رواية حدث في ليلة ما الفصل الحادي عشر11 والثاني عشر12والثالث عشر13 بقلم مرفت السيد
توجهت تالين الى مكتبها بسعادة لتتفاجيء بباقة كبيرة من ورود الاقحوان بنفسجية اللون وهي المفضلة لديها
امسكتها بدهشه شديدة فوجدت كارت مرفق بها مكتوب به صباح الخير انا اخترتلك ورودك المفضلة بس انتي اجمل من اجمل وردة
والتوقيع مجهول
وضعت الباقة بالمزهرية وجلست وهي تفكر ياترى مين بعتلي الورد ومين يعرف اني باحب النوع دة
قاطعتها غادة سكرتيرتها وهي تخبرها باجتماع طاريء لمجلس الإدارة وكل العاملين بالشركة بعد ساعة
طلبت منها فنجان من القهوة وجلست وهي تفكر ولكن زادت دهشتها حين دخل مكتبها عماد غالي مبتسما وهادئا كعادته وبيده فنجان القهوة الخاص بها واخر يخصه وضعهما على المكتب وجلس
تالين:نورت مكتبي المتواضع ياعمدة
عماد بمرح: شوفي بقى ياتالين انتي صاحبة عمري اه ومش بنخبي على بعض حاجة بس من وقت غيابك وبعدها رجعتي عشان عاوزةتسافري ماعرفتش اتلم عليكي عشان افهم مالك متغيرة صارحيني فيكي إيه
تالين بابتسامة متوترة :مفيش حاجة
عماد : تالين احنا عشرة سنين كتير مش فاكر عددها انا حافظك
ضحكت تالين: احنا عشرة ٧ سنين يازهايمر وبص من الآخر كدة في حاجات ماينفعش تتحكي
عماد بمرح:ماشي بس اوعديني لو احتجتي تتكلمي او واقعة بمشكلة ماتتردديش انا موجود
*اتفقنا ياعمدة قولي بقى إيه الجديد وعاملين اجتماع وفي حركة كدة بالشركة خير
:عشان تعرفي انك غالية عندي ومع انه سر ومفاجئة هانعلن عنها بالاجتماع بس انا هاقولك اولا دخل معانا شريك تقيل اوي
ثانيا هانعمل مسابقة بين المصممين تحت رعاية أكبر مصمم للمجوهرات بالعالم
ثالثا هانفتح المعرض في دبي وبعدها هانفتح معرض هنا
تالين: جميل إيه المفاجآت دي كلها بس الله ينور
عماد وهو يغادر: تالين
*ايه تاني
:انتي تعرفي حد اسمه مجد الدهبي؟
*لأ اول مره اسمع الاسم دة
:اوك
*بتسأل ليه
:ماهو دة الشريك الجديد ولما عرف انك هتمسكي فرع دبي قال انه عارف بس هو عاوزك تمسكي الفرع إلي هنا
*غريبة محدش يعرف بقرار ترقيتي ونقلي غيرنا انا وانت ويوسف وعمي ومراته وابنه وبس وبعدين هو يقرر انا هعمل ايه بناء على ايه
: ماتقلقيش ماانا قولتله دة قرارها واحنا محتاجينلها هناك عامة هو شخصيته كدة طول عمره غامض وبيعرف اي حاجة عاوز يعرفها
تالين بعدم اهتمام : عادي مبقاش في أسرار بعد التكنولوجيا الحديثة
* عندك حق اشوفك بالميتينج
وغمز لها بمرح وشقاوة كعادته وانصرف تاركا تالين غارقة بحيرة من كلامها مع عماد حتى حان موعد الاجتماع فاتجهت لقاعة الاجتماعات التي كانت ممتلئة على اخرها
جلست تالين بجوار زملائها المصممين والكل بانتظار عماد ويوسف
وبعد قليل دخل عماد ويوسف وبصحبتعما رجل اثار انتباه الجميع
قالت چودي صديقة تالين وتعمل مصممة :إيه القمر دة مش دة رجل الأعمال وريث عيلة الدهبي
تالين: علمي علمك واقفلي بقك المفتوح دة 😒 ماهو راجل عادي
قالت شمس وهي ايضا مصممة وصديقة لتالين: راجل عادي دة إيه معقول دة بجد
