رواية تكفيني انت الفصل الخامس5 والسادس6 بقلم فيروزه
مصطفي ...( حسيت اني رجعت للوقع لما سمعت صوت اميره ..وايه بعدت عني .. حسيت قلبي وجعني لما بعدت عن حضني ..كنت حابب حضنها اوي ومش حاسس بالوقت وانا معها وهي جوه حضني ) وانتي مالك بتسالي ليه ..هي مراتي و اخدها في حضني زيها زيك وهنام من دلوقتي يوم عندك ويوم عندها واتفضلي اتدخلي أوضتك ومش عايز اشوف وشك بعد كلامك ده ...
ايه..( لما اميره اتكلمت حسيت اني باخد حاجه مش من حقي حتي لو حضن ... وبعدت مصطفي بسرعه كاني كنت بسرق...مع اني مكنتش عايزه ابعد عن حضنه حسيت براحه فيه كأنه الجنه ... بس رد مصطفي علي كلام اميره رد الروح فيه حسيت اني طايره من علي الارض بكلمه .. بس ،انا شويه وهبعد قلبي وجعني من الجفا و البعد ولازم اشوف حياتي ومش عايزه ابوظ حياه مصطفي لازم احاول اصلح) خلاص يا مصطفي براحه علي اميره وانتي يا اميره محصلش حاجه لكل ده .....
اميره ... بقي بتقولي كده علشانها ماشي يا مصطفي انا هعرفك انا هعمل اي ... وانتي فاكره انك هتعرفي تخديه مني ده بعدك ..وقال عمله فيه الطيبه اللي هتصلح بينا وانتي شيطانه ...
بوم قلم نازل علي وش اميره من مصطفي ...
مصطفي ...انتي بتغلطي فيها انتي اتجنيتي ولا ايه ...دي ستك ادخلي جوه ومش عايز اشوف وشك النهارده يلا ....
ايه ( انا في حاله صدمه )
اميره ...جريت علي اوضتها وهي بتعيط ....
مصطفي ...انا اسف يا ايه علي كل اللي حصل ....كل ده بسببي انا ...
ايه ...ولا يهمك يا مصطفي انا اللي اسفه أن كل ده حصل بسببي .....
مصطفي ...لا يا ايه مش بسببك ولا حاجه ..انا اللي كنت غلطان ....
ايه ...( حسيت اني مش فاهمه مصطفي بس اللي متاكده منه دلوقتي اني لازم ابعد علشان يعرف يكمل حياته مع مراته بعيد عني 🥺🥺..) خلاص اللي حصل بقي ... هدخل انام تصبح علي خير وبكره هروح عند بابا ...
مصطفي ....( قلبي وجعني لما قالت هتبعدا عني انا عايزها جمبي ..عايز اكون معها في كل وقت ..مش هقدر ابعد ، بس مش عارف هقول اي بعد مكسرات قلبها .. يارب انت عالم بحالي وعارف انا عملت كده ليه ..) طيب هو ينفع انام معاكي في الاوضه لحد الصبح ..وكمان فاكري في حكايه انك تسيبي البيت دي تاني ..احنا لسه قايلين هنطلق بعد سنه ماينفعش تمشي بكره ...
ايه ....( يادي الكسوف🙈هناام مع بعض ازاي في اوضه واحده ...) ماشي يا مصطفي انت اخويا وتنور ده بيتك ودي أوضتك وانا اللي ضيفه ...وان شاء الله هروح الصبح عند بابا ياريت تسيبني علي راحتي هكون مرتاحه هناك اكتر ...
مصطفي ...ماشي اللي يريحك يا ايه ...وادخلي انتي وانا شويه وهاجي ....
ايه ...طيب ....
..........
دخلت ايه وسبت مصطفي بيفكر في حياته مع ايه واميره ... هو دلوقتي بين قلبه وعقله....
( الحب مجنون بلا عقل 🥺🖤)
...............
بعد وقت طويل من التفكير قرر مصطفي يدخل ينام .... وبكره يحلها الحلال ...
خبط علي الباب ولما مسمعش صوت دخل ...باص علي السرير لقه فاضي ...استغرب امال ايه راحت فين ...بيلف علشان يخرج شايف ايه نايمه علي الارض حطه فراشه ونايمه ....راح ناحيته وقرب وقعد جمبها ....ايه..ايه ...ردي عليه ...
ايه ( انا كنت صاحيه بس لما خبط علي الباب عملت نفسي نايمه ...وحسيت نبضات قلبي زادت اوي كاني في حرب ..وكمان لما قرب مني وقعد جمبي اتوترت اكتر ... حاولت ارد كاني كنت نايمه بجد ) ايوه يا مصطفي في حاجه ...
مصطفي ...مالك نايمه علي الارض ليه هتتعبي كده تعالي علي السرير ...
ايه ...لا مش هتعب ولا حاجه وبعدين احنا في الصيف يعني الجو حلو وكمان معايا غط حلو اهو ...
مصطفي ...طيب علشان خاطري نامي علي السرير ...
ايه ..مش هينفع....وبعدين انت هتنام فين لما أنام انا علي السرير .....
