رواية زواج في الحرب
الفصل الخامس5
بقلم اماني الروح
تاني يوم من الصباااح مشيت لي تالا زي ما وعدتها وصحيتا من النوم توتا حبيبتي صحي النوم فتحت عيونها وابتسمت لي 😊😚 قلتا ليها يلاااا عندنا حاجات كتييير عايزين نعملهاااا بطلي كسل شلتها غسلتا ليها وشها وانا اطالعة الشارع كدة لقيت مصطفي في وشي تالا طوالي مسكتني من يدي قلتا ليها نقول لي بابا صباح الخير🤩🥰 بقت ساااكتة وما ادت اي رد فعل نزلتا ليها تحت وبقيت على مستوى وشها وختيت يديني في خدودها قلتا ليها اتفقنا علي شنو نحن مش قلنا انك شاطرة وبتسمعي الكلام عاينت لي مسااافة ورفعت راسها قالت ليهو صباح الخير 🫠☺️ اول مرة اشوف مصطفي مبتسم نزل ليها وقال ليها احلى صباح على احلى تالا ماردت عليهو تاني ولا حتى اتفاعلت .. قال لي ماشين وين قلتا ليهو طالعين الدكان نجيب حاجات 😇🤤 قال لي طيب ارح انا حا امشي معاكم توتا رفعت لي يدينها عايزاني اشيلها قلتا ليها لا انتي بت كبيرة وعيب اشيلك تمشي بي رجلينك عاينت لي بي يأس كدة ومسكت يدي ومشينا انا وهي وابوها ☺️😊 اي مشينا لي حسن الثقيل اول ما شافني بقي يتكشم قال لي ماشاء الله جبتيها متين دي قلتا لي ما شغلتك ابدا وهاك اديني بسكويت وحليب وكم شوكلاتة كدة مصطفى هنا ظهر وقال ليهو اديها الحاجات القالت عليهم ورجع ليها قروشها 🤫🫨 كنت عايزة انفصم فيهو بس عاينتا لي تالا وقلتا مافي داعي انفعل واعلي صوتي هي براها خايفة شلتا حاجاتي ومشيت قدامو عايزة اخش بيتنا كدة ناداني ريل شكرا ليك كتيييير على البتعمليهو مع تالا 😊😇 أبيت ارد
عليهو وطوالي دخلتا البيت كبيت ليها الحليب واديتها معاهو البسكويت قالت لي افتحيه لي قلتا ليها حاولي انتي تفتحيهو فعلا حاولت وبعد معافرة حتى قدرت تفتحو وبدت تاكل بس الظاهر ما حصل اكلت براهااا لانهااا جاطت الحتة كلها ووسخت فستانها اللبساهو قلتا مامشكلة شويا شويا تتعلم ولازم تبدأ تعتمد على نفسها 😪🤧 ناديت نسمة بي الحيطة قلتا ليها تالا عندها العاب شنو قالت لي عندها عرايس وعندها مكعبات ودباديب قلتا ليها اديني المكعبات ولو عندها الوان ودفتر رسم برضو جيبيهم قالت لي بس هي ما بتحب تلعب بي الألعاب حا ارفع ليك الايباد حقها 👩💻🗣 قلتا ليهااا لالا بس انتي جيبي القلتا ليك عليهم ديل وفعلا جابتهم لي وخليتهم قدامها قلتا ليها رايك شنو نعمل أشكال بي المكعبات دي قعدت جمبي بدون اهتمام وبقت تتفرج بي عيونها بدون ما تشارك 🤨😐
انا اتعمدتا اركب المكعبات غلط واشوفها حتعمل شنو قالت لي كدة غلط ما بعملوهم كدة قلتا ليها طيب رايك شنو تعلميني أنتي ابتسمت قالت لي انتي مابتعرفي قلتا ليها لا ما حصل لعبتا بيهم وفعلا بدت تعلم فيني وعملت أشكال كتيرة وبي مهارة شديدة انا زاتي لما استغربتا فضلنا ساعتين بنلعب 😌😔 قالت لي ماما انا جعااانة قلتا ليها يلااااا المطبخ نعمل اكل ومشينا جينا المطبخ وقلبنا كل العلب الفيهو وتوتا كانت بتساعد فيني وهي مبسوطة وبتضحك بي صوت 🤣😂 بعد اكلنا وخلصنا سمعتا صوت خالتو سامية وعمو احمد قاعدين برا قلتا ليها توتا حبيبتي لازم نطلع نسلم عليهم 🫣🤗قالت لي لا قلتا ليها لي قالت لي حيسوقوني معاهم وانا ماعايزة امشي قلتا ليها مافي زول بعمل حاجة غصبا عنك انتي بس اسمعي كلامي البقولو ليك نطلع برا زي الشاطرين ونسلم عليهم😵😵💫 قالت لي طيب شلتها وطلعنا وفعلا سلمت عليهم هم كانو مبسوطين شديد من التطور الحاصل دا شكلهم جو من بدري لانو بعد سلمنا عليهم طوالي قالو ماشين🥳🤠 وهم طالعين قالو لي امي منتظرين ردكم باقي اليوم دا لانو مافي وقت امي قالت ليهم ان شاء الله يحصل خير وطلعو على كدة توتا ابتسمت لي نظام خلوني معك☺️😊 .. طبعا الشماااار حرقني شديد لازم اعرف هم منتظرين الرد على شنو امي قدمتهم وجات داخلة لقتني شابة ليها في رقبتها لمن اتهجمت قالت لي انتي يوم والله حتجيبي الجلطة بس لتاختك البتعملي فيها دي🫨🤕 .. قلتا ليهااا الشمااار شنو يا حجة ومنتظرين ردك على شنو ياااا سمسم امي اسمها سمية طبعا قالت لي كدي خليني استوعب اول شي الكلام القالو دا وبعدين احكي ليك🤐🤨 انتظرتا دقيقتين وتاني جيت اندرعتا فيهااا اها ان شاء الله تكوني استوعبتي حصة الكيمياء دي ياااخ احكي ما تشحتفي روحي قالت لي مصطفى أتقدم ليك🥺🥹 وقالو لو وافقتي العرس حيكون خلال أسبوع علشان هم مسافرين الإمارات عن طريق السعودية يعني بي الباخرة عن طريق بورسودان🥹🥺 .. رصت لي الكلام دا بي النص وانا متنحة فيها قلتا ليها منظراك توريني الشمار قالت لي انتي مسطولة وانا من قيبيل بقول في شنو😳😳 .. قلتا ليهااا دقيقة دقيقة انا ما مستوعبة كلامك دا رفعت حاجبة🤨🤨 وقالت لي ياهااا دي حصة الكيمياء الكنت بستوعب فيها قبل شويا اهااا رايك شنو 🤔🤔