ارتفعت الهمسات بين الجميع نظرت تالين حولها لتجد الجميع بحالة انبهار فابتسمت ساخرة وحين نظرت امامها على يوسف وعماد وجدت مجد يحدق إليها مما جعلها تستاء وتشعر بالخجل لاحظت صديقتيها نظراته فقالت شمس :انتي تعرفيه ياتالين
*لأ
:امال متنحلك ليه كدة
جودي:يمكن معجب
تالين:اتلمي منك ليها
قال يوسف :سكوت ياجماعة
صمت الجميع وتحدث عماد قائلاً : اولا انا يشرفني انا ويوسف إننا بنضم معانا شريك جديد #بقلم_مرفت_السيد لأسرتنا الي كل يوم بتكبر بيكم وهو المهندس مجد الدهبي الغني عن التعريف طبعا نرحب بيه
صفق الجميع بترحاب فابتسم مجد واومأ برأسه مرحبا بالجميع
قال يوسف: وباذن الله في شوية قرارات جديدة تخص المصممين ورؤسائهم فبعد اذنكم باقي الموظفين يرجعو مكاتبهم
خرج باقي الموظفين وظل النصممون الخمسة الذين يعملون بالشركة وهم تالين وشمس وچودي واسامة ورضوى وهي تعتبر تالين منافستها لان تالين محبوبة وتحظى باحترام وحب الجميع أما هي شخصية تنافسية وتأخذ الامور بشكل شخصي مما جعل الجميع يتجنبونها وليس لها اصدقاء
ورؤساء الاقسام هالة وهي رئيسة قسم التصميم وخالد وهو مساعد هالة
قال يوسف: في مسابقة تصميم هاتتعمل بعد مانخلص افتتاح فرع دبي يعني بعد ٣ شهور والي هايكسبها له جايزة ماليه كبيرة وهانطلق اسمه على قطعة المجوهرات الي هاتفوز وهاتكون من تصميمه وفرعنا الجديد هايتفتح على شرفه الي هايكون على اخر السنة ودي هاتكون تحت إشراف هالة وخالد انما القرار هايكون لاكبر مصمم مجوهرات بالعالم وهو الي هايختار الفائز و هايكرمه بالافتتاح وهو هاوارد چون
حلت الصدمة على الجميع وفغر فاه الجميع فهو من أكبر مصممين المجوهرات بالعالم
هالة:دة بجد هاوارد جون
رضوى :مش معقول
عماد: علشان تعرفوا ان انضمام مجد لينا اضافة كبيرة
شمس : نورتنا يابشمهندس واضح جدا انه اضافة
لكزتها تالين :اتلمي
يوسف: ياللا ياجماعة على شغلكم واستعدوا كويس
چودي:حضرتك ماقولتلناش قيمة الجايزة
نطق مجد لأول مرة : ٥ مليون دولار
نظر الجميع الي بعضهم البعض باندهاش أكبر
يوسف :اظن دة حافز كبيير ياللا اتفضلو
هموا بالانصراف فقال عماد:استني ياتالين لو سمحتي
يوسف :اتفضلي اقعدي ياتالين
عماد :تالين اهم واشطر مصممة عندنا
مجد بابتسامة ونظرات غامضة :تشرفنا
تالين بابتسامة مجاملة:الشرف ليا
ثم وجهت حديثها لعماد ويوسف خير عاوزني في ايه؟
يوسف: بصراحة عاوزينك هنا تمسكي الفرع الجديد وبلاش فرع دبي
تالين بحدة: لأ يايوسف
عماد :ليه بس انتي كنتي رافضة السفر من البداية
تالين :ووافقت وخلاص وخلصنا كل الإجراءات وهاسافر بعد بكرة ليه بتغيرو كلامكم
مجد:خبرتك وشطارتك تلزمنا هنا اكتر
تالين بانفعال:لو سمحت انت ملكش كلام معايا انت لسة جديد وانا ماطلبتش رأيك
مجد وهو يحاول السيطرة على أعصابه :انا دلوقتي مديرك
تالين بعصبية: يوسف عماد ايه الكلام دة
يوسف:اهدي ياتالين هو يقصد إنه زينا صاخب قرار متنسيش انه بقى شريك
تالين : كل دة مايخصنيش انا هاسافر
مجد: طيب عالاقل خليكي هنا شوية على مانظبط الأمور
