رواية ام بالاجبار الفصل الثالث عشر13 والرابع عشر14 بقلم فيروزه
سند اتكلم بهدوء ...هو ده جوزك يا عمتي ..
اتكلمت بسرعه وكإني خايفه منه...لا..
ادم حسيت بالفرحه حتي لو كان للحظه ..بس رد سما جرحني
..
اتكلمت بحنان وانا بقرب من السرير ...حاسس بايه دلوقتي لسه تعبان جامد ولا العلاج خفف الالم طمني عليك...
سند حسيت من نبره صوته بالدف.... احسن الحمد لله ...
ادم اتكلمت بهدوء عكس كل الحزن اللي حاسس بيه ...سما احنا اطمنا علي سند دلوقتي ايه رايك نروح شويه ترتحي وبعدين اجيبك تاني ....
اتكلمت بحزن...مقدرش اسيب سند لوحده روح انت ارتاح وانا هفضل معه...
ادم بحزن....طيب تعالي غيري هدومك وإرتحي حتي لو ساعه وتعالي تاني...
اتكلمت بحزن...معليش مش هقدر اسيبه لوحده روح انت ...
سند غريبه هي ليه مصممه تفضل معايا مع اني اول مره اشوفه وحاسس من طريقه كلامها أنه حد قريب مني وقلبي
وجعني عليها ...روحي انتي يا عمتي انا كده كده هنام شويه وابقي تعالي تاني ....
اتكلمت بحنان وانا بقرب منه وبمسك أيده ...متاكد انك هتبقي بخير وانت لوحدك ...
سند حسيت بفرحه في قلبي من مسكت أيدها ... متقلقيش انا كويس وبعدين انا هنام...
سبت ايد سند وخرجت من الاوضه وقلبي رفض يسيبه...
ادم حسيت بنغزه في قلبي لما سمعت كلام سند وانا لا وخرجت من الاوضه ..مشيت وراها وانا نفسي أشدها لحضني واقول لها انتي ملكي مش مسموح ليكي تكوني لغيري مسكه الايد دي حقي انا خوفك ده ملكي ودموعك
دي ملكي ...بس انا خايف أخصر قربي منها لو حاولت
وصلت البيت وبعد احضان كتير من عمي ومراته طلعت اوضتي لاقيتها فاضيه ...غيرت هدومي ونزلت بسرعه
اتكلمت بحنان ...امال فين تميمه يا عمي وحشتني اوي ...
عمي اتكلم بحزن ....بعد اللي حصل يا حبيبتي أهل امها جم
اخدوها كانو بيدور عليها ومع التحقيقات والبحث جم خدوها امبارح....
اتكلمت بحزن ودموعي نزلت وحسيت قلبي هيقف من الوجع ...بس دي بنتي انا ..طيب كانو استنو اخدها في حضني لي اخر مره..
عمي حضني ...اهدي يا حبيبتي هم أوله بيها وبعدين ام امها كنت منهاره دي الحاجه الوحيده اللي فضلله من ريحه بنتها..
اتكلمت بضيع ...طيب وانا مين هيحبي هاخد من في حضني ويطمني كنت لما بمسك أيده بحس اني ملكت الدنيا قلبي رجع وحيد من تاني يا عمي ...انا تعبت كنت بقول دي اجمل حاجه في حياتي..هي دي اللي رجعتني للحياه من تاني ...لما مسكت أيدها اول مره حسيت بالدف والحب لما ضميتها حسيت بالانتماء حسيتها بنتي بجد بنتي اللي نزله من قلبي
انا عايزها يا عمي عايزها قلبي خايف من غيرها حضني بقي فاضي ..عايزه حبها من تاني ...عايزه حضنها ...
ادم كنت وقف ودموعي بتنزل للدرجه دي سما وحيده وخايفه للدرجه دي هي حزينه ياااه كان نفسي في اللحظه دي اخدها في حضني واطمنها واقوله انا معاكي انا هكون دف قلبك وحضنك عمره ما هيكون فاضي وانا معاكي وفي حضنك خليني ابنك اللي دايما خايفه عليه خليني في حضنك انا كمان خايف من بعدك
عمي اتكلم بحنان وهو بيطبطب عليه ....متزعليش يا حبيبتي بكره تتجوزي وتجيبي عيالي كتير وتحسي بالدف الحقيقي وانك ام بالحب والحنان ...انتي تستاهلي الفرحه لقلبك ...وبعدين انا معاكي اهو اعتبرني ابنك يا ستي ...
