رواية اغتصاب ازهار الفصل الثاني عشر12والاخيربقلم جمانه السعيدي
كاعد يحجي مهدي وندك باب الغرفه علينا كام فتح الباب
جود واكف ولازم بطنه ويبجي
جود...اريد خاله ازهار بطني توجعني
ازهار...طفرت من مكاني ورحت علي وحنضته
....ياااا حبيبي شبيك شنو يوجعك
....بطني توجعني حيل اهي اهي اهي
...يمه وليدي اسم الله عليك
رجع اليوره وتقىء واني تخبلت فدوه مهدي خل ناخذه للمستشفى خاف صار عندا تسمم
يمه سوده عليه اليوم التهيت عنك شكلت حبيبي
جود...اكلت جبس
مهدي...يله بدلي ملابسه وخل ناخذه للمستشفى بسرعه
ازهار...غسلت وجه وبدلت ملابسه لبست عباتي وطلعنا
صعدنا بلسياره ورحنا للمستشفى
دخلنا للطوارء وحجينا الحاله للدكتور راسا سجله مغذي وقنينة فلاجين
وبقينا كاعدين بلطوارء للصبح يله صار احسن واخذنا ورجعنا للبيت الساعه بلسته الصبح
جمانه السعيدي
دخلنا ورحت اسويله ريوك بلكوه اتريك واخذته بحضني ونمت ومهدي نام بغرفتنا واني نمت اني وجود ورونه بلغرفه الثانيه
بلعشره اندكت الباب وسمعت مهدي فتحه
امي جايبتلنا ريوك
صباح الخير تتهنون انشا الله يجعلها زواجت الدهر
مهدي...رحمله والديج خاله تفضلي
كمت وسلمت عليها شافتني طلعت من الغرفه الثانيه
مهدي راح يغسل وجه وهي قربت عليه يمه ليش كل واحد نايم بغرفه
...يمه جود تخربط بليل وليلة عرسنا خلصناها بلطوارء
...يااا يمه وهسه شلون صار
...احسن شويه خل اروح اكعدهم يتريكون
وكعدنا نتريك كلنا سويه واني شالي على راسي واستحي اباوع على مهدي
ردت اطبخ غدا ومهدي ماقبل كال راح اجيب جاهز عليمن متعبه نفسج
تغدينا واجو اهله يباركون النه خلص النهار واجه اليل سويت بتزا لان الجهال يحبونها
وبليل اجو اخوانه اثنيينهم ونسوانهم يباركون النا
طلعو واني رحت بدلت ملابسي وخليت عطر جود ذكي
ويغار عليه
كال تعرفين ليش بطني توجعني البارحه
...ليش
...مو لان اكلت جبس لان عفتيني ورحتي يم بابا بعد لاتعوفيني اتمرض واروح للمستشفى
....متت من الضحك لا حبيبي ابد ما اعوفك اصلا اني ما اعرف انام اذا انت مو بحضني
لو تدري شكد احبك
...اني هم احبج هواي حتى اكثر من بابا
رحت فرشتلهم ونمت بلنص ومهدي رايح جاي
...مانام جود ياشرلي
...واني اضحك واكله بعدا كاعد
جمانه السعيدي
جود عبالك يحس بليلته ما يقبل ينام وبقه لازم ايدي بصعوبه يله نام سحبت نفسي على كيف وكمت استحي من مهدي وصلت لكيت مهدي غافي
لان تعبان البارحه مانايم والضهر عدنا خطار وتعب ونام رجعت اخذت جود بحضني ونمت للصبح كعدت وحضرت الريوك ورحت اكعد مهدي
وصلت يمه وعلى كيف مهدي مهدي تكعد
...فتح عيونه وكال بيش الساعه
...بلتسعه الصبح
..هااا الدنيا صبح نمت ما ادري بنفسي
...حضرت الريوك تكعد
...اي كعدت تريكنا وكال راح اسوك شتريدين اكتبي بورقه
هو طلع واني نضفت المطبخ وسبحت الجهال وشويت دجاج وبقيت انتضره
بقيت انتضر اتاخر الساعه ثنتين وهو ماكو اخابر علي ما يجاوب قلقت علي خابرت اخو كال ماكو شي هسه يجي
بقيت مامطمنه مو من عوايده مايرد على التليفون
اشويه واجا هو واخوانه اثنيينهم واكو جرح بايده وبوجها
لطمت على خدي هاي شصار
كال جاي امشي وطلع واحد من الفرع طفل ويسوق سياره