تالين بنبرة ساخرة :يابشمهندس مفيش وقت انت عارف فاضل قد ايه على الافتتاح وانا تعبت على التصاميم قد ايه
مجد بحزم: هاتسافري بس قبل الافتتاح بوقت بسيط ودة قرار نهائي
تالين بغيظ: هو انا لعبة تحت مزاجكم تقرروا عني لمجرد واحد دفع
يوسف:تالين ايه الكلام دة
عماد: متقصدش يايوسف انت عارف تالين مش اي حد هنا تالين مننا وانتي اهدي شوية المصلحة للكل
مجد باستفزاز: ممكن اعرف تصميمك على السفر بالشكل دة ليه
تالين :شيء مايخصكش
عماد يوسف انا ليا سؤال واحد بس
انا هاسافر ولا لأ؟
نظر عماد ويوسف إلى مجد الذي قال بهدوء : لأ سفرك اتأجل بعد شهرين
ابتسمت تالين ابتسامة يعرفها عماد جيدا ونهضت قائلة: تمام كدة انا فهمت شكرا ياعماد شكرا يايوسف فرصة سعيدة يابشمهندس دقيقة واستقالتي هاتوصلكم
وانصرفت وهي تحاول التماسك والتظاهر بالقوة الى مكتبها لملمت اشيائها وسحبت حقيبتها وقبلما تغادر وجدت مجد يدخل الى مكتبها بلا استئذان ويعترض طريقها
قالت:لو سمحت انت واقف بطريقي
مجد بهدوء: ممكن تسمحيلي اعطلك شوية اسمعيني وليكي القرار
عقدت يديها بنفاذ صبر:اتفضل
قال بصوته الرجولي الجذاب : طيب اقعدي
جلست وهي تشعر بشعور غريب حتى نظراته اليها تجعلها تشعر بتوتر بالغ فاكمل قائلا: انا آسف اني ضايقتك قالولي انك. كنتي تعبانة وانك محتاجة السفر عشان انتي ابدعتي بالتصميم انا بس كنت هااخرك عشان المعرض الي في دبي هايكون تحت إشرافي فكنت عاوز افهم كل التفاصيل منك بس محبش اخسر اشطر مصممة هنا انا باعتذر تقدري تسافري بعد بكرة
تالين:شكرا لتفهمك بس تسمحلي أسألك سؤال
*اتفضلي
:انا ليه حاسة اني قابلتك قبل كدة؟
*تالين في ناس كتير بتتقابل وميعرفوش انهم اتقابلو قبل كدة انا باعتذر واتمنى تقبلي اعتذاري
:حصل خير
نظر اليها مجد مطولاً قبل أن يغادر
قالت لنفسها:بني ادم غريب ومستفز اوي ونظراته ليا مزعجة ومش مفهومة
قاطعها رنين تليفونها برقم عمها فاجابت :عمي حبيبي
قاطعها عمها قائلا :........
الفصل الثاني عشر والثالث عشر
تالين ابوكي تعبان أوي ونقلناه لمستشفى....
صرخت تالين: بابا.......
وسحبت حقيبتها بسرعة وهرولت الى الخارج فاصطدمت بمجد الي كان يسير هو و بصحبته عماد بطريقهم الى المصعد
عماد :مالك ياتالين
لم ترد عليه بل اتجهت للمصعد وهي تبكي وتضغط على زر استدعاء المصعد مرارا بانفعال
لحق بها عماد ومن خلفه مجد
عماد :مالك يابنتي فهميني
تالين:بابا ياعماد تعب ودخل المستشفى
عماد:طب اهدي انا جاي معاكي
*لا ماتتعبش نفسك
:لا طبعا اكيد مش هاتسوقي عربيتك وانتي بالحالة دي
*ماشي ياعماد
ومجد يتابعهم بهدوء واخيرا وصل المصعد استقله ثلاثتهم
وقبلما يطلب عماد من الحارس ان يأتيه بالسيارة قال له مجد: انا هاوصلكم
عماد :ماشي
كان عماد يمسك بيد تالين ويساعدها على ركوب السيارة وهي تبكي بانهيار ومجد ينظر إلى أيديهما المتشابكة بنظرة غامضة
جلست تالين بالخلف وعماد بجوار مجد وانطلقت السيارة إلى المستشفى
مجد:بابا في مستشفى إيه ياتالين
تالين وهي تكاد تفقد وعيها من البكاء والحزن:مستشفى ...
