رواية اسود وابيض
الفصل التاسع عشر19والاخير
بقلم جمانه السعيدي
خليل...كعدنا كتلها تفضلي احجي بسرعه لان وراي شغل
تمارا...اني صديقة اسيل قبل اتصلت عليك من صفحتي حتى اقنعك ترجعها وانت حضرتني بس باسم ثاني
خليل...اي تفضلي احجي
تمارا...راح احجي كلشي بس رجاء لا تقاطعني لان هذا الكلام خطير وبلاخير راح اكولك ليش اني حجيت هيج
خليل...اسمعج
تمارا...اني صديقة اسيل من المتوسطه ودرسنا معهد تمريض سوا اسيل كانت تعاني مشكله بتاخر الدوره اصلا ما تجيها
الدوره قررت تراجع من جان عمرها ١٥ امها اخذتها تراجع بيها
طلع عدها ضمور بلرحم الدكتوره انطتها علاج بس اكدتلها
مستحيل راح تحمل بيوم من الايام
يعني هي وامها يعرفن هي مايصير عدها اطفال
مع ذالك من تقدمتلها وافقت عليك علمود وضعك المادي وبس جانت تكول خليل كنز راح ارتاح وياا طول العمر
اول زواجكم ابد ماكانت تحجي بموضوع الاطفال
لمن انت بديت تلح عليها
خافت تروح تحلل و تنكشف عرضت عليك تاخذ العينه
وتسوي تحليل الك والها
انت طلعت نسبتك ممتازه واكثر من ممتازه طبيب التحليل اتفتجئ كال الاسيل
على هاي النسبه راح اجيبين كله توامه
خافت انت تعرف هذا الشي وتتغير عليها لو تزوج غيرها
وتخسر كوم الفلوس الي وكعت علي غيرت التحليل
اتفقت وياا بنيه ويانه تسوي تحليل غير منتج للحيامل
وفعلا اخذته وانت شفته
خليل...تحجين صدك لو تشاقين
تمارا...طبعا احجي صدك وراح انطيك ادله تثبت كلامي
خل اكمل انت طلبت تحليل ثاني هلمره هي ماتعبت نفسها بس جابت ورقه من المستشفى وكتبت عليها تحليل مشابه الذاك التحليل جمانه السعيدي
رادتك تيئس تماما من هذا الموضوع وبعد ما تحجي بلاطفال
ابوك طلع صفح وحجزلك يم اكبر دكتور
بوقتهاهي سئلت على اسم الدكتور حتى تتلاحك روحها بسرعه راحت قبل الموعد بيوم الغرفة التحليل
سئلت البنيه الي واكفه على غرفة الدكتور اذا اكو وحده او واحد بلغرفه بي مجال يعني يقبل رشوه
اشرتلها على هناء بنيه تشتغل هناك وكالتها هاي كلشي تسوي بفلوس دخلت اسيل عليها واالفت قصه
كالتلها اني يتيمه وزوجي اخذ كل حلالي وفلوسي وهسه يريد يزوج عليه ويشمرني بلشارع باجر نجي اني وياا محتاجه منج تحليل مزور مشابه الهذا التحليل وشكد اطلبين اني حاضره
هناء كالتلها ميخالف بس كلشي اله ثمن لان زوجج من يطلع منا بعد بعمره مراح يفكر يروح الاي دكتور راح اخلي
ينام على وجها وبعد مايسئل دوم ورا هذا التحليل
اسيل...واني حاصره
هناء...عشر ورقات واخلي التحليل حتى عالميا يشتغل مو بس بالعراق
اسيل...هواي
هناء...لا مو هواي راح تحافظين على زوجج وبيتج
اسيل...اتفقنا استلم التحليل واسلمج المبلغ
ثاني يوم صممت اسيل تروح وياك قبل لا تدخلون دخلت الغرفة التحليل واتأكدت ورقة التحليل موجوده
وكلشي تمام سلمت المبلغ الهناء
من دخلت على الدكتور وقرا التحليل بعد انت تعرف الباقي
خليل....لا ياشيطانه صدك جذب
تمار...مو بس هاي من زعلت وانت ماقبلت تراضيه اشتغلت سحر مرتين بس ماجاب نتيجه وياك سحر خضوع
بعدين غيرت السحر وسوته الابوك اشتغل على ابوك رجعها وانطاها راتب محترم