اتكلمت بضحك وسط دموعي ... ربنا يخليك ليا يا عمي...بس انا عايزه اشوفه ولو لمره
عمي بابتسامه طبطب عليه....حاضر هاخدك تشوفيها
اتكلمت بابتسامه...بجد ...
عمي بابتسامه...بجد يا حبيبتي في أي وقت عايزه تشوفيها هاخدك ونروح
اتكلمت بهدوء....هطمن علي سند الاول وبعدين نروح نشوفها..
عمي بابتسامه....اللي يريحك يا حبيبتي...
قومت من مكاني علشان اروح لسند وانا ماشيه ناحيه الباب لاقيت ادم بيمسكني من ايدي ...
ادم بحزن...رايحه فين ..
اتكلمت باستغراب....رايحه لسند ...لو سمحت سيب ايدي ...
ادم بحزن....طيب ارتحي شويه وبعدين هوصلك ...
سحبت ايدي من أيده بهدوء ...انا هكون مرتاحه وانا مطمنه عليه ..
ومشيت من قدمه ...
ادم طلعت وراها بسرعه علشان اوصلها ...طيب تعالي اوصلك..
اتكلمت بحزن...خليك علشان ترتاح شويه انا حبه اروح لوحدي ...
ومشيت بسرعه حتي من قبل ما اسمع رده...
وصلت المستشفي لاقيت سند نايم قعدت جنبه لحد ما فتح عنيه ...
اتكلمت بهدوء....سند انت كويس ...
سند بابتسامه... الحمد لله ايه اللي جابك بسرعه كده ...
اتكلمت بحنان ....علشان اطمن عليك ..تحب تاكل دلوقتي...
سند بابتسامه....ماشي ...
قومت جبت الاكل اللي كنت شاريه وقعدت قدمه علشان اكله..
اتكلمت بهدوء وانا بقرب المعلقه منه ...افتح بقك يا سند ...
سند بابتسامه...انا هاكل لوحدي ايدي بخير ...
طيب اتفضل ...
.
مرت الايام يوم وراه يوم وسند بيتحسن واسبوع وراه اسبوع وسند بيبقي احسن وانا حاسه بالفرحه من تحسنه..
واللي مفرحاني اكتر أنه اتعود علي وجودي دايما معه ومر
شهرين علي دخول سند المستشفى والنهارده سند هيخرج
من المستشفى....
.
يا سند ..
نعم ...
احنا هنخرج اول ما عمي يوصل ...
سند ...حاضر ...
عمي جاه ونزلنا وركبنا العربيه ...
سند بكسوف.... نزلني قدام يا عمي وانا هركب تاكسي لحد البيت...
اتكلمت بسرعه ....لا انت هتروح معانا اتكلم يا عمي ...
عمي بابتسامه...بص يا سند يا حبيبي انت هتعيش معانا البيت كبير وهتبقي معانا كلنا علشان لو احتاجات حاجه ولما تتحسن خلاص ابقي روح يا سيدي ...
سند بابتسامه...معليش مش هقدر خليني علي راحتي...
اتكلمت بحزن...علشان خاطري يا سند علشان ابقي مطمنه عليك ...
سند بابتسامه...معليش خليني في بيتي ...
عمي بحنان...ما بيتي هو بيتك طيب تعالي معانا النهارده ولو مارتحتش ابقي ارجع بيتك بكره ...
اتكلمت بسرعه ...علشان خاطري وفق ...
مستغراب من معاملته معايا واهتمامه الزياده وكمان طول الوقت جنبي ومش عايزه تسبني بس قربها مريح لقلبي ..
حاضر ...
وصلنا البيت ودخلت وانا مسكه ايد سند ووصلته للاوضه اللي جنب اوضتي ...وبعدين رجعت اوضتي وانا بفكر ازاي هخلي سند معايا علي طول وميسبنيش تاني ..