رن هاتفها فاجابته سريعا:فارس طمني
*متقلقيش ياتالين عمي هايبقى كويس انتي فين
:بالطريق اهو عماد بيوصلني
*ادي التليفون لعماد انا عاوزه
ناولت تالين الهاتف لعماد :فارس عاوزك
عماد والذي كان على علاقة جيدة بأسرة تالين :فارس
*عماد اسمعني عمي دخل العمليات وحالته صعبة وانا للاسف بمهمة متتأجلش خلي بالك من تالين لحد مااوصل عشان هي لسة قايمة من انهيار عصبي وانا هحاول اخلص بسرعة واجي
: حاضر متقلقش
همس مجد لعماد:في حاجة!؟
عماد هامسا وهو ينظر لتالين التي كانت بوادي اخر :باباها بالعمليات وحالته ماتبشرش
مجد وهو ينظر لتالين بالمراة: ان شاء الله هايبقى بخير ياانسة تالين متقلقيش
تالين :يارب يارب
وصلو الى المشفى فترجلت تالين بسرعة وعماد يحاول اللحاق بها الى الاستقبال تسألهم عن والدها فاخبروها بالطابق المتواجد به فاتجهت إليه وعماد بصحبتها ومجد بهدوء اتجه الى الإستقبال وتحدث معهم ثم اخرج الفيزا ودفع إليهم مبلغا من المال ثم اتجه إلى الدور الذي يوجد به غرفة العمليات
وصلت تالين الى الاعلى فوجدت عمها وزوجته فقالت : عمي طنط فين بابا ماله حصل إيه
عاصم:اهدي ياحبيبتي هو في اوضة العمليات ومعاه الدكتور
تالين بعصبية:عاوزة اشوفه
عماد: اهدي ياتالين مش هاينفع لما الدكتور يخرج هاتطمني
تالين:يارب دة اكيد تعب بسببي وجلست وهي تضرب نفسها :انا السبب
عاصم: يابنتي استهدي بالله
احتضنتها منيرة :ادعيله ياتالين
كان مجد قد وصل وصافح عاصم ومنيرة قائلاً :انا مدير الآنسة تالين كان نفسي نتقابل بظروف احسن
عاصم:تعبناكم معانا ياابني
عماد:ياعمي متقولش كدة
مجد :لو محتاج يسافر برة متشيلوش هم حاجة
قاطعه صوت يعرفه جيدا:مجد انت بتعمل ايه هنا
مجد:جدتي وتوجه اليها وقبل يدها :حمد الله على السلامة
انتي بتعملي ايه هنا
الجدة:كنت عند جوز عمتك دكتور خليل باكشف
متقلقش دة كشف دوري عشان قلبي وانت؟
مجد:انا بازور والد موظفة عندي
الجدة وهي تنظر الى عائلة تالين وتركز اهتمامها على تالين وتقول بلؤم: اكيد طبعا هي البنت الحلوة دي صح
مجد وهو ينكر تلميحها: انا وصاحبي على فكرة معاها مش لوحدي ودة عمها ومراته
ميادة:ماشي انا هاروح واستناك على العشا
وبينما هي راحلة وبصحبتها علا مساعدتها عادت ونظرت الى عاصم من تحت نظارتها وسط دهشة عاصم ومنيرة ومجد الذي قال:مالك ياتيتة في حاجة؟
منيرة وهي تتحدث مع عاصم :مش انت عاصم الي اخوك قاسم جوز هناء الله يرحمها
عاصم:ايوة ياهانم حضرتك تعرفيني؟
ميادة :انا ميادة الدفراوي بنت خالة هناء مرات قاسم اخوك
عاصم وهو يحاول التذكر :يااااه افتكرت دة احنا مااتقابلناش من يوم عزا هناء الله يرحمها
ميادة: وفين منيرة مراتك
عاصم :منيرة تعالي دي ميادة هانم بنت خالة هناء ام تالين
منيرة بترحاب:اه ازيك ياست ميادة
ميادة :انتو بتعملو إيه هنا
