الفصل العشرون20
بقلم اسرار جمعة
أجزنا من الجامعة ...
وحددنا موعد العرس بعد أسبوعين، كان نفسي أعمل عودة قبل العرس لكن ما قدرت ...
الأسبوعين بقيت مقضياهم مشي للسوق، ويقين ونور كان برضو بعد مرات بمشوا معي أو بسوق دعاء، وبقيت ما بمشي المركز الفترة دي ...
*مرت الايام بسرعة وجا يوم العقد ...*
سمعنا صوت الطلق قالوا معناتو عقدوا
وفعلاً ده الحصل♡
بقيت أبكي 😭
نور جات حضنتني وبقت تبكي معي😭♡
نور: مرت أخوي السمحة مُبارك ربنا يسعدكم في حياتكم ♡
انا: اللهم أمين
طبعاً قلت ليها وقت العقد إلا تجيني وتكوني معي في اللحظة دي
و أنا معتبراكِ ذي أختي وأكتر، كيف ما تجي لي أختك وتخليها براها وكدا حنكتها😭😹♡
باقي البنات جوا باركوا لي♡
ولقيت بنات المركز كلهم جوا والبنات الختموا كمان يا الله أشتقت ليهم ياخ ♡
دعاء : يا بت تبكي ليها شنو!
أنا كان عرست بضحك عديل
سلمى: دي دموع الفرح
دعاء: لالا كان كدا أبكي ما بسالك
وبقت ترغي كتير لمن خلتني أضحك 😹♡
الناس أتغدوا ...
طبعاً ماف حفلة و لا حاجة، عرس على حسب ما يوافق الشرع ويرضي ربنا ♡
*في الكوفير ...*
مكيجوني بدون يقربوا من حواجبي وينمصوها
أصلاً الكوفير ده خاص بالمُنتقات♡
وما قاعدين يعملوا حاجات مُحرمة ذي النمص وتوصيل الشعر ... الخ؛ عشان ما يأخدوا آثم.
لبست الفستان الأبيض وكان رهيب جداً ♡
مع النقاب وجونتيات وتاج، حسيت نفسي ملكة بالجد ♡♡
ياخ لمن عجبتني روحي، وبقيت أشاغلني في المراية😹♡
البنات جو بقوا يقولوا لي دي شنو الحلاوة دي وبتاع لمن خجلوني🙈
مشيت قعدت في مكان الإنتظار، بعدين راشلي "أي رااااشلي🌚🔪" جا ساقني، هو سايق العربية طبعاً مشينا أتصورنا والمصورة بت.
وصلنا البيت ...
عاملين مكان مفصول لي النسوان مشيت بي هناك، وهو مشى لي أصحابوا يباركوا ليهو ...
يعني ما أتحرمت من حاجة نهائي، بالعكس حاجة حِلوة جداً أنو شخص يبدأ حياته بي رضا ربنا؛ عشان نرضا بي حياتنا ♡
مسافرين السعودية و ح أسكن هناك.
جات لحظة الوداع ...
مسكت أمي بكيت معاها، وأبوي جا حضني، ياخ بكيت جنس بكى!
ح أشتاق ليهم ياخ
و ح أشتاق لمن أمي تكون شغالة في المطبخ أجي أشاغلها، ولمن تكون قاعدة تحمر في البطاطس أجي أشيل منو تشاكلني😭😹♡
وأبوي لمن يجي من الشغل أمشي أجيب ليهو موية ♡
وبعده ودعت ناس سلمى، ودعاء كانت مافيشة، لقيتها قاعدة في طاولة شوية بعيدة ومدنقرة رأسها شكلها كانت قاعدة تبكي🥺
خليتهم ينادوها لي جاتني حضنتها وبقينا نبكي مع بعض
وأتزكرت مناقرتنا مع بعض وبرامجنا وطلعاتنا ح افقدها ياخ
بعد مسافة مسحت دموعها قالت لي خلاص كفاية دراما وأصلاً كدا كدا أنا ح ألحقك، يا ترسلي لي تذكرة أجيكِ،يا ح أكون جيتك مع راجلي، أما لو ما قادرة على فراقي شديدد عادي دخليني هسه في شنطتك دي بس
كلنا ضحكنا على إستهبالها😹
ياخ البت دي عسل اللهم باااارك♡
ودعت بنات المركز وخالتو سوسن
أما لمن دور نور ويقين الا فكونا من بعض😭😹
أكتر أثنين ح يفرقوا معي
يعني أنحنا قرينا تالت في المدرسة سوا، و في الاجازة كنا اليوم كلو بنكون قاعدين في المركز مع بعض، والجامعة مع بعض
ودائماً بيكونوا جنبي وبلقاهم في كل كبيرة وصغيرة، فجأة كدا تاني ما ح أقدر أشوفهم قريب وأسكن بعيد منهم! 🥺
ومشينا على المطار
وطلعنا على السعودية♡
أصلاً أنا كان نفسي أمشيها وأعمل عمرة، ودائماً بدعي أنو ربنا يبلغني مكة، و ها قد تم! ♡♡
وصلنا وأول حاجة مشينا مكة نعمر♡♡
يا الله لمن شفت الكعبة 😭♡
والعجب لمن وقفت جنبها بقيت أرجف عديل♡
ما مصدقة إني واقفة جنبها !♡
أحاسيسي كانت ملخبطة شديد، حتى النسيم بتاعها مُختلف وحِلو ♡
يعني جمال كدا مُبالغة! ♡
هسه أنا ح أسكن جنبها يعني😭 ؟!
الحمد لله الحمد لله ♡
*وإني يا الله أرغب بُعمرة*
*أغسل بها روحي*
*فاللهم بلغني مكة♡♡.*
*إستغفروا🌻💛..*