ادم دخلت وهي مسكه ايد سند وبعدين طلعت بيه علي طول
وانا وقف مهزوم وضعيف ومش قادر امنعها..طلعت وراها لاقيتها دخلته ورحت اوضته وفي ثانيه لاقيتها طلعت من اوضتها بسرعه ودخلت عند سند قربت من الاوضه...
طلعت من اوضتي ودخلت عند سند واتكلمت بسرعه قبل ما ارجع في كلامي ....سند
سند استغرابت رجوعها تاني ...نعم نسيتي حاجه
اتكلمت بهمس وانا مكسوفه وخايفه ...ممكن تتجوزني..
سند انا مش مصدق اللي بسمعه اكيد انا سمعت غلط اتكلمت بصدمه...نعم
اتكلمت بدموع وصوت عالي ومهزوز ...ممكن تتجوزني
سند اتكلمت باستغراب وحزن ...ازاي اتجوزك وانا صغير وانتي كبيره
اتكلمت بحزن ودموعي زادت وعيوني بتترجه يوفق....وفق وكل حاجه هتحل
سند شايف الحزن في عينه وانها خايفه بس صعب اتكلمت بحزن...مينفعش
اتكلمت برجاء وانا بقرب منه وبمسك أيده وقلبي خايف من رفضه ليه ...ارجوك وفق
ادم حسيت بنغزه في قلبي ودموعي نزلت غصب عني هي للدرجه دي عايزها حتي وهو مش فاكرها ولا عايزها...اول ما لاقيتها بتترجه مسحت دموعي ودخلت الاوضه ...كفايه كده يا سما ...
اتكلمت بحزن وخوف من الرفض....لا مش كفايه
سند حاسس بوجع في قلبي ومش قادر اشوف دموعها بتجرحني ومش فاهم ليه مش قادر اشوفها زعلانه بس مينفعش اتكلمت بحزن...لو ينفع كنت اتجوزتك بس
اتكلمت بأمل وحزن من كلمه بس ...متقلقش احنا هنتصرف بس انت وفق ...
ادم حسيت اني خلاص معدش قادر اسمعها بتترجه ولا اشوف حبها ليه اتكلمت بحزن....سما
اتكلمت بهدوء....نعم
ادم اتكلمت بحزن وضعف ..كفايه بقي ابوس ايدك كفايه ارحمني..
حسيت بالكسره في نبره صوته ..سبت ايد سند وخرجت بسرعه من اوضه سند ومن البيت وكلام ادم بيرن في قلبي قبل وداني ...انا مش عارفه اتصرف ازاي أضحي بقلبي ولا اطمن قلبي بالحب وافضل مع سند ..
يارب انا تعبت عايزه سند وادم عايزني ...
اناخايفه...ومعدش اقدار اجر ح ادم اكتر من كده ولا قادره ابعد عن سند ...انا خايفه اظلم نفسي او اظلم ادم
فضلت ماشيه وقررت اني ابعد عن كل ده واخد وقت مع نفسي ولنفسي وافكر بهدوء لوحدي ..
بعد سما ما خرجت قربت من سند ومسكته من هدومه وضربته بالبو كس واتكلمت بقهر....اوعي تفكر انك هتكسب
سما مش هتتجوز غيري فاهم ..وضر بته تاني وخرجت بسرعه
وكإني بهرب من نفسي
سند انا مش فاهم ايه اللي بيحصل قرب مني وضر بني من غير سبب ...بس لما اتكلم عن سما ...مرت قدمي زكري وهي مربوطه وبتصر خ ...غمضت عيني وهو ضر بني تاني وانا معنديش طاقه حتي اني ادفع عن نفسي سابني وخرج وانا حطيت ايدي علي وشي ودموعي نزلت وقعدت علي الارض بضعف ....انا وحيد وضعيف وسما هي اماني حتي لو مش عارفها ولا فكرها بس عايزها وجودها بيطمني الدنيا دي كبيره اوي عليه وانا وحيد ...تايه في الزحمه محتاج ايد تمسك ايدي وطبطب عليه وتحسسني بالأمان
خدت شنطتي وخرجت من البيت وانا شايف قدام عيني مشاهد كتير مع واحده شبه سما بس في سني
.
