رواية اسود وابيض
الفصل الاول1
بقلم جمانه السعيدي
قصه حقيقيه
اني خليل مواليد ٨٥ شاب مرتب من عائله متمكنه
ابيض عيوني جوزي طولي ١٨٠ خريج صناعه
الصراحه اني ماعندي واهس بلدراسه كنت امشيها شلون مجان
حتى الصناعه مااعرف شلون خلصتها
رغم اني ذكي واستوعب بس ماأحب المدرسه
لو ماابوي يلح على موضوع الشهاده
مجان كملت يله شهادة صناعه احسن من ماكوووو
على فكره اختصاصي كهربائية
احنا متمكنيين ابوي تاجر المنيوم يستورد المنييوم
ويورد الأصحاب المحلات الي يشتغلون بلالمنيوم
يعني تاجر جمله
اصحاب المحلات الي يشتغلون بلكاونترات والأبواب الألمنيوم ياخذون منه
ابوي معروف باامانته وينصح الزباين بلبضاعه الزينه
جمانه مرحبا
يساعد العملاء ممكن ياخذ قسم من الفلوس
والقسم الثاني بعد كم شهر
لان ياخذون على التصريف
تكدرون تكوولون من التجار الكبار عندي اخ ازغر مني
وخوآت ثنيين اني اكبر واحد بلعائله
اخوي علي دخل كلية تربيه
والبنات اتخرجن وحده معهد حاسبه ووحده معهد طبي
بيتنا جبير وبناء حديث
علاقتي باابوي كلش قويه متفاهمين اني ويااا
عبالك اصدقاء مو ابن وابو
اما امي كانت تحبني أكثر واحد
اكثر واحد بلبيت تحبني
تكول انت عاقل وفاهم وما تعبتني لا من جنت زغير ولا
من كبرت
اني متكامل نفسيا بسبب عائلتي وحبهم اليه
بعمري ماحسيت ناقصني شي
عندي ثقه بنفسي واحب الشغل علاقاتي بلناس اكثر
من ممتازه
بعمري ما زعلت احد اتعامل وياا الناس بمرونه
اني احب بت عمي
من عمري ١٥ سنه واني احبها متعلق بيها مو شلون مجان
هي حلوه حلوه حلوه
طويله بيضه عيونها حلوات جسمها يخبل
تقريبا بطولي هي تعرف اني احبها لان اني دائما اروح عليهم
بس حتى اشوفها مايفوت يومين اذا مااروح اشوفها
طبعا الكل يعرف اني احبها
اهلي واهلها الطرفين ماعدهم مانع بلعكس اهلي واهلها يشجعونا على هاي الخطوه
لان اني انسان محترم بعمري ماحاولت اقلل ادب
اواستغل فرصه ولا حاولت أقرب عليها من ورا اهلها
اعاملها بااحترام
لان اني احترم عمي وولد عمي
اعتبر هذا الحب مقدس واي تصرف من وراهم يعتبر خيانه
بلنسبه البيت عمي كلش يحترموني
وعدهم ثقه بيا مو شلون مجان
بيت عمي وضعهم المادي متوسط وهم هما عائله جبيره
احنا وضعنا المادي احسن منهم الف مره
علاقتنا اني وبت عمي عباره عن نضرات وابتسامه متبادله وبس
لان اني وياها مستحيل ننفرد بعض
بيت عمي هوسه عائله جبيره وهي ما تجينا دائما اله اكو مناسبه
ومن تجي هي وامها وخواتها
المهم كل واحد بينا يعرف مشاعر الثاني من النضرات
واني لان مطمن اهلي موافقين
واهلها ماعدهم مانع
ماكنت احاول استفرد بيها او احاول احجي وياها بمواضيع خاصه
كنت احسها الي يعني تبادلني نفس المشاعر
ما محتاج أوضح الها او احجي وياها
الحد ما وصلنا سنة ٢٠١٠ صار عمري ٢٥ سنه
وهي خلصت معهد تمريض
قررت افاتح ابوي بموضوع الخطوبه
خصوصا اني سمعت جاي تجي عليها ناس تطلبها للزواج