مصطفي ...جمبك علي السرير ...
ايه....والله 😂🙈
مصطفي ...اه والله ....
ايه ...روح يلا يا مصطفي نام علشان انا محتاجه انام ...تصبح علي سعاده ....
مصطفي ...(طلعت علي السرير وفكرت في كل اللي حصل في حياتي وازاي انا حصل معايا كل ده من حب لي كرهه لي جواز لي جواز مره كمان ...في اي يا مصطفي مالك انت قسيت علي ايه اوي لازم تصلح معها وبعدين كلنا بنغلط مفيش ملاك علي الارض ...وكان أكبر عقب ليه اني اتجوزت عليه ... استغفر الله العظيم رب العرش العظيم و اتوب اليه🥺🖤) نام مصطفي ...
ايه ...( لما مصطفي نام قمت من مكاني وقربت منه كنت حابه اشوفه من قريب لاخر مره وهو حلالي ..قربت منه وبوسته من خده وقلت تصبح على جنه يا حبيبي )ورجعت مكاني ونمت....
.............
الصبح ...
ايه ...قمت بدري غيرت هدومي وحاضرت حاجاتي علشان امشي ..انا معدش ليه مكان هنا لازم ابعد وده احسن حال للكل ...
وخرجت من الأوضه بهدوء وقفلت الباب ..وبعدين خرجت من الشقه ...
فضلت ماشيه في الشارع ومش عارفه انا صح ولا غلط ...وفكرت كتير في حياتي اللي خلاص باظت ....يلا الحمدلله على كل حال ...
............
مصطفي ...صحيت من النوم وبصيت علي الارض عايز اشوف ايه ...بس مش موجوده ...قمت دورت عليها في الشقه كلها مش لاقيها ..جريت علي الدولاب لقيته فاضي ...ايه مشيت🥺😭😭....قعدت في الأرض وفضلت اعيط ...انا ازاي عملت كده في ايه ...انا ازاي كنت غبي كده وكان فين قلبي اللي وجعني ده لما اتجوزت عليها ... بس 🤐🤐( ده سر هنعرفه مع الوقت ) ...
قامت جري علي التليفون ...رنيت علي ايه غير متاح ...رنيت علي عمي لحد مرد ...
مصطفي ...الو ازيك يا عمي ...
بخير الحمد لله عامل ايه يا عريس واخبار آيه ..ايه ...وحشتوني اوي ....
مصطفي ( صدمه امال ايه فين ) الحمد لله يا عمي وانت ومرات عمي عاملين ايه طمني عليكم ...والله وانتوا وحشتونا اكتر ...
بخير يا حبيبي ...خلاص تعالوا يوم عندنا. ....
مصطفي ...حاضر يا عمي عايز حاجه ...
سلامتك يا حبيبي سلملي علي آيه...
مصطفي.....سلام ...
.........
بعد المكالمه مصطفي كان هيتجنن مش عارف ايه راحت فين ولا حصل ايه ...قام من علي الارض وقاعد علي السرير وشاف....
.......
الفصل السادس
آيه ...فضلت ماشيه لحد موصلت لمكاني المفضل وقعدت ...وبصيت للبحر ...
ليه كده يا بحر حبيبي يعمل فيه كده ليه يكسر قلبي ويتجوز عليه ..بس ارجع واقول الغلطه مني انا اللي حبيبت واحد حقير زي احمد وكان هيضيع مستقبلي لو مصطفي مجاش في الوقت المناسب ... يعني ليه حق يزعل من اللي حصل أنه دخل لاقي واحد بيحاول يبوسني🥺😭😭😭 .... فضلت اعيط لحد متعبت من العيط ...اخر مره اعيط فيها في حياتي ..
بس اللي مش قادره انسي هو اني حبيت مصطفي ..ودي كنت اول مره احب بجد ..والأهم هو اني اكتشفت اني مكنتش بحب احمد ولا حاجه ده كان مجرد اعجب بواحد بيهتم بيه ...
فلاش باك ...
عرفه انا بحبك قد ايه ...
بتحبني قد ايه يا مصطفي ...
قد الدنيا دي كلها يا يويو ولما نكبر هتجوزك ♥️ ....
😂😂بجد خلاص لما اكمل العشره سنين علشان انا كمان بحبك 🙈♥️....
مصطفي ...يانهار لسه هصبر كمان خمس سنين ...
يلا يا آيه ادخلي انتي ومصطفي الدنيا بتشتي ...
مصطفي وآيه وهم بيجرو تحت المطر ...
مصطفي ...وعد يا آيه هتفضلي في قلبي لحد ماموت .....
وانا كمان بوعدك بصبعي الصغير اني هفضل احبك ♥️.....
( دق قلب عاشق فلا مفر من الحب إلا إليه 🥺♥️)
( الحب ملوش عمر ولا شكل ولا لون الحب مجنون بلا عقل🥺🖤)
وانا لسه بحبك يا مصطفي ...كنت فاكره أنه كلام عيال صغيره...وقتها كان عندي خمس سنين ومصطفي كان عندو عشر سنين ...بس كان كلام من القلب ....