طلعت تليفوني ورنيت علي عمي وحكيتله كل اللي حصل ..
وطلبت منه يجبلي شنطه هدومي ...
عمي اول ما وصل حضني وانا فضلت اعيط ...
انا عايزه ابعد يا عمي ...انا خلاص معدش قادره اجر ح ادم اكتر من كده وسند مش فاكرني وده بيجر حني....
عمي طبطب عليه....اعملي اللي يريحك يا حبيبتي وانا معاكي ....
انا عايزه اروح اسكندريه واعيش هناك بس مش عايزك تعرف حد اني كلامتك ولا انك تعرف مكاني وبكده ادم هيعيش حياته وسند هيكمل حياته وانت هتساعده وطلبي الاخير ليك
انا مش عايزك تحكيلي اي حاجه عنهم وانا مش هسالك ...
خليني انسا ...وهم ينسو
عمي حضني جامد ...حاضر يا حبيبتي وانا هفضل معاكي ...
.
سبت عمي وركبت القطار ....
وغمضت عيني وانا عايزه انسا حتي نفسي عايز ارجع صفحه بيضه من غير ولا خط ...
وصلت واول حاجه عملتها اني روحت عند البحر و افتكرت كل كلمه كنت بيني وبين سند .
.
انا عايزه اشوف النجوم ...
هنشوفها مع بعض ...
واحنا قاعدين علي البحر ...
هنشوفها مع بعض هنا وهناك وفي كل مكان واحنا مع بعض ..
اتكلمت بكسوف ...وعد ..
وعد..
.
.
رفعت عيني للسما واتكلمت بحزن....كان نفسي نشوف النجوم مع بعض وانا في حضنه ...
وغمضت عيني ودموعي نزلت وحطيت ايدي علي وشي...
.
.
بعد مرور سنتين ...
.
.
قبل السنتين ..ادم فضل يدور عليه وفي الاخر ياس ورجع لحياته تاني لما حاس أن عمي عارف مكاني ومش عايز يقوله
بس هو كان بيدور في السر ...
سند رجعتله الذاكره وبيدور عليه في كل مكان ...
وانا اشتريت بيت وفتحت محل ورد قدم البحر وليه شريك اللي هو صاحب المحل هو بيفتح بالليل وانا بالنهار.. واختارت المكان ده علشان اكون جنب البحر ...وعمي كل فتره بيجي يطمن عليه ..
.
.
نرجع للحاضر ...
بحس بفرحه كبيره وواحد بياخد مني بوكيه ورد لحبيبته بحس اني ملكت الدنيا وكأنه ليه ...
كنت سرحانه وانا ماسكه ورده في أيدي
كفايه رومانسيه بقي يا بنتي ...
اتكلمت بكسوف وانا بضحك ... رومانسيه بالله عليك اقعد ساكت ...
طيب انا هسكت اهو يلا روحي بقي الوقت اتاخر...
اتكلمت بضحك...طيب اهو حتي الاقي وقت اقعد قدم البحر ...
اتكلم بضحك ...يبخت البحر بالحب ده كله..
اتكلمت بكسوف ...بس بقي يا فهد ..
وخرجت بسرعه وانا ماسكه الورده في أيدي ورحت لمكاني المفضل ...
التليفون رن كتير وانا مكنتش سامعه...رديت لما لاقيته بيرن تاني..
الو ...
اخيرنا وصلت لرقمك وحشتيني
دموعي نزلت وقفلت التليفون وطلعت اجري علي المحل
فهد اتكلم بخوف لما لاقني بجري وانا بعيط ...مالك ايه اللي حصل
اتكلمت بدموع
والتليفون لسه بيرن في أيدي
البارت انتهاء بس الحكايه لسه واللي جاي اغرب من اللي فات...
الحب اطمانا وانتماء وامان الحب عمره ماكان خوف...
ومستحيل تقدر تحب حد علشان هو بيحبك ومستحيل تقدر تسيب حبك علشان حد حتي لو كان بيحبك ...احساس صعب الاختيار بين نفسك وغيرك ...
والاصعب لم تبقي بتختار بين قلبك وقلب حد تاني ...
