غيرك وفقي وانا هطلع من هنا علي عمك ولا عايزني أطلق نور هسبها علشانك ....
اتكلمت باستغراب...انت اكيد مش في وعيك ...
سند بحزن حط ايدو علي قلبو ...هنا معرفش الراحه غير في قربك غير كده مفيش غير الحزن علي بعدك طول الوقت كنت بلوم نفسي وفعلا انا كنت غبي طول الوقت كانت مستنيكي مستني اللحظه اللي هتكوني فيه معايا ...
وبعدين انا عمري ما هظلم نور ...ولا هظلمك لاني مصدق لاقيتك من تاني ارجوكي فاكري ...كفايه عليه عذاب وانتظار عشر سنين ...
اتكلمت بحزن ...سند سامحني لو كنت سبب في حزنك ...بس إنساني وعيش حياتك كمل مع اللي اكيد بتحبك ...وخلينا مجرد أصحاب ...
سند بيتكلم والدموع في عينه وكأنها بتهدد بالنزول ...انتي شايفه كده يا سما بعد كل السنين دي لتاني مره بتجرحيني وبتخالي عني بسهوله...
اتكلمت بحزن ...انا مش بجرحك ...انا مش عارفه اقولك ايه ..انا مشيه ...
سند بحزن...هستنكي لاخر يوم في عمري لاني عمري محبيت ولا هحب غيرك ...
اول ما لفيت علشان امشي دموعي نزلت بغزاره ....وحطيت ايدي علي قلبي ...وهو انا لسه ...لاااا ...اعقلي يا سما ...
فضلت دموعي تنزل لحد ما وصلت البيت حاولت امسح دموعي لاكن كنت بتذيد اول ما دخلت طلعت علي طول علي اوضتي ودفنت وشي في المخده وسمحت لشهقتي بالحريه اخيرنا ...وفضلت حطه ايدي علي قلبي حاسه بيغلي من جوه...
سمعت خبط علي الباب قومت ومسحت دموعي ...اتفضل ...
ادم دخل بقلق ...مالك بتعيطي ليه ...ايه اللي حصل لما خرجتي ...
اتكلمت وانا بمسح دموعي ...ولا حاجه ...
ادم قرب مني وبقي وقف قدمي وحط ايدو علي وشي ومسح دموعي ...واتكلم بقلق ...ولا حاجه ازاي امال دي ايه
مالك ...
بعدت ايدو عن وشي ...دي حاجه شخصيه ممكن تسيبني لوحدي ...
ادم بحزن ...شخصيه ازاي طمنيني عليكي...
اتكلمت بهدوء...مفيش ...وغمضت عيني وانا زي ما انا بحاول امنع دموعي من النزول ...ومره واحده حسيت بادم بيحضني وبيطبطب عليه ....
ادم بحزن ....طمنيني ولو بكلمه مالك ...
فتحت عيني بسرعه ...انا بخير ممكن تبعد ...
ادم بإحراج ...طيب ...
وخرج من الأوضه ...
انا مستغربه تصرفاته معايا مره حابب وجودي ومره مش عايزني معاهم في البيت ...
اول ما قفل الباب رجعت لحزني هو انا بحب سند ولا كان مجرد حب طفوله ولو بحبه ممكن اخدو من مراته اهي دي اخر حاجه ممكن اعملها ولو روحي فيه ...فضلت اعيط وانا مش عارفه اعمل ايه وفي نفس الوقت بقول لنفسي هو انا مليش نفس احب واتحب مش هيجي اليوم اللي الاقي فيه حضن يضم قلبي حد اتسند عليه من غير ما اخاف حد اعيش معها شبابي وكبري ونتسند علي بعض بس هاخده من صاحبتي ..مستحيل ..مستحيل ...حضنت تميمه ودموعي زادت اكتر ...واليوم ده معرفتش انام ولا عيني تغمض ...
وكان نفسي الاقي حد احكيله ...بس خايفه ...
وقبل الفجر طلعت علي السطح يمكن الهواء البارد يرطب قلبي ...وقعدت علي المرجيحه وغمضت عيني...وتمنيت امي تكون موجوده كان زماني في حضنها دلوقتي وبقولها كل اللي خايفه منه انا عايزه أسره بجد ام تخاف عليه وطول الوقت بتكلمني وخايفه عليه حتي من نفسي واب يطبطب عليه حتي لو غلطانه ...عايزه حبيب يفضل معايا يسندي ياخد بالو من قلبي ..