لان هي الصراحه حلوه ومرتبه وبت عائله
بلاضافه خريجه وبوقتها كانت خريجات التمريض يتعيينن بسرعه
جمانه مرحبا
خليل ....يابه اريد احجي وياك بموضوع انت وامي
ابوي...اي اسمعك
خليل...انت تعرف اني اريد اسيل بت عمي من زمان
ابوي...اي
خليل....اني بعد عمري صار ٢٥ وهي تخرجت اريد اتقدملها
ابوي...هذا اليوم الي جنت انتضره طول عمري
امي...اي يوم الهنى اريد اشوف جهالك
خليل...زين يابه فاتح عمي بهذا الموضوع
ابوي....عمك موافق اني اطمنك
خليل...خلاص نتوكل على رب العالمين
بليل ابوي اتصل على عمي وحدد يوم المهر
الكل كان فرحان بهذي المناسبه والتحضيرات بدت من اول يوم قررنا بي ننخطب اني واسبل
عمي ماقبل نجيب مشيه جبيره يكول احنا اهل عليمن
انجيب ناس غريبه قابل اول مره نعرفكم لو راح نسئل عنكم
المشيه كانت الاقارب وبس خوالي وولد عم ابوي وكم واحد من اصدقائي جمانه السعيدي
الذهب احنا اشترينا على ذوقنا كلاده جبيره وتراجي
كبار ومحابس ثنيين وحلقه وسوار
الذهب فخم وحلو اما الملابس دزينالها فلوس حتى هي تشتري اي شي يعجبها
بيوم المهر كنت طاير من الفرح
ما مصدك نفسي واخيرا حبيبتي راح تجي ونسكن اني وياها سوا
راح تكون ملكي وحلالي
عقدلها الشيخ وبعدين اني دخلت عليها طالعه مثل الاميرات هي حلوه لابسه فستان ماروني يخبل
عليها شعرها فاتحته والمكياج
احس عيون مجاي تشبع شوف منها
هاي اول مره أقرب منها واحضنها وابوسها
ولا مصدك نفسي واخيرا
هي كانت فرحانه نفس فرحتي واكثر
بيومها ابوي دزلهم مسواك من الصبح بلاضافه للحلويات
والعصاير والكيك جمانه السعيدي
بقينا كلنا تعشينا بيت عمي وبعدين رجعنا
ماكدرت احجي وياها لان الببت هوسه عائلتنا كلها وعائلة بيت عمي
واني احس العيون عليا بقيت كاعد يم الزلم وماكدرت ادخل جوه مره ثانيه
بس اني ما مستعجل هي اصلا صارت زوجتي
وقريبا راح ننجمع بيت واحد
ثاني يوم اشتريتلها تليفون حديث واخذته ورحت البيت عمي
دخلت سلمت على زوجت عمي وبقيت انتضرها
اجت لأبسه ثوب سماني كصير ورافعه شعرها
بس دخلت سلمت عليه
اني ابتسمت
خليل...هلوووز شلونج
اسيل...تمام انت شلونك
خليل....اني وضعي ممتاز
اسيل....شو ممتاز ومبتسم
خليل....مااكدر اشوفج وماابتسم حتى كلبي مبتسم
اسيل....شلون عرفت كلبك مبتسم ترا ما يبين محتاج اشعه مقطعيه
خليل.... لان كلبي يحبج احسه من يشوفج يبتسم
اسيل....حلو كلامك
خليل...انتي احلى بهواي من كلامي
تعرفين اني صار عشر سنوات احبج
اسيل...وليش ساكت ما تحجي
خليل...واخون الثقه انت بت عمي يعني من ضمن عائلتي
اسيل....بس لو ملمحلي
خليل...على اساس ما تعرفين اني احبج
اسيل...الصراحه اعرف ومتاكده
خليل...جبتلج تليفون
اسيل....الله يخبل شكرا
خليل....يوميه راح افاجئج بشي
اسيل.... ياحبيب كلبي
خليل....بس
اسيل....اموت عليك
خليل....مستحيل اني الي اموت عليج
اسيل...الله يحفظك اليه