مجد وهو يتابع مايحدث بصدمة يحاول اخفائها:دي عيلة الموظفة الي عندي
عاصم: قاسم باوضة العمليات ودي تالين بنته
ميادة بحزن:لاحول ولا قوة الا بالله ان شاء الله يبقى كويس كان نفسي نتقابل بظروف احسن
ونظرت الى مجد:مجد الجماعة يبقو قرايبنا تفضل معاهم ماتسيبهمش
مجد:حاضر طبعا
ميادة :انا لازم امشي وهابقى اتابع مع مجد واتطمن على قاسم
واقتربت من تالين واحتضنتها: متقلقيش يابنتي
ان شاء الله خير
تالين :يارب
نظرت إليها ميادة بتمعن وقالت:سبحان الله نسخة من هناء
انصرفت ميادة بينما لم تركز تالين بكلامها ولا بما يحدث من حولها
الى ان خرج الطبيب ومعه الطاقم الطبي هرولت تالين اليه:طمني بابا حصله ايه يادكتور
عاصم:خير يادكتور طمنا عليه
الطبيب:متقلقوش الحمد لله عملنا اللازم وشوية هاننقله لغرفة تانية والزيارة ممنوعة لحد بكرة
تالين بانفعال:يعني ايه هو كويس ولا ايه
انصرف الطبيب بسرعة ولكن مجد وعماد وعاصم لحقو به وطلب منهم التوجه الى مكتبه
خرجت الممرضات وبصحبتهم قاسم على التروللي مغطى وتالين تحاول رؤيته والممرضات يمنعونها بصعوبة الى ان ادخلوه غرفة الافاقة وتالين تتابعهم من الخارج عبر زجاج الباب بقلق
بمكتب الطبيب جلس الجميع بقلق وهم ينتظرون اجابته على أسئلتهم حول حالة قاسم فقال:مش هاخبي عليكم دي جلطة في القلب وحالته حرجة جدا احنا عملنا كل الي نقدر عليه وبانتظار انه يفوق ونشوف استجابته للعلاج
مجد:ولو سفرناه؟
الطبيب:ملوش لزوم ومجهود السفر غلط ومش هيعملوا اكتر من الي عملناه
عاصم: يعني في أمل بشفائه؟
الدكتور :اكيد طبعا في امل وربنا قادر على كل شيء
عماد:شكرا يادكتور بس بعد اذنك ممكن اعرف مطلوب مننا كام
الدكتور:لحطة اعرف من الحسابات وبعد إجراء اتصال قال الطبيب حساب المستشفى اتدفع وبزيادة
عاصم:مين دفعه
قال الطبيب: هو مارضاش يقول اسمه
عاصم: عالعموم كتر خيره وهنحاول نوصله ياللا بينا نطمن تالين
كانت تالين تجلس باستسلام خارج غرفة والدها وبجوارها منيرة تواسيها حتى طمأنها عمها
فقالت:الحمدلله يعني هايبقى كويس صح
مجد:ان شاء الله ادعيله
عماد:مفيش #بقلم_مرفت_السيد داعي لقعدتك هنا ياللا على البيت وبكرة هاتشوفيه
تالين:لأ مش هاسيبه لوحده
عاصم : يابنتي روحي معاهم وانا هابات هنا معاه
مجد:ياللا ياانسة تالين عشان ترتاحي
اقتنعت تالين بكلامهم وغادرت المستشفى هي ومنيرة وعماد بسيارة مجد الذي اتجه بهم الى منزل عاصم
قالت منيرة بدهشه :يااستاذ مجد انت عارف الطريق ازاي من غير مااقولك احنا ساكنين فين
مجد : عماد قالي على عنوانكم
نظر إليه عماد باستنكار فغمزه مجد فاثر الصمت
ترجلت تالين ومنيرة وذهب عماد ليشتري لهما الطعام ومجد يجلس بالسيارة بانتظار عودته وكان مجد يراقب تالين وزوجة عمها وهما بطريقهما الى المنزل ولكن تالين كانت تشعر بالضعف من كثرة البكاء والحزن وكانت ستقع ولكن مجد غادر سيارته وامسك بها بسرعة