هو انا استهل احب واتحب بجد ولا مكتوب عليه الحزن والخوف طول الوقت ....حسيت برعشه في قلبي ...عايزه
قلبي يكون دفين بحب سند...بس هابني سعادتي علي حياه حد لاااا ابعدي الأفكار دي عن دماغك يا سما ...انتي هتعيش
الباقي من عمرك لبنتك وبس ...انسي الحب والاهتمام انسي أن حد يخاف عليكي انسي انسي احسن لك ...فتحت عيني وبصيت للسماء واتمنيت الاقي ونس لقلبي من غير ما اجراح حد ...ولا اخد حق حد ...يارب ...قولتها ودموعي نزلت ...
لقيت ايد بتتحط علي كتافي ...وبصراحه معدش عندي طاقه اعرف مين ولا اتكلم غمضت عيني ...
مالك طمنيني عليكي ..ايه اللي حصلك لما خرجتي ...
اتكلمت وانا لسه مغمضه ...مش عارفه ...ممكن تسيبني لوحدي يا يونس ...
يونس بحزن ...لما عرفت من بابا انك طلعتي ولما رجعتي كنتي حزينه حبيت اطمن عليكي ...
مش عايزه اتكلم ممكن متسالنيش...
يونس بحنان طبطب عليه ...اللي يريحك بس هستنكي تتكلمي ...
وحرك المرجيحه براحه ...فضلت مغمضه عيني وساكته ...
بعد مده نزلت وسبت يونس علي السطح دخلت اوضتي ونمت علي السرير ...وانا واخده قرري اني هعيش لنفسي
وبس والجواز ده ملوش لازمه في حياتي ...انتهت ..
صحيت تاني يوم وانا في كامل نشاطي ...لبست فستان اصفر وحطيت مكياج خفيف ولميت شعري لفوق ...ونزلت
علشان افطر ...
عمي بضحك...ايه القمر ده ...
اتكلمت بضحك ....والله ما في قمر هنا غيرك وقعدت جنبه ..
وبصيت علي اللي قاعدين وقولت ...صباح الخير....
محدش رد كأنهم مستغربين بعد كل العياط ده اني بضحك ...
اتكلمت بضحك ...عمي قرب ودانك عايزه اقولك كلمه ...
عمي قرب مني ...وانا اتكلمت بهمس ...ماتجي تفكك من الناس دي ونطلع ناكل علي ايه عربيه فول بس ده سر يلا يا سيدي قوم ...
عمي بضحك....ده أسعد لحظه وانتي عارفه ...يلا ...عايزين حاجه احنا خارجين...
مرات عمي بضحك...علي فين يا حلوين ...
عمي بضحك....مشوار ...يلا سلام ...
وطلعت انا وعمي علي طول ...
عمي بابتسامه...يلا نركب العربيه ....
اتكلمت بابتسامه...ايه رايك نتمشي ...الجو حلو النهارده ...
فضلت ماشيه انا وعمي ..
عمي بحنان ....مالك يا حبيبتي...
اتكلمت بشرود ...ايه رأيك لو اشتغلت ...
عمي بحنان...فكره حلوه حتي تشغلي نفسك ...بس عايزه تشتغلي ايه ....
والله بفكر ...بس ايه رايك ولو عملنا انا وانت مشروع في الأرض مثلا نزرع شجر كتير فاكهه مانجا وتفاح اهم حاجه شجر خوخ علشان بحبه ...
عمي بابتسامه....فكره حلوه ...يلا ننفذ علي طول ...وبعدين ارضك بقت اكبر من الاول ...
اتكلمت باستغراب...ازاي ...
عمي بحنان....كنت كل ما أجمع مبلغ من بيع المحصول اشتري حته ارض جنبها لحد ما ارضك بقت اكبر من الأراضي اللي حوالينه كله ...
اتكلمت بفرحه ...بجد يا عمي ...علي كده هنزود شجر الخوخ ..
عمي بضحك....هو ده كل هامك ...
اتكلمت بابتسامه....وهو ده هيكون اكبر هامي...
ومشيت انا وعمي لحد البيت بعد ما اكلنا ....كنت حاسه بسعاده وبحمد ربنا طول الوقت علي وجود عمي في حياتي ...
اول ما وصلنا لاقيت عمتي قاعده معهم مستنينا ...اول ما شوفتها حضنتها ....
وحشتيني اوي يا عمتي ...
عمتي بحنان ...وانتي اكتر ياحبيبتي...عامله ايه طمنيني عليكي...
بخير انتي اللي عامله ايه ...
عمتي بحنان....بخير يا حبيبتي بخير ....أما انا ليه عندك حته خبر ...هيفرحك...
اتكلمت بحمس قولي بسرعه ...
عمتي بضحك ....الواد مهاب اول ما عارف انك رجعتي قالي افتحك في موضوع الجواز وهو جاهز من كله ...ايه رايك يا عروسه وانا مش هلاقي عروسه ليه احسن منك ...
قبل ما ارد لقيت ادم ويونس قالو في نفس واحد
ادم ...
ويونس ...