فضلت قاعده قدام البحر ومش حاسه بالوقت لحد المغرب ...
( الحب وجع قلب 🥺🖤)
..........
مصطفي ...
بعد المكلمه مصطفي كان هيتجنن مش عارف آيه راحت فين ولا حصل ايه ...قام من علي الارض وقاعد علي السرير وشاف تليفون آيه ( اللي كان جيبه مصطفي ل آيه قبل الفرح ) سبيته ومشيت ..مسك التليفون وفاتحه ولما رفع التليفون من علي السرير لاقه ورقه تحته مكتوب فيها افتح الواتس في رساله ليك ...
مصطفي ...فتحت الواتس لاقيت رسايل مش رساله ...
اول رساله ...
آيه .. مصطفي انا عارفه انك بتفكر انا روحت فين لما انا مش موجوده عند بابا ياريت متدورش عليه لاني مش هروح عند بابا غير لما احس اني نفسيتي ارتحت ...متفكرش كتير انا فين لاني هروح حته امان ...وهكون مرتاحه في المكان ده ...وفي الوقت المناسب هرجع لبيت بابا ...
الرساله التانيه ...
آيه ...عارفه انك زعلان مني علشان حبيت احمد وانت يعني جيت وهو بيحاول يبوسني ....بس والله العظيم سكوتي كان صدمه وانا قولت ليك بدل المره ميت مره ...انا مش بقولك كده علشان حاجه انا بس بعرفك اني مظلومه ...
تعرف يا مصطفي اني اكتشفت اني عمري ماحبيت احمد اه والله كل اللي كنت فيه ده كان اعجب بواحد بيهتم بكل تفاصيل حياتي ويومي ....
وعرفت أن الحب دايما بيجي في الوقت الغلط ... او الحب كان موجود في قلبي بس انا اللي كنت غبيه ومش فاهمه ...
وكمان الوجع اللي بيجي من الحبيب بيحطم القلب ..وانا قلبي اكتفا ....
الرساله الثالثه ....
آيه ...هطلب منك طلب ونفسي تعمله علشاني ...صالح اميره وعيش حياتك وافرح وخالف عيال كتير ....
والأهم عايزك دايما مبسوط ..انت دايما كنت سند ليه بس انا اللي كنت غبيه ....
عارف كنت بقول اي دايما بقول ربنا عوضني ب ابن عم عوضني عن الاخوات والاصحاب وكل الناس ..حتي لو مقولتش الكلام ده ليك بس كان جوه قلبي ونفسي ...يلا قوم بسرعه صالح مراتك انا هكون مبسوطه كده لما حياتك تكون احسن ...
اخر حاجه ....
افتح تليفوني هتلاقي عليه رساله مكتوبه علي الواتس ومتبعتش ابعتها ... لبابا وخليه ميزعلش مني انا عايزه ابعد عن الكل فتره وافكر في حياتي ونفسي ...وهرجع بعد سنه علشان نطلق ...
........
مصطفي ...ايه مجنونه راحت فين ومش عايزه ترجع حتي عند عمي غير بعد سنه .....مجنونه ...
فتحت التليفون ولاقيت الرساله ...بس انا هروح لعمي احسن واخد معايا التليفون...
قبل مااخرج لازم اشوف اميره .. خبطت علي اوضته ودخلت ...
مصطفي ...اميره ...
اميره ...لسه فاكر اميره ...وانت كنت عند حبيبت القلب ...
مصطفي ...تاني يا اميره ...
اميره ...تاني ايه يا مصطفي انت عارف اني بغير عليك واللي ديقني اني دخلت عليكم لقيتك واخده في حضنك ...ودي حاجه تحرق دمي 😭😭😭.....
مصطفي ...قرب منها وقال .. خلاص يا اميره متعيطيش وبعدين آيه مراتي زيها زيك وليه حقك عليه ...وانتي غلطتي فيها جامد علشان كده ضربتك القلم ده ...بعد كده تاخدي بالك من كلامك معها علشان مش هسمح انك تغلطي فيها تاني ....
اميره ....😭😭مش هقدر يا مصطفي الاقيك في حضن واحده تانيه ...
مصطفي ...اميره انتي مجنونه بتقولي كده وانتي مراتي التانيه ...بصي لما آيه تراجع هي يوم وانتي يوم ...
اميره....ليه ايه فين ...
مصطفي ...راحت عند عمي ....
أميره ....مش هقدر يا مصطفي اشوفك معها ...
مصطفي ...انا قايم احسن لان الكلام معكي مش بيجيب نتيجه ...سلام ...
خرج مصطفي علشان يروح لعمو ...
.........
آيه ...يانهار ابيض ده احنا بقينا المغرب ... لقيت حد حط ايدو علي كتفها وقال ..والله لسه فاكره أننا المغرب يا حبيبتي...
آيه ...عرفتك يا صديقي الصدوق من قبل حتي ماتتكلم لسه مش هتبطل العده دي 😂....
اللي جاي اقوي بكتير ...في ناس هتدخل الحكايه هيكون ليهم ادور مهمه معنا ...