الفصل الرابع عشر
التليفون لسه بيرن في أيدي ومع كل رنه ضربت قلبي بتزيد وقلق وخوف سنين رجع هجمني من تاني بقوه...
فهد اتكلم بقلق ...مالك ايه اللي حصلك لما خرجتي وبعدين ردي علي التليفون ممكن يكون عمك ...
قربت التليفون من قلبي وضغطت عليه جامد ...خايفه ..
رفعت التليفون بصعوبه وضغطت علي الشاشه والمكلمه انفتح وحطيت التليفون علي وداني وكل اللي وصلني من الجهه التانيه الهدوء فضلت حطه التليفون علي وداني كتير وبضغط عليه ومش سامعه غير صوت نفسه يااااه انا مش قادره اتخيل اني السبب في كل ده بس انا قررت احرره من كل الحب اللي في قلبه.....
اتكلمت بقلق ...انت معايا ..
عمري ما كنت مع حد غير معاكي وحتي وانتي مش معايا انا برود معاكي ...
اتكلمت بحزن ودموعي خنقتني...ارجوك
اتكلم بسرعه وصوته كان مخنوق ...ارجوكي انتي كفايه كده كفايه انا تعبت سنين بتمر وانتي زي مانتي معندكيش غير قسوه القلب عليه ارحمي ضعفي في حبك ارحمي قلبي
انا كل اللي بطلبه منك الرحمه لقلبي ...
اتكلمت بدموع وصوت شهقاتي كان بيعالي مع كل كلمه ...انا اسفه ...
ياااه اسفه بكلمه واحده هتمحي عذاب سنين ...وانا اتاسف ازاي لقلبي ...أقوله ايه علشان يغفرلي حبك....
دموعي زادت...غصب عني لو كنت اقدار احب كنت هحبك انت كنت اديتك عمري مش بس قلبي بس للاسف الحب عمره ماكان كلام ولا دموع..
انا ضعيفه اوي أضعف من اني اجرحك ...ارجوك إنساني وعيش حياتك..
انت تستاهل اللي تحبك وتديك حبها وقلبها ...تديك قلب فاضي من الهم والوحده تديك قلب من غير ندوب إنما انا
مستهلش اكتر من اللي خدته ...انت تستاهل الحب ...
متقوليش علي نفسك كده انا عمري ما تمنيت ولا كنت هتمني قلب غير قلبك ولا حبيت ولا هحب غيرك انتي حبي الأول والوحيد ..
بحبك يا سما ودي اخر مره هقولهلك واسف لو ازعجتك بس كان نفسي اسمع صوتك لاخر مره ...
اتكلمت بسرعه ...في ايه مالك يا آدم
حتي اسمي ليه لحن تاني من صوتك بيرجع قلبي ينبض بقوه انتي الحياه يا سما وانا ضعفت وقررت انسا الحياه وأكمل واجباتي...انا بخير بس قلبي لا ...بشكرك ..عرفتيني عذاب الحب وقسوه الحب ...النهارده فرحي يا سما ...هستنكي ولو في ولو ذره حب في قلبك تيجي ...
عايز ابدا حياتي الجديده وانا بودع قلبي بيكي بطبطب عليه بنظره من عنيك ولو لاخر مره ...
مع كل كلمه كنت بسمعها من ادم دموعي كنت بتنزل من جديد انا مش قادره اتخيل اني السبب اني وصلتك لكده بس كنت اعمل ايه عرفت متأخر أنه بيحبني ووقتها كان رجعلي سند تاني بس انا علشان مجرحش ادم ولا اكسر قلبي قررت اني ابعد حتي عن حبي وضحيت بنفسي وحبي علشانه..
اتكلمت بهدوء..مقدرش ..
اتكلم بهمس...ده اخر طلب هطلبه منك عايز انساكي ساعديني ارجوكي عايز ابدا من جديد ...
اتكلمت بحزن...حاضر ...
اتكلم ادم بنفس الهمس ...بحبك دي اول واخر مره اكون خايف ويوم ما اكون خايف يكون من الحب اللي هو اجمل وألطف احساس في الدنيا انا خايف اوي يا سما ...
