رواية زواج في الحرب الفصل الحادي عشر11بقلم اماني الروح

مصطفي كان جاء دخلنا انا والتومات ختينا الفطور واكلنا كلنا مع بعض وبعديها ظبطنا قهوة وقعدنا نتونس ومصطفي لسة متجاهلني في الكلام حتى ما بعاين لي اصلا نسمة قالت ليهو نفسي امشي الكرنيش🌊🌊 ودينا عليك قال ليها خلاص اجهزو امشي اشوف لي عربية جري اتجهزتا وجهزتا توتا خالتو سامية قالت حاسة بي تعب ما بتقدر تمشي معانا عمو احمد قال بقعد معاهااا مشينا انا والتومات ومحمد ومصطفي وتوتا😊🥰 وصلنا هناك لاقينا صحبو وكان معاهو اختو وبت خالتو بنات مزز زي المزز  وخصوصا بت خالتو دي رهيبة والنوع المايع ومدلع ولابسة ليها فستان ضيق وفاكة شعرها وخاتة الطرحة في رقبتا👩🏻👗 والظاهر بتعرف مصطفي لأنها شغالة تتنايص ووتتمايع معاهو وانا قاعدة زي كيس الجوافة صاحبو قال ليهو طبعا فطومة مسافرة السعودية برضو واحتمال تتطلع معاكم قال ليهو بالله😊😍 والظاهر فرح الكلب انا خلاااص كنت عايزة اتفجر بي الغيظ ومن حركات التافهة دي بس بقيت ساكتة نسمة لاحظت لي جات قعدت جمبي قالت لي اقوم عليها اجيبها من شعرها الشافعة البتتمايع دي😠😏 ولا كيف ضحكتا وقلتا ليها خليها لانو اخوك شكلو الوضع عاجبو قالت لي لالا اكيد يابت بس هو بجامل فيها قلتا ليهااا اي ظاهر انو بجامل فيها من ابتسامتو الواصلة اضانو دي عليك الله خليني في حالي🤨😒 انا عايزة ارجع قالت لي انتي هبلة حتخليهو ليها بي البساطة دي انتي مرتو هي تطلع شنو قلتا ليهاا انا ولا حاجة وقمتا على حيلي قلتا ليهم انا راجعة البيت😒😏 فطومة قالت لي مابدري ي عروس قلتا ليها من عمرك بس الجو حار شديد وبديت اصدع مصطفي قال لي اقعدي شويا وبنرجع كلنا بعد شويا قلتا لي ما قادرة عايزة امشي اسي😠😕 اتلفت على محمد قال ليهو خلاص ارجع معاهم وانا بحصلكم بعد شويا بقيت اعاين ليهو بي صدمة😳😳 التومات طوالي قامو معاي وفعلا رجعنا البيت انا من الغيظ دخلتا الغرفة وبقيت ابكي اخدتا لي بكية كدة🥹😭 بس قلتا انا مالي ومالي خلي يترزع معاها بس انا بوريك والبادي أظلم يا مصطفي السجم مصطفي ما رجع البيت الا المغرب وكان شكلو تعبان وعيونو محمرة شديد 🤕🤒رقد طوالي ولا مشيت عليهو ولا هببتو ليهو خالتو سامية جات شافتو لقت جسمو مولع نااار عندو حمى طوالي جرت كلمت عمو احمد جاء شافو وكشف عليهو قال اخد ضربت شمس قويا لازم🥵😰 مكمدات ناداني قال لي

جيبي مويا باردة وقطعة واعمليها ليهو فعلا جبتها وعملتها ليهو شكلو كان يحنن راقد مستسلم ومغمض عيونو واول ما اخت القطعة الباردة في راسو بفتح بي صعوبة 🫣🫨استمريت اعملها ليهو كدة لي مدت ساعتين لقايت ما جسمو برد شوياااا عمو احمد جاء اداهو حبوب وقال ليهو حتنومك وبكرة حتصحي مرتاح ان شاء الله🤭🫢 طبعا كلهم نقلو الغرفة التانية وخلوني معاهو انا وتوتا كنت كل شويا بصحي اشوف حرارتو بس الحمد لله كان كويس اخر مرة قمتا دي صحى بي وانا خاتة يدي في راسو فتح عيونو طوالي سحبتا يدي ورجعتا سريري😗🥺 قلتا لي بقيت كيف قال لي كويس الحمد لله عاينتا ليهو كدة وقلتا لازم اطعنو بي الكلام اصلي مابخلي الكلب قلتا لي الظاهر اصحابك مهمين لي درجة شربتا الشمس والحر كلو ورجعتا بي المنظر دا 🙄🥴عاين لي مسافة قال لي قصدك شنو قلتا لي ولا حاجة تصبح على خير .. ضحك ضحكة بتاعت استهتار 😏😏وقال لي فهمتا قصدك على فكرة انا ماغبي وما كان في داعي قيبيل تمشي بي الطريقة السخيفة دي قمتا طوالي اتعدلت عليهو قلتا لي انا سخيفة😠🤨 قال لي ما تحوري الكلام انا قلتا طريقتك السخيفة قلتا لي نفس المعني علي فكرة عاين لي بي برود وما ردا علي😕☹️ في اللحظة دي كان نفسي اقوم اقتلو ولا اخنقو بس استغفروتا ورجعتا رقدتا الصباح صحيت على صوت  كواريك عالية قمتا بسرعة اشوف الحاصل شنو 😱😱لقيتهم كلهم قاعدين في الغرفة والظاهر بتناقشو في موضوع مصطفي كان صوتو عالي شديد وهو بتكلم مع ابوهو وباين عليهو الغضب😠😡 قلتا احسن ارجع انا مالي دخل  بيهم 

                الفصل الثاني عشر من هنا