ثم حملها وصعد بها خلف منيرة قابلهما فخر على السلم فساعد مجد حتى وضعاها بفراشها وهي تأن بضعف وتقول بابا حبيبي ومجد ينظر اليها بحزن وهو يشعر بالذنب وفخر يدثرها بالغطاء
استفاقت تالين ونظرت حولها ثم شعرت بالحرج وهي ترى مجد يجلس بجوارها وفخر يضع عليها الغطا
فقالت :انا كويسة ياجماعة شكرا
مجد:اجيبلك دكتور؟
تالين:لا انا عاوزة انام
منيرة: سيبوها ترتاح تعبناك يااستاذ مجد
شعر مجد بالحرج فغادر الغرفة الى باب المنزل وقال لمنيرة وفخر: دة الكارت بتاعي لو احتجتم اي حاجة احنا اهل وارجوكم ماتترددوش
منيرة بامتنان: تسلم ياابني في رعاية الله
بمجرد مغادرته جلست منيرة بجانب تالين وهي تحتضنها بحب حتى تاكدت من انها تغط بنوم عميق فغادرت الغرفة بهدوء
فخر:مين دة ياماما و عمي اخباره إيه انا كنت جايلكم بس الولد ابني تعب شوية ووديناه للدكتور
منيرة :ماله ابنك ومكلمتنيش ليه
فخر:ياستي انتو في إيه ولا في إيه
منيرة: شوية وهاطلع اتطمن على ابنك
فخر:عمي عامل ايه
منيرة:ادعيله ياابني
قاطعهم طرقات على الباب كان دليفري محملا بالطعام واخبرهم بانه مدفوع التمن اخذته منيرة وهي تقول: ربنا موقف لتالين ولاد الحلال
ولنت يابني تعالى تشوف ابنك وبالمرة اصالحك على مراتك
ابتسم فخر وشعر بالسعادة :ماشي بس غلطيها وانا لازم ارفض الأول عشان تتعلم الأدب
منيرة: حاضر يااخويا دة انت عنيك طلعت قلوب اول ماقولتلك اطلع قدامي
بسيارة مجد قال عماد:مجد انت عرفت عنوان تالين ازاي
مجد:انا ليا طرقي متسألش ياعماد
عماد بسخرية:والله ماشي يامجد وبالنسبة لتصميمك على انها متسافرش دة برضه ماسالش عليه
مجد:عماد مبحبش الي يتذاكى عليا هي ديزاينر ممتازة فمتشغلش دماغك عليا ياللا وصلنا بيتك انزل
عماد وهو يغادر السيارة :هعمل نفسي مصدقك سلام يابن الدهبي
اتجه مجد الى شركة الدهبي حيي قام بمراجعة بعض الأوراق ثم اتجه الى شاليه باسم الذي قام بشراؤه مؤخرا عن طريق مساعده والذي قام بتجهيزه وفرشه حتى اصبح من ارقى الشاليهات باثاث فاخر
توجه مجد الى غرفة النوم التي جمعته بتالين وهو ينظر الى الملاءة التي امر بغسلها ووضعها على الفراش نظر مجد حوله ثم انده الى الخزانة وأخرج الوشاح والسلسلة التي كانت تالين ترتديهما ليلتها ووضعهما على الفراش واستلقى وهو يفكر ويفكر بشيء واحد تالين ومهما حاول ان يبعدها عن رأسه كانت تقتحم افكاره بشدة حتى اصبح من الصعب عليه ان يغفى وجافاه النوم وهو يفكر بكل ماحدث بينهما
قال محدثا نفسه:انا هاحاول اعوضها بدون ماتحس وهاحميها واظن كدة ابقى كفرت عن غلطتي
وبالنهاية استسلم للنوم كحال الجميع
وبالصباح توجهت تالين الى المشفى بصحبة فخر ومنيرة وهناك وجدا فارس وعاصم يتحدثان مع الطبيب