خالص كلامه وقفل ووقتها انا انهارت في الارض وبقيت اضرب بايدي علي قلبي يااااه انا خايفه ...خايفه اوي من موجهه ادم ...مش عارفه أقوله ايه ...لو كان الحب بايدي والله والله كنت هحبك يا آدم ...
كملت كلامي وانا بضغط علي قلبي لو ينفع كنت طلعت قلبي بايدي وضربته بالقلم وقولتله يحبك انت وبس ...
غمضت عيني وقعدت وضميت رجلي عليه وفضلت اهز في نفسي وكإني بهرب من كل كلمه وافكري وقلبي ...
فهد اتكلم بخوف ...مالك يا سما قومي متعمليش كده في نفسك اهدي ...
رفعت عيني وبصيتله واتكلمت بحزن....انا اذيت اقرب الناس ليه يا فهد ...
وقمت من مكاني وفضلت ماشيه وانا مش حاسه بحاجه غير بالهواء اللي بيطير شعري ... روحت بيتي غيرت هدومي وفضلت اغسل في وشي كتير علشان دموعي تقف ...يمكن دول دموع السنتين اللي فاتو ... وكأن جرحي اتفتح من تاني بس بعمق ....
طلعت من البيت ومع كل خطوه للقاء ادم دموعي كنت بتجف
لحد ما بقاش فيه ولا نقطه بتنزل من عيني ...
وصلت البلد ورحت لبيت عمي لاقيت الفرح والكل بيرقص وفرحان دخلت البيت واول واحد قابلني كان عمي فضلت حضنه كتير وهو فضل حضني كان نفسي ما اطلعش من حضنه تاني ...بعدت عنه وطلعت لاوضه ادم خبط علي الباب
فتحلي هو لابس البدله وبيعدل في الببيونه...
وفضل ساكت بس عنيه كنت بتقول كل حاجه ...
اتكلمت بهدوء...الف مبروك ...
ادم حسيت بنغزه في قلبي لما شوفتها وقد ايه كلمه مبروك دي أسخف كلمه...رديت بهمس ...شكرا انكي جيتي حتي لو لاخر مره ...
اتكلمت بهدوء...مقدرش ارفضلك اخر طلب ...
ادم كان نفسي تفضل معايا لاكتر وقت ممكن فااتكلمت بسرعه...تعالي اقعدي معايا لحد ما اخلص علشان ننزل مع بعض ...
دخلت من غير ولا كلمه وقعدت علي الكرسي اللي جنب السرير وهو عدل هدومه وقرب قعد علي السرير ...
ادم اتكلمت بهدوء عكس الحزن اللي كنت حاسس بيه....
دلوقتي تقدري تتجوزي سند ...
بصيت للأرض واتكلمت بهمس ...معدش ينفع ...
ادم حسيت بلحظه من الفرحه ...ليه ..
كملت كلامي وانا بضغط علي ايدي ....معدش عندي حاجه اقدر اقدمها في حياتي لحد حتي الحب بقي عبء عليه ...
قولت كده وخرجت من اوضته ونزلت قعدت مع عمي بعد لحظات كان نزل ادم ويونس ...
يونس اتكلم بفرحه ....انا مش مصدق نفسي انك جيتي فرحي ...دي رحيق هتفرح اوي ...
اتكلمت بابتسامه...الف مبروك يا يونس ...وانا كمان نفسي اشوفها ....
ادم قرب مني ووقف جنبي واتكلم بهمس....هتفضلي طول عمرك حلوه والوحيده في عيني...
قال كده وخرج بسرعه
وانا بصيت عليه وغمضت عيني...
وخرجت مع عمي لمكان القاعه ...
وصلنا قبل العرسان ...
بعد وقت بسيط دخل يونس ورحيق وادم والعروسه ...
فضلت باصه عليهم وانا مش فاهمه احساسي ...
طول الفرح حاسه بنظرات ادم ليه حتي ولو وقف جنب العروسه باصص ناحيتي قررت أخرج من القاعه علشان اسيبه يفرح...
وانا ماشيه في الهواء لاقيت ايد بتمسك ايدي في اللحظه دي حسيت بالدف في قلبي من مجرد مسكت ايد وقلبي عرف صاحب الايد كأنه مالكه..غمضت عيني وكنت بتمني الزمن يقف في اللحظه دي...