ودعمني من جهة السياره وتكسر الجام وجرحني
...يااا خاف متاذي حيل
...لا الحمد لله سليمه بس السياره تاذت المشكله ابو الولد خوش انسان وبس يتعذر وحالته الماديه موزينه وهاي السياره مشتريها قسط
انشغلنا يومين ناس رايحه وناس جايه تطمن علي
سمعته يحجي ويا اخووو يكول ماعندي فلوس تكفي تصليح فلوسي خلصن على العرس ويطلب من اخو يقرضه
اني رحت جبت ذهبي واجيت كتله اني وياك واحد
...اكيد واحد ليش اتسئلين
...اخذ الذهب وبيعه وصلح سيارتك
...مستحيل شكاعد تكولين
...احنا نجيب الذهب مو هو يجيبنا وانشاء الله تشتغل وجيبلي غيره
...انتي فعلا انسانه اصيله وماكو منج بس ذهبج مااخذا
اني اكدر ادبر نفسي لاتخافين
...احلفك بجهالك اخذه
...ومعزت جهالي ومعزتج الي من معزتهم ذهبج ما اخذه
جمانه السعيدي
وبعدين الرجال جاب مشيه واجا يعتذر وتحمل نص فلوس التصليح بقت السياره اسبوع بلتصليح وجابها
وسوينا عشى الوجه الله لان طلع سالم غانم والحمد لله
وعزمنا اهله كلهم وامي وهيفاء
بليل كال عوفي المطبخ اني اساعدج بلتنضيف من يرحون اهلي
بعدين اني وهيفاء نضفنا المطبخ ورتبنا البيت من التعب اجتني الدوره سبقت موعدها يومين
خلصنا وراحن امي وهيفاء
والجهال نامو كال ماتجين نتعرف على بعض
كتله هسه ما اكدر لان اكو عذر شرعي
...استغفر الله هاي منيين اجتني
هسه وكته خررررب
اصبر اسبوع وامري الله
بهذا الاسبوع اجنه كروتين وامي تجي تبات يمنا
راح كروه وبقه يومين خابرته كال باجر بليل اني يمكم
الصبح طبخت الاكل الي يحبه وسويت حلاوه جكليتيه وكيكه والعصر نضفت جسمي وسبحت ولبست دسداشه رياضيه صدرها وردنها تور وخليت ثوبي بلباس وكاعده انضف بغرفتي والجهال راحو يم امي
ما حسيت اله واحد واكف وراي التفت خفت لان وحدي بلبيت كلت يمه
مهدي...اسم الله اني لاتخافين
استحيت منه اني ابد مانازعه الشال كدامه ولا لابسه هيج لبس سحبت الشال وغطيت راسي واديه ونزلت ثوبي
جمانه السعيدي
مهدي...دخلت وهي ملتهيه تنضف اباوع مطيتني ضهرها الكصيبه نازله جوه الخلفيه والجسم ابيض التفتت الدشاشه الي لابستها تخبل عليها من ازوجنا لليوم ماشايفه لابسه هيج لبس من شافتني استحت وسحبت الشال وغطت شعرها واديها
مهدي سحبت الشال وكتله
ليش ضامه هذا الجمال عليه دنكت مستحيه
مهدي...وين الجهال
...يم امي
مهدي...كلش زين هسه راح نتعرف صدك
...خاف الجهال يجون وجود
مهدي...اذا اجه هسه جود انعل ابو واطيح حضه واكفلي مثل العضم بلعومي بشرفي لو يكسر الباب ما افتحه اله اليوم اريد اعلمه شني اني ويا شراكه
كل يوم احمد ربي الف مره على هاي النعمه الي اني بيها
من يدخل مهدي للبيت ويصيح وين امكم تسوه الدنيا كله
من انام جهالي يمي عندي بكنوز الارض من يحترمني مهدي يقدرني وياخذ رائي بكل شي هاي نعمه مالها مثيل
الحمد لله الله خلصني من كماله وكيده وضلم ام رياض
ونطاني هاي النعمه الي ماتتقدر بثمن ابد
صحيح اني ماصار عندي اطفال صار خمس سنوات على زواجي
رغم اني شكد راجعت وشكد اخذت علاجات بس ماكو فايده ابد
الحمد لله عندي جود ورونه بلدنيا ومابيه
ومهدي كلش يحبني ومقدرني وشايلني شيل
تمت