تمارا...راح ادزلك كل المحادثات الي صارت بيني وبينها
جمانه السعيدي
خليل...ليش جايه هسه تكشفيها ليش مو من زمان ضاع ست سنوات من عمري واني حسره عليه الطفل
تمارا...لان صديقتي الوحيده طعنتني ذبحتني اريد انتقم منها كلشي حجيتها كوم وهاك الاقوى
خليل... بعد اكو شي افضع من الشي الي سمعته راسي كام يوجعني
تمارا...زوجتك جاي تخونك وياا زوجي صاحبتي الوحيده الي امنته على كلشي تريد تاخذ زوجي مني
هاك تفضل فتحت تليفونه بلصدفه امس لان حسيتها متغير حيل عليه وموبحالي
تفضل هاي صوره بملابس النوم جاي ادز هاي الصور الزوجي والكلام الي بينهم حدث ولا حرج
اني زوجته استحي احجي هيج حجي ويااا
حتى انت تحجي عليك وتخلي المحروس زوجي يضحك عليك وعلى اهلك
خليل...راسي يوجعني صدك جذب اني شجاي يصير وياي
دزيلي كل المحادثات والصور دزي كل اتفاق اتفقت
عليه اني لازم اشتكي عليها اذا ما اخليها تنام بلسجن
اني مو خليل
تمار...حيل بيها اني كان لازم اعرف الي تخون زوجها تخون صديقتها اني مستعده اشهد وياك على هذا الكلام
واساعدك توكعها
خليل...اخذت كل الصور والمحادثات القديمه والجديده
يله اوصلح لان عندي شغل هواي
خليل...نزلت تمارا وطلعت سويت تحليل خصوبه بقيت كاعد على نار بس هلمره كلبي مطمن
طلع التحليل ممتاز نسبتي كلش عاليه
ياربي ضلمت هاي المسكينه من ورا اسيل الله يلعنها
رجعت رحت النفس عيادة الدكتور
جان الدكتور بعده ما واصل بس غرفة التحليل مفتوحه
صممت دكتور ضياء هو الي يسويلي تحليل خصوبه
بقيت تنتضر ساعه وطلع
الدكتور اتعجب ماشاء الله نسبتك كلش عاليه
خليل...اكو بنيه هنا تشتغل وياكم اسمها هناء
ضياء..ليش تسئل
خليل..عندي شغله وياها
ضياء...اي شويه وتجي
خليل... تمام طلعت المركز الشرطه قدمت بلاغ بااسيل
واتهمتها بتزوير التحليل بمساعدة هناء
ورجعت رفعت عليها قضيه ثانيه قضية خيانه والصور الفاضحه بينها وبين زوج تمارا
خليل...اريد قوه تطلع وياي هسه تقبض على زوجتي
الضابط....اي تمام هسه اطلع وياك قوه
فعلا طلعت وياي سياره ببها ضابط وأربع شرطه
وصلت للبيت دخلت جوا وكمت اصيح اسيل اسيل تعاي
نزلت من فوك وبيدها تليفونها لأبسه تراك ورافعه شعرها
اخذتها من ايدها للباب وصلت كتله تفضل حضرت الضابط
هاي زوجتي
جريت التليفون من ايدها
اسيل.. يااا شبيك تخبلت
امي...ياا خليل ليش هيج
خليل...مالج شغل يمه ادخلي جوه
التفتت على الضابط حضرت الضابط اروح وياكم تقبضون على هناء
الضابط...عندك دليل ضدها
خليل...اي عندي دليل وعندي شاهد
الضابط تفضل
خليل...اني امشي بلسياره قبلهم ابوي حرك التليفون اكيد امي اتصلت بي قفلت تليفوني اني يضحكن عليه بنات ابليس اني اعلمجن
دخلنا جوه المراجعين كلهم ارتبكووو
الضابط..وين هناء
هناء...اني هناء تفضل
الضابط. تفضلي ويانه عليج إلقاء قبض
هناء..ليش اني شمسويه
الضابط من نوصل تعرفين
بس نزلوها ودخلت سيارة الشرطه وشافت اسيل ارتبكت اكثر
وصلنا للمركز وبدا يحققون وياا هناء بس شافت اسيل
كالت اني مااعرفها هي انطتني فلوس حتى أزور التحليل
اذا اكو وحده لازم تسجنوها زوجته