كل ما بتمر عليكي السنين كل ما قلبي بيحبك اكتر وبيحفظ تفاصيلك حبي ليكي اكبر من الوقت والمسافات عمري ما يأست ولو لحظه في حبك طول الوقت شايفك حتي لو بعيده عني وحشتيني اوي وحشتي قلبي قبل عيني ....
فتحت عيني لاقيت سند وقف قدمي ودموعوا بتنزل مع كل كلمه بيقولها ....
سند كمل كلامه ....فضلت ادور عليكي وعمري ما يأست كنت متاكد انك هترجعيلي وكنت هستنكي لاخر يوم في حياتي اهم حاجه تكوني في حضني ولو لثانيه اعوض بيها فراق سنين وجرح وقسوه الايام .....
سحبت ايدي من ايدو وحسيت بإفراغ في قلبي ...واتكلمت بهمس....تقدر ..
سند اتكلم بابتسامه....اقدار ...
اتكلمت بهدوء....خلاص استنا
قولت كده ومشيت من قدامه..
سند بصوت عالي....ده وعد ...
اتكلمت بهمس ....وعد...
مشيت المره دي وانا نفسي افضل بس مقدرش ...
رجعت لاسكندريه تاني ومكاني المفضل البحر والورد ....
.
.
.
بعد مرور عشر سنين...
.
.
.
وانا وقفه قدام البحر وشعري بيطير ووقف جنبي عمي وانا سنده عليه ...
اتكلمت بضحك... النهارده عيد ميلادي انا مش مصدقه اني
كملت ٣٩سنه لا لا اكيد في غلط بقي السكر ده السنه الجايه يكمل الاربعين لاااا
عمي اتكلم بضحك ...بس بقي يا بت وجعتي دماغي انتي دلوقتي في اجمل مرحله في عمرك ...وهتفضلي طول العمر
صغيره في عيني ...
اتكلمت بضحك وانا بحرك شعري بعيد عن عيني ...ايه رايك
اقص شعري طول قوي وبيطير في كل حته ...بقي مزعج..
عمي بضحك....اكتر منك ...هو انا أمته هطمن عليكي واشوفك في ايد عريسك ...انا خايف اسيبك لوحدك ...
اتكلمت بحزن وانا بحضنه ...ربنا يخليك ليا ...اوعي تقول كده تاني ....
عمي بضحك...بهزر معاكي انا قاعد علي قلبك لحد ما اسلمك لعريسك بايدي ...
اتكلمت بضحك وانا بمسك ايد عمي وبنتمشي علي البحر ...
وه انت عايز تتخلص مني ولا ايه ....وبعدين انا مبسوطه كده ...
عمي بضحك....انا خلاص يأست منك ...بقولك ايه متجبيلي
ترمس علي مقعد شويه رجلي وجعتني ...
اتكلمت بضحك....حاضر ...
روحت جبت الترمس ورجعت قعدت مع عمي ...
اتكلمت بهدوء...عمي عايز اخد رايك في حاجه ...
عمي بابتسامه....قولي يا حبيبتي...
اتكلمت بهدوء....انا عايزه اعمل دار ايتام في حته من الأرض
واعمل مزرعه وجنيننه كبيره للاطفال يشتغلوا فيها لما يكبرو واهو ابقي ام لالف والاقي الحب في قلبهم ...
عمي طبطب عليه....اعملي اللي يريحك وانا معاكي ....
وفعلا نزلت البلد بعد عشر سنين بعيده وبدأت في التجهيزات والبناء والنهارده الافتتاح بعد شعل سنه كامله في الدار و المزرعه والجنيننه...
وانا وقفه ببص علي الاطفال لاقيت ايد بتمسك ايدي غمضت عيني وابتسمت
ممكن ابقي اب ليهم
اتكلمت بسرعه وانا بكشر وبسحب ايدي من ايدو لا...واطلع بره ..
اتكلم بضحك طيب ممكن ابقي اب ليكي
اتكلمت بسرعه وانا بضحك ...اطلع بره
طلع يجري وانا فضلت اضحك سند لسه بيحاول وانا لسه
برفض