رواية منقذي الجزء الثاني2من زواج في الحرب الفصل السابع7بقلم اماني الروح
بعد كم يوم من الكلام دا اتصلت علي سامرين وقالت لي وليد ناوي عليك نية ما كويسة واحسن انك تختفي وترجع المكان الكنت فيهو قلتا ليها اتلمي انتي واخوك وبعدين جاية تحذريني لي وبي صفتك شنو مش انتي شريكة معاهم وليك دور كبير في الأوراق الاتوقعت بي اسمي ولا دي لعبة جديدة منكم قالت لي استكين شويا واهداء وافهمني انا اخوي عندي بي الدنيا والعملو فيك تخليص حق وبعد دا كلو ما اظن يقدر يرجع زي الاول بس انا خايفة عليهو يتهور ويعمل حاجة فيك او في مرتك ويتورط في جريمة نحن في غنى عنهاااا قلتا ليهااا يبقي دا آخر يوم في حياتك انتي واخوك لو لمستو شعرة من مرتي وخليكم بعيدين عني وقفلتا في وشهااا .. انا خفتا على نجلاااء شديد وخصوصا انها كانت تعبانة فقررت اسفرها الإمارات لي أهلي وانا اقعد هنا احاول اللملم باقي الفضل وارتب أوضاعي واشوف لي شغل جديد .. فعلا سفرتهااا واضطريت ابيع البيت والعربية علشان ابدا من جديد فتحتا مشروع صغير بعيد كل البعد عن الهندسة بقيت اضارب في البورصة واشتري شوية أسهم في عدت شركات على أمل اني اكسب والدنيا تشتغل معاي بس كل مرة كنت بخسر والدنيا اتقفلت في وشي في الاخير قررتا ارجع الإمارات .. رجعتا وقدمتا في كم شركة واخيرا اشتغلتا في شركة في قسم البرمجيات ونجلاء كان ولدت والحياة ماشة تظبط معانا وجات احلى تالا كن مبسوطين بيها جدا بعد تالا عملت تسعة اشهر نجلاء خلتا مع امي ونزلت شغل في المستشفي والحياة رجعت كويسة معانا بعد تالا تمت سنتين نجلاء امها اتوفت رجعنا السودان انا وهي وتالا .. الوضع في بيتهم كان صعب اخواتها صغار وابوها براهو فا اضطرت انها تقعد معاهم وانا رجعتا الإمارات فقدتها كتير هي وتالا كنت بفكر ارجع استقر في السودان بس ما كان بنفع لو ضيعتا شغلي الحالي تاني ما بلقي زيو فكنت لازم استحمل ونسيت خالص وليد وتهديدو لي في يوم كنت في الشغل اتصلت علي اخت نجلاء وكانت بتصرخ وبتبكي قالت لي الحق نجلاء بتموت بقيت ما واعي بي الجمبي قلبي طلع من محلو حاولتا افهم منها بس ما كانت بتقول غير نجلاء بتموت ما عرفتا اتصرف ولا كان فيني حيل اتحرك جسمي اتصلب في مكانو بقيت نص ساعة على الحالة دي لقات ما اتمالكتا اعصابي واتصلتا على معمر اخوي وحكيت ليهو بي المكالمة الجاتني .. قفل مني وجاني في محل شغلي ..
ريل حبيبي مالك بتبكي في شنو .. كيف في شنو ي مصطفي نجلاء ماتت بي البساطة دي حرام وخلت طفلة صغيرة وراهااا بي الجد قلبي وجعني .ربنا يرحمها ويغفر ليها ويجعل قبرها روضة من رياض الجنة .. احلى حاجة في ريل حنيتهااا وقلبها الأبيض اقل حاجة ممكن تبكيها وابسط حاجها ممكن تفرحها اكيد كنت حا اخسر كتير لو خسرتا ريل يوم اتهمتها انها فرطت في تالا كل ما اتذكر اليوم دا والكلام الوجهتو ليها بكره نفسي بس ارجع واقول اكيد في زول بخطط انو يفرقنا من بعض لانو في اليوم داك جاني اتصال من وحدة وقالت لي تالا بتك بتموت وريل هي السبب عايزة تخلص منها انا اكيد ما صدقتا انو ريل تعمل كدة بس الاتصال كان ليهو تأثير علي وخصوصا تالا في نفس اليوم كان وقعت واغمى عليها وهي مع ريل في مركز التجميل علشان كدة انا انفعلت في ريل وسمعتها كلام بوجع اكيد ما حكيت لي ريل بي الاتصال دا لانو مستحيل كان تسامحني وحتفقد الثقة فيني لي الأبد ..
كنت متأثرة جدا بي كلام مصطفي وكيف ماتت نجلاء صح كنت غيرانة منها وهو بحكي قدر شنو كان متعلق بيها بس برضو قلبي وجعني عليها شابة وفي بداية حياتهااا وعندها طفلة بكيت من قلبي وهو بحكي لي لما شافني متأثرة شديد حضني عليهو وبطل يحكي وبقي يواسي فيني مع انو هو المحتاجة يطبطب عليهو بس حصل العكس اكتر حاجة مميزة في مصطفي انو بديني الاولوية في كل حاجة وبنسي نفسو وبكون مركز معاي وبراعي لي مشاعري وردات فعلي مصطفي نعمة كبيرة من ربنا وكل يوم بحمد ربنا عليها هو احلى حاجة حصلت لي في حياتي .. وانا في حضنو وصلتني رسالة سحبتا التلفون وفتحتو لقيتو نفس الرقم الغريب مرسل لي صورة عملتها ليها تحميل لما فتحت معاي كانت المفاجأة..