اني شنو علاقتي بلموضوع
خليل...وهنا ثبتت تهمة التحريض على التزوير على اسيل
وتهمت الخيانه موجوده بلمحادثات والصور
قرر الضابط يحجزهن ثنيينهن على ذمة التحقيق
منا لمن تكمل القضيه
واني اجيب الشهود واجيب التحليل القديم والتحاليل الجديده
عفتهن ورحت طاير على بيت مريم كسرت الباب محد فتحلي لان اني ناسي المفتاح بلبيت
طفرت لكيت البيت كله مقفل وماكو اي احد جوه
طلعت صعدت السياره وطرت البيتهم القديم
بس وصلت لكيته مفلش
صاحب البيت بس طلعن مريم وامها فلش البيت لان بيت قديم كلش
رحت البيت ام محمد دكيت الباب طلع ابنهم كتله اريد امك
طلعت ام محمد اول ماشافتني تفاجئت
خليل...شلونج خاله جمانه السعيدي
ام محمد...اني زعلانه عليك هاي الامانه هيج اسوي بيها
خليل...وين مريم
ام محمد...شتريد منها بعد كافي علبها الشي الي شافته وياك
عوفها بحالها
خليل...ابوس ايدج خاله كولي وين لان ضغطي صعد
اني ضربتني جلطه وجنت نايم مستشفى
ام محمد....هذا البيت فلشو
بقت شهر منتضرتك ترجع بيتك بس انت حتى ما سئلت عنها
تعبت من بعدك وحاله حال نساوه وقهر وتعب
وفواكه انت تتهمه بشرفها
خليل...ابوس ايدج اني مااتحمل ضغطي صعد دليني عليها
ام محمد...خاف تتعارك وياها
خليل..اريد ابوس رجليه حتى ترضا
ام محمد... الشارع الي ورانا بنص الشارع اكو ببت ابيض
طالع منه مشتمل لون باب المشتمل ابيض
بيت هويدي اسم اهل البيت هي مااجره منهم هذا المشتمل
ولله ياخاله عيشتها صعبه ايجار وعلاج امها حملها متعبها حيل كوه تمشي
خليل...شكرا خاله الف شكر صعدت بلسياره مشيت ولفت بلشارع الثاني لكيت كم بيت لونهن ابيض وواحد طالع منه مشتمل نزلت سئلت الجهال كالو اي هو هذا بيت هويدي
دكيت الباب دكات كلبي صارت سريعه خايف اكون اتاخرت وراح اخسرها للابد
مريم...منو جمانه السعيدي
خليل....من سمعت صوتها ردتلي روحي مثل عادته ما تفتح الباب اله تعرف منو ورا الباب
مريم...منو
خليل...اني من سمعت صوتي سكتت
خليل...مريم اني خليل
مريم...شتريد
خليل...اريد احجي وياج
مريم..ماكو اي كلام بينا روح بحالك
خليل...مااروح ولا اتحرك منا اذا ما تفتحين الباب وتسمعيني
مريم...اني مااعرفك وماكو شي بينا روح الله يسهلك
خليل...افتحي الباب واسمعيني اني ضربتني جلطه وجنت نايم بلمستشفى تعرضت الحادث رجلي انكسرت
وايدي انخلعت ليش ما سئلتي عليه
مريم...اني مااعرفك ليش اسئل عنك
خليل...منضري مو حلو واكف بلشارع الناس تباوع عليه افتحي الباب خل نتفاهم
مريم...روح خليل روح وانساني كافي اني تحملت هواي
خليل...وابني هذا الي بطنج
مريم...مو انت نكرته خلاص
خليل...افتحي الباب بداعت امج انتي مو تكولين امي عزيزه
سكتت شويه
فتحت الباب لابسه بوشيه وعبايه
مريم..تفضل
خليل...ليش لابسه عبايه مني
مريم..انت طليقي يمكن نسيت
خليل...اني احبج وجاي اعتذر منج
راسا نزلن دموعها ومسحتهن
خليل...لا تبجين اني اسف بس ولله لو تسمعين قصتي مستحيل اتصدكبن الشي الي صار وياي
مريم.. مايهمني اسمع انت عشت وياي وشفت طبعي
اخر شي تتهمني بشرفي انت اكثر واحد تعرف اخلاقي
تتهمني بشرفي ما يهمني اسمع اي شي منك