تالين:فارس عمي بابا عامل ايه النهاردة يادكتور اقدر اشوفه
الدكتور :طبعا تقدري واتطمني هو بخير عدت مرحلة الخطر بس زي ماقلت ليكم الزيارة بدون انفعال
تالين :الحمد لله
فارس :تالين امسكي نفسك وبلاش انفعال قدامه
تالين:متخافش انا والله ماهعيط حتى
سارت الأمور بخير بالمستشفى وشعر قاسم بالتحسن بمجرد مارأى تالين وشعر بحبها ولهفتها عليه
اضطرت تالين لتأجيل سفرها حتى يتماثل والدها للشفاء وكان عماد ومجد ويوسف وكل زملاء تالين وأصدقائها يزورنها ويتصلون بها
حتى خرج قاسم من المشفى ولكن حذرهم الطبيب من تعرضه لأي ضغط عصبي وعدم بذل اي مجهود والانتظام بالعلاج
فقررت تالين ان تعود للاقامة مع والدها
وعادت الحياة تدريجيا الى وتيرتهاوعادت تالين الى عملها وانشغل مجد باحدى الصفقات التي تطلبت منه السفر الى امريكا ولم تعد تراه تالين فكلا منهما مشغول بحياته باستثناء شعور تالين بدوخة باستمرار كانت تتجاهلها
اجتمعت تالين بعماد ويوسف واخبرتهم بأنها مستعدة الان للسفر فوافقا وحددا الموعد بدون ان يستشيرا مجد فالوصول اليه بعد سفره اصبح بمنتهى الصعوبة
بعد تحسن حالة قاسم خاصة بعدما شعر بحب عائلته وكانو يزورونه باستمرار
وبينما هم مجتمعون قالت تالين:ياجماعة انا مضطرة اسافر بعد مااتطمنت على صحة بابا واتطمنت اكتر انكم جنبه لازم اتفرغ لشغلي
قاسم:لو دة هايسعدك يابنتي سافري واتطمني انا بخير
وكذلك باقي العائلة تمنى لها الجميع التوفيق بينما شعر فارس بالحزن ولكنه صمت ولم يتكلم
حتى جاء يوم السفر رفضت تالين ان يقوم الجميع بتوصيلها فهي تكره الوداع ولكن فارس أصر على توصيلها وتناول الطعام بمطعم المطار لحين وصول الطائرة ولكنها اخبرته بانها تعاني من غثيان باستمرار ولكنه أصر بشدة وبينما هما يأكلان قال فارس:تالين انا عاوز اقولك ان....
*خير يافارس قول
:تالين انا خايف اضايقك
*انا مرهقة ومصدعة قول على ظول
: حاضر حاضر تالين انا عرفت اسم الشخص الي عمل فيكي كدة وهو غايب عن وعيه
*اييييه عرفته؟
:ايوة انا مابطلتش تحقيقات بالموضوع دة رغم ان نور وباسم حتى دوللي مكانوش يعرفو اسمه كل الي يعرفوه انه قريب صاحب نور الي اسمه اسر وانا بعد عذاب وصلت لاسر دة لانه عزل وقطع علاقته بالشلة دي وقفل اكونتاته وفير ارقامه ونور متعرفش غير اسمه هو بس متعرفش حتى اسم ابوه وبعد ماوصلناله لأن نور شافته بالصدفة وهو نازل من عمارة وسالت البواب واتاكدت ان ده محل سكنه وجت بلغتنا لأنها خايفة من تورطها بالقضية دي المهم عملنا شوية تحريات وعرفنا ان الي استغت دوللي ونور انه سكران وجابوه ليكي يبقى ابن عمه
*ياااه يافارس دة انا كنت بدأت افوق وانسى
ليه كدة دة انا تعبت عشان اتعايش
:عارف بس كان لازم اقولك وانتي ليكي القرار
تالين الشخص الي عمل كدة اسمه.....