رواية جراح الحب الفصل الواحد والعشرون21بقلم جني
-ما تنجزي بقا يا نادين غلبتيني معاكِ!
-سيبني بقا ..يابني جواز الصالونات دة مينفعش معايا
-يابنتي انا عملت كل حاجة عشان تسكتي وتشيلي الهبل دة من دماغك اعمل اية تاني ؟؟
-في حاجة ممكن تعملها هتخليني احبك بجد ..بس اي دي بقا هتبقا سر ما بينا
-اية هي !!هعمل اي حاجة
-انك تساعدني اتجوز اللي بحبه
بصدمة :نعم ياختي
-ايوا الله مش انت قولت هتعمل اي حاجة
-ودة مين دة ان شاء الله
-دة ..جنتل مان!حد كدة جميل وهادي
-يعني انا بقالي شهور بحاول ارضيكي واعملك اللي انتِ عايزاه وف الاخر تقوليلي ساعدني اتجوز اللي بحبه
-يا سيف قولتلك مليون مرة انت مش التايب
-تايب!!تايب اي يابت
-يعني …بص هفهمك كل واحدة مننا ليها زوق !وانت مش زوقي
-لية كنت سيف بالشوكلاتة وانتي عايزة حد بالبستاشيو ؟
-على فكرة دمك تقيل جدا وبجد مش حلوة
-ومين قالك اني بهزر !! انتي فاكراني عروسة باربي بتلعبي بيها ولا اي !! دة انا عملت كل حاجة ناقص ابوس رجلك!! يخربيت ام الحب يا شيخة
-لية وانت يعني كنت بتحبني !
-انتي عبيطة يا نادين ؟وانا لو مكنتش بحبك كنت عملت كل دة !
-..هممم ! طب منا لو قبلت هطلب حاجات كتير اوي
-هيكون اكتر من اللي طلبتيه ف اي !! انتي بجد مش عايزة تكملي معايا
-يادي النيلة قولتلك احيانا جواز الصالونات مبينفعش
-صالونات اي ؟انتي هبلة ؟دة انا عارف بقالي سنة وبعدها جيت خطبتك فين الصالونات
-عارف المشكلة فين
-فين ؟
-ان بابا موافق عليك
-والله ؟على فكرة انتي بجد مستفزة !! وعامةً خلاص انا هكلمه وهقوله اني مش عايز اكمل
متخافيش لو سألني اية مش هقوله انك انسانة مغفلة
شهقت بصدمة :انا
-ومهزقة وعايزة خطيبها يجوزها اللي بتحبه
-انا يا سيف انا ؟
-لا انا .. معرفش اي السواد دة !! كل شوية تقولي مش عايزة اتجوز خلاص متتجوزيش
انا ماشي
-يادي النيلة ! ماشي ياسيف يابن جليلة !!
-ماشي
-انت ماشي بجد استنى يا بستاشيو!!
"قامت تجري وراه "-يابني .. بنهج مش قادرة استنى انت مركب عجل في رجلك
-انتي عايزة اي !! مش عايزة تسيبيني انا هخلصك مني
-هتنط ف النيل ولا اي ؟
-ياريت كنت خلصت نفسي منك ومن جنانك اللي مبخلصش منه
-خلاص بقا يا سفاسيفو بهزر معاك ..
-بتهزري اي ؟انتي بتهينيني يابنتي
-طب انا هسألك سؤال وترد بكل صراحة
-خير
-هي دي يعني اول مرة اسيبك فيها ؟
-اوففف!! لأ
-ولا تكونش مش متعود
-لا المرادي هبت منك
-مانت عارف اني متقلبة المزاج
-ف عايزاني اجوزك واحد جنتل وجميل ؟
-مانت مسألتش هو مين !
-وياترى مين سعيد الحظ دة ؟
-انت يا بستاشيو !
-بستاشيو اية يا نادين !! ماتحترمي نفسك بقا هو انا عشان سبتهالك
-بدلعك .. خلاص يا سيف عايز تسيبني سيبني بس افتكر ان انت الخسران دة غير اني هخلي حياتك جحيم وابقا وريني بقا مين هتستجرى تدخل حياتك من بعدي وانا هوريك وهوريها
-مش كنتي عايزة تسيبيني من دقيقتين
-انت هتمسكهالي ذلة!ما قولنا مش اول مرة اسيبك
-مغلباني !!
بغمزة :بس بتحبني
بضحك :للأسف !!