خليل...ولو لازم احجي اريد احجي بحضور امج لان هي جبيره وراح تقدر كلامي
مريم...تفضل
خليل..دخلت سلمت على امها امها زعلانه مني
كعدت على كرسي كبال امها وهي بقت واكفه
بديت احجي كلشي صار وياي من يوم ازوجت اسيل لليوم
وشلون اسيل جانت تلعب عليه
وشلون زورت التقرير وضحكت عليه
خليل...اليوم اني اشتكيت على اسيل ودخلتها للسجن
بس ولله مابردت نار كلبي ودي اموتها خلاص
ضاع من عمري ست سنوات واني عايش بجذبه جبيره
جان هسه ابني بطولي
اخ اخ شكد مرت عليه ضروف صعبه
مريم... صدك ضربتك جلطه
خليل...من ضربتج وطلعت ضغطي صعد امشي مااشوف ضربت عمود الكهرباء جلطه وحادث بوقت واحد
شهرين اني ماامشي امشي قليل على عكاز
جمانه السعيدي
خلي نفسج بمكاني اذا عندج تقرير من احسن دكتور بغداد يثبت انتي مستحيل تخلفين وفجئه اعرف انتي حامل
عقلي مااستوعب الخبر اجتني جلطه جان متت
اني مستعد اجيبلج التقرير القديم
اني اعرف أسرعت هواي بس ماكدرت اتحكم بمشاعري
صدكي ماكدرت انساج ولا يوم واحد
مريم...ولو الشي الي سويته بي مو قليل
خليل...ارجعيلي مريم ولله ضعت بدونج ولله مااكدر
غلطت اني اعترف غلطت بس مو متعمد
اني انضحك عليه
مريم...اني الي تعبت ومتت حمل وفراك وهجر واني تعبت خليل اخاف منك كمت خاف تغدر بيه
خليل...بعمري مراح اغدر بيج انتي زوجتي وام ابني
خل اشوف بطنج
سكتت شويه وفتحت العبايه بطنها عبالك طوبه
خليل...اريد الزمها اريد الزم ابني
مريم...لمن نرجع نزوج من جديد
خليل....هسه راح اجيب الشيخ والشهود وارجع
طلعت امشي بدون وعي امشي مدري اركض مدري وين اروح دخلت مكتب الشيخ لكيته يحجي وياا ثنيين
شيخنا اريدك تعقدلي واريد ذوله الخيرين شهود
صعدو وياي ورجعت عقدت على مريم
خليل...يله تعاي وياي لازم تتعرفين على اهلي
وبعدين نرجع ناخذ امج
صعدنا بلسياره اني وياها وصلت لكيت بيتنا مخبوص خبص لان اني دخلت اسيل السجن
ابوي.. هاي شسويت
خليل.. اكعدو خل احجيلكم كلشي صار وياي
حجيتلهم كلشي طلعت جبت مريم من السياره
خليل...هاي زوجتي ازوجته قبل ست اشهر حامل بابني
اهلي بقو واحد يباوع بوجه الثاني
ابوي...صدك تحجي
خليل...مريم ارفعي البوشيه هاي زوجتي حامل بلشهر
الرابع
ابوي...ولله مااصدك ازوجت من ورانا
خليل...الله دزلي هديه قابل ارفضها
مريم...تقدمت ودنكت بست ايد ابو خليل وكتله شلونك عمي
ابوي...هله بنيتي هله
رجعت بست ام خليل بس قربت عليها حضنتني حيل
ام خليل....يمه هله انتي حامل يعني رب العالمين ما فشلني وخليل راح يصير عنده ابن
خليل...عشره يمه مو واحد اريد عشره
ماقبلت اتنازل عن اسيل هي وهناء رغم عمي شكد حاول يأثر عليه موضوعها وياا زوج تمارا كارثه
هناء انحكمت سنه وإيقاف عن العمل وغرامه ماليه واسيل انحكمت ٣ سنوات
علاقتنا بيت عمي انكطعت لان يدرون بعمايل اسيل وساكتين عليها
سنة ٢٠١٧ صار عندي رضا سنة ٢٠١٩ صار عندي حسن
سنة ٢٠٢١ صار عندي امير سنة ٢٠٢٣ صارت عندي بنيه
سميتها ازل
اريد بعد بس مريم تكول كافي
اني ومريم وامها ساكنين بنفس البيت الي جنا ساكنين بي
واخوي ازوج صار عنده ثنيبن اطفال
تمت