رواية زواج في الحرب الفصل السادس والعشرون26بقلم اماني الروح
زواج في الحرب 👰🏻♀ 26
مصطفي قرب مني عايز يتكلم قلتا لي انسي اي حاجة وحاليا مصلحة تالا فوق كل شي انا وتالا حنجي معاك شقتك🥺😳 وانت حيطلع برا تطمنهم وتكلمهم بي الكلام دا وتخليهم يمشو كلهم انا شخصيا ما قادرة اتعامل مع زول فيهم ولا حتى آنت بس لي الضرورة أحكام كان بنفذ كل كلامي بدون نقاش🤫🫠 وفعلا مشينا انا وهو وتالا شقتو واديتو عنوان الفندق علشان يجيب لي شنطتي كنت ناوية ابعد عنو بس دائما القدر برجعني ليهو هل قدرنا انو نكون مع بعض ولا دي مجرد صدفة 😞😔ماعارفة حا اتعامل معاهو كيف ماعارفة طبيعة العلاقة البتربطني بيهو حيكون اسمها شنو من جوايا حاسة اني بحبو وما حا اقدر استغني عنو بس مجروحة منو وشديد كمان 😔😟 ماعندي ثقة فيهو في اي موقف يحصل بهاجمني وببخ كمية من السم فيني ما بتردد ولا لحظة في انو يوجعني ويازيني بي الكلام والتصرفات ما عندو امان في لحظة بنسي اي حاجة وبتقلب علي 😨😰كانو ما بعرفني فايدة الحب شنو لو ما حسينا بي الأمان مع البنحبهم وعايشين في تهديد طول الوقت ومنتظرين ومتوقعين الهجوم في اي لحظة منهم💔😭 قطع تفكيري مصطفي قال لي جبتا ليك الشنطة شلتها منو ومشيت جاء لاحقني ومسكني من يدي قال لي ممكن تسمعيني قلتا لي كلامي معاك واضح انا مافي حاجة بتربطني فيك غير تالا واكيد حيجي يوم ونفترق لأنك ببساطة ما عندك امان🥹🥺 يا ريت تحترم كلامي وما تحاول تتعامل معاي غير في حاجة بتخص تالا كلامي واضح وتاني ما عايزة أعيدو سحبتا يدي ودخلتا لي تالا كانت لسة نايمة صحيتا قلتا ليهاااا يلااا ي جميل بطلي كسل🥹☺️ ويلا ساعديني في المطبخ قالت لي نعسانة انا قلتا ليها ناكل حاجة ونرجع ننوم تاني شلتها ومشينا المطبخ قعدتها في السفرة وبقيت بجهز في الأكل🧇🥞 قلتا ليها رايك شنو ننادي بابا يساعدنا سكتت انا ناديت مصطفي قلتا لي تعال جهز معانا الاكل توتا جعانة فعلا جاء وبقي يساعد فيني بقيت اتعامل معاهو بي طريقة حلوة قدام تالا هي نوعا ما كانت مبسوطة بس لسة ظاهر عليها التعب🥴😵 خلصنا اكل قلتا لي ننومها مع بعض انت احكي ليها قصة وانا بكون جمبها علشان تطمن مرة اسبوع بي الحالة دا تعاملي مع مصطفي قدام تالا شكل ولما نكون برانا بختلف خالص💔😰 عملنا ليها جلستين في الأسبوع دا الدكتور طمنا انها حتبقي كويسة بس محتاجة شوية وقت
مصطفي كان دبلان وكل يوم ماشي في اسواء ملاحظة ليهو ما بياكل وبدخن كتييير حتى وقف محاولات انو يعتذر لي علشان ارجع ليهو😭💔 طبيعي سرحان يعني كان داخل في حالة اكتئاب انا كنت قلقانة عليهو شديد بس ما مظهرة ليهو دا خالص لقايت ما في يوم جاتني صحية نص الليلة مشيت اشرب في المطبخ لما طلعتا لقيتو واقع في الأرض😭💔 وجمبو كمية بتاعت سجاير مبااالغة ماعرفتا اتصرف كيف جبتا مويا وغسلتا لي وشو بس لسة ما فاق جريت جبتا ريحة ورشيتا حولينو ورشيت في يدي وقربتها من انفو بدا يفوق شويا شويا😣😵 سندتو ودخلتو غرفتو رقدتو في السرير قلتا لي انت لي بتعمل في نفسك كدة ماردا علي قلتا لي انت مجنون صح بتحاول توصل لي شنو يعني مفتكرني حتاثر بي حركاتك دي يعني انت لازم تفوق وتعقل عندك بت محتاجة ليك جمبها🙄😫 انت كدة بتخسرها برضو كان ساكت مشيت هزيتو قلتا لي انت سامعني ولا لا قام على حيلو وبقي يلف في الغرفة بي طريقة عشوائية وبرفع في راسو ومرة يخت يدينو في وشو ومرة في راسو🙆🏻♂️🙆🏻♂️ وبتنفس بي صوت عالي او بي الاصح بتنهد فجاءة اتلفت علي وقال لي انا بموووت بي البطئ ياريل انا ما قااادر استحمل اكتر من كدة انا تعبان انا حالتي ما احسن من تالا بي كتير💔😭 انا عارف نفسي خسرتك وعارف نفسي غلطان بس ماقادر اعيش بدونك ماحا اقدر اقاوم بدونك انا محتاج ليك معاي ولا اقسم بالله حا اجن انا ما عارف اعمل شنو علشان ترضي عني عارف غلطتا في حقك مرة واثنين وثلاثة واخر حاجة عملتها ما بتغتفر بس ما قادر ياريل💔😭 انا بحبك اكتر من نفسي ما عارف لي باازيك قدر دا ريل ريحيني اعملي اي حاجة في الدنيا دي بس خليني ارتاح ريل انا تعبااان ماعارف اعمل شنو وريني على حاجة تريحني انا ماعارفة حاجة غير اني بحبك ما عايز منك حاجة ريل انا بحبك وبقي يبكي بي اعلي صوت عندو😭💔